ដំណឹងប្រាំពីរ: Android

Android

Showing posts with label Android. Show all posts

ថ្មីៗនេះ មានព័ត៌មាន លេចឮមកថា ក្រុមហ៊ុនអេឡិចត្រូនិក កូរ៉េមួយនេះចង់បង្កើត Tablet អេក្រង់ទំហំ ១២.២អ៊ីង ដែលនេះជាលើក ដំបូងពុំមានឮពីមុនមក ខណៈក្រុមហ៊ុន Samsung បានបង្កើត និងដាក់លក់នូវ Tablet ជាច្រើនម៉ូដែល នៅលើទីផ្សារ ដោយក្នុងនោះ ក្រុមហ៊ុនកូរ៉េមួយនេះក៏ទទួលបានជោគជ័យ ជាច្រើនជាមួយនឹង Tablet អេក្រង់ទំហំ ៧អ៊ីង ៨អ៊ីង និង១០អ៊ីង។

យោងតាមសារព័ត៌មាន SAM Mobile បានឲ្យដឹងថា ក្រុមហ៊ុន Samsung គ្រោងនឹងបង្កើត Tablet អេក្រង់ទំហំ ១២.២អ៊ីង ដែលមានឈ្មោះថា Samsung Tablet PC និងមានកូដឈ្មោះ “SM-P905” ប៉ុន្តែនៅមិន ទាន់ដឹងច្បាស់ថា Samsung Tablet PC ប្រើប្រាស់នូវប្រព័ន្ធ ដំណើរការមួយ ណានោះទេ តែប្រហែលជា Windows 8 ច្រើនជាង Android៕

HTC Desire ជាខ្សែស្រឡាយទូរស័ព្ទទំនើបតម្លៃមធ្យមរបស់ក្រុមហ៊ុន HTC ហើយកាលពីខែមិថុនាកន្លងទៅក្រុមហ៊ុនបានប្រកាសចេញរួចហើយនូវទូរស័ព្ទ HTC Desire 200 ដោយឡែកពេលនេះ HTC បានបញ្ចេញទូរស័ព្ទទំនើបដែលស្ថិតក្នុងស្រឡាយ HTC Desire ដ៏ថ្មីសន្លាងមួយម៉ូដែលទៀតគឺ HTC Desire 500 ។ លក្ខណសម្បត្តិបច្ចេកទេសមួយចំនួនរបស់ HTC Desire 500 រួមមានដូចខាងក្រោម៖

អេក្រង់ទំហំ 4.3-inch
កម្រិតភាពច្បាស់ 800 x 480 pixels
CPU Quad-core 1.2GHz (Snapdragon 200 Soc)
GPU Adreno 205
RAM 1 GB
អង្គផ្ទុកទិន្នន័យជាប់ម៉ាស៊ីនទំហំ 4 GB (អាចបន្ថែម microSD card)
កាមេរ៉ាមុខទំហំ 1.6 MP និង កាមេរ៉ាក្រោយទំហំ 8 MP
ដំណើរការដោយប្រព័ន្ធប្រតិបត្តិការ Android Jelly Bean
ថាមពលថ្ម 1,800mAh

បញ្ជាក់៖ HTC Desire 500 នឹងត្រូវដាក់លើទីផ្សារប្រទេសតៃវ៉ាន់នៅថ្ងៃទី០១ សីហា ខាងមុខនេះដោយប្រគល់សិទ្ធិចែកចាយឲ្យក្រុមហ៊ុន Taiwan Mobile រីឯតម្លៃវិញគឹប្រហែល $400 ។ សម្រាប់ព័ត៌មានទាក់ទងនឹងការមកដល់ទីផ្សារកម្ពុជានាថ្ងៃណានិងត្រូវលក់ក្នុងតម្លៃប៉ុន្មាននោះគ្មានប្រភពណាបញ្ជក់នៅឡើយទេ ៕

Droid Ultra ជាទូរស័ព្ទទំនើបស្ថិតក្នុងខ្សែស្រឡាយ Motorola Droid ដែលប្រិយមិត្តកំពុងរង់ចាំ ។ សម្រាប់ពេលនេះលក្ខណសម្បត្តិបច្ចេកទេសពិតប្រាកដរបស់ទូរស័ព្ទទំនើបមួយនេះត្រូវបានបញ្ជាក់យ៉ាងច្បាស់ហើយជាមួយនិងទូរស័ព្ទទំនើបពីរម៉ូដែលទៀតគឺ Motorola Droid mini និង Motorola Droid Maxx ។ ទូរស័ព្ទទំនើបទាំងបីត្រូវបានប្រកាសចេញលក់នៅក្រុមហ៊ុន Verizon ដែលជាក្រុមហ៊ុនផ្គត់ផ្គង់ប្រព័ន្ធសេវាដ៏ធំរបស់សហរដ្ឋ ។

លក្ខណសម្បត្តិបច្ចេកទេសរបស់ទូរស័ព្ទទំនើប Motorola Droid Ultra រួមមានដូចខាងក្រោម៖

វិមាត្រ 137.4 x 71.1 x 7.1 mm
ទម្ងន់ 140 g
អេក្រង់ទំហំ 5-inch
បច្ចេកវិទ្យាអេក្រង់ Super AMOLED
កម្រិតភាពច្បាស់ 720 x 1,280 pixels
CPU Dual-core 1.7GHz
RAM 2 GB
អង្គផ្ទុកទិន្នន័យជាប់ម៉ាស៊ីនទំហំ 16 GB (អាចបន្ថែម microSD card 32 GB)
មានបំពាក់បច្ចេកវិទ្យា NFC, GPS, Bluetooth, Wi-Fi, 4G LTE,.
កាមេរ៉ាមុខទំហំ 2 MP និងកាមេរ៉ាក្រោយទំហំ 10 MP (LED Flash)
ដំណើរការដោយប្រព័ន្ធប្រតិបត្តិការ Android 4.2 Jelly Bean
ថាមពលថ្ម 2,130mAh (អាចនិយាយបានរហូតដល់ ២៨ ម៉ោង និង standby បាន ១៣ថ្ងៃ)

បញ្ជាក់៖ បច្ចុប្បន្នទូរស័ព្ទទំនើប Motorola Droid Ultra មានដាក់លក់នៅទីផ្សារសហរដ្ឋក្នុងតម្លៃ $199 (ជាប់កិច្ចសន្យាប្រើប្រព័ន្ធសេវារបស់ Verizon ចំនួនពីរឆ្នាំ) ស្របពេលគ្នានេះដែរក្រុមហ៊ុនក៏បានបញ្ចេញ Droid mini និង Droid Maxx ផងដែរ ដោយលក់ក្នុងតម្លៃ $99 និង $299 រៀងគ្នា ៕

កាលពីថ្ងៃទី៨ ដល់ថ្ងៃទី១១ ខែមករា ឆ្នាំ២០១៣ ដើមឆ្នាំនេះមានក្រុមហ៊ុនផលិតគ្រឿងអេឡិចត្រូនិកជាច្រើនជុំវិញពិភពលោកបានទៅប្រមូលផ្ដុំគ្នានៅឯមហាព្រឹត្តិការណ៍ពិព័រណ៍ផលិតផលអេឡិចត្រូនិក CES 2013 ដែលបានប្រារព្ធឡើងនៅមជ្ឈមណ្ឌលសន្និបាត Las Vegas, U.S.A ។

