៦ចំណុចមិនគួរមើលរំលង ក្នុងពេលសម្ភាសន៍ការងារ!
ក្រោយពេលក្រុមហ៊ុនទូរស័ព្ទទាក់ទងអ្នកដើម្បីមកសម្ភាសន៍ មានន័យថា អ្នកគឺជា មនុស្សម្នាក់ក្នុងចំណោមមនុស្សដទៃទៀតដែលមានចំណុចពិសេសក្នុងការសរសេរប្រវត្តិរូបសង្ខេប (CV) និង មានចំណុចមួយចំនួនទាក់ទងនឹងការងារដែលក្រុមហ៊ុនកំពុងប្រកាសជ្រើសរើស។ បន្ទាប់មកទៀត អ្វីដែលអ្នកត្រូវយកចិត្តទុកដាក់នោះ គឺនៅពេលសម្ភាសន៍ ព្រោះក្រុមហ៊ុនទាំងនោះ ពិតជាចង់សាកល្បងសមត្ថភាពផ្ទាល់របស់អ្នក ថាតើអាចបំពេញតាមការចង់បានរបស់គេបានឬទេ?
វាពិតជាសំខាន់ខ្លាំងណាស់ក្នុង ស្ថានភាពនេះ ព្រោះវាជាពេលដែលអ្នកអាចបង្ហាញសមត្ថភាព ក្នុងការប្រកួតប្រជែងជាមួយនឹងបេក្ខជនផ្សេងៗទៀត។ ទន្ទឹមជាមួយគ្នានោះ មានចំណុចជាច្រើន ដែលអ្នកគួរជៀសវាង ក្នុងពេលសម្ភាសន៍ ព្រោះប្រការទាំងនោះអាចធ្វើឲ្យក្រុមហ៊ុនសម្រេចចិត្តរើសអ្នកផ្សេង បើទោះបីជា មានសមត្ថភាពប្រហាក់ប្រហែលគ្នាក្តី។
តើមានចំណុចអ្វីខ្លះដែលអ្នកគួរយកចិត្តទុកដាក់ ក្នុងពេលធ្វើការសម្ភាសន៍?
១) មានចំណេះដឹងទាក់ទងនឹងក្រុមហ៊ុន
ដើម្បីបង្ហាញថា អ្នកគឺជាមនុស្សមានចំណេះដឹងច្រើន ការយល់ដឹងអំពីព័ត៌មានជាទូទៅរបស់ក្រុមហ៊ុន គឺជាចំណុចដ៏ប្រសើរមួយ។ ក្នុងពេលសម្ភាសន៍ គេតែងតែលើកឡើងអំពីប្រធានបទផ្សេងៗដែលទាក់ទងអំពីក្រុមហ៊ុន ដើម្បីចង់ដឹងថា នរណាមានចំណេះដឹងទាក់ទងនឹងសំណួរដែលលើកឡើង។ ដូច្នេះ ប្រសិនបើអ្នកមិនស្គាល់ច្បាស់អំពីស្ថានភាព ឬ ព័ត៌មានទូទៅស្តីអំពីក្រុមហ៊ុនទេ វាអាចជាបញ្ហាដល់អ្នកជាមិនខាន។
វាមិនមែនជារឿងលំបាកនោះទេ ក្នុងការស្វែងយល់អំពីព័ត៌មានទូទៅរបស់ក្រុមហ៊ុន ព្រោះនាពេលបច្ចុប្បន្ននេះ អ្នកអាចមើលតាមគេហទំព័រដែលផ្តល់ភាពងាយស្រួលយ៉ាងខ្លាំង។
២) ទៅកន្លែងសម្ភាសន៍ឲ្យបានទាន់ពេល
