ដំណឹងប្រាំពីរ

អត្ថបទដើមពី Domneng7.info

ថ្មីៗនេះ គេហទំព័រហូឡង់មួយមានឈ្មោះថា MOBILEAKS បានបង្ហោះនូវព័ត៌មានមួយ ដែលត្រូវ
បានគេចាត់ទុកថាជារូបភាពផ្លូវការរបស់ Nexus 5 (ស្មាតហ្វូន Nexus ជំនាន់បន្ទាប់របស់ Google)។
ក្នុងនោះ Nexus 5 គឺជាការបន្តសហការគ្នារវាង Google និង LG។ រួមជាមួយរូបភាព បណ្តាព័ត៌មាន
រូបសណ្ឋានមូលដ្ឋានរបស់ Nexus 5 ក៏ត្រូវបាន MOBILEAKS បង្ហាញ។

ជាក់ស្តែង Nexus 5 នឹងបំពាក់នូវ CPU Quad Core Qualcomm Snapdrogon 800 ល្បឿន 2,3
GHz រួមជាមួយ RAM 3GB។ វាក៏បំពាក់នូវអេក្រង់ OLED 5,2 inch, កំរិតពន្លឺ Full HD 1920 x 1080
និងមានថ្មបរិមាណ 3300 mAh។

Nexus 5 ត្រូវបានឲ្យដឹងថា នឹងបំពាក់ដោយកាមេរ៉ាមុខទំហំ 2,1 megapixel និងកាមេរ៉ាក្រោយទំហំ
16 megapixel។ ជាក់ស្តែង ជំនួសឲ្យព័ត៌មានចចាមអារាមដែលបាននិយាយថា កាមេរ៉ារបស់ Nexus
5 ត្រូវបានផ្គត់ផ្គង់ដោយ Nikon, MOBILEAKS បានកំនត់ថា វានឹងផ្គត់ផ្គង់ដោយ OmniVision ។

ក្រោយពីបង្ហោះរូបភាពនេះឡើង MOBILEAKS ក៏បានបញ្ជាក់ប្រាប់ថា នេះគ្រាន់តែជារូបភាព ក្នុង
ជំហានអភិវឌ្ឍដំបូងរបស់ Nexus 5។ ដូច្នេះ Version ផ្លូវការ អាចនឹងមានការផ្លាស់ប្តូរតិច រឺច្រើន
ថែមទៀត។ បច្ចុប្បន្នទាំង Google ក៏ដូចជា LG នៅមិនទាន់បញ្ចេញប្រតិកម្មណាមួយ ទៅលើរូប
ភាពដែលបានលេចចេញនេះទេ៕

ក្រុមហ៊ុនអាកាសចរណ៍ ខេមប៊ូឌៀ អ៊ែរឡាញ (Cambodia Airlines) បានកើតជារូបរាង កាលពីថ្ងៃអង្គារទី០២ខែមិនា ដោយរួមសហការជាមួយនឹង ដៃគូរភាគហ៊ុនសំខាន់ៗ នៃក្រុមហ៊ុនអាកាសចរណ៍ ហ្វីលីពីនអ៊ែរឡាញ (Philippine Airlines)។

