បចេ្ចកវិទ្យា

Showing posts with label បចេ្ចកវិទ្យា. Show all posts

Samsung បញ្ចេញថេប្លេតថ្មីស្ដើងម្ដងពីរម៉ូដែលគឺ Galaxy Tab A និង A Plus តម្លៃចាប់ពី ២៨០ដុល្លារ បុកចូលទីផ្សាររុស្សី

នេះគឺជាការបដិវត្តថ្មីមួយទៀតនៃយុគសម័យបច្ចេកវិទ្យាជឿនលឿនសព្វថ្ងៃ ទៅលើវិធីសាស្ត្រសាកថ្មលើឧបករណ៍អេឡិចត្រូនិក។ ក្មេងប្រុសដែលមានអាយុទើបតែ ១៥ឆ្នាំនេះ បានបង្ហាញសមត្ថភាពគួរឱ្យភ្ញាក់ផ្អើលរបស់ខ្លួន ដ៏កម្រមានក្មេងដទៃអាចធ្វើបាន គឺគេបានបង្កើតសមិទ្ធផលពិសេស ជាទ្រនាប់ជើងអាចសាកថ្មស្មាតហ្វូនបាននៅពេលពាក់ដើរធម្មតា។ តើមុខងារនេះ អាចដំណើរការបានដោយរបៀបណា?

វិធីសាស្ត្រសាកថ្មនេះស្ដាប់ទៅ គឺពិតជាប្លែក ម្យ៉ាងគិតទៅដល់ថា បើគ្មានប្រភពអគ្គិសនីផងនោះ តើដំណើរការសាកថ្ម ប្រព្រឹត្តិទៅដោយរបៀបណា? យ៉ាងណា វិធីសាស្ត្រនេះបានក្លាយជាការពិត មិនអាចប្រកែកបានទៅហើយ ដែលជាស្នាដៃរបស់ក្មេងប្រុសជនជាតិហ្វីលីពីនឈ្មោះថា Angelo Casimiro។

ក្មេងប្រុសអាយុ ១៥ឆ្នាំនេះ បានផលិតទ្រនាប់ក្នុងនៃស្បែកជើង (insole) ដោយបង្កប់ជាមួយឧបករណ៍បម្លែងថាមពលអគ្គិសនីលក្ខណៈបែបធម្មជាតិ (physio-eletric generator)។ បន្ទាប់មកគេយកទ្រនាប់ក្នុងនៃទ្រនាប់ជើង (insole) នេះ ទៅស៊កប្រើនៅក្នុងទ្រនាប់ជើងធម្មតា ដើម្បីឱ្យវាផលិតចេញជាថាមពលអគ្គិសនីនៅពេលអ្នកធ្វើដំណើរដោយថ្មើរជើង។

ក្មេងប្រុសដែលមានសមត្ថភាពនេះ បាននិយាយនៅក្នុងវីដេអូ YouTube ស្ដីពីគម្រោងថា អ្នកប្រើ នឹងមានអារម្មណ៍ដូចជារអិលៗនៅពេលស៊កប្រើនៅក្នុងទ្រនាប់ជើងធម្មតា។ ក្មេងប្រុស Casimiro បានឱ្យដឹងថា៖ «ឧបករណ៍បម្លែងថាមពលអគ្គិសនី insole generator របស់ខ្ញុំនេះ មិនប្រើឧបករណ៍ coil, ម៉ូទ័រ (motor), មេដែក (magnet) ឬអ្វីដែលជាប់ពាក់ព័ន្ធនឹងផ្នែកបម្លាស់ប្ដូរ (moving part) នោះទេ»។ «ខ្ញុំប្រើតែ ថាសបម្លែងថាមពលអគ្គិសនីលក្ខណៈបែបធម្មជាតិ (physio-eletric generator) មួយគូ (១គូ) ប៉ុណ្ណោះ ដែលវាអាចផលិតថាមពលនៅពេលគ្រីស្តាល់ទាំងពីរពត់ចូល»។

ធាតុនៃ physico-eletctric នឹងផលិតថាមពលអគ្គិសនីនៅពេលណាដែលអ្នកពាក់មានសកម្មភាពឡើង ឬដាក់ឱ្យរងសម្ពាធមេកានិច ដូចជា ការចុច (press), រុញ (push) ឬដើរដោយថ្មើរជើងជាដើម។ ការព្យាយាមប្រើចលនាដើម្បីបង្កើតប្រភពថាមពលអគ្គិសនីរបស់ក្មេងប្រុស Casimiro ដូច្នេះ គឺពិតជាមានតម្លៃណាស់ ទោះបីវាជាការ hack ដំបូងដែលនៅត្រូវការការកែលំអបន្ថែមក៏ដោយ។ Casimiro បានឱ្យដឹងទៀតថា បន្ទាប់ពីផលិត និងធ្វើតេស្តទ្រនាប់ក្នុងនៃទ្រនាប់ជើង (insole) ដោយការរត់តិចៗរយៈពេល ៨ម៉ោងរួចមក គឺពិតជាមានប្រសិទ្ធភាពអាចសាកថ្មប្រភេទ Li-ion ថាមពល 400mAh បានមែន៕

ធ្លាយរូបថតកូនក្រមុំអ្នកឧកញ៉ាស្អាតៗប៉ុន្មានសន្លឹក ខណៈវេលាចូលរោងកាន់តែជិតមកដល់

ប្រែសម្រួល៖ លី ឈៀន &

ប្រភព ពី Thebnews

ប្រភព៖ dailydot, huffingtonpost

ក្រុមហ៊ុន Microsoft កំពុងធ្វើការលើកម្មវិធីបើកគេហទំព័រ (browser) ថ្មី ដើម្បីមកជំនួសកម្មវិធី Internet Explorer នៅពេលខាងមុខ។ ក្រុមហ៊ុន Software យក្សនេះ បានប្រើឈ្មោះកូដ (codename) broswer ថ្មីនេះជា Project Spartan ហើយក៏បានអះអាងថា ឈ្មោះ IE នឹងត្រូវបានជំនួសចេញ។

កម្មវិធី Internet Explore នឹងត្រូវក្រុមហ៊ុន Software របស់អាមេរិកនេះ ប្ដូរឈ្មោះថា ប៉ុន្តែខណៈនៅដំណាក់កាលកំពុងបង្កើតនេះ ក្រុមហ៊ុនពុំទាន់សម្រេចឈ្មោះចុងក្រោយផ្លូវការនៅឡើយ។ IE នឹងមិនត្រូវជំនួសដោយ browser ថ្មីទាំងស្រុងនោះទេ ពោលវានៅតែមាននៅលើជំនាន់ប្រព័ន្ធប្រតិបត្តិការមួយចំនួនដូចជា Windows 10 សម្រាប់ប្រើជាលក្ខណៈសហគ្រាស (enterprise) ជាដើម៕