ការសម្ភាសន៍ពិតជាមានសារៈសំខាន់ណាស់ ដូច្នេះអ្នកមិនគួរទៅដល់កន្លែងសម្ភាសន៍យឺតពេលនោះទេ ព្រោះវាអាចជាកំហុសដ៏ធ្ងន់ធ្ងរមួយ ជាហេតុធ្វើឲ្យអ្នកបាត់បង់ឱកាសក្នុងតំណែងនេះ។ ផ្ទុយទៅវិញ អ្នកគួរទៅឱ្យបានមុនម៉ោង និងនៅរង់ចាំ ប្រសើរជាងឲ្យអ្នកសម្ភាសន៍រង់ចាំអ្នក ព្រោះវាបង្ហាញអំពីតម្លៃ និង ទម្លាប់ដ៏ល្អក្នុងការបំពេញការងារក្នុងក្រុមហ៊ុន។
៣) ស្លៀកពាក់ឲ្យបានសមរម្យ
ការស្លៀកពាក់ ពិតជាមានសារៈសំខាន់ណាស់ ព្រោះវាឆ្លុះបញ្ចាំងពីឥរិយាបថរបស់មនុស្សម្នាក់ៗ តែមិនមែនមានន័យថា ត្រូវតែស្លៀកពាក់ដោយប្រើប្រាស់សំលៀកបំពាក់ថ្លៃៗនោះទេ ព្រោះជីវភាពរបស់មនុស្សគឺ មិនដូចគ្នាទេ (អ្នកធូរធារ និង អ្នកក្រីក្រ)។ ក្នុងន័យនេះ មានន័យថា អ្នកគួរស្លៀកពាក់ឲ្យបានសមរម្យក្នុងនាមជាមនុស្សថ្លៃថ្នូរ និង សមរម្យក្នុងសង្គម ទៅតាមស្ថានភាពជាក់ស្តែង និងមិនត្រូវស្លៀកសិចស៊ី លិចលើលិចក្រោយនោះទេ។
៤)មិនត្រូវនិយាយអ្វីដែលផ្ទុយពីប្រវត្តិរូបសង្ខេប
ហេតុផលដែលក្រុមហ៊ុនទាក់ទងអ្នកដើម្បីសម្ភាសន៍នោះ ព្រោះអ្នកបានសរសេររៀបរាប់បានយ៉ាងល្អ និង គួរឲ្យចាប់អារម្ភស្តីពីប្រវត្តិសិក្សា និង ការងារផ្សេងៗ ក្នុងប្រវត្តិរូបសង្ខេប (CV)។ ប៉ុន្តែនៅពេលសម្ភាសន៍ បើនិយាយអ្វីផ្ទុយពីចំណុចសំខាន់ៗដែលអ្នកបានបញ្ចូលទៅក្នុងប្រវត្តិរូបសង្ខេប (CV)វិញ វាបង្ហាញថា អ្នកមិនច្បាស់លាស់នូវអ្វីដែលបានសរសេរនោះទេ ហើយក្រុមហ៊ុនទាំងនោះក៏មិនចង់រើសបុគ្គលិកទាំងឡាយណាដែលសូម្បីតែខ្លួនឯងក៏បានដឹងច្បាស់ ឬមិនចាំច្បាស់បែបនេះដែរ។
ដូច្នេះគួរព្យាយាមរៀបរាប់ចំណុចសំខាន់ៗដែលអ្នកបានសរសេរ ឬ អាចនិយាយអ្វីបន្ថែមពីនេះទៀតក៏បាន តែមិនត្រូវនិយាយអ្វីផ្ទុយនោះទេ។ ចំណុចនេះ គឺមើលទៅហាក់ដូចជា មិនសូវសំខាន់ទេ តែវាអាចជាបញ្ហាប្រសិនបើអ្នកមានការធ្វេសប្រហែស។
៥) ឆ្លើយសំណួរឲ្យចំចំណុចដែលគេចង់បាន
