Life style

Showing posts with label Life style. Show all posts

ស្ពានកោះពស់(ឬស្ពានតេជោមរកត)ប្រភព៖ constructingcambodia

ខាងក្រោយនេះ ជាឈ្មោះ ទីតាំង និងប្រវែងស្ពានទាំង១២ ក្នុងប្រទេសកម្ពុជា ដែលត្រូវបានចាត់ទុកថាមានប្រវែងវែងៗជាងគេក្នុងប្រទេសកម្ពុជា។ ស្ពានមួយចំនួនត្រូវបានសាងសង់ឡើងអស់រយៈពេលជាច្រើនឆ្នាំមកហើយ ខណៈដែលស្ពានមួយចំនួនទៀតទើបនឹងសាងសង់រួចរាល់ជាស្ថាពរនៅពេលថ្មីៗកន្លងទៅ និង គ្រោងដាក់សម្ពោធឲ្យប្រើប្រាស់នៅដើមខែមេសាខាងមុខនេះដូចជាស្ពានស៊ូូបាសា ឬ ស្ពានអ្នកលឿងជាដើម។

១) ស្ពានអ្នកលឿងមានប្រវែង ២ ២១៥ម៉ែត្រ ស្ថិតក្នុងខេត្តព្រៃវែង ឆ្លងកាត់ទន្លេមេគង្គទី៣ ដែលគ្រោងនឹងដាក់សម្ពោធឲ្យប្រើប្រាស់នៅដើមខែមេសាខាងមុខនេះ។

ប្រភព៖ Tram Greenfirefly

២) ស្ពានកោះកុង (ស្ពានមិត្តភាព កម្ពុជា-ថៃ) មានប្រវែង ១ ៩០០ ម៉ែត្រ ឆ្លងកាត់ទន្លេកោះប៉ោ ស្ថិតក្នុងខេត្តកោះកុង។

ប្រភព៖ www.visit-mekong.com

៣) ស្ពានស្ទឹងត្រែង មានប្រវែង ១ ៧៣១ ម៉ែត្រឆ្លងកាត់ទន្លេមេគង្គទី៤ ស្ថិតនៅក្នុងខេត្តស្ទឹងត្រែង។

ប្រភព៖ wikipedia

៤) ស្ពានគីហ្សូណា មានប្រវែង ១ ៥០០ ម៉ែត្រ ឆ្លងកាត់ទន្លេមេគង្គទី១ ស្ថិតក្នុងខេត្តកំពង់ចាម។

ប្រភព៖ www.asienreisender.de

៥) ស្ពានព្រែកតាមាក់ មានប្រវែង ១ ០៦០ម៉ែត្រ ឆ្លងកាត់ទន្លេមេគង្គទី២ ស្ថិតខេត្តកណ្តាល។

ប្រភព៖ lugaresquever.com

៦) ស្ពានសេកុង (ស្ពានមិត្តភាពកម្ពុជា-ចិន) មានប្រវែង ១ ៧៣១ម៉ែត្រ ឆ្លងកាត់ទន្លេមេគង្គទី៤ ស្ថិតក្នុងខេត្តស្ទឹងត្រែង។

ប្រភព៖ ប្រភព៖ www.flickr.com

៧) ស្ពានព្រែកព្នៅមានប្រវែង ៩៩៦ម៉ែត្រ ឆ្លងកាត់ទន្លេសាប ស្ថិតក្នុងរាជធានីភ្នំពេញ។

ប្រភព៖ constructingcambodia

៨) ស្ពានព្រែកក្តាម មានប្រវែង ៩៨១ម៉ែត្រ ឆ្លងកាត់ទន្លេសាប ស្ថិតក្នុងខេត្តកណ្តាល។

ប្រភព៖ www.panoramio.com

៩) ស្ពានកោះពស់(ឬស្ពានតេជោមរកត) មានប្រវែង៩០០ម៉ែត្រ ឆ្លងកាត់សមុទ្រ ស្ថិតក្នុងខេត្តព្រះសីហនុ។

ប្រភព៖ http://static.panoramio.com/

១០) ស្ពានតាខ្មៅ(ឬស្ពានព្រែកសំរោង) មានប្រវែង ៨៥៥ម៉ែត្រ ឆ្លងកាត់ទន្លេបាសាក់ ស្ថិតក្នុងខេត្តកណ្តាល។