លំហាត់ប្រាណធ្វើឲ្យសុដន់ស្រស់ស្អាត ដោយមិនចាំបាច់ធ្វើការវះកាត់

ប្រែសម្រួល៖ លី ឈៀន

ប្រភព៖ theverge

Galaxy Tab A និង Tab A Plusប្រភព៖ Sammobile

ក្រុមហ៊ុន Samsung ថ្មីៗនេះបានប្រកាសថេប្លេតស៊េរីថ្មីម្ដងពីរម៉ូដែលនៅក្នុងប្រទេសរុស្សី គឺ Galaxy Tab A និង Galaxy Tab A Plus។ ថេប្លេត Galaxy Tab A មានទំហំ ៨អ៊ីញជាមួយ resolution (1024 x 768)px ចំណែក Galaxy Tab A Plus មានអេក្រង់ ៩,៧អ៊ីញជាមួយកម្រិត resolution អេក្រង់ដូច Galaxy Tab A ដែរ។

iPhone 6 ក្លែងក្លាយ (clone) ចេញសំញែងរាងដូចរបស់ពិតសូម្បីតែមុខងារស្កេនក្រយៅដៃ

Galaxy Tab A និង Tab A Plus បំពាក់អង្គប្រតិបត្តិ Qualcomm Snapdragon 410 ប្រភេទ Quad Core ល្បឿន 1.2GHz និងកម្រិតថាមពលថ្មរៀងគ្នាគឺ 4200mAh និង 6000mAh។ Tab A មាន RAM 1.5GB ចំណែក Tab A Plus មាន RAM 2GB។ ថេប្លេតថ្មីទាំងពីរនេះភ្ជាប់មកជាមួយទំហំកាមេរ៉ាប៉ុនគ្នាគឺ ខាងមុខ 2MP និងខាងក្រោម 5MP និងមានអង្គចងចាំដូចគ្នាផងដែរគឺ 16GB អាចបន្ថែមកាត microSD ដល់ 128GB។ ថេប្លេតទាំងពីរម៉ូដែលមានកម្រាស់ស្ដើងត្រឹមតែ ៧,៥មិល្លីម៉ែត្រប៉ុណ្ណោះ។

ថេប្លេតថ្មីទាំងពីរក៏មានជាជម្រើសម៉ូដែលបំពាក់ប្រព័ន្ធបណ្ដាញ 4G LTE ដូចគ្នាផងដែរ ហើយមាន Wi-Fi និង Bluetooth និងដំណើរការដោយប្រព័ន្ធប្រតិបត្តិ Android 5.0 Lollipop ជាមួយ TouchWiz UI របស់ Samsung។ Samsung នឹងចេញលក់ថេបេ្លត Tab A និង Tab A Plus ជាមួយជម្រើសពណ៌ចំនួនពីរគឺពណ៌មាស និងពណ៌ខៀវ។ ចំពោះតម្លៃពុំទាន់ត្រូវក្រុមហ៊ុនបញ្ជាក់នៅឡើយ តែគេរំពឹងថា Tab A ដែលមានអេក្រង់ ៨អ៊ីញ នឹងមានតម្លៃចាប់ពី ២៨០ដុល្លារ ដល់ ៣៨០ដុល្លារ ហើយ Tab A Plus ដែលមានអេក្រង់ ៩,៧អ៊ីញនឹងមានតម្លៃចាប់ពី ៣៤០ដុល្លារ ដល់ ៤៤០ដុល្លារអាមេរិក៕

… លោកឪពុកម្នាក់អន្ទះសាចង់ឃើញមុខកូនពេក ប្រើ Samsung Gear VR មើលភរិយាសម្រាលកូនពីចម្ងាយ ៤ ០០០គីឡូម៉ែត្រ! …

ប្រែសម្រួល៖ លី ឈៀន

ប្រភព៖ Hi Tech Mail, Sammobile

ជារៀងរាល់ឆ្នាំ ក្រុមហ៊ុន Apple តែងតែមានកម្មវិធីពិសេស ដោយអនុញ្ញាតឲ្យអតិថិជនយកទូរស័ព្ទចាស់មកប្ដូរយកថ្មីបាន (trade-in program) ប៉ុន្តែឆ្នាំនេះ ហាក់ដូចជាប្លែកជាងឆ្នាំមុនបន្ដិច ដោយអតិថិជនដែលប្រើ Android និង BlackBerry ក៏អាចប្ដូរយកបានដែរ។
យោងតាមការចុះផ្សាយរបស់ Phone Arena បានឲ្យដឹងថា អតិថិជនប្រើ Android និង BlackBerry អាចមកទទួលយកកាតពិសេសមួយសម្រាប់ប្រើនៅក្នុងកម្មវិធី trade-in program ប៉ុន្តែលក្ខខណ្ឌផ្សេងៗមិនត្រូវបានគេទម្លាយឲ្យដឹងនោះទេ។
បុគ្គលិកបម្រើការងារនៅក្នុង App Store បានលួចបង្ហើបឲ្យដឹងថា ពិតជាមានករណីដូចនេះមែន ប៉ុន្តែសម្រាប់ការបរិច្ឆេទនៅមិនទាន់ដឹងច្បាស់នោះទេ គ្រាន់តែដឹងថា សម្រាប់អតិថិជន Android និង BlackBerry អាចចំណាយលុយខ្លះក្នុងការប្ដូរ ប៉ុន្តែមិនច្រើនលើសលប់ទេ៕

មេរៀនភាពដឹកនាំទាំង ១១ ចំណុចដែលអ្នកគួររៀនសូត្រពីលោក Tim Cook

Facebook គឺជាបណ្ដាញសង្គមដ៏មានប្រជាប្រិយភាព មានអ្នកប្រើប្រាស់រាប់លាននាក់។ ដោយសារតែបណ្ដាញសង្គមមួយនេះផ្ដល់ប្រយោជន៍ច្រើន ដូច្នេះអ្នកប្រើប្រាស់ពិតជាមិនចង់មានបញ្ហាអ្វីទៅលើគណនីរបស់ ពួកគេនោះទេ។ ប៉ុន្តែមានចំនុចមួយចំនួន ដែលពួកគេមិនបានប្រុងប្រយ័ត្ន ធ្វើទៅផ្ទុយនឹងគោលការណ៍របស់ Facebook អាចបណ្ដាលឲ្យគណនីរបស់ពួកគេត្រូវបានបណ្ដាញសង្គមបិទ ឬបិទការបង្ហោះផ្សេងៗចោល។

ចុះអ្វីខ្លះដែលធ្វើឲ្យ Facebook ដករូប ឬព័ត៌មានរបស់អ្នកចេញពីការបង្ហោះ?

