ដំណឹងប្រាំពីរ: IOS

IOS

Showing posts with label IOS. Show all posts

ក្នុងរយៈពេលថ្មីៗនេះមានព័ត៌មានមួយចំនួនបាននិយាយពីរូបរាងរបស់ទូរស័ព្ទទំនើបជំនាន់ថ្មីរបស់ក្រុមហ៊ុន Apple ដែលមានតម្លៃទាបជាង iPhones ផ្សេងៗដែលធ្លាប់ចេញនាពេលកន្លងមក ។ ទូរស័ព្ទទំនើបមួយនោះគឹ iPhone តម្លៃទាប បើយោងតាមប្រភពចចាមអារ៉ាមដែលបានចេញចាប់តាំងពីចុងឆ្នាំ២០១២ រហួតមកទល់បច្ចុប្បន្ននេះបានឲ្យដឹងថា Apple នឹងផ្ដល់នូវ iPhone តម្លៃទាបជាច្រើនពណ៌សម្រាប់ជ្រើសរើស ដោយប្រភពខ្លះថាអាចនឹងមានដល់ទៅ៦ពណ៌ ។

អ្វីដែលប្រិយមិត្តគួរចាប់អារម្មណ៍នោះគឺកាលពីខែមីនាដើមឆ្នាំនេះប្រភពមួយបានបង្ហាញពីគំរូ iPhones តម្លៃទាបដល់ទៅពីរម៉ូដែលគឺ iPhone តម្លៃទាបដែលមានអេក្រង់ទំហំ 4-inch និងមួយម៉ូដែលទៀតមានទំហំ 4.5-inch ។ សូមបញ្ជាក់ថាគំរូ iPhones ទម្លៃទាបទាំងពីរម៉ូដែលនោះត្រូវបានរចនានិងបង្កើតឡើងដោយ លោក Martin Hajek ដែលជាអ្នកជំនាញខាងរចនាផលិតផលគំរូ ។ សម្រាប់ពេលនេះយើងខ្ញុំសូមបង្ហាញជូនប្រិយមិត្តនូវគំរូ iPhone តម្លៃទាបដែលផលិតដោយ លោក Martin Hajek ដដែល ប៉ុន្តែមានបង្ហាញ Menu screen ជាមួយ iOS 7 និង មានចំនួន ៥ពណ៌ ។

កាលដើមសប្ដាហ៍ទី១នៃខែកក្កដានេះប្រភពពីគេហទំព័រ MacRumors បានបង្ហាញនូវគំរូទូរស័ព្ទ iPhone តម្លៃទាបដែលមើលទៅគួរឲ្យចាប់អារម្មណ៍ ហើយគំរូ iPhone តម្លៃទាបនោះត្រូវបានរចនាឡើងដោយក្រុមហ៊ុន Ciccarese Design ។ បើផ្អែកតាមប្រភពពី Mashable នៅពេលនេះគេឃើញថាគំរូ iPhone តម្លៃទាបដែលរចនានិងបង្កើតឡើងដោយ លោក Martin Hajek ពិតជាមានរូបរាងគួរឲ្យចាប់អារម្មណ៍ខ្លាំងណាស់ ប៉ុន្តែទោះជាយ៉ាងណាទាំងនេះគ្រាន់តែជារូបគំរូតែប៉ុណ្ណោះ ចំពោះរូបរាងពិតរបស់ iPhone តម្លៃទាបយ៉ាងណានោះសូមប្រិយមិត្តរង់ចាំការបង្ហាញដោយផ្ទាល់ពីក្រុមហ៊ុន Apple ៕

រូបគំរូផលិតដោយ Ciccarese Design

រូបភាពគំរូ iPhone តម្លៃរបស់ លោក Martin Hajek

តើប្រិយមិត្តពេញចិត្តនិងចង់ឲ្យ iPhone តម្លៃទាបមានរូបរាងដូចរូបគំរូរបស់ លោក Martin Hajek ឬ ដូចរូបដែលរចនាដោយ Ciccarese Design ? សូមបញ្ចេញមតិក្នុងប្រអប់ខាងក្រោម៖

ក្រុមហ៊ុន Apple បានបញ្ចេញកុំព្យូទ័របន្ទះស្ដើង iPad mini និង iPad 4 តាំងពីចុងខែតុលា ឆ្នាំ២០១២ មកម៉្លេះ ហើយបើគិតមកដល់ពេលនេះវាមានរយៈពេលជាង៨ខែហើយ ។ សូមរំលឹកផងដែរថាបន្ទាប់ពីក្រុមហ៊ុនបានបញ្ចេញកុំព្យូទ័របន្ទះស្ដើងទាំងពីរបានមួយរយៈពេលមក ពាក្យចចាមអារ៉ាមទាក់ទងនឹងរូបភាពព្រមទាំងលក្ខណសម្បត្តិបច្ចេកទេសខ្លះៗរបស់កុំព្យូទ័របន្ទះស្ដើងទាំងពីរត្រូវបានចេញជាបន្តបន្ទាប់ ។

ដោយឡែកប្រភពមួយផ្សេងទៀតដែលបង្ហាញកាលពីចុងខែឧសភាបានអះអាងថាក្រុមហ៊ុន Apple ត្រូវតែបង្ខំចិត្តចេញ iPad mini ដែលមានតម្លៃ $200 ឲ្យបានត្រឹមបំណាច់ឆ្នាំ២០១៣ ដូច្នេះតើកុំព្យូទ័របន្ទះស្ដើងមួយនោះអាចជា iPad mini 2 ដែរឬទេ? ចំណែកឯកាលពីខែមេសាឯនោះវិញក៏ធ្លាប់មានលេចចេញនូវតួផ្នែកខាងក្រោយរបស់ iPad 5 ផងដែរដែលមើលទៅដូច iPad Mini ។

សូមបញ្ជាក់ថាមកទល់ពេលនេះក្រុមហ៊ុន Apple មិនទាន់បានបង្ហើបឲ្យដឹងនៅឡើយទេទាក់ទងនឹងកាលបរិច្ឆេទប្រកាសចេញ iPad mini 2 និង iPad 5 ប៉ុន្តែបើយោងការប៉ាន់ស្មានគេជឿថាក្រុមហ៊ុនអាចនឹងបញ្ចេញកុំព្យូទ័របន្ទះស្ដើងទាំងពីរនៅចុងខែកញ្ញា ឬ ដើមខែតុលាឆ្នាំ២០១៣ ៕