នៅក្នុងព្រឹត្តិការណ៍នោះគេក៏សង្កេតឃើញក្រុមហ៊ុន Lenovo បានបញ្ចេញផលិតផលរបស់ខ្លួនផងដែរ ហើយបើនិយាយពីទូរស័ព្ទទំនើបចម្បង (flagship smartphone) សម្រាប់ឆ្នាំ២០១៣ របស់ Lenovo ដែលបានយកទៅប្រកាសចេញជាផ្លូវការនៅទីនោះវិញគឺទូរស័ព្ទ Lenovo K900 ។ កាលដើមឡើយក្រុមហ៊ុនបានបញ្ចេញ Lenovo K900 តែពីរពណ៌នោះទេគឺ ពណ៌ខ្មៅ និង ពណ៌ប្រាក់ ដោយឡែកសម្រាប់ពេលនេះក្រុមហ៊ុនបានចាប់ផ្ដើមបញ្ចេញ Lenovo K900 មួយជម្រើសទៀតហើយគឺ Lenovo K900 ពណ៌ទឹកក្រូច ដែលមើលទៅពិតជាស្រស់ស្អាត និងជាទីចាប់អារម្មណ៍យុវវ័យ ។

លក្ខណសម្បត្តិបច្ចេកទេសរបស់ Lenovo K900 មានដូចខាងក្រោម៖

អេក្រង់ទំហំ 5.5-inch
បច្ចេកវិទ្យាអេក្រង់ IPS
កម្រិតភាពច្បាស់ 1,920 x 1080 pixels (FullHD)
កម្រាស់ 6.9 mm
ទម្ងន់ 162 g
CPU Intel Clover Trail+ 2GHz
RAM 2 GB
អង្គផ្ទុកទិន្នន័យជាប់ម៉ាស៊ីនទំហំ 16 GB (អាចបន្ថែម microSD card 32 GB)
ប្រើប្រព័ន្ធប្រតិបត្តិការ Android 4.2 Jelly Bean
កាមេរ៉ា 13 MP
សូមបញ្ជាក់ថាបច្ចុប្បន្នទូរស័ព្ទទំនើប Lenovo K900 ពណ៌ទឹកក្រូចមានលក់នៅទីផ្សារប្រទេសចិត្ត ចំពោះតម្លៃទូរស័ព្ទនេះគឺប្រហែល $540 ។ សម្រាប់ទីផ្សារកម្ពុជាសូមប្រិយមិត្តរង់ចាំសាកសួរតាមហាងលក់ទូរស័ព្ទនានាក្នុងរាជធានីភ្នំពេញ ៕

ថ្មីៗនេះមានព័ត៌មានថាក្រុមហ៊ុន Oppo កំពុងតែត្រៀមនឹងបញ្ចេញទូរស័ព្ទទំនើបប្រភេទ Phablet មួយម៉ូដែលគឺ Oppo U2S ឬ Oppo Ulike2 ហើយបើយោងតាមប្រភពពី Gizchina បានឲ្យដឹងដែរថា Oppo Ulike ជំនាន់ទី១គឺជាទូរស័ព្ទទំនើបទីមួយក្នុងចំណោមទូរស័ព្ទទំនើបដែលមានបំពាក់ដោយកាមេរ៉ាមុខដែលមានកម្រិតភាពច្បាស់ខ្ពស់ ។ នៅខណៈដែលក្រុមហ៊ុន Oppo កំពុងតែត្រៀមក្នុងការបញ្ចេញ Oppo U2S នោះ ពេលនេះលក្ខណសម្បត្តិបច្ចេកទេសរបស់ទូរស័ព្ទទំនើបមួយនេះត្រូវបានបង្ហាញខ្លះៗហើយ ។ លក្ខណសម្បត្តិបច្ចេកទេសរបស់ Oppo U2S មានដូចខាងក្រោម៖

វិមាត្រ 152 x 75.8 x 9.4 mm
អេក្រង់ទំហំ 5.5-inch
កម្រិតភាពច្បាស់ 1,280 x 720 pixels
CPU Quad-core 1.2GHz (Mediatek)
RAM 1 GB
អង្គផ្ទុកទិន្នន័យជាប់ម៉ាស៊ីនទំហំ 16 GB
កាមេរ៉ាមុខទំហំ 5 MP និង កាមេរ៉ាក្រោយទំហំ 8 MP
ប្រព័ន្ធប្រតិបត្តិការ Android 4.2 Jelly Bean
ថាមពលថ្ម 3,000mAh

ក្រុមហ៊ុន Oppo មិនទាន់បានបង្ហើបឲ្យដឹងពីកាលបរិច្ឆេទប្រកាសចេញទូរស័ព្ទទំនើប Oppo U2S នៅឡើយទេ ប៉ុន្តែប្រភពខាងលើរំពឹងថាក្រុមហ៊ុននឹងបញ្ចេញទូរស័ព្ទនេះនាពេលឆាប់ៗខាងមុខ ដោយលក់ក្នុងតម្លៃប្រហែល $320 ៕

បើទោះបីជាទូរស័ព្ទទំនើបចម្បង (Flagship smartphone) ជំនាន់ថ្មីរបស់ក្រុមហ៊ុន LG មិនទាន់ត្រូវបានប្រកាសចេញជាផ្លូវការក៏ដោយ ក៏រូបភាពនិងលក្ខណសម្បត្តិបច្ចេកទេសរបស់វាត្រូវបានបង្ហាញរួចហើយកាលពីជាងមួយសប្ដាហ៍មុននេះ ។ បើយោងតាមប្រភពព័ត៌មានដែលចេញនាពេលកន្លងមកសុទ្ធតែបានគិតថាទូរស័ព្ទទំនើបមួយនេះស្ថិតក្នុងស្រឡាយ LG Optimus ដោយគិតថាវាជាជំនាន់ទីពីររបស់ Optimus G គឺ Optimus G2 ប៉ុន្តែអ្វីដែលខុសប្លែកនោះពេលនេះក្រុមហ៊ុន LG បានបញ្ជាក់ហើយថាទូរស័ព្ទទំនើបមួយនេះមានឈ្មោះថា LG G2 ដូច្នេះវាមិនស្ថិតក្នុងស្រឡាយ LG Optimus នោះទេ ។ ក្រុមហ៊ុន LG ក៏រំពឹងដែរថានឹងលក់ទូរស័ព្ទ LG G2 ឲ្យចំនួន ១០លានគ្រឿង ។ លក្ខណសម្បត្តិបច្ចេកទេសមួយចំនួនរបស់ Optimus G2 រួមមានដូចខាងក្រោម៖

អេក្រង់ទំហំ 5.2-inch
កម្រិតភាពច្បាស់ 1,080p(Full HD)
CPU 2.3GHz ( Snapdragon 800)
RAM 2 GB
កាមេរ៉ាទំហំ 13 MP
ដំណើរការដោយប្រព័ន្ធប្រតិបត្តិការ Android 4.2.2 Jelly Bean

សម្រាប់លក្ខណសម្បត្តិបច្ចេកទេសលម្អិតជាងនេះទៀតរបស់ទូរស័ព្ទទំនើប LG G2 សូមប្រិយមិត្តរង់ចាំតាមដានជាមួយពពក ។ ព័ត៌មានលម្អិតទាក់ទងនឹងលក្ខណសម្បត្តិបច្ចេកទេសទាំងនោះនឹងត្រូវបង្ហាញបន្ទាប់ពីក្រុមហ៊ុនប្រកាសចេញជាផ្លូវការនូវទូរស័ព្ទទំនើប G2 នាថ្ងៃទី០៧ ខែសីហា ខាងមុខនេះ ៕