នៅពេលមានសំណួរ អ្នកត្រូវព្យាយាមស្តាប់សំណួរឲ្យបានច្បាស់ ថាគេចង់បានអ្វី? ប្រសិនបើមិនច្បាស់ អ្នកអាចសុំឲ្យបញ្ជាក់សំណួរជាថ្មី ដើម្បីឲ្យប្រាកដ និងជៀសវាងការឆ្លើយសំណួរដោយគ្មានទិសដៅច្បាស់លាស់ ជាហេតុធ្វើឲ្យអ្នកសួរធុញទ្រាន់ក្នុងការស្តាប់ចម្លើយគ្មានន័យបែបនេះ។ ចំណុចមួយទៀតនោះ គឺនៅពេលឆ្លើយសំណួរផ្សេងៗ ត្រូវតែបង្ហាញភាពក្លាហានរបស់ខ្លួន ព្រោះបើទោះបីជា ចម្លើយនោះជាចម្លើយត្រឹមត្រូវក្តី តែបើគ្មានភាពក្លាយហានទេ វានឹងធ្វើឲ្យអ្នកប្រឈមនឹងបញ្ហា តាមរយៈចំណុចខ្សោយដោយសារភាពភ័យខ្លាច។ ត្រូវឆ្លើយសំណួរប្រកបដោយទំនុកចិត្ត។
៦) ត្រូវចេះបញ្ចុះបញ្ចូល តែកុំនិយាយកុហក
ថ្វីបើការសម្ភាសន៍គឺជារឿងសំខាន់ ក្នុងការបញ្ចុះបញ្ចូលឲ្យក្រុមហ៊ុនទទួលអ្នកធ្វើការក្តី តែមិនមែនមានន័យថា ត្រូវតែនិយាយអ្វីហួសពីការពិត ឬ ហួសពីសមត្ថភាពរបស់ខ្លួនឡើយ។ ប្រសិនបើអ្នកនិយាយហួសពីការពិត គេអាចនឹងដឹង ទាំងក្នុងពេលសម្ភាសន៍ ឬ ក្នុងពេលសាកល្បងការងារ ជាមិនខាន។ ការបញ្ចុះបញ្ចូល មិនមែនមានន័យថា និយាយកុហកទេ តែគឺលើកយកហេតុផលដ៏សមរម្យដើម្បីបង្ហាញទៅដល់អ្នកស្តាប់ (អ្នកសម្ភាសន៍) ដើម្បីឲ្យយល់ព្រមតាមការលើកឡើងរបស់អ្នកប៉ុណ្ណោះ។
ដូច្នេះ ការជៀសវាងពាក្យកុហក អាចបង្ហាញអំពីភាពថ្លៃថ្នូររបស់អ្នក ហើយវាក៏អាចជាចំណុចទាក់ទាញមួយផងដែរ៕
ប្រែសម្រួល៖ រស្មី
ប្រភព៖ Setpointconsultants & Business Insider
វាពិតជាសំខាន់ខ្លាំងណាស់ក្នុង ស្ថានភាពនេះ ព្រោះវាជាពេលដែលអ្នកអាចបង្ហាញសមត្ថភាព ក្នុងការប្រកួតប្រជែងជាមួយនឹងបេក្ខជនផ្សេងៗទៀត។ ទន្ទឹមជាមួយគ្នានោះ មានចំណុចជាច្រើន ដែលអ្នកគួរជៀសវាង ក្នុងពេលសម្ភាសន៍ ព្រោះប្រការទាំងនោះអាចធ្វើឲ្យក្រុមហ៊ុនសម្រេចចិត្តរើសអ្នកផ្សេង បើទោះបីជា មានសមត្ថភាពប្រហាក់ប្រហែលគ្នាក្តី។
តើមានចំណុចអ្វីខ្លះដែលអ្នកគួរយកចិត្តទុកដាក់ ក្នុងពេលធ្វើការសម្ភាសន៍?