រូបភាពផ្នែកខាងក្រោយរបស់ iPad mini 2 (ខាងស្ដាំ) ធៀបនឹង iPad mini

រូបភាពគំរូ iPad 5 ដាក់ធៀបនឹង iPad mini

ខាងក្រោមជាតួខាងក្រោយ និងផ្នែកខាងមុខនៃ iPad 5 ដែលធ្លាប់លេចចេញនាពេលកន្លងមក៖

បន្ទាប់ពីបានពិនិត្យលើរូបភាគំរូរបស់ iPad 5 ដែលបានលេចចេញនាពេលកន្លងមកទាំងនេះ តើប្រិយមិត្តយល់ថាដូចម្ដេចដែរ? សូមបញ្ចេញមតិក្នុងប្រអប់ខាងក្រោម៖

លោក Brian Marshall មកពីស្ថាប័នវិភាគ ISI Group បានឲ្យដឹងថា ក្រុមហ៊ុន Apple លក់ iPhone 5 បានចំនួន ២០លានគ្រឿងតែក្នុងរយៈពេល ២៥ថ្ងៃ ចំណែកក្រុមហ៊ុន Samsung វិញ រហូតដល់ទៅ ៦០ថ្ងៃទើបបាន ២០លានគ្រឿង ដូច្នេះមានន័យថា ការលក់ Galaxy S4 មានសន្ទុះយឺតជាង iPhone 5 ឆ្ងាយ។

ក្រុមអ្នកវិភាគបានឲ្យដឹងបន្ថែមទៀតថា ក្នុង១ថ្ងៃ ក្រុមហ៊ុន Apple លក់ iPhone 5 បានចំនួន ៨០៥.០០០គ្រឿង ចំណែកឯ Samsung វិញលក់បានត្រឹមតែ ៣៣៣.០០០គ្រឿងប៉ុណ្ណោះ ហើយនៅពេល Apple បង្ហាញ iPhone ជំនាន់ថ្មីជឿជាក់ថា តួលេខនៃការលក់មិនចាញ់ iPhone 5 នោះទេ ពោលអាចនឹងលើស iPhone 5 ច្រើនទៀតផង៕

គួបញ្ជាក់ថា កាលពីថ្មីៗនេះ ក្រុមហ៊ុន Samsung បានប្រកាសថា ខ្លួនលក់ស្មាតហ្វូន Galaxy S4 បានចំនួន ២០លានគ្រឿង ក្នុងរយៈពេល ២ខែ ប៉ុន្តែក្រុមអ្នកវិភាគបាននិយាយថា តួលេខដែល Samsung លក់ Galaxy S4 នោះ គឺតិចជាងពាក់កណ្ដាលនៃការលក់ iPhone 5 នៅឡើយទេ៕

យោងតាមរបាយការណ៍របស់ Bloomberg បានអោយដឹងថា ក្រុមហ៊ុន Apple បានស្នើរសុំ សិទ្ធិផ្លាកសញ្ញា “iWatch” នៅប្រទេសជប៉ុន ដែលបញ្ជាក់ថា ការលេចលឺកន្លងមក ទាក់ទងនឹងនាឡិកាឆ្លាតវ៉ៃ iWatch គឺជារឿងពិតប្រាកដ។

ប្រភពបានបន្តទៀតថា ការស្នើរសុំ បានកើតឡើងតាំងពី ថ្ងៃទី 3 ខែមិថុនា មកម្ល៉េះ ហើយទើបតែលេចធ្លាយព័ត៌មានកាលពីអាទិត្យមុន។ ការស្នើរសុំសិទ្ធផ្លាកសញ្ញា គឺជាការងារមួយដែលក្រុមហ៊ុនធំៗធ្វើឡើង ដើម្បីការពារផលិតផលរបស់ខ្លួនពីការលួចចម្លង និងយកឈ្មោះ ទៅប្រើផ្តេសផ្តាស់។

បើទោះជា Apple មិនទាន់បានប្រកាសជាផ្លូវការនូវផលិតផល “iWatch” តែបើតាមរបាយការណ៍កន្លងមក បានអះអាងថា ក្រុមហ៊ុន Apple បានបង្កើតក្រុមការងារដែលមានបុគ្គលិកជាង 100នាក់ ធ្វើការក្នុងគំរោង “iWatch” នេះ ហើយនេះនឹងក្លាយជាផលិតផលមួយដ៏ធំ បន្ទាប់ពី iPad និង iPhone ដែលគេជឿថា អាចស្តារឡើងវិញនូវតំលៃភាគហ៊ុនរបស់ Apple៕

ធ្លាប់មានប្រភពចចាមអារ៉ាមថាក្រុមហ៊ុន Apple នឹងប្រកាសចេញជាផ្លូវការនូវទូរស័ព្ទទំនើប iPhone 5S និងប្រកាសឲ្យអតិថិជនទាញយកប្រព័ន្ធប្រតិបត្តិការ iOS 7 នៅក្នុងខែកញ្ញា ហើយឥឡូវនេះមានសេចក្ដីរាយការណ៍មួយទៀតថានឹងប្រកាសចេញ iPhone 5S ដែលបំពាក់ដោយ LTE-A មួយម៉ូដែលទៀតផងដែរ ។

ក្រុមហ៊ុននឹងបញ្ចេញម៉ូដែលពិសេសនេះនៅក្នុងប្រទេសកូរ៉េខាងត្បូង (សម្រាប់ប្រើជាមួយនឹងប្រព័ន្ធសេវាថ្មី (4G LTE-Advanced) របស់ក្រុមហ៊ុនផ្គត់ផ្គង់សេវា SK Telecom ) ថ្មីៗនេះក្រុមហ៊ុន Samsung ទើបតែបានប្រកាសចេញនូវទូរស័ព្ទទំនើប Galaxy S4 LTE-A ដូច្នេះវាប្រហែលជាអាចទៅរួចដែលថាក្រុមហ៊ុន Apple នឹងបញ្ចេញ iPhone 5S LTE-A ដើម្បីប្រកួតនឹង Samsung នោះ ។ បើផ្អែកតាមប្រភពចចាមអារ៉ាមដែលធ្លាប់ចេញនាពេលកន្លងមកបានឲ្យដឹងថា iPhone 5S នឹងមានរូបរាងមិនខុសពី iPhone 5 ប៉ុន្មានទេ ប៉ុន្តែអ្វីដែលត្រូវបានកែប្រែឲ្យប្រសើរជាងម៉ូដែលមុននោះគឹ CPU, RAM និង កាមេរ៉ា ។