សូមទស្សនាវីឌីអូខាងក្រោម៖

ក្រុមហ៊ុន ZTE ទើបតែបានធ្វើការប្រកាសចេញជាផ្លូវការនូវទូរស័ព្ទទំនើបថ្មីមួយទៀតដែលមានឈ្មោះថា ZTE Nubia Z5 Mini ។ ទូរស័ព្ទទំនើប ZTE Nubia Z5 គឺជាទូរស័ព្ទដើមរបស់ក្រុមហ៊ុន ZTE ដែលបំពាក់ដោយអេក្រង់ 5-inch និងមានកម្រិតភាពច្បាស់ Full HD ដោយឡែកចំពោះទូរស័ព្ទ ZTE Nubia Z5 Mini គឺត្រូវបានបំពាក់ដោយអេក្រង់ទំហំ 4.7-inch និងមិនមានកម្រិតភាពច្បាស់ Full HD ដូចទូរស័ព្ទដើមនោះទេ ។

ទូរស័ព្ទទំនើប ZTE Nubia Z5 Mini ត្រូវបានបំពាក់ដោយកាមេរ៉ាក្រោយទំហំ 13MP និង កាមេរ៉ាមុខទំហំដល់ទៅ 5MP យ៉ាងណាមិញចំពោះការផលិត និងការដាក់ឈ្មោះទូរស័ព្ទរបស់ក្រុមហ៊ុន ZTE គឺមានលក្ខណៈស្រដៀងគ្នាទៅនឹងក្រុមហ៊ុន Samsung ដែរ ដោយហេតុថា បន្ទាប់ពីបានផលិតចេញ Galaxy S4 ដែលមានអេក្រង់ 5-inch កម្រិតភាពច្បាស់ Full HD ក្រុមហ៊ុន Samsung ក៏បានផលិតចេញនូវទូរស័ព្ទថ្មីមួយទៀតដែលមានឈ្មោះ Galaxy S4 Mini និងបំពាក់ដោយអេក្រង់ទំហំ 4.3-inch ជាមួយនឹងកម្រិតភាពច្បាស់ qHD(540 x 960 pixels) ប៉ុណ្ណោះ ។

លក្ខណសម្បត្តិរបស់ ZTE Nubia Z5 Mini ៖

អេក្រង់ 4.7-inch
កម្រិតភាពច្បាស់ 1280 x 720 pixel
កាមេរ៉ាក្រោយ 13MP និងមុខ 5MP
CPU quad-core Snapdragon S4 Pro
RAM 2GB
អង្គផ្ទុកទិន្នន័យជាប់ម៉ាស៊ីន 16GB អាចបន្ថែម microSD card
ថាមពលថ្ម 2,300mAh
ដំណើរការដោយ Android Jelly Bean

សូមបញ្ជាក់ទូរស័ព្ទទំនើប ZTE Nubia Z5 Mini ក៏ត្រូវបានក្រុមហ៊ុនចេញលក់ជាផ្លូវការផងដែរនៅក្នុងទីផ្សារប្រទេសចិនជាមួយតម្លៃប្រហែល $308 ៕

កាលពីចុងខែមុននេះក្រុមហ៊ុន Huawei បានប្រកាសចេញរួចហើយនូវកុំព្យូទ័របន្ទះស្ដើងដែលស្ថិតក្នុងខ្សែស្រឡាយ MediaPad 7 កុំព្យូទ័របន្ទះស្ដើងមួយនោះគឺ MediaPad 7 Vogue (អាច Call បាន) ។ ដោយឡែកសម្រាប់ពេលនេះក្រុមហ៊ុនបានប្រកាសចេញជាផ្លូវការនូវកុំព្យូទ័របន្ទះស្ដើងមួយម៉ូដែលទៀតគឺ MediaPad 7 Youth ដែលមានលក្ខណសម្បត្តិបច្ចេកទេសដូចខាងក្រោម៖

អេក្រង់ទំហំ 7-inch (multi-touch)
បច្ចេកវិទ្យាអេក្រង់ Retina
កម្រិតភាពច្បាស់ 1,080p (Full HD) ឬ 315 pixels ក្នុងមួយអ៊ីញ (315ppi)
CPU Dual-core 1.6GHz
ដំណើរការដោយប្រព័ន្ធប្រតិបត្តិការ Android 4.1 Jelly Bean
ថាមពលថ្ម 4,100mAh
កម្រាស់ 9.9 mm
ទម្ងន់ 350 g
មាន Wi-Fi, 3G, GSM, HSPA+,.

សូមបញ្ជាក់ថាក្រុមហ៊ុន Huawei មិនទាន់បានបង្ហើបឲ្យដឹងពីតម្លៃនិងកាលបរិច្ឆេទចេញលក់នៅឡើយទេ ដោយក្រុមហ៊ុនគ្រាន់តែបញ្ជាក់ថានឹងបញ្ចេញកុំព្យូទ័របន្ទះស្ដើងមួយម៉ូដែលនេះទៅលើទីផ្សារប្រទេសចិន រុស៊្សី អាស៊ីប៉ាស៊ីហ្វិក មជ្ឈិមបូព៌ា និង អឺរ៉ុប នៅបំណាច់ខែកញ្ញាឆ្នាំ២០១៣ នេះ ។ សម្រាប់ព័ត៌មានបន្ថែមសូមប្រិយមិត្តរង់ចាំតាមដានជាមួយពពក (តម្លៃប៉ាន់ស្មាននៅអឺរ៉ុបគឺប្រហែល $328) ៕

Sony Xperia i1 ដែលមានឈ្មោះកូដថា “Honami” ត្រូវបានពាក្យចចាមអារ៉ាមកាលពីពេលមុននិយាយថា នឹងត្រូវប្រកាសចេញនាថ្ងៃទី៤ កក្កដា នៅទីក្រុងបារី ប្រទេសបារាំង ប៉ុន្តែរហូតមកដល់ពេលនេះទូរស័ព្ទនេះមិនទាន់ត្រូវបានប្រកាសចេញនៅឡើយទេ ។ យ៉ាងណាមិញសម្រាប់លក្ខណសម្បត្តិលំអិតរបស់ទូរស័ព្ទទំនើប Sony Xperia i1 ក៏គេទើបតែទទួលបាននូវក្នុងពេលនេះផងដែលតាមរយៈប្រភព ePrice ។

អស់រយៈម្ដងហើយ ម្ដងទៀត ជាពិសេសកាលពីខែមិថុនា និងដើម ខែកក្កដា នេះយើងបានទទួលនូវព័ត៌មានជាច្រើនទាក់ទងទៅនឹងទូរស័ព្ទ Sony Xperia i1 ប៉ុន្តែព័ត៌មានទាំងនោះមិនមានការបញ្ជាក់លំអិតពីលក្ខណសម្បត្តិរបស់ទូរស័ព្ទនេះទេ ។ ដោយឡែកពេលនេះប្រភពគេហទំព័រព័ត៌មាន ePrice របស់ តៃវ៉ាន ទើបតែបានចេញនូវរបាយការណ៍ថ្មីពីលក្ខណសម្បត្តិដែលអាចនឹងត្រូវបំពាក់នៅលើទូរស័ព្ទ Sony Xperia i1 ។