ព្រលានយន្ដហោះអន្តរជាតិភ្នំពេញ​ ថតពីខាងកើត (ពីខាងទីក្រុង បែរទៅលិច)។ រូបថត airliners.net
មានឈ្មោះដូចគ្នា នឹងក្រុមហ៊ុនអាកាសចរណ៍មុន ដែលបានបង្កើតឡើងតាំងពីឆ្នាំ១៩៩៧ តែបានបាត់រូបរាងទៅវិញ នៅ​ឆ្នាំ២០០៥នោះ ក្រុមហ៊ុនអាកាសចរណ៍ថ្មីនេះ ត្រូវបានបង្កើតឡើង នៅថ្ងៃអង្គារទី០២ខែមិនា នៅរាជធានីភ្នំពេញ ដោយ​កិច្ចសហការវិនិយោគទុន រវាងក្រុមហ៊ុនកម្ពុជាដ៏ធំមួយ ឈ្មោះរ៉ូយ៉ាល់គ្រូប ក្នុងភាគហ៊ុន ៥១% និងក្រុមហ៊ុនមួយទៀត របស់ប្រទេសហ្វីលីពីនឈ្មោះ សាន ម៉ៃហ្គែល ខប. (San Miguel Corp.)។ សូមបញ្ជាក់ថា ក្រុមហ៊ុនសាន ម៉ៃហ្គែល ខប. នេះ​ ទើបនឹងទទួលបានការគ្រប់គ្រង ក្រុមហ៊ុនអាកាសចរណ៍ជាតិ របស់ប្រទេសហ្វីលីពីន កាលពីឆ្នាំទៅម៉ិញ។
ខេមប៊ូឌៀអ៊ែរឡាយ មានបំណងចង់ទិញបណ្ដាក់ នូវយន្ដហោះពីរគ្រឿង ធុនអ៊ែរប៉ូស អា៣២១ (Airbus A321) ដើម្បី​ចាប់​ផ្ដើមការហោះហើរ ជាលក្ខណៈអន្តរជាតិ ដែលគេរំពឹងថា នឹងចាប់ផ្ដើមហោះមុនគេ ទៅកាន់ព្រលានយន្ដហោះ នៃទីក្រុង​ម៉ានីស។ គម្រោងបើកការហោះហើរ ទៅកាន់ប្រទេសហ្វីលីពីននេះ ជាគម្រោងថ្មីមុនគេបង្អស់ ហើយទំនងជានឹងចាប់ផ្ដើម​អនុវត្តន៍នៅខែតុលាខាងមុខ។ ក្រុមហ៊ុនថ្មី ក៏នឹងចង់បានដូចគ្នា នូវយន្ដហោះដឹកអ្នកដំណើរ របស់ប្រទេសកាណាដា ប្រភេទ Dash-8 Q400 ដើម្បីធានាដល់ជើងហោះហើរក្នុងស្រុកនានា ដែលទំនងជាចាប់ផ្ដើមនៅខែមិថុនាខាងមុខ។
គេមិនដឹងថា តើចំនួនទឹកប្រាក់វិនិយោគទុន ដែលកើតចេញពីការរួមសហការរវាងក្រុមហ៊ុនទាំងពីរ មានចំនួនប៉ុន្មាន​នោះ​ទេ។ តែការសហការជាមួយ ក្រុមហ៊ុនអាកាសចរណ៍ជាតិ របស់ប្រទេសហ្វីលីពីន នឹងប្រាកដជាធ្វើអោយមានកំណើន ចំនួនអ្នកទេសចរណ៍នៅក្នុងប្រទេសកម្ពុជា។ លោក គិត ម៉េង នាយកក្រុមហ៊ុនរ៉ូយ៉ាល់គ្រូប​ និងនាយកអាកាសចរណ៍​ថ្មីនេះ បានថ្លែងបញ្ជាក់ថា ទីក្រុងម៉ានីស នឹងក្លាយជាកន្លែងឈប់សំចត នៅក្នុងជើងហោះហើរឆ្ពោះទៅសហរដ្ឋអាមេរិក និងប្រទេសផ្សេងទៀត ក្នុងពេលអនាគត។
ប៉ុន្តែក្រុមហ៊ុនអាកាសចរណ៍ថ្មីនេះ នឹងបើកសេវាកម្មរបស់ខ្លួនតាមផ្លូវអាកាស នៅក្នុងតំបន់អោយបានច្រើន ដែលជា​គោលការណ៍នឹងត្រូវពង្រឹក ដោយផែនការសេដ្ឋកិច្ចអាស៊ាន ២០១៥ សម្រាប់ប្រទេសជាសមាជិកទាំងដប់។ គេរំពឹងថា ក្រុមហ៊ុន​ខេមប៊ូឌៀអ៊ែរឡាយ នឹងជាគូរប្រជែងដ៏ធំជាងគេ ទល់នឹងក្រុមហ៊ុនខេមប៊ូឌៀអង្គរអ៊ែរ (Cambodia Angkor Air) ដែល​គ្រប់គ្រងដោយរដ្ឋាភិបាលសព្វថ្ងៃ និងក្រុមហ៊ុនវៀតណាម អ៊ែរឡាញ (Vietnam Airlines)។
តាមស្ថិតិរបស់ក្រសួងសាធារណការ និងដឹកជញ្ជូន បានបញ្ជាក់ថា កម្ពុជាមានក្រុមហ៊ុនអាកាសចរណ៍ជាតិ និងអន្តរជាតិ​ចំនួន ២៣ ដែលបានចុះចតយន្ដហោះរបស់ខ្លួន នៅព្រលានយន្ដហោះភ្នំពេញ សៀមរាប និងក្រុងព្រះសីហនុ។ ក្រុមហ៊ុន​បារាំង វ៉ាំងស៊ី (Vinci)  ដែលគ្រប់គ្រងព្រលានយន្ដហោះទាំងបី បានថ្លែងថា នឹងបន្ថែមប្រាក់វិនិយោគទុនរបស់ខ្លួន រហូត​ដល់១៥០លានដុល្លា ដើម្បីបង្កើនមសមត្ថភាព អោយព្រលានយន្ដហោះទាំងនេះ អាចទទួលអ្នកដំណើរ ឲ្យបាន៥លាន​នាក់ នៅឆ្នាំ២០១៥៕

ដើម្បីកុំអោយទម្ងន់បន្ថែម ទៅលើវិបត្តិដែលកំពុងតែឆេះឆួលស្រាប់ នៅក្នុងឧបទ្វីបកូរ៉េ មន្ទីរប៉ង់តាហ្គោនរបស់អាមេរិក នៅ​ថ្ងៃសៅរ៍ទី០៦ខែមេសានេះ បានសម្រេចលើកថ្ងៃសាកល្បង កាំជ្រួចអន្តរទ្វីបបញ្ជាពីចម្ងាយ ដែលធម្មតា នឹងត្រូវ​កំណត់​ធ្វើ​ក្នុងរដ្ឋកាលីហ្វ័រនី សប្ដាហ៍ក្រោយ។