ប្រភព៖ www.sroksrear.com

១១) ស្ពានជ្រោយចង្វារទី២(ស្ពានមិត្តភាពកម្ពុជា-ចិន) មានប្រវែង៧១៩ម៉ែត្រ ឆ្លងកាត់ទន្លេសាប ស្ថិតក្នុងរាជធានីភ្នំពេញ។

ប្រភព៖ www.crbc.com

១២) ស្ពានជ្រោយចង្វារទី១ (ស្ពានមិត្តភាពកម្ពុជា-ជប៉ុន) មានប្រវែង ៧១០ ម៉ែត្រ ឆ្លងកាត់ទន្លេសាប ស្ថិតក្នុងរាជធានីភ្នំពេញ៕

ដោយ៖ ម៉ៅ ចរិយា

ប្រភព ពី thebnews

លោករដ្ឋមន្ត្រីក្រសួងឧស្សាហកម្មនិងសិប្បកម្មបានឲ្យដឹងថា មានរថយន្ត Roll-Royces មិនតិចជាង ២០ គ្រឿងនោះទេ ដែលពលរដ្ឋកម្ពុជាកំពុងប្រើប្រាស់ជារៀងរាល់ថ្ងៃ បន្ទាប់ពីម៉ាករថយន្តដ៏ប្រណិតនេះបានសម្ពោធទីផ្សារលក់ក្នុងប្រទេសកម្ពុជាជិតមួយឆ្នាំនេះ។

Rolls-Royce-Rolls-Royce-Motor-Cars-Phnom-Penh

Rolls-Royce-Rolls-Royce-Motor-Cars-Phnom-Penh(1)

លោកចម ប្រសិទ្ធិរដ្ឋមន្ត្រីក្រសួងឧស្សាហកម្មនិងសិប្បកម្មបានថ្លែងក្នុងពេលចូលរួមធ្វើជាអធិបតីភាពពិធីបើកសម្ពោធអាគារតាំងបង្ហាញរថយន្ត Roll-Royce កាលពីព្រឹកមិញថា តាមលោកដឹងមានរថយន្ត Roll-Royce មិនតិចជាង ២០ គ្រឿងទេ ដែលពលរដ្ឋកម្ពុជាទិញប្រើប្រាស់ ដែលនេះបង្ហាញពីភាពជោគជ័យសម្រាប់ទីផ្សារលក់រថយន្តដ៏ប្រណិតនេះ នៅក្នុងប្រទេសកម្ពុជា។

លោកថា ទោះបី Rolls-Royce ត្រូវគេដឹងថាជារថយន្តដ៏មានតម្លៃថ្លៃសម្រាប់ត្រកូលអភិជន ប៉ុន្តែពលរដ្ឋកម្ពុជាមួយចំនួននៅតែមានលទ្ធភាពទិញរថយន្តនេះយកប្រើប្រាស់ ដោយសារតែពួកគេជឿជាក់លើគុណភាពនិងកេរ្តិ៍ឈ្មោះដ៏ល្អនៃរថយន្តដ៏ល្បីឈ្មោះនេះ។

ប្រទេសចំនួន ១០ ដែលរលាយបាត់រូបពីផែនទីពិភពលោកក្នុងមួយសតវត្សចុងក្រោយ

មជ្ឈដ្ឋានពលរដ្ឋជាច្រើននៅតែមានមន្ទិលសង្ស័យសម្រាប់ការមកដល់នៃរថយន្តដ៏ប្រណិតលំដាប់មហាសេដ្ឋី Roll-Royce នៅប្រទេសកម្ពុជា ប៉ុន្តែការសម្រេចបានជោគជ័យសម្រាប់ទីផ្សារលក់រថយន្តដ៏ប្រណិត Rolls-Royce បានបង្ហាញថា កម្ពុជាត្រៀមខ្លួនក្នុងការប្រកួតប្រជែងក្នុងតម្រូវការប្រើប្រាស់ររថយន្តប្រណិតតម្លៃថ្លៃៗនៅក្នុងតំបន់។

លោក Paul Harris នាយកប្រចាំតំបន់អាស៊ីប៉ាស៊ីហ្វិកក្រុមហ៊ុន Rolls-Royce បានឲ្យដឹងថា កម្ពុជាជាទីផ្សារដែលមានភាពទាក់ទាញសម្រាប់បណ្ដាក្រុមហ៊ុនរថយន្តនានា ក្នុងការបោះមូលដ្ឋានលក់រថយន្តនៅក្នុងតំបន់។