យោងតាម ePrice ទូរស័ព្ទ Sony Xpeira i1 នឹងមានលក្ខណសម្បត្តិ៖

អេក្រង់ 5-inch
កម្រិតភាពច្បាស់ Full HD (1080p)
កាមេរ៉ាថតរូប 20.7MP និង 2MP សម្រាប់ Webcam
CPU 2.2GHz Qualcomm Snapdragon 800
RAM 2GB
បំពាក់ដោយ NFC
អង្គផ្ទុកទិន្នន័យជាប់ម៉ាស៊ីន 16GB មានបន្ថែម microSD card
ថាមពលថ្ម 3000 mAh

សូមបញ្ជាក់ថា Sony Xperia i1 ត្រូវបានគេរាយការណ៍ថា ជាទូរស័ព្ទទំនើបដែលមានជំនាញខាងថតរូបរបស់ក្រុមហ៊ុន Sony ហើយទូរស័ព្ទនេះនឹងត្រូវជាគូប្រកួតជាមួយនឹងទូរស័ព្ទ Nokia Lumia 1020 និង Samsung Galaxy S4 Zoom នាពេលឆាប់ៗខាងមុខ ។ ដោយឡែកក្រៅពីព័ត៌មានខាងលើយើងនូវទទួលបាននូវព័ត៌មានមួយទៀតថា ទូរស័ព្ទទំនើប Sony Xperia i1 នឹងត្រូវប្រកាសចេញនា ខែកញ្ញា នៅក្នុងពិពណ៌ពាណិជ្ជកម្មគ្រឿងអេឡិចត្រូនិក IFA 2013 ក្នុងទីក្រុង បែកឡាំង ប្រទេសអាល្លឺម៉ង់ ៕

HP ដែលជាក្រុមហ៊ុនមួយល្បីខាងផលិតកុំព្យូទ័រនោះ បានងាកមកពង្រីកផលិតផលរបស់ខ្លួនបន្ថែមទៀតតាមរយៈការផលិតកុំព្យូទ័របន្ទះស្ដើង (Tablet) នៅពេលនេះមានរូបភាពទូរស័ព្ទទំនើបដែលមានម៉ាក HP ត្រូវបានបង្ហាញនៅពេញបណ្ដាញអ៊ីនធឹណិតដូច្នេះមានន័យថាក្រុមហ៊ុន HP កំពុងតែត្រៀមនឹងបញ្ចេញទូរស័ព្ទទំនើបដែរហើយ ។ សូមរំលឹកផងដែរថាកាលពីដើមឆ្នាំនេះក្រុមហ៊ុន HP បានប្រកាសចេញកុំព្យូទ័របន្ទះស្ដើង Slate 7 ដំណើរការដោយ Android OS តម្លៃត្រឹមតែ $169 ។

រូបភាពទូរស័ព្ទទំនើបរបស់ក្រុមហ៊ុន HP នោះត្រូវបានគេបង្ហាញនៅលើគេហទំព័រ PhoneArena ប៉ុន្តែទោះជាយ៉ាងណា នេះគឹជារូបភាពដែលទទួលបានពីប្រភពមិនបញ្ចេញឈ្មោះរបស់ PhoneArena តែប៉ុណ្ណោះព្រោះ HP មិនទាន់បានបញ្ជក់ថាវាពិតជាផលិតផលរបស់ខ្លួននៅឡើយទេ ។ ថ្មីៗនេះនាយកប្រតិបត្តិរបស់ក្រុមហ៊ុន HP លោក Meg Whitman បានមានប្រសាសន៍ប្រាប់ Fox Business ថាក្រុមហ៊ុនកំពុងតែធ្វើការលើគម្រោងផលិតទូរស័ព្ទទំនើប ប៉ុន្តែលោកមិនបានបង្ហើបឲ្យដឹងថាទូរស័ព្ទទំនើបនោះនឹងមានឈ្មោះអ្វី ហើយដំណើរការដោយ OS មួយណានោះទេ តែទោះជាយ៉ាងណាគេរំពឹងថាទូរស័ព្ទទំនើបនោះនឹងត្រូវក្រុមហ៊ុនបំពាក់ដោយ Android OS ។

សូមបញ្ជាក់ថា លោក Meg Whitman ធ្លាប់បានប្រាប់អ្នកសារព័ត៌មានថា វាមិនទាន់យីតពេលទេក្នុងការប្រកួតប្រជែងលើ ហ្គេមតាមទូរស័ព្ទដៃ ហើយនៅពេលដែល HP បញ្ចេញទូរស័ព្ទទំនើបនោះ ប្រិយមិត្តនឹងទទួលបាននូវបទពិសោធន៍ថ្មី ។ ដូច្នេះមានន័យថាមិនយូរទេក្រុមហ៊ុន HP នឹងបញ្ចេញទូរស័ព្ទទំនើបទៅលើទីផ្សារ សូមប្រិយមិត្តរង់ចាំតាមដានជាមួយពពក

Galaxy Mega គឺជាទូរស័ព្ទទំនើបប្រភេទ Phablet របស់ក្រុមហ៊ុន Samsung ដែលបានប្រកាសចេញកាលពីខែមេសា ។ កាលនោះក្រុមហ៊ុនបានបញ្ចេញ Galaxy Mega ចំនួនពីរដែលមានអេក្រង់ទំហំ 5.8-inch និង 6.3-inch កាលនោះដែរគេសង្កេតឃើញថាក្រុមហ៊ុនមានផ្ដល់នូវ Galaxy Mega 5.8 ចំនួនពីរម៉ូដែលគឺ ស៊ីមមួយ (Single-SIM) និង ស៊ីមពីរ (Dual-SIM) ប៉ុន្តែចំពោះ Galaxy Mega 6.3 វិញគឺមានតែមួយម៉ូដែលទេគឹ ស៊ីមមួយ ដោយឡែកពេលនេះមានការលេចចេញនូវរូបភាពរបស់ Galaxy Mega 6.3 Duos (ស៊ីមពីរ) ។

លក្ខណសម្បត្តិបច្ចេកទេសរបស់ទូរស័ព្ទទំនើប Galaxy Mega 6.3 Duos រួមមានដូចខាងក្រោម៖

អេក្រង់ទំហំ 6.3-inch
បច្ចេកវិទ្យាអេក្រង់ LCD
កម្រិតភាពច្បាស់ 720p
CPU Dual-core 1.7GHz (Exynos)
RAM 1 GB
កាមេរ៉ាមុខទំហំ 2 MP និងកាមេរ៉ាក្រោយទំហំ 8 MP
ដំណើរការដោយប្រព័ន្ធប្រតិបត្តិការ Android 4.2.2 Jelly Bean

សូមបញ្ជាក់ថា ក្រៅពីសមត្ថភាពអាចប្រើស៊ីមពីរនោះ លក្ខណសម្បត្តិបច្ចេកទេសផ្សេងៗទៀតរបស់ Galaxy Mega 6.3 Duos គឺដូចគ្នាទៅនឹងម៉ូដែលស៊ីមមួយដែរ ។ មកទល់ពេលនេះគ្មានប្រភពណាអាចទទួលបានការបង្ហើបឲ្យដឹងពីក្រុមហ៊ុន Samsung ថានឹងប្រកាសចេញជាផ្លូវការនូវទូរស័ព្ទទំនើបមួយម៉ូដែលនេះនៅថ្ងៃណានោះទេ ។ ចំពោះព័ត៌មានបន្ថែមដែលទាក់ទងនឹង Galaxy Mega 6.3 Duos សូមប្រិយមិត្តរង់ចាំតាមដានជាមួយពពក ៕