មេដឹកនាំវ័យក្មេងរបស់កូរ៉េខាងជើង គីម ជុង-អ៊ុន ក្នុងដំណើរត្រួតកងទ័ពជើងគោក របស់ខ្លួន។ រូបថត KNS / Scanpix / AFP។
អាមេរិក បានសម្រេចលើកថ្ងៃសាកល្បង កាំជ្រួចអន្តរទ្វីបបញ្ជាពីចម្ងាយមួយ ដែលត្រូវបានកំណត់ធ្វើនៅក្នុងរដ្ឋកាលីហ្វ័នីរ សប្ដាហ៍ក្រោយ ដោយសារមូលហេតុនៃភាពតានតឹង ដែលបានកំពុងកើតមាន នៅក្នុងបញ្ហានុយក្លេអ៊ែរ​ ជាមួយប្រទេស​កូរ៉េខាងជើង។ នេះជាការអោយដឹងរបស់ អ្នកទទួលខុសត្រូវមួយរូប នៅក្រសួងការពារជាតិអាមេរិក នៅថ្ងៃសៅរ៍ទី០៦​ខែ​មេសានេះ (ថ្ងៃអាទិត្យទី០៧ខែមេសា បើគិតម៉ោងនៅស្រុកខ្មែរ)។
ប្រភពនោះបានថ្លែងបញ្ចាក់ថា រដ្ឋមន្ត្រីក្រសួងការពារជាតិ លោក ជូក ហាហ្គែល (Chuck Hagel) បានសម្រេចថា​លើកថ្ងៃ ការសាកល្បងកាំជ្រួច ដែលមានឈ្មោះថា មីនុតឺមែន ៣ (Minuteman 3) ដែលជាប្រភេទ​កាំជ្រួចអន្តរទ្វីបបញ្ជា​បាញ់ពី​ចម្ងាយ។ កាំជ្រួចនេះ បានកំណត់ថា នឹងត្រូវបានបាញ់សាកល្បងចេញពីមូលដ្ឋានយោធា វ៉ានដេនប៊ើរ (Vandenberg) មានទីតាំងក្នុងរដ្ឋកាលីហ្វ័នីរ សហរដ្ឋអាមេរិក។ ការសាកល្បងនេះ ទំនងជាត្រូវបានលើកថ្ងៃ ទៅដល់ខែក្រោយវិញ ដោយសារតែការសាកល្បងក្នុងពេលនេះ អាចនឹងត្រូវបានចាត់ទុកជា «ការតម្លើងសាច់ដុំ» ខណៈអាមេរិកកំពុងជាប់ដៃ ក្នុងវិបត្តិនៅឧបទ្វីបកូរ៉េ។
អ្នកទទួលខុសត្រូវនោះ បានថ្លែងថា «យើងចង់បញ្ជៀស ការយល់ខុស ឬយុទ្ធនាការបង្វែរទិសដៅណាមួយ»។ ដោយ​ចង់​ទុករូបភាពលោក ឲ្យស្ថិតនៅជាអានាមិកនោះ អ្នកទទូលខុសត្រូវដដែលបានរំលឹកថា ការសាកល្បង មានបំណងចង់​មើលពីបច្ចេកវិទ្យាពិតប្រាកដ និងពីប្រសិទ្ធិភាព នៃកាំជ្រួចអន្តរទ្វីបនេះ។
ទីក្រុងព្យុងយ៉ាង បានបង្កើនការគម្រាមរបស់ខ្លួន ក្នុងប៉ុន្មានសប្ដាហ៍ចុងក្រោយនេះ តាមរយៈសង្គ្រាមពាក្យសម្ដីរបស់ខ្លួន បន្ទាប់ពីទណ្ឌកម្មបោះឆ្នោតសម្រេចដោយ ក្រុមប្រឹក្សាសន្តិសុខ នៃអង្គការសហប្រជាជាតិ ដែលជាការឆ្លើយតបនឹង ការ​សាកល្បងអាវុធនុយក្លេអ៊ែររបស់ខ្លួន កាលពីដើមខែកុម្ភះមកនេះ។ ភាពតានតឹងនៅក្នុងឧបទ្វីបកូរ៉េនេះ មានទម្ងន់ធ្ងន់ទ្វេ​ឡើង នៅពេលសមយុទ្ធ បានធ្វើរួមគ្នារវាងសហរដ្ឋអាមេរិក និងប្រទេសកូរ៉េខាងត្បូង កាលពីពីរសប្ដាហ៍កន្លងទៅ។
ការសាកល្បងបាញ់កាំជ្រួច ដែលកូរ៉េខាងជើងបានធ្វើកាលពីខែធ្នូរឆ្នាំ២០១២ ត្រូវបានសហគមន៍អន្តរជាតិចាត់ទុក ជាការ​សាកល្បងកាំជ្រួចបញ្ជាពីចម្ងាយ និងបន្ទាប់មកបានសាកល្បងម្ដងទៀត នៅដើមកុម្ភះ ដែលត្រូវបានចាត់ទុកថា ការសាក​ល្បងជាលើកទីបី នូវកាំជ្រួចធ្វើសម្រាប់ភ្ជាប់នុយក្លេអ៊ែរទៅជាមួយ។
នៅក្នុងយុទ្ធនាការចុងក្រោយ ធ្វើជាមួយនឹងពិភពលោក ប្រទេសកូរ៉េខាងជើង បានបោះមួយជំហានទៀត កាលពីថ្ងៃអង្គារ ដោយបានប្រកាសថា នឹងបើកអោយដំណើរការឡើងវិញ នូវម៉ាស៊ីនប្រតិករនុយក្លេអ៊ែរ នៅក្នុងមជ្ឈមណ្ឌលមួយ ដែល​បានបញ្ឈប់តាំងពីឆ្នាំ២០០៧កន្លងមក។ ការប្រកាសនេះ បានប្រឆាំងទាំងស្រុង នឹងដំណោះស្រាយកន្លងមក របស់​អង្គការ​សហប្រជាជាតិ ដែលហាមមិនអោយប្រទេសនេះ ធ្វើគម្រោងណាដែលទាក់ទងជាតិអ៊ុយរ៉ានីញ៉ូម៕