លក្ខណសម្បត្តិបច្ចេកទេសទាំងនេះគឹទទួលបានពីប្រភពចចាមអារ៉ាមនៅឡើយទេ ចំពោះលក្ខណសម្បត្តិបច្ចេកទេសពិតយ៉ាងណានោះ សូមប្រិយមិត្តរង់ចាំការបញ្ជាក់ដោយផ្ទាល់ពីក្រុមហ៊ុន Apple ៕

iOS 7 បច្ចុប្បន្នត្រូវបានក្រុមហ៊ុន Apple បានដាក់ចេញនូវកំណែ Beta សម្រាប់អ្នក developers ប៉ុណ្ណោះ ដែលចុងក្រោយនេះក្រុមហ៊ុនទើបតែបានចេញនូវកំណែ Beta ជាលើកទីពីរ ដែលហៅថា iOS 7 Beta 2 ។ ដោយឡែកបើយោងទៅតាមព័ត៌មានចុងក្រោយនេះបានឲ្យដឹងថា ក្រុមហ៊ុន Apple គ្រោងនឹងចេញនូវ iOS 7 Beta 3 បន្តទៀតនាថ្ងៃទី៨ ខាងមុខ ។

iOS 7 ដែលត្រូវបានរចនាឡើងជាមួយនឹងរូបរាងដ៏ថ្មីប្លែកភ្នែក ហើយប្រព័ន្ធប្រតិបត្តិការនេះត្រូវបានគេរំពឹងថា ក្រុមហ៊ុននឹងដាក់ចេញឲ្យទាញប្រើជាផ្លូវការនាខែកញ្ញា ខាងមុខជាមួយនឹងការប្រកាសចេញនូវទូរស័ព្ទទំនើប iPhone 5S ។ ដោយឡែកបើយោងទៅតាមប្រភព Geeky-Gadgets បានដឹងថា ពេលនេះប្រព័ន្ធប្រតិបត្តិការ iOS 7 របស់ក្រុមហ៊ុន Apple ត្រូវបានគេ Jailbreak រួចរាល់ហើយដោយ developer ដែលមានឈ្មោះ Ryan Petrich ។ តាមប្រភពដដែលបានឲ្យដឹងបន្ថែមថា បន្ទាប់ពីបាន Jailbreak រួច Ryan Petrich បានធ្វើការបង្ហោះនូវរូប iPod Touch ដែលកំពុងដំណើរការដោយ iOS 7 Beta និងជារូបដែលបញ្ជាក់ថា បាន Jailbreak រួចរាល់ ។

សូមបញ្ជាក់ថា មិនមានព័ត៌មានលំអិតពីការប្រកាសចេញនូវ iOS 7 jailbreak ជាផ្លូវការនៅឡើយទេ ។ ដោយឡែកគេមន្ទិលថា iOS 7 jailbreak អាចនឹងត្រូវដាក់ចេញឲ្យទាញយកភ្លាមៗបន្ទាប់ពីក្រុមហ៊ុន Apple ប្រកាសចេញ iOS 7 របស់គេសម្រាប់សាធារណៈជនជាផ្លូវការ ៕

ចាប់តាំងពីចុងឆ្នាំ២០១២ រហូតមកទល់ពេលនេះប្រិយមិត្តតែងតែទទួលបាននូវព័ត៌មានទាក់ទងនឹងទូរស័ព្ទទំនើបរបស់ក្រុមហ៊ុន Apple ដែលស្ថិតក្នុងខ្សែស្រឡាយ iPhone ប៉ុន្តែមានតម្លៃទាបមិនគួរឲ្យជឿព្រោះថាប្រភពខ្លះអះអាងថាវាអាចនឹងមានតម្លៃ $99 និងប្រភពមួយចំនួនទៀតថាថ្លៃពី $300 – $350 ។ បើយោងតាមប្រភពមុនៗមកបានឲ្យថាមានអ្នកវិភាគមួយចំនួនថា iPhone តម្លៃទាបនឹងមានតួធ្វើពីប្លាស្ទិកនិងមានច្រើនពណ៌សម្រាប់ជ្រើសរើស ។

ព័ត៌មានដែលធ្លាប់ចេញនោះរួមមាន៖ «លេចចេញជាថ្មីនូវគំរូ iPhones តម្លៃទាបដែលមានអេក្រង់ 4-inch និង 4.5-inch» «គំរូ iPhone តម្លៃទាបមានតួផ្នែកខាងក្រោយធ្វើពីប្លាស្ទិកពណ៌ថ្លា» និងពេលថ្មីៗចុងខែមិថុនាកន្លងទៅនេះក៏មានប្រភពថ្មីមួយបានបង្ហាញពីរូបភាពគំរូ iPhone តម្លៃទាបដំណើរការដោយ iOS 7 ផងដែរ ។ ដោយឡែកពេលនេះមានរូបភាពសំបក iPhone ដែលត្រូវបានគេអះអាងថាជា iPhone ទម្លៃទាបត្រូវបានបង្ហាញដោយប្លក់របស់ចិនដោយទទួលបានពីប្រភពមិនបញ្ចេញឈ្មោះមួយដែលមានទំនាក់ទំនងទៅនឹងរោងចក្រ Foxconn ។

គេជឿថាក្រុមហ៊ុន Apple នឹងបញ្ចេញទូរស័ព្ទទំនើបតម្លៃទាបដែលស្ថិតក្នុងខ្សែស្រឡាយ iPhone នៅចុងឆ្នាំ២០១៣ នេះ ប៉ុន្តែទោះជាយ៉ាងណាទាំងនេះគ្រាន់តែជាព័ត៌មានដែលទទួលបានពីប្រភពចចាមអារ៉ាមនិងការសន្និដ្ឋានរបស់អ្នកវិភាគតែប៉ុណ្ណោះ ។ ចំពោះព័ត៌មានបន្ថែមទាក់ទងនឹង iPhone តម្លៃទាប សូមប្រិយមិត្តបន្តតាមដានការបញ្ជាដោយផ្ទាល់ពីក្រុមហ៊ុន Apple ជាមួយពពក ៕

តើប្រិយមិត្តយល់ថារូបភាពនេះពិតជាតួផ្នែកខាងក្រោយ iPhone តម្លៃទាបមែនឬជារូបភាពក្លែងក្លាយ? សូមបញ្ចេញមតិក្នុងប្រអប់ខាងក្រោម៖

EaseUS MobiSaver គឺជាកម្មវិធីប្រើសម្រាប់កុំព្យូទ័រ ដើម្បីធ្វើការស្វែងរកនូវរាល់ទិន្នន័យរបស់ទូរស័ព្ទ iPhone ឬកុំព្យូទ័របន្ទះស្ដើង iPad ដែលបានលុបបាត់ និងចង់ទាញរកមកវិញ ។ តាមរយៈកម្មវិធី EaseUS MobiSaver គេអាចធ្វើការស្វែងរកនូវទិន្នន័យដែលបាត់ទាំងនោះបានចំនួន១២ ប្រភេទផ្សេងគ្នា ។