លោកថា លោកមានភាពភ្ញាក់ផ្អើលជាខ្លាំងសម្រាប់ជោគជ័យការលក់រថយន្ត Roll-Royce នៅទីផ្សារប្រទេសកម្ពុជា ដែលនេះបានបង្ហាញពីទំនុកចិត្តរបស់អតិថិជនក្នុងការជ្រើសរើសរថយន្ត Roll-Royce ជាជម្រើសទិញប្រើប្រាស់។

“ពលរដ្ឋកម្ពុជាមួយចំនួនពិតជាមានលទ្ធភាពក្នុងការទិញរថយន្តដ៏មានតម្លៃ Rolls-Royce ប្រើប្រាស់ ដោយសារប្រាក់ចំណូលរបស់ពួកគេមានការកើនឡើង និងស្របពេលដែលប្រទេសកម្ពុជាមានកំណើនសេដ្ឋកិច្ចកើនឡើងជារៀងរាល់ឆ្នាំ ដែលនាំភាពជោគជ័យសម្រាប់សហគ្រិនអាជីវកម្មនានា”។

សិចអាចធ្វើឲ្យខួរក្បាលដំណើរការបានល្អ

យ៉ាងណាលោកមិនបានបង្ហាញពីចំនួនលក់ជាក់លាក់នៅទីផ្សារកម្ពុជា ប៉ុន្តែលោកបញ្ជាក់ឆ្នាំ ២០១៤ ការលក់រថយន្ត Rolls-Royce នៅទីផ្សារពិភពលោកមានការកើនឡើងប្រមាណ ៣០ ភាគរយ និងទីផ្សារអាស៊ីមានការកើនឡើងជាង ១៥ ភាគរយ។

ក្នុងថ្ងៃសម្ពោធអាគារតាំងបង្ហាញរថយន្ត Roll-Royce នៅព្រឹកមិញនេះ ក្រុមហ៊ុនក៏បានបង្ហាញរថយន្តស៊េរីថ្មី Roll-Royce Ghost Series II ដ៏ថ្មីសន្លាងសម្រាប់លក់លើទីផ្សារប្រទេសកម្ពុជា។

ប្រភព ពី Sabay

អត្ថបទ៖ ប៊ុណ្ណារ៉ា

លោកអូបាម៉ា និងអតីតមិត្តស្រី (Genevieve Cook)ប្រភព៖ imgkid.com

លោកបារ៉ាក់អូបាម៉ា (Barack Obama) ធ្លាប់មានមិត្តស្រីម្នាក់កាលរៀននៅសាកលវិទ្យាល័យកូឡុំបៀ (Columbia)។ អតីតសង្សាររបស់លោកអូបាម៉ាឈ្មោះ Genevieve Cook។ លោកស្រី Genevieve Cook និងលោកអូបាម៉ាបានភប់ប្រសព្វគ្នាជាលើកដំបូង នៅក្នុងឆ្នាំ១៩៨៣ នៅក្នុងពិធីបុណ្យ Christmas។

ពិបាករកទីតាំងសម្រាប់ការណាត់ជួបនៅគ្រាដំបូងមែនទេ? ទីតាំងចំនួន ១០ នេះអាចស័ក្ដិសមបំផុតសម្រាប់លោកអ្នក

កាលណោះ លោកអូបាម៉ាអាយុ ២២ ឆ្នាំ រីឯលោកស្រី Genevieve Cook អាយុ ២៥ ឆ្នាំ។ អ្នកស្រី Genevieve Cook មានសញ្ជាតិដើមអូស្ត្រាលី និងជាកូនស្រីរបស់អ្នកការទូតជាន់ខ្ពស់មកពីប្រទេសអូស្ត្រាលី។

ក្រៅពីនោះ លោកអូបាម៉ាក៏ធ្លាប់មានសង្សារម្នាក់ទៀតឈ្មោះ Alex McNear ដែលបានជួបគ្នាកាលលោកនៅរៀនសាកលវិទ្យាល័យ Occidental College។ អ្នកទាំងពីរស្គាល់គ្នាដំបូងកាលពីឆ្នាំ១៩៨២។ កាលសម័យនោះ លោកទាក់ទងគ្នាជាមួយសង្សារតាមសំបុត្រ។

ក្រោយមក អ្នកទាំងពីរបានបែកគ្នាទៀត ដោយមិនដឹងច្បាស់ពីមូលហេតុថា អ្នកណាចាកចោលអ្នកណាទេ មុននឹងលោកអូបាម៉ា សម្រេចចិត្តរៀបការជាមួយលោកស្រី Michelle នៅថ្ងៃទី ២ ខែ តុលា ឆ្នាំ ១៩៩២ រហូតដល់បច្ចុប្បន្ន៕