ភ្នំពេញ៖   កវីនិពន្ធកំលោះស្រស់ សង្ហាលោក សោម ដូរ៉េ ដែលជាកវីនិពន្ធ មានមុខមាត់ ញឹកញាប់ជាងគេ ក្នុងបណ្ដាញសារពត័មាន បន្ទាប់ពីបានវេច បង្វេចចូលទ្រនំ ថោន ដែលជាទ្រនំបង្កើត ក្រោយគេ មានភាពល្បីល្បាញលឿន ដោយសារផលិតកម្មថោន មានធនធានមនុស្ស ថវិកា និងប្រមូលផ្ដុំទៅដោយ តារាចម្រៀងប្រុសស្រីល្បីៗ ជាច្រើនដួង ។
សោម ដូរ៉េ ជាកវីនិពន្ធមានទឹកដៃល្អ ក្នុងការសរសេរបទចម្រៀង មួយរយៈដែលលោក ជ្រកកោនក្នុងផលិតកម្ម ហង្សមាស លោកសរសេរ បានបទចម្រៀងជាច្រើនបទ តែបទចម្រៀងរបស់លោក ចេញលក់បានតែជាង ១០ប៉ុណ្ណោះ នាំឲ្យកវីរូបនេះ ខកចិត្តមិនតិចទេ ។ អ្វីដែលសំខាន់ ក្រោយពីលោកបាន ចាកចេញពីផលិតកម្មនេះ ស្រាប់តែមានពាក្យសម្ដី លេខឮថា លោក ជាក្រពើរវង្វេង បឹងទៀតផង តែលោកមិនបានតបត ជាមួយពាក្យសម្ដី ឥតប្រយោជន៍អស់ទាំង នោះទេ ។
ការចូលមកដល់ផលិតកម្ម ថោន មិនទាន់បានប៉ុន្មានផង ស្រាប់តែបទចម្រៀងដែល ស្ថិតក្រោមស្នាដៃកវី កម្លោះសង្ហារូបនេះ បានចេញលក់ដល់ទៅ ៣បទ ដែលសុទ្ធសឹងជាបទល្បីៗ ដូចជាបទ រាំជាន់អាចម៌គោ,សង្សារឆ្នាស់ និង បទបោកខោអាវនឹកស្នេហ៍ ដែលក្នុងនោះ បទ រាំជាន់អាចម៍គោ ដែលបកស្រាយដោយ អ្នកនាង កាតុ ទទួលបានការសំណូមពរ ជាងគេនៅវិទ្យុ ថោន រហូតដល់ជាប់ ចំណាត់ថ្នាក់ជាបទ ដែលគេសំណូមពរ ច្រើនដង ក្នុងវិទ្យុថោនទៀតផង ។ មកដល់ ថោន មិនទាន់បាត់ចំហាយ ហង្សមាសផង ស្រាប់តែកវីរូបនេះ បែរជាលេចឮថា រូបលោក កំពុងមានទំនាក់ទំនង ជាមួយ លោក ឡាយ សុខចំរើន ដែលជាថៅកែ ផលិតកម្ម សាន់ដេ ហើយមិនដឹងថា កវីរូបនេះប្រុងវេចបង្វេច រត់ចូលសាន់ដេទៀត ឬយ៉ាងណាទេ ។
ជំនួបផ្ទាល់ជាមួយ Looking TODAY កវីនិពន្ធ សោម ដូរ៉េ បានបកស្រាយថា លោកទទួលស្គាល់ថាស្នាដៃ លោកចុង ក្រោយ នេះ ទទួលការគាំទ្រច្រើន ។ លោកនឹងមានសមិទ្ធផលថ្មីទៀត ដើម្បីបម្រើអារម្មណ៍ ទស្សនិកជន។ ចំណែករឿងដែលគេថា លោកប្រុងវេចបង្វេច ចូលសាន់ដេ លោកសុំមិនបកស្រាយ អ្វីទាំងអស់ អ្វីដែលសំខាន់ លោកពិតជាមានទំនាក់ទំនង ជាមួយថៅកែ សាន់ដេមែន ។ កវីវ័យក្មេងរូបនេះ កាន់តែមានរឿង មិនឈប់មិនឈរសោះ បើទោះជាលោកព្យាយាម សម្របខ្លួនជាមួយ បញ្ហាក៏ដោយ។ រង់ចាំមើលទៀត មើលថា លោកនឹងវេចបង្វេច ចូលសាន់មែនឬយ៉ាងណា ? តែមនុស្សដែលមានសមត្ថភាព ទៅដល់ណាក៏ល្បីដែរ៕ Via: lookingtoday