ថ្មីៗនេះមានការរំពឹងថាក្រុមហ៊ុន Meizu នឹងបញ្ចេញទូរស័ព្ទទំនើបរបស់ខ្លួនមួយម៉ូដែលនៅមុនកាលកំណត់ដែលធ្លាប់ធ្វើជារៀងរាល់ឆ្នាំ ។ ទូរស័ព្ទទំនើបមួយនោះគឺ Meizu MX3 ដែលនឹងត្រូវប្រកាសចេញថ្ងៃទី២៨ ខែកញ្ញា ឆ្នាំ២០១៣ នេះហើយ ។ សូមរំលឹកបន្តិចថាជាទម្លាប់របស់ក្រុមហ៊ុនមួយនេះគឺតែងតែបញ្ចេញនូវទូរស័ព្ទទំនើបជំនាន់ថ្មីនៅចុងឆ្នាំនិងសម្រាប់លក់ក្នុងរដូវឈប់សម្រាកចូលឆ្នាំចិន ។

ដោយឡែកសម្រាប់ឆ្នាំនេះដោយសារតែមានសម្ពធពីក្រុមហ៊ុនដៃគូប្រជែងមួយចំនួនដូចជា Oppo, Huawei និង Xiaomi ជាដើមនោះ បានធ្វើឲ្យ Meizu ត្រូវតែបង្ខំចិត្តបញ្ចេញទូរស័ព្ទទំនើបជំនាន់ថ្មីរបស់ខ្លួនឲ្យបានលឿនជាងទម្លាប់ចាស់ នេះបើយោងតាមប្រភពពី Gizchina ។ បើយោងតាមប្រភពដដែលនេះបានឲ្យថា Meizu MX3 នឹងមានលក្ខណសម្បត្តិបច្ចេកទេសមួយចំនួនដូចខាងក្រោម៖

អេក្រង់ទំហំ 5.1-inch
កម្រិតភាពច្បាស់ 1,080p (Full HD)
CPU Samsung Exynos 5 Octa (8-core)
RAM 2 GB
កាមេរ៉ាទំហំ 13 MP

សូមបញ្ជាក់ថាមកទល់ពេលនេះមិនទាន់មានប្រភពណាអាចបង្ហាញពីរូបរាងពិតរបស់ទូរស័ព្ទមួយនេះទេរូបភាពដែលបង្ហាញក្នុងអត្ថបទគឺជារូបភាពគំរូដែលទទួលបានពីប្រភពខាងលើ ។ ចំពោះព័ត៌មានបន្ថែមទាក់ទងនឹងលក្ខណសម្បត្តិបច្ចេកទេសនិងរូបរាងរបស់ Meizu MX3 ប្រិយមិត្តនឹងបានជ្រាបបន្ទាប់ពីក្រុមហ៊ុន Meizu ប្រកាសចេញនៅថ្ងៃទី២៨ ខែកញ្ញា ដូច្នេះសូមរង់ចាំតាមដានជាមួយពពក ៕

Xiaomi គឺជាក្រុមហ៊ុនផលិតទូរស័ព្ទក្នុងស្រុកមួយរបស់ប្រទេសចិនដែលទទួលបានការពេញនិយមគាំទ្រយ៉ាងច្រើនពីដំណាក់ ប្រជាជនចិន ។ ដោយឡែកបន្ទាប់ពីបានចេញលក់នូវទូរស័ព្ទទំនើបអស់ជាច្រើនម៉ូដែលមកពេលនេះក្រុមហ៊ុន Xiaomi បានលក់ទូរស័ព្ទទំនើបរបស់ខ្លួនបានចំនួន ៧លានគ្រឿងហើយនៅក្នុងរយៈពេលតែឆមាសទី១ នៃឆ្នាំ២០១៣ នេះប៉ុណ្ណោះ ។

លោក Lei Jun ដែលជាស្ថាបនិករបស់ក្រុមហ៊ុន Xiaomi បានផ្ដល់ព័ត៌មានថា ក្រុមហ៊ុនលោកបានលក់ទូរស័ព្ទទំនើបរបស់ខ្លួនដែលដំណើរការដោយ Android OS បានចំនួន ៧,០៣ លានគ្រឿងហើយសម្រាប់តែរយៈពេលឆមាសទី១ ថ្មីៗនេះ ។ ដោយឡែកនៅក្នុងពេលដូចគ្នានេះក្រុមហ៊ុនបានរកប្រាក់ចំណូលចំនួន $2.15 ពាន់លាន ប៉ុន្តែមិនមានព័ត៌មានប្រាប់ឲ្យដឹងពីប្រាក់ចំណេញប៉ុន្មាននោះទេ ។

យ៉ាងណាមិញបើគេធៀបទៅនឹងប្រាក់ចំណូលនៅក្នុងពេលដូចគ្នានៃឆមាសទី១ កាលពីឆ្នាំ២០១២ ដែលមានចំនួន $957.6 លាន គេសង្កេតឃើញថា ចំនួនប្រាក់ $2.15 ពាន់លាន គឺក្រុមហ៊ុន Xiaomi បានទទួលប្រាក់ចំណូលកើនទ្វេដងបើធៀបទៅនឹងឆ្នាំមុន ។

យ៉ាងណាមិញក្រុមហ៊ុន Xiaomi មានគម្រោងនឹងលក់ទូរស័ព្ទទំនើបរបស់ខ្លួនឲ្យបានចំនួនរហូតដល់ទៅ ១៥លានគ្រឿងឯណោះ ដូច្នេះនៅក្នុងឆមាសទី១ ក្រុមហ៊ុនអាចលក់បានចំនួន 7,០៣លានគ្រឿង តើរហូតដល់ចុងត្រីមាសទី២ ឬចប់ឆ្នាំ២០១៣ ក្រុមហ៊ុនអាចលក់ទូរស័ព្ទគ្រប់ចំនួន ១៥លានគ្រឿងរបស់ខ្លួនឬទេ ?

សូមបញ្ជាក់ថា បច្ចុប្បន្នទូរស័ព្ទរបស់ក្រុមហ៊ុន Xiaomi មានអ្នកប្រើជាប្រចាំចំនួន ១៤,២២លាននាក់ នៅក្នុងប្រទេសចិន និងនៅក្នុងទីផ្សារថ្មីគឺ ហុងកុង និង តៃវ៉ាន់ដែលក្រុមហ៊ុនទើបចេញលក់កាលពីខែមេសា ។ ដូច្នេះមានន័យថា ទូរស័ព្ទរបស់ក្រុមហ៊ុន Xioami កំពុងទទួលបានប្រជាប្រិយភាពយ៉ាងច្រើនពីសំណាក់ប្រជាជនចិន ៕

កាលពីដើមខែមិថុនាក្រុមហ៊ុន Toshiba បានប្រកាសចេញកុំព្យូទ័របន្ទះស្ដើងដែលស្ថិតក្នុងស្រឡាយ Excite ចំនួនបីម៉ូដែល ដោយឡែពេលថ្មីនេះមានសេចក្ដីរាយការណ៍ Toshiba កំពុងតែត្រៀមនឹងកុំព្យូទ័របន្ទះស្ដើងមួយម៉ូដែលទៀតដែលមានអេក្រង់ទំហំ 7-inch និងដំណើរកដោយប្រព័ន្ធប្រតិបត្តិការ Android Jelly Bean ។