How-to-avoid-getting-banned-on-Facebook-590x375

How-to-avoid-getting-banned-on-Facebook-590x375

១-បង្ហោះរូបគូទ ឬរូបចេញចុងសុដន់៖ រូបភាពដែលបង្ហាញកំប៉េះគូទទាំងស្រុង ក៏ដូចជារូបភាពដោះស្ត្រីដែលមើលឃើញចុងសុដន់ នឹងត្រូវបានហាម។

Xiaomi ទំនងនឹងចេញទ្រនាប់ជើងឆ្លាតវៃ SmartShoe

២-ពាក្យពេចន៍ពិពណ៌នាអំពីសិច៖ ការប្រើពាក្យពេចន៍រៀបរាប់សកម្មភាពសិចយ៉ាងរស់រវើកពេកក៏នឹងត្រូវបានហាមឃាត់។

៣-ការគំរាម៖ រូបភាពផ្សេងៗដែលធ្វើឲ្យនរណាមួយអាប់ឱន ឬវីដេអូគំរាមធ្វើឲ្យបាក់មុខដល់ជនរងគ្រោះនឹងត្រូវបានហាម។

facebook

៤-ពាក្យសម្ដីប្រកាន់ពូជសាសន៍ ឬសម្ដីបំពានផ្លូវភេទ៖ ថ្វីត្បិតហ្វេសប៊ុកហាមឃាត់នូវពាក្យសម្ដីបែបហ្នឹងក្ដី ប៉ុន្តែអ្នកប្រើប្រាស់នៅតែអាចបង្ហោះបន្តបានបើក្នុងគោល បំណងចង់បង្ហាញថានេះជាសារមិនគប្បី។

កំពូលអ្នកប្រដាល់ស្រីក្នុងទ្រុង Rousey ថាមិនវ៉ៃជាមួយប្រុសទេ

៥-សកម្មភាពឧក្រិដ្ឋកម្ម៖ បណ្ដាញសង្គមឥឡូវនេះបញ្ជាក់ថា អ្នកលេងហ្វេសប៊ុកនឹងត្រូវហាមមិនឲ្យបង្ហោះអ្វីជាការសាទរចំពោះ ឧក្រិដ្ឋកម្មដែលខ្លួនបានប្រព្រឹត្តិនោះទេ។

៦-របួសខ្លួនឯង៖ គេហទំព័រសង្គមដដែលឲ្យដឹងថា ខ្លួននឹងលុបការបង្ហោះរបួសខ្លួនឯងណា ដែលមើលដឹងពីអត្តសញ្ញាណជនរងគ្រោះ ងាយរងគ្រោះពីការវាយប្រហារទៅវិញ បើទោះបីធ្វើជាការកំប្លុកកំប្លែងក្ដី។ ប៉ុន្តែលក្ខខណ្ឌនេះមិនរាប់បញ្ចូល “ការវះកាត់ប្ដូររាងកាយ” ថាជាប្រភេទនៃរបួសផ្ទាល់ខ្លួននោះទេ៕

ប្រែសម្រួល៖ សំនៀង
ប្រភព ពី សប្បាយ ប្រភព៖ BBC,

ក្រុមហ៊ុន Facebook បានប្រកាសបន្ថែមមុខងារថ្មីចុងក្រោយទៅលើកម្មវិធីផ្ញើសារ Messenger app របស់ខ្លួន ដែលមានលក្ខណៈពិសេសគាំទ្រដលក់ការផ្ញើលុយយ៉ាងរហ័សទៅកាន់ friend នៅលើបណ្ដាញសង្គមរបស់ខ្លួន។ ក្រុមហ៊ុនសង្ឃឹមថា អ្នកប្រើបណ្ដាញសង្គម Facebook នឹងប្រើដំណោះស្រាយថ្មីនេះ ជំនួសឱ្យការប្រើជម្រើសផ្ទេរប្រាក់ដទៃដូចជា PayPal ជាដើម។

មុខងារថ្មីរបស់ Facebook នេះ គឺមានលក្ខណៈពិសេសនៅត្រង់ វាផ្ដល់ភាពងាយស្រួលក្នុងការផ្ញើប្រាក់ទៅនរណាម្នាក់។ ទម្រង់ដែលភ្ជាប់នូវមុខងារផ្ញើប្រាក់ នឹងទទួលបានការរចនារូបរាងថ្មីលើកម្មវិធី Messenger app ខុសប្លែកពីកម្មវិធីផ្ញើសារមុនៗ។ អ្នកប្រើនឹងឃើញមានរូប icon ដុល្លារ ($) នៅផ្នែកខាងស្ដាំ។ ដើម្បីផ្ញើប្រាក់ អ្នកប្រើត្រូវបើកកម្មវិធី Facebook Messenger រួចចុច tab ទៅលើរូប $ ហើយបញ្ចូលចំនួនទឹកប្រាក់ដែលអ្នកចង់ផ្ញើ បន្ទាប់មកចុចលើ Pay ដែលស្ថិតនៅផ្នែកខាងលើ និងខាងស្ដាំ ហើយបញ្ចូលគណនីកាតឥនពន្ធរបស់អ្នកដើម្បីផ្ញើប្រាក់ជាការស្រេច។

ចំណែកភាគីខាងទទួលវិញ ក៏ត្រូវបើកនូវប្រអប់សន្ទនាជាមួយ friend នោះ រួចចុចលើ Add Card នៅក្នុងសារ ហើយបញ្ចូលគណនីកាតឥនពន្ធរបស់អ្នកដើម្បីទទួលប្រាក់ (សម្រាប់លើកដំបូង)។ ទឹកប្រាក់នឹងត្រូវបានផ្ទេរជោគជ័យ ក្នុងរយៈពេល ១ថ្ងៃ ទៅ៣ថ្ងៃ អាស្រ័យលើគោលការណ៍ធនាគារដែលអ្នកប្រើកាត។ មុខងារពិសេសនេះ នឹងដំណើរការដំបូងនៅអាមេរិកក្នុងអំឡុងប៉ុន្មានខែខាងមុខទៀតនេះ។