ការលក់ iPhone របស់ក្រុមហ៊ុន Apple ជាក់ស្តែង នឹងមិនមានការកើនឡើង នៅទីផ្សារអឺរ៉ុបនោះទេ។ នាយកប្រតិបត្តិក្រុមហ៊ុនផ្គត់ផ្គង់បណ្តាញ Wireless ធំជាងគេបង្អស់មួយ ប្រចាំតំបន់បាននិយាយថា ដោយសារតែជាទូទៅស្មាតហ្វូននេះ លក់ក្នុងតម្លៃថ្លៃពេក។ ប្រហែល ជាមានមូលហេតុមួយ ដែលធ្វើឲ្យឧបករណ៍ Android មានប្រជាប្រិយភាពខ្លាំងជាង iPhone របស់ក្រុមហ៊ុន Apple នៅក្នុងទីផ្សារអឺរ៉ុប ដោយសារតែវាថោកជាង។
ទីភ្នាក់ងារព័ត៌មាន Cnet បានឲ្យដឹងថា នាយកប្រតិបត្តិក្រុមហ៊ុនចែកចាយបណ្តាញ Wireless ធំជាងគេបំផុតនៅអឺរ៉ុបបាននិយាយនៅថ្ងៃទី៤ ខែមេសាថា អតិថិជនអឺរ៉ុបជាច្រើន កំពុងតែក្លាយជាមនុស្សកាន់តែ សន្សំសំចៃខ្លាំងឡើងៗ ដែលកំពុងតែធ្វើឲ្យដំណើរការ លក់ទូរស័ព្ទនានានៅក្នុងទីផ្សារ កាន់យឺតទៅៗ។  ដូចនេះហើយ វាអាចជាការព្រមាន ទៅលើក្រុមហ៊ុន Apple។
វាប្រហែលមកពីវិបត្តិបំណុល អឺរ៉ុបរបស់ខ្លួនឬក៏អាចមកពី ប្រជាជនអឺរ៉ុប កំពុងតែមានការគិតគូរថ្មី អំពីការចាយវាយទៅការទិញទូរស័ព្ទដៃ។ លោក Stephane Richard នាយកប្រតិបត្តិ ក្រុមហ៊ុនផ្គត់ផ្គង់បណ្តាញ Wireless បារាំង បានពន្យល់ថា អតិថិជនជាច្រើន កំពុងតែស្វែងរក ការប្រើប្រាស់សេវាកម្ម Wireless តម្លៃថោកជាងមុន ហើយក៏កំពុងតែស្វែងរកទិញ ឧបករណ៍ម៉ូដែលចាស់ៗ បើទោះបីជាទូរស័ព្ទទាំងនោះ ត្រូវបិទសេវាកម្ម Wireless ក៏ដោយ៕

បន្ទាប់ពីបង្ហាញ ស្មាតហ្វូន Z10 និង Q10 រួចមក ឧបករណ៍ BlackBerry 10 មិនត្រូវបានបង្ហាញ ទៀតនោះទេ។ អ្វីដែលអ្នកបានឃើញ រូបភាពទូរស័ព្ទបង្ហាញ ឡើងនាពេលនេះ ត្រូវបានគេស្គាល់ថា ជាប្រភេទទូរស័ព្ទស៊េរី R ប៉ុន្តែវាត្រូវបានគេ សន្និដ្ឋានថា នឹងដំណើរការ ដោយប្រព័ន្ធ ប្រតិបត្តិការ BB10 ។
ដូចគ្នាទៅនឹងស្មាតហ្វូន Q10 ដែរ ទូរស័ព្ទបង្ហាញ រូបភាពឡើងនេះ មានបំពាក់ full QWERTY keypad និងមានអេក្រង់ បួនជ្រុងថាច់ស្គ្រីន។ ទោះបីជាយ៉ាងណា វាត្រូវបានគេនិយាយថា ជាឧបករណ៍លំដាប់ថ្នាក់ទាបប៉ុណ្ណោះ ដែលអ្នកអាច កត់សម្គាល់នូវការ ឌីហ្សាញ ទូរទៅរបស់វា។
ស្មាតហ្វូនពិសេសនេះ ត្រូវបានគេនិយាយថា នឹងមានអង្គចង់ចាំ ទំហំ 8GB ជាមួយកាតមេម៉ូរី ប្រភេទ microSD និងមានថាមពលថ្ម កំលាំង 1,800 mAh ប៉ុន្តែគ្មានព័ត៌មាន អំពី លក្ខណៈ ពិសេសដ៏ទៃទៀត នោះទេ ៕

ទូរស័ព្ទ​ទំនើប HTC Desire P និង Desire Q ត្រូវ​បាន​ក្រុមហ៊ុន ​HTC បញ្ចេញ​លក្ខណសម្បត្តិ​​​របស់​ទូរស័ព្ទ​ទាំង​ពីរ​កាល​ពី​​ចុង​ខែ​មីនា ។ បន្ទាប់​មក​ក្នុង​​​ដើម​សប្ដាហ៍​នេះ​ទូរស័ព្ទ​ទំនើប HTC Desire P ក៏​ត្រូវ​បាន​ប្រកាស​កាស​ចេញ​ជា​ផ្លូវការ​នៅ​​តៃវ៉ាន ។ ដោយ​ឡែក​ថ្ងៃ​នេះ​​ទូរស័ព្ទ​​ទំនើប HTC Desire Q ក៏​ត្រូវ​បាន​ក្រុមហ៊ុន​ប្រកាស​ចេញ​ជា​ផ្លូវការ​​នៅ​តៃវ៉ាន ដូចគ្នា​ផង​ដែរ ។

​​HTC Desire Q​ គឺ​ជា​ទូរស័ព្ទ​ទំនើប​​ថ្មី ដែល​​ស្ថិត​នៅ​ក្នុង​​ផលិតផល​​មាន​តម្លៃ​មធ្យម​​​របស់​ក្រុមហ៊ុន HTC សម្រាប់​ឆ្នាំ ២០១៣ នេះ ។ ជា​មួយ​និង​អេក្រង់ 4-inch WVGA display ដែល​មាន​កម្រិត​ភាព​ច្បាស់​ HD ទូរស័ព្ទ​នេះ​មាន​វិមាត្រ​ 118.5 x 62.3 x 9.3 mm ​និង​មាន​ទម្ងន់​ចំនួន​ 114 grams ។