នៅខណៈដែលក្រុមហ៊ុន Toshiba មិនទាន់បានប្រកាសចេញជាផ្លូវការផងនូវកុំព្យូទ័របន្ទះស្ដើងម៉ូដែល Toshiba AT7-A ពេលនេះរូបរាងនិងលក្ខណសម្បត្តិបច្ចេកទេសរបស់វាត្រូវបានបង្ហាញរួចបាត់ទៅហើយ នេះបើយោងតាមប្រភពពីគេហទំព័រ GFXBench ។ រូបភាពនិងលក្ខណសម្បត្តិបច្ចេកទេសដែលបង្ហាញតាមរយៈ Androidcommunity មានដូចខាងក្រោម៖

អេក្រង់ទំហំ 7-inch
កម្រិតភាពច្បាស់ 1,024 x 600 pixels
CPU 1.6GHz
GPU ARM Mali-400
ដំណើរការដោយ Android 4.2.2 Jelly Bean

បញ្ជាក់៖ ក្រុមហ៊ុន Toshiba មិនទាន់បានបង្ហើបឲ្យដឹងទាក់ទងនឹងកាលបរិច្ឆេទជាក់លាក់នៃថ្ងៃប្រកាសចេញជាផ្លូវការនូវកុំព្យូទ័របន្ទះស្ដើងនេះនៅឡើយទេ ប៉ុន្តែគេជឿថាក្រុមហ៊ុននឹងបញ្ចេញ Toshiba AT7-A នាពេលឆាប់ៗខាងមុខនេះ ។

បច្ចុប្បន្នស្របពេលដែលទូរស័ព្ទទំនើបកំពុងអភិវឌ្ឍខ្លួនទៅកាន់អេក្រង់ធំៗ និងមានកាមេរ៉ាពោរពេញទៅដោយសមត្ថភាពខ្ពស់ ពេលនេះនាឡិកាទំនើបគឺ ជាឧបករណ៍ថ្មីមួយដែលកំពុងទទួលប្រជាប្រិយភាពបន្តិចម្ដងៗបន្ទាប់ពីទូរស័ព្ទទំនើបទាំងនោះ ។ ដោយឡែកពេលនេះយើងទើបបានទទួលនូវព័ត៌មានថ្មីថា នាឡិកាទំនើប Pebble ត្រូវបានគេបញ្ជាទិញរហូតដល់ទៅជាង ១៩ម៉ឺនគ្រឿងតាមរយៈគេហទំព័ររបស់ក្រុមហ៊ុន ។

យ៉ាងណាមិញចំនួនជាង ១៩ម៉ឺនគ្រឿងគឺ គ្រាន់តែជាការបញ្ជាទិញតាមរយៈគេហទំព័ររបស់ក្រុមហ៊ុនតែប៉ុណ្ណោះ តែបន្ថែមលើនេះក៏នៅមានចំនួនបញ្ជាទិញតាមរយៈ Kickstarter កាលពីឆ្នាំទៅផងដែរ បើតាមសេចក្ដីរាយការ ពេលនេះចំនួននាឡិកាទំនើប Pebble គឺត្រូវបានគេបញ្ជាទិញជាង ២៧៥ ពាន់គ្រឿងហើយ ។ ក្រៅពីការបញ្ជាទិញនូវនាឡិកាទំនើប Pebble ក្រុមហ៊ុនបានបញ្ជាក់ឲ្យដឹងថា ចំពោះកម្មវិធីដែលត្រូវភ្ជាប់ជាមួយទូរស័ព្ទ និង នាឡិកាទំនើបនេះ គឺត្រូវបានគេទាញយករហូតដល់ទៅ ១លាន ដង ដែលចំនួននេះត្រូវបានបូកបញ្ចូលគ្នាទាំង Android និង iOS ។

នាឡិកាទំនើប Pebble គឺជាផលិតផលថ្មីដែលត្រូវបានក្រុមហ៊ុនប្រកាសឲ្យធ្វើការបញ្ជាទិញតាមរយៈគេហទំព័រផ្ទាល់ខ្លួនរបស់គេ កាលពីថ្ងៃទី៧ កក្កដា ថ្មីៗនេះ ហើយនាឡិកាទំនើបនេះថែមទាំងដំណើរការបានទាំងជាមួយនឹងទូរស័ព្ទទំនើប Android និង iOS ។

លក្ខណសម្បត្តិរបស់នាឡិកាទំនើប Pebble ៖

144 x 168 pixel display black and white e-paper
មាន buttons ចំនួន ៤
ភ្ជាប់ជាមួយទូរស័ព្ទ Android និង iOS តាមរយៈ Bleutooth
Incoming Caller ID
SMS បានទាំង Android និង iPhone
iMessage (សម្រាប់តែ iOS)
Calendar Alerts
Facebook Messages
Twitter
Weather Alerts (ប្រាប់ពីធាតុអាកាស)
Silent vibrating alarm and timer
អាចទាញយក GPS របស់ទូរស័ព្ទដើម្បីវាស់ចម្ងាយផ្លូវ
អាចធ្វើការបញ្ជាទៅលើ Music
អាចសាកថ្មបាន និង ប្រើបានលើស ៧ថ្ងៃ
មាន backlight សម្រាប់មើលពេលងងឹត
មានអត្រា 5 ATM ដែលអាចការពារទឹកបាន
ចំណាយថាមពលថ្មទូរស័ព្ទពី 5-10% ក្នុងមួយថ្ងៃ(ដូចកាស Bluetooth)
ប្រើខ្សែ USB ដើម្បីសាកថ្ម
មានតម្លៃ $150 នៅលើគេហទំព័ររបស់ក្រុមហ៊ុន

ទស្សនាវីឌីអូខាងក្រោម ៖

សូមបញ្ជាក់ថា នាឡិកាទំនើប Pebble អាចភ្ជាប់ជាមួយនឹងទូរស័ព្ទ iPhone 3GS, 4, 4S, 5 ឬ iPod Touch ចំនួនដែលដំណើរការដោយ iOS 5 ឬ iOS 6 និង ឧបករណ៍ Android ដែលដំណើរការចាប់ពី OS 2.3 ឡើងទៅ ហើយវាមានដំណើរការកាន់តែប្រសើរជាងមួយនឹង Android 4.0 (Ice Cream Sandwich) ។ យ៉ាងណាមិញ នាឡិកានេះមិនអាចដំណើរការជាមួយនឹង Blackberry, Windows Phone 7 ឬ Palm នោះទេក្នុងពេលបច្ចុប្បន្ន ៕

កាលពីដើមខែកុម្ភៈ ឆ្នាំ២០១៣ នេះពពកបានបង្ហាញប្រិយមិត្តរួចម្ដងហើយនូវផលិតផលទូរស័ព្ទទំនើបចំនួនពីរម៉ូដែលរបស់ក្រុមហ៊ុន Blu Products ។ ប្រិយមិត្តប្រហែលជាមិនធ្លាប់បានឮឈ្មោះក្រុមហ៊ុនមួយនេះទេ ព្រោះថាវាមិនមែនជាក្រុមហ៊ុនដែលធំដូច Samsung, Apple, Nokia ជាដើមនោះទេ ប៉ុន្តែកុំភ្លេចវាជាក្រុមហ៊ុនសហរដ្ឋ ។