សូមបញ្ជាក់ថា កាលពីដើមឆ្នាំ២០១៥នេះ ក្រុមហ៊ុន Google ក៏បានបញ្ចូលមុខងារផ្ទេរប្រាក់ (ផ្ញើ និងទទួលប្រាក់) ទៅលើមុខងារផ្ញើអ៊ីមែល gmail ផងដែរ៕

ប្រែសម្រួល៖ លី ឈៀន

ប្រភព ពី thebnews

ប្រភព៖ http://newsroom.fb.com/

Xiaomi ទំនងនឹងចេញទ្រនាប់ជើងឆ្លាតវៃ SmartShoe ខណៈជំនួញស្មាតហ្វូនកំពុងផ្អែមកប្រភព៖ gsmarena

យោងតាមបណ្ដាញព័ត៌មាន Reuter ឱ្យដឹងថា ក្រុមហ៊ុនដែលកំពុងកាក់កបលើជំនួញទីផ្សារ Xiaomi បានចងសម្ព័ន្ធមិត្តជាមួយក្រុមហ៊ុនចិន Li Ning ដើម្បីសហការគ្នាផលិតទ្រនាប់ជើងរត់ប្រណាំងឆ្លាតវៃ (Smart Running Shoes) ហើយអាចនឹងត្រូវបានប្រកាសចេញអំឡុងឆ្នាំ២០១៥នេះ។

ទ្រនាប់ជើងសម្រាត់រត់ចម្ងាយឆ្លាតវៃនេះ មានលក្ខណៈពិសេសនៅត្រង់ វាមានសមត្ថភាពអាចតាមដាននូវសកម្មភាពរបស់អ្នកពាក់ ដោយការបង្កប់ឈីបនៅក្នុងនោះ។ Smart Shoe នេះអាចឱ្យអ្នកពាក់ភ្ជាប់ដោយប្រើកម្មវិធីនៅលើស្មាតហ្វូន ដើម្បីតាមដានព័ត៌មានផ្សេងៗដូចដំណើរផ្លូវ គោលដៅ នៅចំណុចដៅផ្សេងៗបាន។

ទ្រនាប់ជើងរបស់ Li Ning នឹងប្រើបច្ចេកវិទ្យារបស់ក្រុមហ៊ុន Huami Technology ហើយក្នុងនោះក៏មានការចូលរួមសហការជាមួយ Xiaomi ក្នុងការផលិតខ្សែដៃ Mi band ផងដែរ។ យ៉ាងណាពេលនេះ ពុំមានព័ត៌មានអះអាងអំពីតម្លៃទ្រនាប់ជើងឆ្លាតវៃនេះនៅឡើយ។ Li Ning សន្យាថា ក្រុមហ៊ុននឹងចេញលក់ក្នុងតម្លៃមួយសមរម្យ៕

ប្រែសម្រួល៖ លី ឈៀន

ប្រភព៖ reuters, engadget

Youtube កែទម្រង់ card ថ្មីលើវីដេអូកាន់តែផ្ដល់លក្ខណៈងាយស្រួល និងធ្វើឱ្យអ្នកទស្សនាពេញចិត្តជាងមុនប្រភព៖ gsmarena

ថ្ងៃនេះៗក្រុមហ៊ុន Youtube បានធ្វើបច្ចុប្បន្នភាពបន្ថែមនូវមុខងារថ្មីមួយដែលជាការបង្ហាញនូវកាត (cards) នៅលើវីដេអូរបស់ខ្លួន។ នេះគឺជាការវិវត្តន៍ដ៏ធំមួយនៃបែបផែនក្នុងការអធិប្បាយបន្ថែម (annotations)។

ទម្រង់ការអធិប្បាយបន្ថែមថ្មីនេះ ចាប់ដំណើរការពីពេលនេះសម្រាប់បណ្ដាប្រទេសមួយចំនួនហើយ។ ក្រុមការងាររបស់ Youtube គិតថា អ្នកទស្សនា (viewer) នឹងកាន់តែចូលចិត្តប្រើ។ កាត (card) អាចជូនដំណឹងផ្សេងៗដល់អ្នកកំពុងទស្សនា ដើម្បីឱ្យអ្នកចាប់អារម្មណ៍ចង់ទស្សនាវីដេអូផ្សេងៗទៀត ទំនិញ បញ្ជីវីដេអូ (playlist) និងគេហទំព័រផ្សេងៗ រួមទាំងអ្វីៗជាច្រើនទៀត។

ដូចលោកអ្នកបានឃើញរូបកំណែប្រែថ្មីនៅខាងលើ គឺថា កាត (card) មើលទៅគឺល្អស្អាតជាង ការអធិប្បាយបន្ថែម (annotations) ចាស់ ហើយ Youtube ក៏នឹងបំពាក់មុខងារថ្មីនេះដំណើរការលើទូរស័ព្ទផងដែរ។ កាតនេះ នឹងបង្ហាញចេញមកនៅអំឡុងពេលវីដេអូកំពុងលេង (play)។ អ្នកបង្កើតមាតិកា (content creator) អាចជ្រើសរើសកាតផ្សេងគ្នាចំនួន៦ប្រភេទដែលពាក់ព័ន្ធទៅនឹង ទំនិញ ការរៃអង្គាសប្រាក់ វីដេអូ បញ្ជីវីដេអូ ទាក់ទងនឹងវែបសាយ មូលនិធិនៃអ្នកគាំទ្រ៕

ប្រែសម្រួល៖ លី ឈៀន

ប្រភព ពី thebnews

ប្រភព៖ gsmarena

នៅបណ្ដាប្រទេសដែលប្រើភាសាអាល្លឺម៉ង់ មនុស្សថ្លង់ ហើយពិការភ្នែក គេប្រើអក្ខរក្រមដែលអាចស្ទាបដឹងនូវតួអក្សរ (tactile alphabet) ហៅថា “Lorm” ដើម្បីទាក់ទងគ្នា មានជាប់ពាក់ព័ន្ធនឹងស៊េរីនៃចលនាដៃ។ យ៉ាងណា វិធីសាស្ត្រ Lorm នេះ បច្ចុប្បន្ននៅមានចំនួនអ្នកយល់ដឹងមិនទាន់ទូលំទូលាយនៅឡើយ។ មានន័យថា មនុស្សដែលពិការ ទាំងខ្វាក់ និងងងឹតភ្នែក ការប្រាស្រ័យទាក់ទងគ្នារបស់ពួកគេទៅកាន់អ្នកប្រើ Lorm គឺនៅមានដែនកំណត់នៅឡើយ។