លក្ខណ​សម្បត្តិ​បែប​បច្ចេកទេស​របស់ ​​HTC Desire Q​ ៖

សូម​បញ្ជាក់​ថា ទូរស័ព្ទ​ទំនើប HTC Desire Q បច្ចុប្បន្ន​មាន​លក់​ជា​ផ្លូវការ​ហើយ​នៅ​ទីផ្សារ​​តៃវ៉ាន​ ជា​មួយ​តម្លៃ $234 ក្នុង​ ១ គ្រឿង ​។ ដោយ​​ឡែក​ចំពោះ​ទីផ្សារ​​សកល​គឺ​មិន​ទាន់​មាន​ប្រភព​ណា​មួយ​បាន​ប្រាប់​ឲ្យ​ដឹង​នៅ​ឡើយ​ទេ​៕

Nokia Lumia ជា​ខ្សែស្រឡាយ​ទូរស័ព្ទទំនើប​ដំណើរការ​ដោយ​ប្រព័ន្ធ​ប្រតិបត្តិការ Windows Phone 8 ដែល​កំពុង​តែ​ទទួល​បាន​​ការ​គាំទ្រ​ពី​សំណាក់​អ្នក​ប្រើប្រាស់​ទូរស័ព្ទ​ជា​ច្រើន​នៅ​ជុំវិញ​ពិភពលោក ។ ដោយ​មើល​ឃើញ​ពី​សក្ដានុពល​នៃ​ទូរស័ព្ទ​នេះ ទើប​ក្រុមហ៊ុន​ផ្ដល់​​សេវា​និង​ទទួល​សិទ្ធិ​ចែក​ចាយ​បន្ត​ទូរស័ព្ទ​ធំៗ​នៅ​សហរដ្ឋ​​​ចង់​ទទួល​សិទ្ធិ​ផ្ដាច់​មុខ​ក្នុង​ការ​ចែកចាយ​ទូរស័ព្ទ​ទាំង​នោះ​ ។

ជាក់​ស្ដែង​ក្រុមហ៊ុន AT&T បាន​ទទួល​សិទ្ធិ​ចែក​ចាយ​ទូរស័ព្ទ Nokia Lumia 920 នៅ​ទីផ្សារ​សហរដ្ឋ ហើយ​ពេល​នេះ​មាន​ព័ត៌មាន​ថា​ក្រុមហ៊ុន​ Nokia ក៏​ត្រៀម​ម៉ូដែល​ពិសេស​នៃ​ខ្សែស្រឡាយ Nokia Lumia សម្រាប់​ក្រុមហ៊ុន​ធំ​មួយ​ទៀត​នៅ​សហរដ្ឋ​ គឺ​ក្រុមហ៊ុន Verizon ដែល​នឹង​ទទួល​សិទ្ធិ​ចែកចាយ Nokia Lumia 928 នេះ​បើ​យោង​តាម​រូបភាព​លេច​ចេញ​ដែល​បង្ហាញ​ដោយ​គេហទំព័រ @evleaks.com ទទួល​បាន​តាម​រយៈ engadget.com ។

បញ្ជាក់៖ ទាំង​ក្រុមហ៊ុន Nokia និង Verizon មិន​ទាន់​បាន​បង្ហើប​ឲ្យ​ដឹង​ពី​កាល​បរិច្ឆេទ​នៃ​ការ​ចេញ​ទូរស័ព្ទទំនើប​មួយ​ម៉ូដែល​នេះ​នៅ​ឡើយ​ទេ ដូច្នេះ​ចំពោះ​តម្លៃ​វិញ​ក៏​មិន​ទាន់បាន​ដឹង​នៅ​ឡើយ​ដែរ ៕

ក្រុមហ៊ុនលក់ទំនិញតាម អនឡាញ Best Buy និងក្រុមហ៊ុន Samsung បានសហការគ្នាបង្កើត Mini Store នៅក្នុងតំបន់ជាង ១.៤០០កន្លែងរបស់ទីតាំង Best Buy។ កាលពីថ្ងៃទី ០៤ខែមេសា ឆ្នាំ ២០១៣ ម្សិលមិញនេះ ក្រុមហ៊ុន Samsung បានបញ្ជាក់ឲ្យដឹងថា Mini Store របស់ខ្លួននឹងមាននៅ គ្រប់ទីតាំងលក់ របស់ក្រុមហ៊ុន Best Buy នៅសហរដ្ឋអាមេរិក ដែល Store ទាំងអស់នោះនឹង ចាប់ផ្ដើមដំណើរការ នៅក្នុងខែនេះ។

តំណាងក្រុមហ៊ុន Samsung បាននិយាយថា ការសហការជាមួយនឹង Best Buy នេះគឺដើម្បីជំរុញការលក់ របស់ផលិតផលរបស់ខ្លួន នៅក្នុងសហរដ្ឋអាមេរិក ឲ្យកាន់តែកើនឡើង។ បើតាមក្រុមអ្នកវិភាគ បានឲ្យដឹងថា ក្រុមហ៊ុនទាំងពីរខាងលើ បានធ្វើការសហការគ្នា តាំងពីដើមខែមីនា មកម្ល៉េះ ប៉ុន្តែទើបតែពេលនេះ បានប្រកាសឲ្យដឹង។