ដោយឡែកចំពោះលទ្ធភាពដែលអាចស្វែងរកឡើងវិញនូវទិន្នន័យដែលបាត់ចំនួន ១២ ប្រភេទផ្សេងគ្នា អ្នកអាចធ្វើការស្វែងរកនូវទិន្នន័យដែលបាត់ដូចជា៖ Contacts, Messages, Call History, Calendar, Notes, Reminders, including Photos និង Videos ដែលបានថតជាមួយ iPhone/iPad ។ក្រៅពីនេះគេក៏អាចស្វែងរកទិន្នន័យចេញពី iTunes backup ផងដែរ ។

នៅពេលគេចង់ស្វែងរកឡើងវិញរាល់ទិន្នន័យដែលស្ថិតក្នុងចំណោម Media គេគ្រាន់តែចុចទៅលើ icon ដែលមានដាក់ថា Photos/videos នោះគេអាចរកទិន្នន័យដែលបាត់ទាំងនោះបានយ៉ាងងាយស្រួល ។

កម្មវិធី EaseUS MobiSaver អាចដំណើរការលើ Windows 8/7/Vista/XP, Windows Server 2008/Home Server និងអាចភ្ជាប់ជាមួយនឹង iDevice ដូចជា Phone, iPad, iPod touch ដែលមានប្រព័ន្ធប្រតិបត្តិការ iOS 4, iOS 5, iOS 6 និង iOS 7 ។

សូមបញ្ជាក់ថា កម្មវិធី EaseUS MobiSaver គេអាចទាយប្រើដោយ Free សម្រាប់ការប្រើនៅក្នុងផ្ទះ ប៉ុន្តែបើជាលក្ខណៈក្រុមហ៊ុនគឺប្រហែលជាត្រូវមានចំណាយខ្លះ ហើយកម្មវិធីនេះអាចដំណើរការទៅបានលុះត្រាតែកុំព្យូទ័រក៏មានដំឡើងនូវកម្មវិធី iTunes ផងដែរ ។ យ៉ាងណាមិញដើម្បីធ្វើការទាញយកកម្មវិធី EaseUS MobiSaver អ្នកអាចចុចលើតំណភ្ជាប់នេះដើម្បីចូលទៅកាន់គេហទំព័ររបស់ EaseUs ឬពុំដូច្នេះទេអ្នកអាចទាញយកកម្មវិធីតាមតំណភ្ជាប់នេះតែម្ដងដែលមានទំហំ 11.5MB ៕

មុនពេលដែលក្រុមហ៊ុន Apple បានដាក់ចេញនូវ iOS 7 Beta 2 ថ្មីសម្រាប់ developers ដែលអាចដំណើរការបានទាំងនៅលើ iPad អ្នកអានព័ត៌មានម្នាក់ក្នុងចំណោមអ្នកអានព័ត៌មានផ្សេងៗទៀតរបស់ប្រភព 9to5Mac បានរកឃើញលក្ខណៈសម្បត្តិថ្មីនៃ Siri របស់ iOS 7 អាចធ្វើការហៅឈ្មោះបានយ៉ាងត្រឹមត្រូវ ។

ពីដើមឡើយដើម្បីឲ្យ Seri អាចធ្វើការហៅឈ្មោះបានអ្នកប្រើត្រូវចូលទំកំណត់ “phonetic name” សម្រាប់ contact និង manually adjust ក្នុងការប្រកបរហូតទាល់តែ Seri អាចធ្វើការហៅនូវឈ្មោះនោះបានត្រឹមត្រូវ ។ ប៉ុន្តែឥលូវដូចជាអ្វីដែលប្រភព 9to5Mac បានកត់សំគាល់ អ្នកប្រើម្នាក់អាចនិយាយតាមលក្ខណៈយ៉ាងសាមញ្ញ “pronounce [insert name here]” ដើម្បីធ្វើការបញ្ចូលឈ្មោះទៅឲ្យ Seri អាចរៀនហៅ ។

សូមបញ្ជាក់ថា សម្រាប់ Seri នៅក្នុង iOS 7 គេក៏អាចធ្វើការកំណត់សំឡេងដែលត្រូវឆ្លើយតបជាប្រុស ឬក៏ស្រីផងដែរ ។ យ៉ាងណាមិញស្របពេលដែលការរៀនហៅឈ្មោះរបស់ Seri ស្ថិតនៅក្នុង iOS 7 Beta 1 គេនៅមិនទាន់បានដឹងនៅឡើយទេថា សម្រាប់កំណែ iOS 7 Beta 2 ដែលទើបនឹងដាក់ចេញថ្មីអាចដំណើរការនូវលក្ខណៈពិសេសនេះឬអត់ ៕

ទស្សនាវីឌីអូ Seri ក្នុង iOS 6 vs iOS 7 ៖

ប្រភព

បន្ទាប់ពីក្រុមហ៊ុន Apple បានធ្វើការប្រកាសដាក់ចេញនូវ iOS 7 Beta សម្រាប់អ្នក developers មក មានមនុស្សជាច្រើនក៏ចង់ប្រើ និងទទួលបាននូវបទពិសោធន៍ថ្មីតាមរយៈប្រព័ន្ធប្រតិបត្តិ iOS Beta នេះផងដែរ ។ ទាំងនេះក៏ព្រោះតែការរចនាឡើងនៃ iOS 7 ហាក់មានភាពខុសគ្នាដាច់ពី iOS 6 និងមានបន្ថែមដោយពណ៌ធម្មតាជាតិចម្រុះយ៉ាងស្រស់ស្អាត និងគួរជាទីទាក់ទាញ ។

សូមបញ្ជាក់ថា ថ្វីបើក្រុមហ៊ុន Apple បានដាក់ចេញ iOS 7 Beta សម្រាប់អ្នក developers ដើម្បីប្រើសាកល្បងតែការប្រើសាកល្បងនោះមិនត្រូវបានផ្ដល់ជូនដោយស៊េរីនោះទេ គឺពូកគេត្រូវធ្វើការចុះឈ្មោះ និងត្រូវចំណាយប្រាក់ $99 ក្នុងមួយឆ្នាំដើម្បីទទួលបាននូវបទពិសោធន៍តាមរយៈប្រព័ន្ធប្រតិបត្តិការថ្មីនេះ ។ យ៉ាងណាមិញសម្រាប់លោកអ្នកដែលមិនមែនជាអ្នក developer ហើយចង់ដំឡើងនូវប្រព័ន្ធប្រតិបត្តិការ iOS 7 Beta ដោយចិត្តចង់ទទួលបាននូវបទពិសោធន៍ថ្មីតាមរយៈ iOS 7 មុនពេលដែលក្រុមហ៊ុនដាក់ចេញប្រើជាផ្លូវការណ៍ សូមអានពីហេតុផលមួយចំនួនដែលអ្នកមិនគួរដំឡើងនូវប្រព័ន្ធប្រតិបត្តិការ iOS 7 Beta នេះ ។

App Compatibility :