Mobile-Lorm-Glove-by-Design-Research-Lab_1

ចំណែកបច្ចេកវិទ្យាថ្មីនេះ ត្រូវបានស្រាវជ្រាវឡើងមកក្នុងគោលបំណងជួយឱ្យពួកគេងាយស្រួលប្រាស្រ័យទាក់ទងជាមួយមនុស្សដែលមិនទាន់យល់ពី Lorm។ អ្នកស្រាវជ្រាវនៅទីក្រុងប៊ែកឡាំង (Berlin) បច្ចុប្បន្នកំពុងអភិវឌ្ឍស្រាវជ្រាវដៃពិសេស Mobile Lorm Glove សម្រាប់អ្នកពិការទាំងថ្លង់ និងងងឹតភ្នែក អាចបម្លែង Lorm ទៅជាអត្ថបទនៅលើម៉ាស៊ីនកុំព្យូទ័រ ឬប្រភេទឧបករណ៍ចល័ត (Mobile Device)។

មនុស្សដែលពិការភ្នែក ហើយថ្លង់ម្នាក់ អាចប្រើស្រោមដៃអូសកាត់លើម៉ាស៊ីនចាប់សញ្ញា (sensors) ពេលនោះ sensor នឹងចាប់យកព័ត៌មាន Lorm ហើយបន្ទាប់មកបកប្រែចលនាប្រើ tactile (អក្សររបស់អ្នកងងឹតភ្នែក) នោះទៅជាអត្ថបទ។ ទំនាក់ទំនងនេះនឹងផ្ញើបន្តក្រោមទម្រង់សារជាអត្ថបទ ទៅកាន់ស្មាតហ្វូនរបស់អ្នកទទួល ហើយការបញ្ជូនគឺធ្វើឡើងតាម Bluetooth។

វាដំណើរការដូចជាសារ (text message) ធម្មតាអីចឹងដែរ ប៉ុន្តែវាបានភ្ជាប់កជាមួយម៉ូទ័រលំញ័រតូចមួយនៅផ្នែកខាងខ្នងនៃស្រោមដៃ។ បន្ទាប់មកអត្ថបទនឹងត្រូវបានបកប្រែទៅជា Lorm ហើយផ្ដល់ការបញ្ជាក់តាមលំញ័រនេះ។ ស្រោមដៃ Mobile Lorm Glove អាចឱ្យមនុស្សពិការភ្នែក ហើយថ្លង់ ងាយស្រួល ព្រមទាំងធ្វើការភ្ជាប់ទំនាក់ទំនងគ្នាបានច្រើននាក់ក្នុងពេលតែមួយបាន។

ស្រោមដៃឆ្លាតវៃ Mobile Lorm Glove ពេលនេះស្ថិតត្រឹមជាគំរូបឋម (prototype) វានឹងចូលមកបម្រើភាពងាយស្រួល ក្នុងការទាក់ទងរវាងអ្នកពិការនៅក្នុងពិភពលោកជាក់ស្ដែងបាន។ បុរសពិការភ្នែក ហើយថ្លង់ម្នាក់ បានប្រាប់គេហទំព័រ BBC តាមវិធីសាស្ត្របកប្រែភាសារបស់ស្រោមដៃ៕

ប្រែសម្រួល៖ លី ឈៀន

ប្រភព ពី Thebnews

ប្រភព៖ mashable

មនុស្សទទួលបានអារម្មណ៍កាន់តែជិតស្និទ្ធ ដោយសារសម័យបច្ចេកវិទ្យាបច្ចុប្បន្នមានភាពជឿនលឿន ផ្ដល់លក្ខណៈងាយស្រួលក្នុងការភ្ជាប់ទំនាក់ទំនងរវាងគ្នាដោយមិនគិតគំលាតឡើយ។ ជាក់ស្ដែងលោកឪពុកម្នាក់ ដោយសារអន្ទះសាចង់ឃើញកំណើតរបស់កូន ប៉ុន្តែមានរនាំងស្ទះនៅត្រង់ចម្ងាយផ្លូវពីគ្នារហូតដល់ ៤ ០០០គីឡូម៉ែត្រ មិនអាចទៅទាន់ពេល ទើបលោកបានប្រើឧបករណ៍ Samsung Gear VR ដើម្បីឱ្យកើតមើលឃើញនូវការចាប់កំណើតរបស់កូនបាន។

ពេលវេលាដែលភរិយាឈ្មោះ Alison ជិតដល់ពេលសម្រាលកូន គឺចំពេលដែលលោកឪពុកមានឈ្មោះ Jason Larke ដែលជាអ្នកម៉ៅការអគ្គិសនីនៅក្នុងរដ្ឋ Queensland នេះ ត្រូវទៅបំពេញការងារនៅឆ្ងាយពីផ្ទះរយៈពេល ៤សប្ដាហ៍ពេញ មិនអាចដកខ្លួនបាន។ ម៉្លោះហើយ ក្រុមហ៊ុន Samsung បានណែនាំលោកឱ្យសាកល្បងទទួលយកបទពិសោធន៍ថ្មីពីឧបករណ៍ Gear VR របស់ខ្លួន។

អ្នកស្រី Alison បាននិយាយថា៖ «បន្ទាប់ពីពួកយើងទាំងអស់គ្នាដឹងថា ខ្ញុំមានផ្ទៃពោះជាកូនទី៣ អស់រយៈពេល ៥សប្ដាហ៍មកហើយនោះ យើងក៏ឧស្សាហ៍តាមដានការវិវឌ្ឍន៍របស់កូនជាប់ ហើយដឹងថាជាកូនប្រុស»។ ដោយសារមានការនឹកដល់កូន ចង់ឃើញកំណើតកូនប្រុសខ្លួនខ្លាំងពេក លោក Jason ក៏បានប្រើ ឧបករណ៍ Gear VR របស់ Samsung ដើម្បីអាចមើលឃើញផ្ទាល់អំពីសកម្មភាពប្រពន្ធ នឹងកូនប្រុសរបស់លោកចាប់កំណើត។ លុះភរិយារបស់លោកសម្រាប់កូនប្រុសជាទីស្រលាញ់បាន ១សប្ដាហ៍ ទើបលោកត្រឡប់មកពីបំពេញការងារវិញ អមដោយក្ដីត្រេកអរ និងរំភើបយ៉ាងខ្លាំង។