ថ្ងៃនេះយើងខ្ញុំសូមបង្ហាញជូនប្រិយមិត្តឲ្យបានស្គាល់ទូរស័ព្ទមួយម៉ូដែលទៀតរបស់ Blu Products ទូរស័ព្ទទំនើបមួយនេះគឺ Blu Dash 4.5 ដែលមានតម្លៃត្រឹមតែ $139 ប៉ុណ្ណោះ (តម្លៃនៅសហរដ្ឋ) ហើយអ្វីដែលពិសេសមួយទៀតនោះគឺវាគ្មានជាប់កូដទេ (Unlocked) ។ សូមបញ្ជាក់បន្តិចទៀតដែរថាក្រុមហ៊ុននេះត្រូវបានបង្កើតឡើងក្នុងឆ្នាំ២០០៩ ដោយក្រុមហ៊ុនវិនិយោគិនសញ្ជាតិអាមេរិកឡាទីន និងជាក្រុមហ៊ុនដែលមានសន្ទុះរីកចម្រើនលឿននៅក្នុងតំបន់ ដោយក្នុងមួយឆ្នាំៗផលិតទូរស័ព្ទរបស់ក្រុមហ៊ុននេះចំនួនជាង ១ លានគ្រឿង ត្រូវបានលក់នៅក្នុងប្រទេសចំនួន ២៥ នៅជុំវិញតំបន់អាមេរិកឡាទីន ។ តើប្រិយមិត្តយល់ដូចម្ដេចដែរចំពោះផលិតផលរបស់សហរដ្ឋមួយនេះ?

លក្ខណសម្បត្តិបច្ចេកទេសរបស់ទូរស័ព្ទ Blu Dash 4.5 មានដូចខាងក្រោម៖

អេក្រង់ទំហំ 4.5-inch
កម្រិតភាពច្បាស់ 854 x 480 pixels ឬ 218 pixels ក្នុងមួយអ៊ីញ (218 ppi)
CPU Quad-core 1.2GHz (MediaTek MT6589M)
GPU PowerVR SGX544
RAM 512 MB
អង្គផ្ទុកទិន្នន័យជាប់ម៉ាស៊ីនទំហំ 4 GB (អាចបន្ថែម microSD card)
មានបំពាក់ដោយ Wi-Fi, HSPA+ 21Mbps
កាមេរ៉ាមុខទំហំ 5 MP (មាន LED flash អាចថតរូបភាពប្រភេទ HDR និងថតវីឌីអូកម្រិត 720p) និង កាមេរ៉ាក្រោយ VGA
ដំណើរការដោយប្រព័ន្ធប្រតិបត្តិការ Android 4.2 Jelly Bean
ថាមពលថ្ម 2,000mAh
មានស៊ីមពីរ

បច្ចុប្បន្នទូរស័ព្ទ Blu Dash 4.5 មានដាក់លក់នៅលើទីផ្សារតាមបណ្ដាញអ៊ីនធឺណិតមួយចំនួនរបស់សហរដ្ឋ ដូចជា Amazon.com ជាដើមដោយលក់ក្នុងតម្លៃ $139 ។ ចំពោះការមកដល់ទីផ្សារកម្ពុជានៃទូរស័ព្ទនេះគ្មានប្រភពណាបញ្ជាក់នៅឡើយទេ សូមប្រិយមិត្តរង់ចាំសាកសួរតាមហាងលក់ទូរស័ព្ទនានាក្នុងរាជធានីភ្នំពេញ ៕

តើប្រិយមិត្តពេញចិត្តរូបរាងនិងលក្ខណសម្បត្តិបច្ចេកទេសរបស់ Blu Dash 4.5 ដែរឬទេ? ហើយប្រិយមិត្តចង់ឃើញវត្តមានផលិតផលរបស់សហរដ្ឋមួយនេះក្នុងព្រះរាជាណាចក្រកម្ពុជាយើងទេ? សូមបញ្ចេញមតិក្នុងប្រអប់ខាងក្រោម

ថ្មីនេះគេទើបតែទទួលបាននូវលក្ខណសម្បត្តិមួយចំនួនរបស់កុំព្យូទ័របន្ទះស្ដើង Nexus 7 ជំនាន់ថ្មីរបស់ក្រុមហ៊ុន Google ដែលសហការគ្នាជាមួយនឹង ក្រុមហ៊ុនផលិតកុំព្យូទ័រ Asus ។ ដោយឡែកពេលនេះយើងទើបតែទទួលបាននូវពាក្យចចាមអារ៉ាមថ្មីថា កុំព្យូទ័របន្ទះស្ដើង Neuxs 7 ជំនាន់ថ្មីនឹងត្រូវប្រកាសចេញនៅតៃវ៉ាន់ នាចុង ខែកក្កដា នេះ ។

ប្រភពនៃពាក្យចចាមអារ៉ាមត្រូវបានគេទទួលពីគេហទំព័រតៃវ៉ាន់មួយឈ្មោះ Economic Daily ។ យ៉ាងណាមិញតាមប្រភព Android Authority បានឲ្យដឹងថា សម្រាប់កុំព្យូទ័របន្ទះស្ដើង Nexus 7 ថ្មីដែលមានអង្គផ្ទុកទិន្នន័យទំហំ 16GB និងមានតម្លៃប្រហែល $229 (អាចបំពាក់ដោយ LTE ) និងម៉ូដែល 32GB អាចនឹងមានតម្លៃថ្លៃជាង $299 (នៅបន្តបំពាក់ដោយ LTE) ។

សូមបញ្ជាក់ថា សម្រាប់កុំព្យូទ័របន្ទះស្ដើង Nexus 7 បច្ចុប្បន្នគឺ ត្រូវបានបំពាក់កាមេរ៉ាតែផ្នែកខាងមុខនៃឧបករណ៍សម្រាប់ video call ប៉ុណ្ណោះ ។

ដោយឡែកចំពោះលក្ខណសម្បត្តិរបស់កុំព្យូទ័របន្ទះស្ដើង Nexus 7 ជំនាន់ថ្មីត្រូវបានពាក្យចចាមអារ៉ាមនិយាយថា នឹងត្រូវបំពាក់ដោយ៖

អេក្រង់ទំហំ 7-inch
មានកាមេរ៉ាមុខ 1.2 MP និង ក្រោយ 5 MP
CPU Quad-core Snapdragon (S4) APQ8064 processor
RAM 2GB
មានបំពាក់ 4G LTE, NFC,Wi-Fi a/b/g/n, Bluetooth,
ថាមពលថ្ម 3,950mAh

ប្រភពព័ត៌មាន ចចាមអារ៉ាមថ្មី ចុងក្រោយបាន និយាយថា Nexus 7 ជំនាន់ថ្មីដែលជា Tablet របស់ក្រុមហ៊ុន Google និង Asus នឹងដំណើរការនៅ ចុងខែនេះនៅក្នុង ប្រទេសតៃវ៉ាន់។