តាមសេចក្ដីរាយការណ៍បានឲ្យដឹងថា iOS 7 គឺមិនមានភាពគ្រប់គ្រាន់ក្នុងការដំណើរការជាមួយនឹង Apps មួយចំនួននោះទេ ហើយអ្នក developers ក៏មិនអាច update នូវ apps របស់ពួកគេផងដែរ រហូតដល់ពេលដែល កំណែ GM នៃ iOS 7 ត្រូវបានដាក់ចេញជាផ្លូវការ នាខែកញ្ញា ។

Bugs :

មាន bugs ជាច្រើនកំពុងត្រូវបានគេរាយការណ៍ បូករួមទាំងស្តុក apps ការបណ្ដាលឲ្យរងទង្គិច ឬ reboot នៅក្នុងពេលផ្សេងៗគ្នា ។ ចំពោះបញ្ហាទាំងនេះកំពុងត្រូវបានក្រុមហ៊ុន Apple រកនូវដំណោះស្រាយ និងធ្វើការជួសជុលពួកវាមុនពេលដាក់ចេញជាសាធារណៈ ។

Downgrade Issues :

បន្ទាប់ពី downgrade ទៅ iOS 6 ពី iOS 7 អ្នកនឹងមិនអាច restore នូវទិន្នន័យដែលបាន backup ពី iOS 7 បានឡើយ គឺមានតែទិន្នន័យ backup ចេញពី iOS 6+ ប៉ុណ្ណោះទើបអាច restore បាន ។

Lack of Jailbreak :

មិនទាន់មានកម្មវិធីណាមួយដែលអាចធ្វើការ Jailbreak នូវ iOS 7 នៅឡើយទេរហូតដល់ប្រព័ន្ធប្រតិបត្តិការនេះត្រូវបានប្រកាសចេញជាផ្លូវការ និងសាធារណៈ ។

Lack of Support :

ប្រសិនបើយើង download នូវ firmware ដោយមិនបានចុះឈ្មោះជា developer គឺវានឹងមិនអាចដំណើរការជាមួយនឹងកម្មវិធីផ្សេងៗរបស់ Apple ឬរបស់ក្រុមអ្នក developers ផ្សេងៗនោះទេ ។ ប្រសិនបើមានអ្វីដែលមិនប្រក្រតីវាក៏អាចហេតុដែលបណ្ដាលឲ្យបាត់បង់នូវឧបករណ៍របស់យើងផងដែរ ។

Not Optimized :

ជាការពិតណាស់ចំពោះការប្រើនូវ iOS 7 កំណែ Beta គឺមិនទាន់មាននូវភាពប្រសើរនូវឡើយទេ ហើយវានឹងមិនអាចប្រសើររហូតដល់ពេលដែលក្រុមហ៊ុន Apple អាចទទួលបាននូវព័ត៌មានគ្រប់គ្រាន់ទៅនឹងកំហុសទាំងឡាយដែលកើតមាន និងធ្វើការជួសជុលឲ្យមានភាពប្រសើរឡើងវិញ ។

Expectations :

សេចក្ដីសង្ឃឹមទុកទៅនឹង iOS 7 មិនសុទ្ធតែអ្នកប្រើគ្រប់រូបមានភាពរីករាយទៅនឹងប្រព័ន្ធប្រតិបត្តិការថ្មីនេះទេ ទាំងនេះគឺដោយសារតែ bugs ជាច្រើននិងកង្វះខាតនៃល្បឿន ក៏ដូចជាមិនទាន់ធ្វើឲ្យមានភាពប្រសើរនៅឡើយ ។ យ៉ាងណាមិញកំណែ Beta ត្រូវបានដាក់ចេញសម្រាប់តែអ្នក developers តែប៉ុណ្ណោះ ដូច្នេះអ្នកឯទៀតដែលប្រើប្រាស់ចាកចេញពីគោលដៅក្នុងការ អភិវឌ្ឍកម្មវិធី ពួកគេនឹងអាចទទួលនូវអារម្មណ៍នៃការខកចិត្តច្រើន ។

iOS 7 នៅតែជាប្រព័ន្ធប្រតិបត្តិការដ៏ថ្មី និងមានភាពក្មេងខ្ចី ដូច្នេះភាពច្របូកច្របល់ជាច្រើនក៏កំពុងតែមាននូវក្នុងប្រព័ន្ធប្រតិបត្តិការនេះផងដែរ ។ ដោយឡែកនៅពេលដែលអ្នកមិនអាចរង់ចាំនូវការប្រកាសចេញជាផ្លូវការនូវ iOS 7 ក្រោយកំណែ Beta អ្នកចាំបាច់ត្រូវស្វែងយល់ឲ្យបានច្បាស់លាស់សិនមុនការសម្រេចចិត្ត ៕

កន្លងមកប្រិយមិត្តធ្លាប់បានទទួលនូវពាក្យចចាមអារ៉ាមជាច្រើនដែលនិយាយទាក់ទងទៅនឹងអនាគតនៃទូរស័ព្ទទំនើប iPhone របស់ក្រុមហ៊ុន Apple ។ ដោយឡែកពេលនេះយើងទើបតែទទួលបាននូវវីឌីអូថ្មីមួយដែលត្រូវពាក្យចចាមអារ៉ាមនិយាយថា ជាគំរូ iPhone មានអេក្រង់ 5.7-inch ឬហៅថាទូរស័ព្ទប្រភេទ Phablet របស់ក្រុមហ៊ុន ។

កាលពីពេលជាង១ខែមុនយើងបានទទួលនូវព័ត៌មានពីមកប្រភព Reuters បានចេញផ្សាយថា “Apple ពិចារណាលើគម្រោងផលិត iPhones 4.7 & 5.7-inch និង iPhone តម្លៃ $99″ ។ ដូច្នេះដើម្បីធ្វើការពង្រីកនូវទីផ្សារប្រកួតជាមួយនឹងក្រុមហ៊ុន Samsung ដែលកំពុងទទួលបានប្រជាប្រិយភាពស្ទើរគ្រប់តំបន់ តើក្រុមហ៊ុន Apple អាចនឹងផលិតចេញនូវ iPhone អេក្រង់ 5.7-inch ដែលជាប្រភេទ Phablet ដូចជាពាក្យចចាមអារ៉ាមដែលឬទេ ? បើបច្ចុប្បន្នមានក្រុមហ៊ុនផលិតទូរស័ព្ទជាច្រើនកំពុងបញ្ចេញនូវ Phablet របស់ខ្លួនជាបណ្ដើរៗ ដូចជាក្រុមហ៊ុន LG ជាដើម ។

ចំពោះវីឌីអូដែលជាគំរូរបស់ទូរស័ព្ទ iPhone អេក្រង់ 5.7-inch ត្រូវបានគេរចនាឡើងយ៉ាងពិសេសជាមួយនឹងប្រព័ន្ធប្រតិបត្តិការថ្មី iOS 7 ដែលធ្វើឲ្យទូរស័ព្ទនេះមើលទៅគួរឲ្យទាក់ទាញ ។ ដើម្បីជ្រាបកាន់តែច្បាស់ពីរូបរាងនៃគំរូទូរស័ព្ទ iPhone 5.7 សូមទស្សនាវីឌីអូខាងក្រោមទាំងអស់គ្នា !