អតីតសង្សារលោកអូបាម៉ា (Genevieve Cook) (ឆ្វេង) – លោកអូបាម៉ា (រូបស្ដាំ)

Apple ចាប់ផ្ដើមក្រឡុកទីផ្សារស្មាតហ្វូន

ប្រែសម្រួល ៖ អន សំអាង

ប្រភព ពី thebnews

ប្រភព៖ The Washington Post , The Daily Mail

រាជធានី Wellington របស់នូវែលហ្សេឡង់ប្រភព៖ carterpottery

ប្រទេសនូវែលហ្សេឡង់ (New Zealand) ត្រូវបានគេទទួលស្គាល់ថា ជាប្រទេសមួយជឿនលឿន និង មានសន្តិភាពនិយមបំផុតមួយនៅលើពិភពលោក។ ជាដែនកោះស្ថិតនៅភាគនិរតីនៃមហាសមុទ្រប៉ាស៊ីហ្វិកដែលត្រូវនឹងភាគអាគេ្នយ៍ប្រទេសអូស្ត្រាលី ប្រទេសនេះក៏ធ្លាប់ជាដែនដីអាណានិគមរបស់អង់គ្លេសកាលពីឆ្នាំ ១៨៤០។ ទោះបីជាយ៉ាងណាក៏ដោយ ប្រទេសនេះបានផ្តាច់ខ្លួនចេញពីប្រទេសអង់គ្លេសជាអាណាចក្រមួយមានរដ្ឋាភិបាលដឹកនាំពេញលេញកាលពីឆ្នាំ ១៩០៧ ប៉ុន្តែម្ចាស់ក្សត្រីអង់គ្លេសElizabeth ទី ២ (Queen Elizabeth II) នៅតែជាប្រមុខរដ្ឋរបស់ប្រទេសនេះដដែល។ ដោយសារចង់បង្កើនចំណេះដឹងបន្ថែមដល់ប្រិយមិត្ត DOMNENG7.info សូមណែនាំប្រិយមិត្តឲ្យស្វែងយល់ពីស្ថានភាពផ្សេងៗក្នុងប្រទេសនេះដែលមានដូចខាងក្រោមនេះ៖

១) ទីកន្លែងដែលមានឈ្មោះវែងជាងគេបំផុតនៅលើពិភពលោកគឺស្ថិតនៅក្នុងប្រទេសនូវែលហ្សេឡង់ដែលមានឈ្មោះថា “Taumatawhakatangihangakoauauotamateapokaiwhenuakitanatahu” នៅតើតំបន់ឆ្នេរខ្ពង់រាប Hawkes Bay។

២) Wellington គឺជារាជធានី និង ទីក្រុងធំជាងគេបំផុតលំដាប់ទី២ របស់នូវែលហ្សេឡង់ដែលមានចំនួនប្រជាជន ៣៩៧ ៩០០នាក់កំពុងរស់នៅនៅពេលបច្ចុប្បន្ននេះ។ ទន្ទឹមនឹងនេះ ទីក្រុងនេះក៏ជាទីក្រុងស្ថិតនៅភាគខាងត្បូងគេបង្អស់ផងដែរនៅលើពិភពលោក។ ទីក្រុងដ៏ធំជាងគេបំផុតរបស់ខ្លួនគឺទីក្រុងAuckland។

៣) ប្រជាជននូវែលហ្សេឡង់មានត្រឹមតែ៥% ប៉ុណ្ណោះរស់នៅលើទឹកដីរបស់ខ្លួន ហើយផ្ទៃដីដែលនៅសេសសល់គឺជាតំបន់សត្វព្រៃរស់នៅ។ ប្រជាជន៧៤%របស់ខ្លួនគឺជាជនជាតិអឺរ៉ុប ខណៈអាស៊ីមានត្រឹមតែ១១,៨%ប៉ុណ្ណោះ។

៤) នូវែលហ្សេឡង់គឺជាប្រទេសដែលមានអំពើពុករលួយតិចជាងគេបំផុតនៅលើពិភពលោក។ តាមរបាយការណ៍របស់អង្គការតម្លាភាពពិភពលោក (Transparency International) កាលពីឆ្នាំ ២០១៣កន្លងទៅនេះបានឲ្យដឹងថា ប្រទេសនេះជាប់ចំណាត់ថ្នាក់លេខ១ មានអំពើពុករលួយតិចជាងគេស្មើនឹងប្រទេសដាណឺម៉ាក។