តាមរយៈ បទពិសោធន៍ថ្មីដំបូងនេះ នឹងក្លាយជាវីដេអូពិសេសបំផុតមួយសម្រាប់ការផ្សព្វផ្សាយពាណិជ្ជកម្មរបស់ Samsung Gear VR បាន៕

ប្រែសម្រួល៖ លី ឈៀន

ប្រភព៖ mashable

MacBook ស៊េរីថ្មីឆ្នាំ២០១៥ មានអេក្រង់ ១២អ៊ីញប្រភព៖ www.martinhajek.com

នៅក្នុងព្រឹត្តិការណ៍ប្រកាស Apple Watch និងកុំព្យូទ័រ MacBook ស៊េរីថ្មីអេក្រង់ ១២អ៊ីញមិនធ្លាប់មាន ក្រុមហ៊ុន Apple បានណែនាំលក្ខណៈសម្បត្តិផ្សេងៗនៅលើសមិទ្ធផលរបស់ខ្លួន។ យ៉ាងណាការណែនាំ នៅមានចន្លោះប្រហោង ដែលគេមិនដឹងថា តើជាចេតនា ឬអចេតនារបស់ក្រុមហ៊ុន Apple នោះទេ។ ខាងក្រោមនេះ គឺជាចំណុចល្អ និងមិនល្អ ៥យ៉ាងដែល Apple មិនបានបញ្ជាក់ប្រាប់សាធារណជនពាក់ព័ន្ធ MacBook ថ្មីរបស់ខ្លួន។

១) កាមេរ៉ាមុខ FaceTime មាន Resolution ទាប (Low-res FaceTime camera)

រាល់កុំព្យូទ័រ MacBook ជំនាន់មុនៗ ត្រូវបាន Apple ផលិតកាមេរ៉ាមុខ FaceTime HD ជាមួយកម្រិត rsolution ទំហំ 720p ប៉ុន្តែនៅលើម៉ាកថ្មីអេក្រង់ ១២អ៊ីញដំបូងនេះវិញ មានត្រឹមតែ 480p ប៉ុណ្ណោះ។ កម្រិត resolution នេះបើប្រៀបធៀបនឹងកាមេរ៉ាមុខFaceTime នៅលើ iPhone 4 ក៏នៅទាបជាងផងដែរ។ រាល់ជំនាន់ iPhone ចាប់ពីជំនាន់ iPhone 5 ឡើងទៅគឺមាន 720p FaceTime HD។

នេះអាចដោយសារ ក្រុមហ៊ុនយល់ថា ការប្រើកាមេរ៉ាមុខ FaceTime ពុំចាំបាច់ខ្ពស់ដល់ HD នោះទេ ព្រោះអីសូម្បីតែកម្មវិធី Skype គាំទ្រកម្រិត resolution ស្តង់ដារប៉ុណ្ណោះ មិនមែន HD ឡើយ។

២) បំពាក់ឧបករណ៍បំពងសំឡេងល្អជាងមុន (Better stereo speakers)

ចំពោះ speaker នៅលើ MacBook ជំនាន់ថ្មីនេះ គឺត្រូវបានផលិតក្នុងកម្រិតគុណភាពល្អជាងជំនាន់មុន ដែលត្រូវបាន Apple បំពាក់នៅផ្នែកខាងលើនៃ keyboard ហើយផ្ដល់សំឡេងជា stereo speaker ដូច MacBook Air ប៉ុន្តែសំឡេងល្អជាង និងឮច្បាស់ជាង។

៣) ដុំសាក MacBook ថ្មីគឺប្រភេទ MagSafe ខុសពីជំនាន់មុនៗ ស្រួលប្រើ ហើយអាចប្រើត្រូវជាមួយដុំសាកថ្មផ្សេងៗ ដោយមិនប្រកាន់ដុំហ្សីនរបស់ Apple ឡើយ

Key Speakers At Apple's Worldwide Developer Conference

នៅលើ MacBook ថ្មីនេះ ត្រូវបានភ្ជាប់មកជាមួយរន្ធ USB ជំនាន់ថ្មី USB-C Connector ដែលអាចប្រើបានទាំងនៅលើកុំព្យូទ័រ Notebook ធម្មតាផ និង MacBook ថ្មីនេះក៏បាន។ លក្ខណៈពិសេសរបស់ស្តង់ដារ USB-C នេះគឺផ្ដល់ភាពងាយស្រួលដល់ការស៊កបញ្ចូលរន្ធ USB ដោយមិនប្រកាន់ខាងខុស ឬត្រូវ ផ្ងារឬផ្កាប់នោះទេ (ជាប្រភេទ Reversible USB)។ ដុំសាកប្រភេទនេះ ត្រូវគេរំពឹងថា នៅពេលខាងមុខ បណ្ដាក្រុមហ៊ុនកុំព្យូទ័រធំៗ ក៏នឹងប្រើប្រភេទ USB-C ដូចគ្នាដែរ។ ដូច្នេះ ឆ្នាំងសាកដទៃក្រៅពី របស់ Apple ក៏អាចប្រើត្រូវគ្នាដែរ។

៤) អ្នកប្រហែលជាត្រូវការប្រើខ្សែបំបែកចេញពី USB-C ដើម្បីអាចសាកថ្មផង និងប្រើសម្រាប់ផ្ទេរការបង្ហាញរូប នៅលើអេក្រង់ External Display និងការភ្ជាប់ Hard Drive ឬ flash drive ឬ DVD drive ជាមួយ USB ធម្មតា (full-size USB)

ដោយសារនៅលើ MacBook ថ្មីនេះ មានរន្ធ USB-C តែមួយ ដូច្នេះអ្នកអាចត្រូវការខ្សែបំបែក (Dongle) ដើម្បីបំបែកខ្នែងបានច្រើន អាចប្រើទាំងការបញ្ជូនរូប (output video) ទៅកាន់ External Display និងដោតប្រើ Removable Drive ក្នុងពេលដំណាលគ្នាបាន។

៥) រូបឡូហ្គោ Apple មានលក្ខណៈខុសពីឡូហ្គោនៅលើ MacBook ជំនាន់មុនៗ

អ្នកអាចសម្គាល់ថា ជាកុំព្យូទ័រ MacBook ឬអត់តាមរយៈរូបឡូហ្គោ Apple មានបន្លឺ ទោះបីជាកុំព្យូទ័រនៅចម្ងាយឆ្ងាយពីអ្នកក៏ដោយ។ រាល់ MacBook លើកលែងថា MacBook ថ្មីនេះ គឺសុទ្ធតែមានរូបឡូហ្គោនៅលើគម្រប អមដោយភ្លើងភ្លឺ។ ឡូហ្គោ MacBook ថ្មី ពុំមានលក្ខណៈបញ្ចេញពន្លឺដូចជា MacBook មុនៗទេ ពោលគឺដូចជាឡូហ្គូនៅលើ iPad Air និង iPad mini ប៉ុណ្ណោះ៕