ប្រភពព័ត៌មានពីប្រទេសចិន បានបញ្ជាក់ថា Nexus 7 ជំនាន់ថ្មី នឹងត្រូវដាក់លក់នៅ លើទីផ្សារជុំវិញ ពិភពលោក នៅក្រោយពេល បង្ហាញខ្លួន នៅក្នុងប្រទេសចិន ដែលមានតម្លៃ ២២៩ដុល្លារអាមេរិក សម្រាប់ម៉ូដែល 16GB និង ២៩៩ដុល្លារអាមេរិក សម្រាប់ 32GB។ នេះជាព័ត៌មានថ្មី ចុងក្រោយនៃ Nexus 7 ជំនាន់ថ្មី ដែលប្រភពព័ត៌មាន ដែលបានផ្ដល់ អាចយកជាផ្លូវការបាន។

គួរបញ្ជាក់ផងដែរថា កាលពីក្រុមហ៊ុន Google និង Asus ចេញលក់ Nexus 7 ម៉ូដែលមុនគឺមាន អ្នកប្រើប្រាស់ជាច្រើន បានចាប់អារម្មណ៍ និងទិញ Tablet មួយនេះ ព្រោះថា វាមានលក្ខណៈ ពិសេសជាច្រើន ព្រមទាំងមានតម្លៃសមរម្យ៕

បន្ទាប់ពីចេញលក់នូវផលិតផលស្រឡាយ Nexus ដូចជា Galaxy Nexus និង Nexus 4 ជាដើម ពេលនេះទូរស័ព្ទចំនួនពីរម៉ូដែលថ្មីដែលមានប្រព័ន្ធប្រតិបត្តិការដូចគ្នាទៅនឹងម៉ូដែល Nexus របស់ក្រុមហ៊ុន Google ត្រូវបានចេញលក់នៅលើទីផ្សារហើយ ដែលទូរស័ព្ទទាំងពីរម៉ូដែលនោះគឺ Galaxy S4 និង HTC One ។

Galaxy S4 Google Play Edition ត្រូវបានបំពាក់ដោយ ៖

អេក្រង់ 5-inch Full HD Super AMOLED display
កាមេរ៉ា 13MP
CPU Qualcomm Snapdragon 600 quadcore 1.9GHz
RAM 2GB
អង្គផ្ទុកទិន្នន័យជាប់ម៉ាស៊ីន 16GB មានបន្ថែម microSD card
LTE, Wifi, Bluetooth 4.0, NFC
GPS/A-GPS
ថាមពលថ្ម 2,600 mAh
ដំណើរការដោយ Android 4.2.2 Jelly Bean

HTC One Google Play Edition ត្រូវបានបំពាក់ដោយ ៖

4.7-inch
កាមេរ៉ា 4 MP UltraPixel
CPU Qualcomm Snapdragon 600 quadcore 1.7GHz
RAM 2GB
អង្គផ្ទុកទិន្នន័យជាប់ម៉ាស៊ីន 32GB គ្មាន microSD card
LTE, Wifi, Bluetooth 4.0, NFC
GPS/A-GPS
ថាមពលថ្ម 2,300mAh
ដំណើរការដោយ Android 4.2.2 Jelly Bean

ទស្សនាវីឌីអូពីភាពប្លែកគ្នារវាងម៉ូដែលធម្មតា និង Google Play Edition ៖

សូមបញ្ជាក់ថា សម្រាប់ម៉ូដែល Google Play Edition ទាំងពីរគឺ Galaxy S4 និង HTC One មិនត្រូវបានផ្លាស់ប្ដូរនូវលក្ខណសម្បត្តិដើមនៃទូរស័ព្ទនេះទេ ពោលគឺគ្រាន់តែធ្វើការបញ្ចូលនូវប្រព័ន្ធប្រតិបត្តិការដែលមានលក្ខណៈស្តង់ដារនៃស្រឡាយទូរស័ព្ទ Nexus ប៉ុណ្ណោះ ។ យ៉ាងណាមិញចំពោះតម្លៃរបស់ HTC One គឺប្រហែល t $599 និង Galaxy S 4 តម្លៃប្រហែល $649 ដែលទាំងនេះគឺជាតម្លៃដែលមាននៅក្នុង Play Store របស់ Google ។

ទស្សនាប្រព័ន្ធដំណើរការរបស់ទូរស័ព្ទ Google Play Edition ទាំងពីរម៉ូដែល ៖

e on facebookShare on gmailShare on twitterShare on google_plusone_sha

ដំណឹងប្រាំពីរ

Samsung ជោគជ័យជាមួយ Tablet ចង់បន្ថែមTablet PC អេក្រង់១២.២អ៊ីង

ក្រុមហ៊ុន HTC បញ្ចេញទូរស័ព្ទទំនើប Desire 500 តម្លៃប្រហែល $400

លក្ខណសម្បត្តិ បច្ចេកទេសពិត របស់ Motorola Droid Ultra ត្រូវបានបង្ហាញ

ក្រុមហ៊ុន Lenovo ចាប់ផ្ដើមចេញ លក់ទូរស័ព្ទទំនើប K900 ពណ៌ទឹកក្រូច

លក្ខណសម្បត្តិ បច្ចេកទេស ទូរស័ព្ទ Oppo U2S (ឬ Ulike2) ត្រូវបានបង្ហាញ

ក្រុមហ៊ុន LG នឹងលក់ទូរស័ព្ទទំនើប G2 ឲ្យបានចំនួន ១០លានគ្រឿង

ZTE Nubia Z5 Mini ត្រូវបានប្រកាស ចេញជាផ្លូវការ

ក្រុមហ៊ុន Huawei បញ្ចេញកុំព្យូទ័របន្ទះស្ដើង MediaPad 7 Youth (អាច call បាន)

លេចចេញ លក្ខណសម្បត្តិ របស់ Sony Xperia i1 កាមេរ៉ា 20MP

HP អាចនឹងបញ្ចេញ ទូរស័ព្ទទំនើប ដំណើរការដោយ Android OS ក្នុងពេលឆាប់ៗ

លេចចេញ ទូរស័ព្ទទំនើប Galaxy Mega 6.3 Duos (ស៊ីមពីរ)

ទូរស័ព្ទទំនើប Meizu MX3 បំពាក់ដោយ CPU Exynos 5 Octa នឹងត្រូវបញ្ចេញ ក្នុងខែកញ្ញា

Xiaomi លក់ទូរស័ព្ទ បានចំនួន ៧លានគ្រឿង នៅក្នុងឆមាសទី១ ឆ្នាំ២០១៣

ក្រុមហ៊ុន Toshiba ត្រៀមចេញកុំព្យូទ័រ បន្ទះស្ដើង Toshiba AT7-A

ប្រធានធំ របស់ក្រុមហ៊ុន ហ្គូហ្គល មានចេតនាបង្ហាញ Motorola X

នាឡិកាទំនើប Pebble ត្រូវបានគេ បញ្ជាទិញជាង ១៩ម៉ឺនគ្រឿង ជាមួយតម្លៃ $150

ក្រុមហ៊ុន Blu Products បញ្ចេញទូរស័ព្ទ Blu Dash 4.5 តម្លៃ $139

Nexus 7 ជំនាន់ថ្មីអាចនឹង ត្រូវប្រកាសចេញ នៅតៃវ៉ាន់ នាចុងខែកក្កដា

Nexus 7 ជំនាន់ថ្មីរបស់ Google នឹងមានលក់នៅ តៃវ៉ាន់ចុងខែនេះ

Galaxy S4 និង HTC One ម៉ូដែល Google Play Edition ចាប់ផ្ដើមចេញលក់

About

Follow Us

Popular Posts

Subscribe

Labels

Pinterest

Labels