ក្រុមហ៊ុន Samsung បាននិយាយថា បច្ចុប្បន្នទីផ្សារស្មាតហ្វូន របស់ខ្លួនបានកាន់កាប់ ជំវិញពិភពលោកបាន ៤០ភាគរយ ដោយឡែកលើកលែងតែនៅ សហរដ្ឋអាមេរិក មួយប៉ុណ្ណោះ ដូច្នេះហើយ ទើប Samsung សម្រេចចិត្ត សហការជាមួយនឹង Best Buy ក្នុងការបង្កើត Mini Store ដើម្បីជំរុញការលក់ ស្មាតហ្វូននៅក្នុង សហរដ្ឋអាមេរិក យកឈ្នះ Apple ព្រោះថា នៅក្នុងសហរដ្ឋអាមេរិក ទីផ្សារស្មាតហ្វូន Samsung មានត្រឹមតែ ២០ភាគរយប៉ុណ្ណោះ៕

Google Glass គឺជាឧបករណ៍ដែលគេកំពុងតែ ពិចារណាក្នុងការផលិត ដោយសារតែ ផលិត ផលនេះ មិនទាន់មានលក់នៅក្នុងទីផ្សារ ពេញលេចនៅឡើយរហូតដល់ ចុងឆ្នាំ ២០១៣នេះ។  

ឧបករណ៍បញ្ចូលនូវបច្ចេកវិទ្យា កម្រិតខ្ពស់នេះ បានក្លាយជាឧបករណ៍ ពេញនិយមបំផុត ដែលធ្វើ ឲ្យក្រុមហ៊ុនដទៃជាច្រើនទៀត កំពុងតែគិតគូរ រួចជាស្រេច អំពីការផលិតបច្ចេកវិទ្យា បែប នេះ ផ្ទាល់របស់ពួកគេ។

លោក Brian White អ្នកស្រាវជ្រាវទីផ្សារ ប្រចាំក្រុមហ៊ុន Topeka Capital Markets បានបង្ហាញនៅក្នុងកំណត់ សម្គាល់កាលពីថ្ងៃព្រហស្បតិ៍ ទី៤ខែមេសា ថា លោកជឿថាក្រុមហ៊ុន Microsoft ប្រហែលជានឹងបង្កើតនូវ វែនតាបច្ចេកវិទ្យា ភ្ជាប់អ៊ីនធឺណេត  ផ្ទាល់ខ្លួន ដែលនឹងចេញលក់នៅលើ ទីផ្សារនៅឆ្នាំ ២០១៤ខាងមុខ នេះបើយោងតាមទីភ្នាក់ងារ ព័ត៌មាន AppleInsider ។

ក្រុមហ៊ុនវិភាគខាងលើ បញ្ជាក់ថា វែនតា Google Glass នឹងក្លាយជាឧបករណ៍ ភ្ជាប់បច្ចេកវិទ្យា ពាក់នៅនឹងភ្នែក នាំផ្លូវដំបូង សំខាន់ជាងគេបំផុត។  របាយការណ៍ជាច្រើននា ពេលថ្មីៗនេះ បានលើកឡើងថា ក្រុមហ៊ុនបច្ចេកវិទ្យាធំៗជាច្រើន រាប់បញ្ចូលទាំង ក្រុមហ៊ុន Apple , Samsung, LG និងGoogle ទាំងអស់នេះ កំពុងតែធ្វើការងារ ក្នុងការបង្កើតឧបករណ៍ រាងតូចៗ ជំនាន់ថ្មី អាចពាក់នៅនឹងមនុស្សបាន៕

គណៈកម្មការត្រួតពិនិត្យ ពាណិជ្ជកម្មអន្តរជាតិ (ITC) បានប្រកាសថា ក្រុមហ៊ុន Samsung បានរំលោភលើប៉ាតង់ Text- Selection របស់ក្រុមហ៊ុន Apple។

ITC បានចេញសេចក្ដី សម្រេចបែបនេះតាំងពី ថ្ងៃទី ២៦ ខែ មីនា ឆ្នាំ ២០១៣ មកម្ល៉េះ ប៉ុន្តែសេចក្ដី សម្រេចនោះ ត្រូវបានលាក់ទុក ជាការសម្ងាត់រហូតមក ដល់ថ្ងៃទី ០៥ ខែ មេសា ម្សិលមិញនេះ ទើបប្រកាស ជាសាធារណៈ។

ក្រុមហ៊ុន Apple បានប្ដឹងចោទប្រកាន់  ទៅក្រុមហ៊ុន Apple ចំនួន ២ករណី ប៉ុន្តែនៅក្នុងសេចក្ដីនេះ ITC បានសម្រេចថា នៅក្នុងការចោទប្រកាសនោះ ITC បានរកឃើញថា Samsung បានរំលោភលើប៉ាតង់ Apple តែមួយនោះទេ។

ITC បានរកឃើញថា ប៉ាតង់ Text- Selection ដែល Samsung រំលោភនោះមាននៅលើម៉ូដែល ត្រកូល Galaxy និងNexus ហើយបើតាមការចុះផ្សាយ របស់ទីភ្នាក់ងារ Reuters បានឲ្យដឹងថា ម៉ូដែលបានរំលោភលើ ប៉ាតង់នោះអាចនឹងត្រូវ ធ្វើការហាមឃាត់ ការលក់នៅក្នុង សហរដ្ឋអាមេរិក។

គួរបញ្ជាក់ផងដែរថា ចំពោះសេចក្ដីសម្រេចនេះ ខាងក្រុមហ៊ុន Samsung នៅមិនទាន់មានប្រតិកម្ម ណាមួយនោះទេ ប៉ុន្តែសម្រាប់ Apple វិញមានចិត្ត សប្បាយរីករាយ៕