ប្រែសម្រួល៖ លី ឈៀន

ប្រភព៖ mashable

VAIO ចេញស្មាតហ្វូនដំបូងប្រភព៖ gmanews, phonearena

ថ្មីៗនេះ ក្រុមហ៊ុន Vaio បានប្រកាសចេញស្មាតហ្វូនដំបូងរបស់ខ្លួន ដែលនឹងចេញលក់នៅលើទីផ្សារប្រទេសជប៉ុនក្នុងថ្ងៃទី២០ ខែមីនាខាងមុខក្នុងតម្លៃ ៤២០ដុល្លារអាមេរិក។ យ៉ាងណាទូរស័ព្ទទី១ របស់ក្រុមហ៊ុនដែលធ្លាប់មានឈ្មោះដើមថា Sony Corporation នេះ គឺពុំមែនជា Smartphone ត្រូវបានផលិតថ្មីសន្លាងនោះឡើយ ពោលគឺគ្រាន់តែកែម៉ាកពីម៉ូដែល Panasonic Eluga U2 ប៉ុណ្ណោះ។

672x568ximg_vaio_parts.jpg.pagespeed.ic.iHgcGW8OrF

ស្មាតហ្វូន Eluga U2 នេះទើបតែត្រូវប្រកាសចេញដោយក្រុមហ៊ុន Panasonic កាលពីខែមុននៅលើទីផ្សារតៃវ៉ាន់ក្នុងតម្លៃ ២៥៥ដុល្លារអាមេរិក។ រូបរាងឌីហ្សាញនៅលើស្មាតហ្វូន VAIO និងនៅលើ Eluga U2 គឺមានលក្ខណៈដូចគ្នាបេះបិទ ចំណែកលក្ខណៈសម្បត្តិក៏មិនខុសគ្នាដែរ។ ទូរស័ព្ទ VAIO ដំបូងនេះ ដំណើរការដោយប្រព័ន្ធប្រតិបត្តិការ Android 5.0 Lollipop បំពាក់ឈីបអង្គប្រតិបត្តិ Qualcomm 64-bit Quad-core Snapdragon 410 មានអេក្រង់ទំហំ ៥អ៊ីញជាមួយ resolution 720x1280px កាមេរ៉ាទំហំ 13MP និងមាន RAM 2GB។

VAIO គឺជាក្រុមហ៊ុនអេឡិចត្រូនិករបស់ជប៉ុន ឯកទេសផលិតកុំព្យូទ័រ PC និង Laptop ហើយកាលពីឆ្នាំមុន ត្រូវបាន Sony លក់ទៅឱ្យក្រុមហ៊ុនវិនិយោគក្នុងស្រុកមួយ Japan Industrial Partner។ រីឯ Panasonic ក៏ជាក្រុមហ៊ុនអេឡិចត្រូនិករបស់ជប៉ុនដែរ ហើយស្មាតហ្វូនរបស់ក្រុមហ៊ុនទាំងពីរ ត្រូវបានផលិតឡើងដោយក្រុមហ៊ុន Quanta របស់តៃវ៉ាន់ដូចគ្នា (Quanta ផលិតឧបករណ៍អេឡិចត្រូនិកឱ្យក្រុមហ៊ុនធំៗ ក្នុងនោះក៏មាន Apple ផងដែរ)។ ស្មាតហ្វូនដំបូងរបស់ VAIO នឹងមិនមានលក់នៅក្រៅទីផ្សាររបស់ប្រទេសជប៉ុននោះទេ៕

ប្រែសម្រួល៖ លី ឈៀន

ប្រភព៖ phonearena

គ្រាន់តែនិយាយថា 5G មនុស្សភាគច្រើននឹងដឹងច្បាស់ថា សំដៅទៅលើជំនាន់ថ្មីនៃប្រពន្ធអ៊ីនធឺណិតមិនប្រើខ្សែ បន្ទប់ពី 4G ប៉ុន្តែតាមពិត វាមានអ្វីផ្សេងទៀត ដែលពិបាកក្នុងការកំណត់ឲ្យបានជាក់លាក់នៅឡើយ។

ចុះអ្វីទៅជា 5G?
ភាពមានន័យមិនច្បាស់ជុំវិញ 5G គឺដោយសារវាស្ថិតក្នុងទស្សនៈធំធេងមួយនាពេលនេះ ហើយឧស្សាហកម្មអ៊ីនធឺណិតគ្មានខ្សែ (Wireless) មិនទាន់បានកំណត់អ្វីជាស្តង់ដាររួមនៅឡើយ។ ប៉ុន្តែវាកំពុងតែឆ្ពោះទៅសម្រេចនូវគោលដៅ ដែល 5G មួយនេះគួរមាន៖

-ល្បឿនលឿន៖ បច្ចុប្បន្ន 4G មានសមត្ថភាពដោនឡូតឯកសារ1Gb ក្នុង១វិនាទី (ការអនុវត្តជាក់ស្ដែងមិនលឿនអីចឹងទេ)។ សម្រាប់ 5G នឹងបង្កើនល្បឿន10Gb ក្នុងមួយវិនាទី។

-Latency៖ សំដៅទៅលើរយៈពេលក្នុងការផ្ញើ Data ពីឧបករណ៍បច្ចេកវិទ្យាមួយទៅឧបករណ៍មួយ។ បច្ចុប្បន្ន Latency របស់ 4G គឺម្ដុំ 50 milliseconds ប៉ុន្តែ 5G នឹងបន្ថយ Latency មកនៅប្រហែល 1 millisecond វិញ។ ការធ្វើបែបនេះនឹងមានសារសំខាន់សម្រាប់រថយន្តបើកបរដោយខ្លួនឯង។