វីឌីអូគំរូ iPhone 5.7-inch :

ប្រភព

Share on facebook Share on gmail Share on twitter Share on google_plusone_share

កាលពីពេលមុនៗ ពពកធ្លាប់ទទួលបាននូវរូបភាពជាច្រើនដែលទាក់ទឹងទៅនឹងទូរស័ព្ទទំនើប iPhone 5S ។ យ៉ាងណាមិញនៅក្នុងខែនេះ យើងសង្កេតឃើញថារូបភាពដែលបង្ហាញពីផ្នែកផ្សេងៗនៃទូរស័ព្ទ iPhone 5S ត្រូវបានលេចចេញជាច្រើននិងជាបន្តបន្ទាប់ ហើយក្នុងរយៈពេលថ្មីៗនេះយើងក៏ទើបតែទទួលបាននូវផ្នែកខាងមុខរបស់ទូរស័ព្ទ iPhone 5S ផងដែរ ។

រូបភាពបន្ទះ board មេ របស់ iPhone 5S (រូបខាងឆ្វេង) និង iPhone 5 (រូបខាងស្ដាំ) :

បន្ទាប់ពីលេចចេញនូវផ្នែកខាងមុខរបស់ទូរស័ព្ទទំនើប iPhone 5S ពេលនេះយើងទើបតែទទួលបាននូវរូបភាពថ្មីផ្សេងៗទៀតដែលជាផ្នែកខាងក្រោយរបស់ទូរស័ព្ទវិញម្ដង ។ កន្លងមកមានប្រិយមិត្តជាច្រើនបានលើកសំនួរថា បើផ្នែកខាងមុខនៃ iPhone 5S មិនមានអ្វីខុសប្លែកគ្នាច្រើនទៅនឹង iPhone 5 ដូចច្នេះតើផ្នែកខាងក្រោយរបស់ទូរស័ព្ទអាចខុសគ្នាឬទេ ? ឥឡូវចម្លើយសម្រាប់សំនួរនេះត្រូវបានបកស្រាយហើយដូច្នេះសូមប្រិយមិត្តតាមដាននូវលក្ខណៈរូបផ្នែកខាងក្រោយរបស់ទូរស័ព្ទ iPhone 5S ទាំងអស់គ្នា តើមានអ្វីដែលដូចគ្នា និងខុសគ្នាទៅនឹង iPhone 5 ខ្លះ ?

iPhone 5S :

បន្ទាប់ពីបានសង្កេតទៅលើរូបរាងផ្នែកខាងក្រោយដែលជាគ្រឿងម៉ាស៊ីន និងរូបរាងខាងខ្នងរបស់ទូរស័ព្ទ iPhone 5S មក ប្រភព MacRumors បានលើកយកនូវអ្វីដែលជាចំណុចសំខាន់ដូចខាងក្រោម៖

ការពិនិត្យទៅលើបន្ទះ board មេ (logic board) គឺដូចគ្នាទៅនឹងការលេចចេញកាលពីថ្ងៃមុន ភាពខុសគ្នាទាំងស្រុងទៅនឹងបន្ទះ board មេរបស់ iPhone 5 ។
បន្ទះ chip មិនមានបង្ហាញពី A-series ណាឲ្យច្បាស់នោះទេ ដូចជាការបញ្ជាក់ដោយ A6 នៅក្នុង iPhone 5 ជាដើម ។ ប៉ុន្តែនៅផ្នែកខាងក្រោមមានដាក់លេខកូដ “1243″ ជាសញ្ញាប្រាប់ថា វាជាបន្ទះ chip ដែលបានផលិតក្នុងសប្ដាហ៍ទី៤៣ នៃឆ្នាំ២០១២ គឺកំឡុងចុងខែតុលា ។ តាមរយៈនេះហាក់មានភាពស្រពិចស្រពិលបន្តិចព្រោះថា គេមិនដឹងថាវាគ្រាន់តែជាគំរូទូរស័ព្ទដែលនឹងត្រូវបន្តប្រើបន្ទះ chip A6 ឬក៏ជាបន្ទះ chip ផ្សេងពីនេះ ។
ចំពោះថ្មទូរស័ព្ទមានបង់លេខ Apple Part Number (APN): 616-0652 បើធៀបទៅនឹងលេខដែលមាននៅលើ iPhone 5 ដូចជា 616-0611 និង 616-0613 គឺមានភាពខុសគ្នា ។ លើសពីនេះថាមពលថ្មហាក់មានបរិមាណច្រើនជាងមុនគឺ 5.92 Whr បើធៀបទៅនឹងបរិមាណ 5.45 Whr ដែលជាថាមពលថ្មរបស់ iPhone 5 ។ ប៉ុន្តែយោងទៅតាមរូបភាពដដែលគំរូថ្មនោះ គឺមិនទាន់ត្រូវបានទទួលការបញ្ជាក់នូវគុណភាពនៅឡើយទេ ។

ផ្នែកខាងខ្នង iPhone 5S :

ចំពោះរូបរាងខាងខ្នងរបស់ទូរស័ព្ទ iPhone 5S គឺហាក់ដូចជាអ្វីដែលមាននៅក្នុងពាក្យចចាមអារ៉ាម ព្រោះថា មានបំពាក់ដោយ LED flash ចំនួនដល់ទៅពីរ ឬហៅថា ‘Dual LED flash’ ។

រូបផ្នែកខាងមុខ iPhone 5 និង iPhone 5S:

ផ្នែកខាងខ្នងរបស់ iPhone 5:

សូមបញ្ជាក់ថា ក្រុមហ៊ុន Apple ត្រូវបានគេរំពឹងថា នឹងអាចប្រកាសចេញនូវ iPhone 5S នាចុងឆ្នាំនេះ ជាមួយនឹង iPhone ដែលមានតម្លៃទាប គឺដូចជាមានសំបកផលិតពីប្លាស្ទិក និងអាចមានជម្រើសពណ៌ផ្សេងៗជាច្រើន ។ តាមពាក្យចចាមអារ៉ាមបានប្រាប់ឲ្យដឹងថា Apple ទំនងជាប្រកាសចេញនូវ iPhone ជំនាន់ថ្មីក្នុងចន្លោះខែកញ្ញាខាងមុខ ៕

iOS 7 គឺជាប្រព័ន្ធប្រតិបត្តិការថ្មីដែលត្រូវបានក្រុមហ៊ុន Apple រចនាឡើងជាមួយនឹងលក្ខណៈ ‘Flat Design’ មានផ្ទៃរាបស្មើ និងរាងសំប៉ែត បូករួមទាំងការបន្ថែមពណ៌ជាច្រើនដែលមើលទៅខុសគ្នាស្ទើរតែទាំងស្រុងទៅនឹង iOS 6 ។ យ៉ាងណាមិញនៅក្នុងជំហានដំបូងក្រុមហ៊ុន Apple បានដាក់ចេញនូវ iOS 7 Beta ដែលជាការប្រើសាកល្បងសម្រាប់អ្នក developers ប៉ុណ្ណោះ ។

ថ្មីៗនេះបន្ទាប់ពីបានធ្វើការសាកល្បងប្រើនូវ iOS 7 Beta មក ពេលនេះគេបានរកឃើញនៅចន្លោះសុវត្ថិភាពជាច្រើនដែលមាននៅលើប្រព័ន្ធប្រតិបត្តិការថ្មីនេះ ។ ក្រោយការសាកល្បង Forbers បានធ្វើការបង្ហាញពីការចូលទៅកាន់កម្មវិធីគណនាលេខរបស់ iPhone ដោយមិនចាំបាច់ដោះ lock screen គឺគ្រាន់តែធ្វើការចុចជាច្រើនដង (bypass) ទៅលើប្រព័ន្ធការពារដោយ password (password protection) របស់ទូរស័ព្ទតែប៉ុណ្ណោះ ។ ក្រៅពីនេះ Forbers ក៏បានរៀបរាប់ឲ្យដឹងថា អ្នកប្រើគេអាចចុចជាច្រើនដងទៅលើ password screen ដើម្បីចូលទៅកាន់ Control Room របស់ iOS និងដំណើរការកម្មវិធីគណនាលេខរបស់ទូរស័ព្ទមុនពេលការបើកកាមេរ៉ារបស់វា ហើយតាមរយៈទាំងនោះវានឹងអាចឲ្យពួកគេធ្វើការ ដំណើរការ (access), លុប (delete), បង្ហោះ (upload) រូបរបស់ឧបករណ៍ដោយមិនបានស្គាល់នូវ password ផងដែរ ។

ទស្សនាវីឌីអូ៖

សូមបញ្ជាក់ថា នេះជាលើកទីពីរហើយដែលគេបានរកឃើញនូវចន្លោះសុវត្ថិភាពទាក់ទងទៅនឹង lock screen របស់ iOS នៅក្នុងឆ្នាំនេះ ព្រោះថាកាលពីពេលមុននេះក៏មាន hackers បានរកឃើញនូវចន្លោះសុវត្ថិភាពតាមរយៈការចុចជាច្រើនដង (bypass) ទៅលើប្រព័ន្ធការពារសុវត្ថិភាព password នៅលើ iOS 6.1 ផងដែរ ។

ទស្សនាវីឌីអូចន្លោះសុវត្ថិភាពក្នុង iOS 6.1៖

ប្រភព

កាលពីពេលថ្មីៗនេះ ហ្គេម Temple Run និង Subway Surfers កាលក្លាយជាហ្គេម ដែលពេញនិយម សម្រាប់ប្រព័ន្ធដំណើរការ iOS និង Android ប៉ុន្តែនៅពេលនេះ យោងតាមទិន្នន័យ និងការស្ទង់មតិទៅលើ អ្នកលេងហ្គេម នៅក្នុងសហរដ្ឋអាមេរិក បានរកឃើញថា ហ្គេម Sonic Dash ជាហ្គេមដែល ពេញនិយមជាងគេ។
យោងតាមរបាយការណ៍ ស្ទង់មតិ បានឲ្យដឹងថា ហ្គេម Sonic Dash បានក្លាយជាហ្គេម ដែលពេញនិយមនៅលើ ប្រព័ន្ធដំណើរការ iOS នៅក្នុងសហរដ្ឋអាមេរិក។ ក្រុមហ៊ុន Sega America បានឲ្យដឹងថា ខ្លួនបានផលិតហ្គេមនេះឡើង ដើម្បីបង្កើតការសប្បាយ រីករាយដល់អ្នកលេង ហើយកាលពីថ្ងៃទី ២៩ខែមីនា កន្លងទៅ ខ្លួនបានធ្វើការ Update ហ្គេម Sonic Dash ដោយបានបញ្ចូលនូវវគ្គ និងលក្ខណៈពិសេស មួយចំនួនបន្ថែមទៀត។
ក្រុមអ្នកស្រាវជ្រាវ មិនបានបង្ហាញ ពីតួលេខនៃចំនួនអ្នកលេង ពិតប្រាកដនោះទេ គ្រាន់តែបានបញ្ជាក់ថា ជាហ្គេមដែលជាប់លេខ១ ដែលមានអ្នកលេង ច្រើនជាងគេ ហើយមិនត្រឹមតែនៅ សហរដ្ឋអាមេរិកនោះទេ សូម្បីតែនៅ ចក្រភពអង់គ្លេស ក៏មានអ្នកលេងហ្គេមនេះ ច្រើនជាងហ្គេមណាៗ ទាំងអស់ដែរ៕

ពិតជាអស្ចារ្យមែនហើយ សម្រាប់គ្រោងការរបស់ Apple ដែលចង់ផលិតផល iRing ដែលមានសមត្ថភាពអាចបញ្ជាទូរទស្សន៍ iTV បាននោះ។ ថ្មីៗនេះ លោក Brian White អ្នកវិភាគមកពីស្ថាប័ន Topeka Capital Markets បានទម្លុះអាថ៍កំបាំងពី Apple ថា Apple គ្រោងផលិត iRing ដែលមានមុខងារជាតេឡេបញ្ជា (remote controller) សម្រាប់ប្រើប្រាស់ជាមួយទូរទស្សន៍ iTV។

លោក White បាននិយាយជុំវិញឧបករណ៍ដែលមានរូបរាងដូចជាចិញ្ចៀនសម្រាប់បញ្ជាទូរទស្សន៍នេះថា Apple នឹងអភិវឌ្ឍន៍ iRing សម្រាប់បញ្ជា iTV ដើម្បីបំពេញតាមតម្រូវការអ្នកប្រើប្រាស់បានជាពុំខាន។ ក្រៅពីមានមុខងារជាតេឡេបញ្ជាទូរទស្សន៍ហើយនោះ គេរំពឹងថាវាអាចនឹងត្រូវបានគេផលិតឡើងរួមជាមួយមុខងារ បញ្ជាដោយកាយវិការពីចម្ងាយបានថែមទៀតផង។