១) មានចំណេះដឹងទាក់ទងនឹងក្រុមហ៊ុន
ដើម្បីបង្ហាញថា អ្នកគឺជាមនុស្សមានចំណេះដឹងច្រើន ការយល់ដឹងអំពីព័ត៌មានជាទូទៅរបស់ក្រុមហ៊ុន គឺជាចំណុចដ៏ប្រសើរមួយ។ ក្នុងពេលសម្ភាសន៍ គេតែងតែលើកឡើងអំពីប្រធានបទផ្សេងៗដែលទាក់ទងអំពីក្រុមហ៊ុន ដើម្បីចង់ដឹងថា នរណាមានចំណេះដឹងទាក់ទងនឹងសំណួរដែលលើកឡើង។ ដូច្នេះ ប្រសិនបើអ្នកមិនស្គាល់ច្បាស់អំពីស្ថានភាព ឬ ព័ត៌មានទូទៅស្តីអំពីក្រុមហ៊ុនទេ វាអាចជាបញ្ហាដល់អ្នកជាមិនខាន។
វាមិនមែនជារឿងលំបាកនោះទេ ក្នុងការស្វែងយល់អំពីព័ត៌មានទូទៅរបស់ក្រុមហ៊ុន ព្រោះនាពេលបច្ចុប្បន្ននេះ អ្នកអាចមើលតាមគេហទំព័រដែលផ្តល់ភាពងាយស្រួលយ៉ាងខ្លាំង។
២) ទៅកន្លែងសម្ភាសន៍ឲ្យបានទាន់ពេល
ការសម្ភាសន៍ពិតជាមានសារៈសំខាន់ណាស់ ដូច្នេះអ្នកមិនគួរទៅដល់កន្លែងសម្ភាសន៍យឺតពេលនោះទេ ព្រោះវាអាចជាកំហុសដ៏ធ្ងន់ធ្ងរមួយ ជាហេតុធ្វើឲ្យអ្នកបាត់បង់ឱកាសក្នុងតំណែងនេះ។ ផ្ទុយទៅវិញ អ្នកគួរទៅឱ្យបានមុនម៉ោង និងនៅរង់ចាំ ប្រសើរជាងឲ្យអ្នកសម្ភាសន៍រង់ចាំអ្នក ព្រោះវាបង្ហាញអំពីតម្លៃ និង ទម្លាប់ដ៏ល្អក្នុងការបំពេញការងារក្នុងក្រុមហ៊ុន។
៣) ស្លៀកពាក់ឲ្យបានសមរម្យ
ការស្លៀកពាក់ ពិតជាមានសារៈសំខាន់ណាស់ ព្រោះវាឆ្លុះបញ្ចាំងពីឥរិយាបថរបស់មនុស្សម្នាក់ៗ តែមិនមែនមានន័យថា ត្រូវតែស្លៀកពាក់ដោយប្រើប្រាស់សំលៀកបំពាក់ថ្លៃៗនោះទេ ព្រោះជីវភាពរបស់មនុស្សគឺ មិនដូចគ្នាទេ (អ្នកធូរធារ និង អ្នកក្រីក្រ)។ ក្នុងន័យនេះ មានន័យថា អ្នកគួរស្លៀកពាក់ឲ្យបានសមរម្យក្នុងនាមជាមនុស្សថ្លៃថ្នូរ និង សមរម្យក្នុងសង្គម ទៅតាមស្ថានភាពជាក់ស្តែង និងមិនត្រូវស្លៀកសិចស៊ី លិចលើលិចក្រោយនោះទេ។
៤)មិនត្រូវនិយាយអ្វីដែលផ្ទុយពីប្រវត្តិរូបសង្ខេប