-ភ្ជាប់ពិភពលោកប្រសើរជាងមុន៖ ការប្រើប្រាស់អ៊ីនធឺណិត (ឧបករណ៍ពាក់ក្បាល កម្មវិធីSmart Home កម្មវិធីភ្ជាប់ជាមួយរថយន្ត) នឹងរីកចម្រើនខ្លាំងក្លានៅ១០ឆ្នាំទៀត ដូច្នេះនឹងមានតម្រូវការបណ្ដាញ ដែលអាចដំណើរការបានជាមួយឧបករណ៍រាប់ពាន់លាន។ ពីក្រោយការអភិវឌ្ឍបច្ចេកវិទ្យាថ្មី 5G គឺដើម្បីផ្ដល់នូវសមត្ថភាពខ្លាំងបែបហ្នឹង (តម្រូវតាមការត្រូវការនៅ១០ឆ្នាំទៀត) និងអាចដាក់ឲ្យ Bandwidth ធ្វើការតាមសេចក្ដីត្រូវការរបស់កម្មវិធី និងអ្នកប្រើប្រាស់។

korea-telecom-5g-2

ចុះ 5G នឹងអាចឲ្យអ្នកធ្វើអ្វី ដែល 4G មិនអាចធ្វើបាន?
បើនិយាយទៅ 5G ដឹងតែមានល្បឿនលឿនជាង។ យោងតាមក្រុមហ៊ុន Huawei ឲ្យដឹងដែរថា 5G នឹងអាចឲ្យអ្នកទាញយកវីដេអូ HD ទំហំ 8Gb ក្នុងរយៈពេល៦វិនាទី ខណៈ 4G ត្រូវចំណាយពេល៧នាទី ឬ 3G ដល់ទៅមួយម៉ោង។

តើនៅពេលណាបាន 5G ប្រើ?
ក្រុមហ៊ុនបច្ចេកវិទ្យាខ្លះថា នឹងមានប្រើនៅពេលឆាប់ៗ ខណៈខ្លះទៀតថា នឹងបានត្រឹមឆ្នាំ២០២០ ប៉ុន្តែទោះបីយ៉ាងណា ការរំពឹងទាំងនេះដូចជាសុទិដ្ឋិនិយមពេកហើយសម្រាប់អ្នកបច្ចេកវិទ្យា មួយចំនួន៕

ប្រភព៖ recode

ក្រុមហ៊ុនបច្ចេកវិទ្យា Apple បានវាយលុកទីផ្សារយ៉ាងខ្លាំងក្នុងរយៈពេលប៉ុន្មានឆ្នាំចុងក្រោយ នេះ ជាពិសេសគឺផលិតផល iPhone គ្រប់ជំនាន់ ដែលគ្រប់គ្នាតែងនិយាយមិនដាច់ពីមាត់។ ដោយសារបែបនេះហើយ ទើបក្រុមហ៊ុនយក្សខាងលើ បានពង្រីកសាខា Apple Store ជាង ៤០០កន្លែងនៅទូទាំងពិភពលោក។

ខាងក្រោមនេះ គឺរឿងពិតមួយចំនួនដែលអ្នកនឹងភ្ញាក់ផ្អើលចំពោះ Apple Store៖

១. កន្លែងណាមាន Apple Stores កន្លែងនោះមានមនុស្សទៅច្រើន ដូចនេះហើយទើប ក្រុមហ៊ុន Apple អាចចរចាជួលទីតាំងក្នុងផ្សារទំនើបនានាបានថោក។ បើតាមកាសែត Wall Street Journal របស់សហរដ្ឋអាមេរិក បានបង្ហាញថា Apple Stores អាចបង្កើនការលក់ទំនិញនានានៅក្នុងផ្សារទំនើប បាន ១០ភាគរយ។

២. ក្រុមហ៊ុន Apple មានបុគ្គលិកលក់ផលិតផលរបស់ខ្លួននៅតាម Apple Stores នានាទូទាំងពិភពលោក ប្រហែល ៥០០០០នាក់ ហើយប្រសិនបើបុគ្គលិកទាំងនោះប្រមូលផ្ដុំគ្នា អាចស្មើនឹងរបាយប្រជាជននៃទីក្រុងទំហំកណ្ដាលមួយរបស់សហរដ្ឋអាមេរិក។

៣. ជាទូទៅ Apple Stores ទូទាំងពិភពលោក មានអ្នកចូលទស្សនា និងទិញផលិតផលជាមធ្យមជាង ១លាននាក់ក្នុងមួយថ្ងៃ ឬយ៉ាងតិច ៣៦៥លាននាក់ក្នុងមួយឆ្នាំ។

៤. Apple Stores នៅតាមបណ្ដោយផ្លូវ Nanjing East ក្រុងសៀងហៃ គឺជាហាងដ៏មមាញឹកបំផុតរបស់ Apple ដោយក្នុងមួយថ្ងៃ អាចទទួលភ្ញៀវបានដល់ទៅ ២៥០០០នាក់។

៥. ក្រុមហ៊ុន Apple បានជួលផ្ទៃដីយ៉ាងតិច ៤,៩លានហ្វីតការ៉េ ដើម្បីប្រតិបត្តិការលក់ផលិតផលរបស់ខ្លួន ស្មើនឹងទំហំទីលានបាល់ទាត់៨៥។

៦. នៅចុងឆ្នាំ២០១៤ Apple Stores មានទាំងអស់ ៤៣៧កន្លែង ហើយក្នុងចំណោមនោះ ២៥៩កន្លែង មានទីតាំងនៅក្នុងសហរដ្ឋអាមេរិក។

៧. ជាមធ្យម ចំណូលដែលទទួលបានពី Apple Store មួយទីតាំង ស្មើនឹង ៥០.៦លានដុល្លារ នៅក្នុងឆ្នាំ២០១៤។

៨. ក្រុមហ៊ុនបច្ចេកវិទ្យាយក្ស Apple គ្រោងបើកសាខា Apple Stores ថ្មី ២៥ ទៀត ក្នុងឆ្នាំ២០១៥នេះ ហើយភាគច្រើនមានទីតាំងនៅក្រៅសហរដ្ឋអាមេរិក។

ប្រែសម្រួល៖ គង់ វិសាល
ប្រភព៖ businessinsider

ដំណឹងប្រាំពីរ

Samsung បញ្ចេញថេប្លេតថ្មីស្ដើងម្ដងពីរម៉ូដែលគឺ Galaxy Tab A និង A Plus តម្លៃចាប់ពី ២៨០ដុល្លារ បុកចូលទីផ្សាររុស្សី

ធ្លាយរូបថតកូនក្រមុំអ្នកឧកញ៉ាស្អាតៗប៉ុន្មានសន្លឹក ខណៈវេលាចូលរោងកាន់តែជិតមកដល់

Microsoft កំពុងបង្កើតនិងដាក់ឈ្មោះកម្មវិធី Browser ថ្មីជំនួស IE!

លំហាត់ប្រាណធ្វើឲ្យសុដន់ស្រស់ស្អាត ដោយមិនចាំបាច់ធ្វើការវះកាត់