លោក Brian White បន្ថែមការរំពឹងទុករបស់លោកថា ទូរទស្សន៍ iTV រួមជាមួយចិញ្ចៀន iRing មួយឈុតនេះនឹងមានតម្លៃល្បាក់ពី ១៥០០ដុល្លារ ទៅ ២៥០០ដុល្លារអាមេរិក។ iTV អាចមានទំហំ ៥០អ៊ីញ ទៅ ៦០អ៊ីញ។ តែទោះជាយ៉ាងណា Apple ពុំទាន់បានចេញមុខអះអាងយ៉ាងណានៅឡើយទេ។

Apple បានអះអាងបញ្ជាក់ថា iOS 7 នឹងមានកំណែប្រែរូបសណ្ឋាន (interface) ថ្មីខុសពីជំនាន់មុនៗ ដែលរាប់តាំងពី iPhone ជំនាន់ដំបូងបំផុត (iPhone Original) មកហើយនោះ។

ថ្មីៗនេះ Apple បានបើកកិច្ចជំនុំពិភាក្សាគ្នាមួយជុំវិញ iOS ជំនាន់ថ្មីគឺ iOS 7។ ខណៈនោះលោក Jony Ive ត្រូវជាអនុប្រធានជាន់ខ្ពស់ទទួលបន្ទុកផ្នែកឌីហ្សាញរបស់ Apple បានបង្ហើបឱ្យដឹងថា ប្រព័ន្ធប្រតិបត្តិការ iOS 7 នឹងមានកំណែប្រែរូបសណ្ឋាន interface ថ្មីកាន់តែស្រស់ស្អាតជាង iOS ដែលកំពុងបំពាក់លើ iDevice ទាំងអស់ដូចសព្វថ្ងៃនេះ។

ការពិភាក្សាគ្នាមួយស្ដីអំពីប្រព័ន្ធប្រតិបត្តិការ iOS ជំនាន់ថ្មី ដែលពុំទាន់បានលេចមុខនៅនៅលើ iDevice នោះលោក John Gruber ដែលជាអ្នកតាមដានព័ត៌មានពី Apple យ៉ាងប្រកិតនោះ បានឱ្យដឹងថា iOS 7 នឹងមានរូបសណ្ឋាន (interface) ល្អ កាន់ស្រស់ស្អាតជាងមុនថែមទៀត។

iPhone របស់ Apple តាំងពីជំនាន់ដំបូង iPhone Original ឃើញមាន User Interface នៅដដែលៗរហូតមកដល់ជំនាន់ iPhone 5 ដែលជាជំនាន់ទី៦ ចុងក្រោយហើយក៏ដោយ។ តែបើទោះបី Interface នៅលើ iDevice ដូចជា iPhone និង iPad ពុំមានការផ្លាស់ប្ដូរពីមួយជំនាន់ទៅមួយជំនាន់ក៏ដោយ ក៏ឃើញផលិតផលទាំងនេះទទួលបានជោគជ័យយ៉ាងត្រចះត្រចង់ ពោលគឺបានទទួលស្គាល់ពីបណ្ដាសាធារណជនទូទាំងពិភពលោក។

Apple បានចេញលក់ iPhone Originalដែលជា smartphone ដំបូងបង្អស់របស់ខ្លួនតាំងពីថ្ងៃទី២៩ ខែមិថុនា ឆ្នាំ២០០៧ម្ល៉េះ ដែលពេលនោះ OS បំពាក់នៅលើទូរសព្ទទំនើបមួយនេះចេញត្រឹម version iOS 3.1.3 ប៉ុណ្ណោះ។ ចំណែកឯ iPad វិញគឺនៅថ្ងៃទី០៣ ខែមេសា ឆ្នាំ២០១០ ដែលពេលនោះបានបំពាក់ iOS 5.1.1។

គេរំពឹងថា Apple នឹងដាក់ចេញឱ្យប្រើ iOS 7 ក្នុងសន្និសីទប្រចាំឆ្នាំ WWDC ដែលនឹងប្រារព្ធធ្វើនៅអំឡុងចុងត្រីមាសទី២ឬដើមត្រីមាសទី៣ (ខែឧសភា – ខែសីហា) ខាងមុខ។

រង់ចាំមើលទាំងអស់គ្នា តើ iOS version ថ្មីមាន interface ល្អស្អាតកម្រិតណា? តើកំណែរូបសណ្ឋានថ្មីនឹងជួយឱ្យ Apple ទទួលបានជោគជ័យកម្រិតណាទៀត?

ដំណឹងប្រាំពីរ

iPhone តម្លៃទាបអាចនឹង មានរូបរាងដូចនេះ!!

Foxconn នឹងចាប់ផ្ដើម ផលិត iPad mini 2 និង iPad 5 ក្នុងបរិមាណ ច្រើននៅខែសីហា

ស្ថាប័នវិភាគ ISI Group ៖ ការលក់ Galaxy S4 មានសន្ទុះយឺតជាង iPhone 5 ឆ្ងាយ

Apple ស្នើរសុំ សិទ្ធិផ្លាកសញ្ញា “iWatch” នៅប្រទេសជប៉ុន

ពាក្យចចាមអារ៉ាម «iPhone 5S នឹងត្រូវបំពាក់ដោយ LTE-Advanced»

iOS 7 ត្រូវបានគេ Jailbreak បានហើយ !

IOS,Phone, លេចចេញតួផ្នែកខាងក្រោយ iPhone តម្លៃទាបនៅប្រទេសចិន, rumors, Tech News

IOS,ស្វែងរកទិន្នន័យរបស់ iPhone ឬ iPad ដែលបាត់រយៈកម្មវិធី EaseUS MobiSaver, APPs, Keyword

Siri នៅក្នុង iOS 7 អាចរៀនរបៀបហៅឈ្មោះតាមរយៈអ្នកប្រើ

ហេតុផល ៧យ៉ាងមិនគួរដំឡើង iOS 7 Beta

ពាក្យចចាមអារ៉ាម «iPhone 5.7-inch» [វីឌីអូ ]

ទទួលបានរូបរាង iPhone 5S កាន់តែច្បាស់ជាងមុន

រកឃើញចន្លោះសុវត្ថិភាព lock screen យ៉ាងច្រើនលើ iOS 7 (វីឌីអូ)

Sonic Dash ជាហ្គេម ពេញនិយម ជាងគេបំផុត សម្រាប់ iOS នៅអាមេរិក

iRing បញ្ជា iTV ទំនើបរកលេខដាក់គ្មាន

iOS 7 ប្តូរឯកសណ្ឋានថ្មី កាន់តែស្រស់ស្អាតជាងមុន

About

Follow Us

Popular Posts

Subscribe

Labels

Pinterest

Labels