Microsoft បាននិយាយថា អ្វីដែលបណ្ដាញសង្គមបាន បង្ហាញកាលពីថ្មីៗនេះ គឺជាសកម្មភាពមួយដែលខ្លួនបានធ្វើ និងនិយាយតាំងពីឆ្នាំ ២០១១ មកម្ល៉េះ។

លោក Frank X. Shaw ប្រធានទំនាក់ទំនងរបស់ក្រុមហ៊ុន Microsoft បានសរសេរនៅក្នុងប្លក់របស់លោកថា វាជារឿងមួយដែលហួសសម័យហើយ សម្រាប់កម្មវិធី “Home” របស់ Facebook ដែលទើបតែបង្ហាញ កាលពីថ្ងៃទី ០៤ខែមេសា កន្លងទៅនេះ។

នៅថ្ងៃទី ០៤ខែមេសា កន្លងទៅ លោក Mark Zuckerberg នាយកប្រតិបត្តិក្រុមហ៊ុន Facebook បានធ្វើការបង្ហាញនូវកម្មវិធីមួយ ដែលមានឈ្មោះថា “Home” ដែលមានលក្ខណៈជា Facebook News Feed ដែលក្នុងនោះ លោក Mark Zuckerberg បាននិយាយថា “Put People First, App second”។

នៅក្នុងប្លក់របស់លោក Shaw បាននិយាយថា “Put People First, App second” ជាពាក្យសម្ដីមួយដែលក្រុមហ៊ុន Microsoft បាននិយាយថា និងធ្វើវារួចមកហើយតាំងពីឆ្នាំ ២០១១ ជាមួយនឹងប្រព័ន្ធដំណើរការ Windows Phone ដូច្នេះ Facebook គួរណាស់តែរកពាក្យផ្សេង មកនិយាយទៅវិញវាល្អជាង។

តាមការពិតទៅអ្វីដែលលោក Shaw បាននិយាយគឺមានន័យថា អ្វីដែលក្រុមហ៊ុន Facbeook បានធ្វើនៅពេលនេះ គឺ Microsoft បានធ្វើរួចទៅហើយតាំងពី ២ឆ្នាំមុនមកម្ល៉េះ៕

លោក Mark Pincus នាយកប្រតិបត្តិ ក្រុមហ៊ុនផលិត ហ្គេមធំបំផុតឲ្យ បណ្ដាញសង្គម Facebook គឺ Zynga Inc បានសម្រេចចិត្ត ទទួលយកប្រាក់បៀវត្ស ប្រចាំខែតែ ១ដុល្លារអាមេរិកប៉ុណ្ណោះ សម្រាប់ឆ្នាំថ្មីនេះ ហើយក៏មិនទទួលយកប្រាក់ លើកទឹកចិត្ត និងអ្វីឧបត្ថម្ភអ្វី ទាំងអស់។

ចាប់ពីថ្ងៃទី ០១ ខែ មេសា ឆ្នាំ ២០១៣ តទៅ លោក Pincus នឹងទទួលបានប្រាក់ បៀវត្សត្រឹមតែ ១ដុល្លារអាមេរិក ក្នុងមួយខែដែលកាលពីឆ្នាំ ២០១១ លោក Pincus ទទួលបានប្រាក់ចំណូល ១,៦៨ លានដុល្លារអាមេរិក ដែលនៅក្នុងនោះបានមកពី ប្រាក់ខែចំនួន ៣០ម៉ឺនដុល្លារអាមេរិក និងប្រាក់លើក ទឹកចិត្ត ៣.៧៥០ដុល្លារអាមេរិក ប៉ុន្តែសម្រាប់ឆ្នាំ២០១២ ខាងក្រុមហ៊ុន Zynga មិនបានប្រកាស ឲ្យដឹងនោះទេ។ លោក Pincus ជាស្ថាបនិកក្រុមហ៊ុន Zynga ដែលបានបង្កើតឡើង កាលពីឆ្នាំ ២០០៧ ដែលនៅពេលនោះ លោកទទួលបានប្រាក់ ចំណូលខ្ពស់។

បើតាមការឲ្យដឹងពី Bloomberg មានបុគ្គលិកជាន់ខ្ពស់ របស់Zynga ចំនួន ៦រូប ទទួលបានប្រាក់ចំណូលជាង ២លានដុល្លារអាមេរិក ប៉ុន្តែដឹងច្បាស់តែ លោក Cadir Lee អនុប្រធានប្រតិបត្តិ ជាន់ខ្ពស់ និងជាប្រធានបច្ចេកទេស ទទួលបានប្រាក់ខែ ៥០ម៉ឺនដុល្លារអាមេរិក និងប្រាក់លើកទឹកចិត្តចំនួន ៥០ម៉ឺន ដុល្លារអាមេរិក។

គួរបញ្ជាក់ផងដែរថា ក្រុមហ៊ុន Zynga បានជួបនូវបញ្ហា ជាច្រើនកាលពីចុង ឆ្នាំ២០១២ ដោយមានបុគ្គលិកជាន់ខ្ពស់ ជាច្រើនរូបបានដើរចេញ ពីក្រុមហ៊ុន ហើយមកដល់ពេលនេះ Zynga នៅមិនទាន់ដំណើរការ ល្អប្រសើរឡើងវិញផងដែរ៕