ហេតុផលដែលក្រុមហ៊ុនទាក់ទងអ្នកដើម្បីសម្ភាសន៍នោះ ព្រោះអ្នកបានសរសេររៀបរាប់បានយ៉ាងល្អ និង គួរឲ្យចាប់អារម្ភស្តីពីប្រវត្តិសិក្សា និង ការងារផ្សេងៗ ក្នុងប្រវត្តិរូបសង្ខេប (CV)។ ប៉ុន្តែនៅពេលសម្ភាសន៍ បើនិយាយអ្វីផ្ទុយពីចំណុចសំខាន់ៗដែលអ្នកបានបញ្ចូលទៅក្នុងប្រវត្តិរូបសង្ខេប (CV)វិញ វាបង្ហាញថា អ្នកមិនច្បាស់លាស់នូវអ្វីដែលបានសរសេរនោះទេ ហើយក្រុមហ៊ុនទាំងនោះក៏មិនចង់រើសបុគ្គលិកទាំងឡាយណាដែលសូម្បីតែខ្លួនឯងក៏បានដឹងច្បាស់ ឬមិនចាំច្បាស់បែបនេះដែរ។
ដូច្នេះគួរព្យាយាមរៀបរាប់ចំណុចសំខាន់ៗដែលអ្នកបានសរសេរ ឬ អាចនិយាយអ្វីបន្ថែមពីនេះទៀតក៏បាន តែមិនត្រូវនិយាយអ្វីផ្ទុយនោះទេ។ ចំណុចនេះ គឺមើលទៅហាក់ដូចជា មិនសូវសំខាន់ទេ តែវាអាចជាបញ្ហាប្រសិនបើអ្នកមានការធ្វេសប្រហែស។
៥) ឆ្លើយសំណួរឲ្យចំចំណុចដែលគេចង់បាន
នៅពេលមានសំណួរ អ្នកត្រូវព្យាយាមស្តាប់សំណួរឲ្យបានច្បាស់ ថាគេចង់បានអ្វី? ប្រសិនបើមិនច្បាស់ អ្នកអាចសុំឲ្យបញ្ជាក់សំណួរជាថ្មី ដើម្បីឲ្យប្រាកដ និងជៀសវាងការឆ្លើយសំណួរដោយគ្មានទិសដៅច្បាស់លាស់ ជាហេតុធ្វើឲ្យអ្នកសួរធុញទ្រាន់ក្នុងការស្តាប់ចម្លើយគ្មានន័យបែបនេះ។ ចំណុចមួយទៀតនោះ គឺនៅពេលឆ្លើយសំណួរផ្សេងៗ ត្រូវតែបង្ហាញភាពក្លាហានរបស់ខ្លួន ព្រោះបើទោះបីជា ចម្លើយនោះជាចម្លើយត្រឹមត្រូវក្តី តែបើគ្មានភាពក្លាយហានទេ វានឹងធ្វើឲ្យអ្នកប្រឈមនឹងបញ្ហា តាមរយៈចំណុចខ្សោយដោយសារភាពភ័យខ្លាច។ ត្រូវឆ្លើយសំណួរប្រកបដោយទំនុកចិត្ត។
៦) ត្រូវចេះបញ្ចុះបញ្ចូល តែកុំនិយាយកុហក
ថ្វីបើការសម្ភាសន៍គឺជារឿងសំខាន់ ក្នុងការបញ្ចុះបញ្ចូលឲ្យក្រុមហ៊ុនទទួលអ្នកធ្វើការក្តី តែមិនមែនមានន័យថា ត្រូវតែនិយាយអ្វីហួសពីការពិត ឬ ហួសពីសមត្ថភាពរបស់ខ្លួនឡើយ។ ប្រសិនបើអ្នកនិយាយហួសពីការពិត គេអាចនឹងដឹង ទាំងក្នុងពេលសម្ភាសន៍ ឬ ក្នុងពេលសាកល្បងការងារ ជាមិនខាន។ ការបញ្ចុះបញ្ចូល មិនមែនមានន័យថា និយាយកុហកទេ តែគឺលើកយកហេតុផលដ៏សមរម្យដើម្បីបង្ហាញទៅដល់អ្នកស្តាប់ (អ្នកសម្ភាសន៍) ដើម្បីឲ្យយល់ព្រមតាមការលើកឡើងរបស់អ្នកប៉ុណ្ណោះ។
ដូច្នេះ ការជៀសវាងពាក្យកុហក អាចបង្ហាញអំពីភាពថ្លៃថ្នូររបស់អ្នក ហើយវាក៏អាចជាចំណុចទាក់ទាញមួយផងដែរ៕
ប្រែសម្រួល៖ រស្មី