៥) បឹងធម្មជាតិដែលមានទឹកស្អាតជាងគេបំផុតនៅលើពិភពលោកស្ថិតនៅក្នុងប្រទេសនេះដែលមានឈ្មោះថា Blue Lake ឬ បឹងខៀវ។ ប្រទេសនេះក៏ជាទីជម្រកពូជត្រីដូហ្វីន (Dolphin) តូចជាងគេបំផុតផងដែរក្នុងចំណោមពូជត្រីដូហ្វីនជាច្រើនទៀតនៅជុំវិញពិភពលោក។

៦) នូវែលហ្សេឡង់ប្រើប្រាស់ភាសាផ្លូវការចំនួន៣ក្នុងនោះរួមមាន ភាសាអង់គ្លេស Māori និង New Zealand Sign។

៧) បុរសតំបូងគេដែលបានឡើងភ្នំខ្ពស់ជាងគេបំផុតនៅលើពិភពលោក (ភ្នំអឺវ័ររ៉េស-Mount Everest) កាលពីឆ្នាំ ១៩៥៣ គឺជាជនជាតិនូវែលហ្សេឡង់ឈ្មោះEdmund Percival Hillary។

៨) នៅក្នុងឆ្នាំ ១៨៩៣ ប្រទេសនូវែលហ្សេឡង់បានក្លាយជាប្រទេសដំបូងគេបំផុតដែលបានផ្តល់សិទ្ធឲ្យស្តីមានសិទ្ធិបោះឆ្នោត និង បានអនុញ្ញាតឲ្យមនុស្សមានភេទតែមួយរៀបការបាននៅក្នុងឆ្នាំ ២០១៣កន្លងទៅនេះ។

៩) ១៥% នៃប្រជាពលរដ្ឋរបស់ខ្លួនគឺជាជនជាតិ Maori។ ប្រទេសនេះមានផ្ទៃដីប្រហាក់ប្រហែលទៅនឹងចក្រភពអង់គ្លេសដែរ តែមានប្រជាជនរស់នៅត្រឹមតែ៤,៥ លាននាក់ប៉ុណ្ណោះ ខណៈដែលប្រទេសអង់គ្លេសមានប្រជាពលរដ្ឋសរុប៦៣ លាននាក់។

១០) ផ្ទៃដី១/៣របស់ខ្លួនត្រូវបានការពារទុកជាឧទ្យានជាតិ។

១១) ប្រទេសនូវែលហ្សេឡង់ត្រូវបានបោះឆ្នោតជាប្រទេសល្អបំផុតនៅលើពិភពលោកប្រចាំទស្សនាវដី្ត Wanderlust ( Wanderlust magazine) កាលពីឆ្នាំ ២០០៧ និង ឆ្នាំ ២០០៨។

១២) មានប្រទេសចំនួនតែ២ប៉ុណ្ណោះនៅលើពិភពលោកដែលបានអនុញ្ញាតឲ្យក្រុមហ៊ុនលក់ថ្នាំញៀនធ្វើការផ្សព្វផ្សាយជាសាធារណៈនោះគឺសហរដ្ឋអាមេរិក និង ប្រទេសនូវែលហ្សេឡង់នេះឯង។

១៣) គ្រប់សាលារៀនទាំងឯកជន រដ្ឋ និង សាកលវិទ្យាល័យនានាអនុញ្ញាតឲ្យស្តុកទុកសារធាតុអ៊ុយរ៉ាន្យោម (Uranium) និង សូដ្យូម (Thorium) ក្នុងគោលដៅសិក្សាស្រាវជ្រាវ។ ប៉ុន្តែនឹងបង់ពិន័យជាប្រាក់១ លានដុល្លារចំពោះជនទាំងឡាយណាដែលនាំចេញ ឬ ជួញដូរសារធាតុទាំងពីរនេះ។

១៤) គេបានរកឃើញថា មានប្រជាជននូវែលហ្សេឡង់៥៨% បានស្លាប់ និង រងរបួសក្នុងសង្គ្រាមលោកលើកទី១។

១៥) នូវែលហ្សេឡង់គឺជាប្រទេសតែមួយគត់នៅលើពិភពលោកដែលមានភ្លេងជាតិចំនួនពីរនោះគឺបទភ្លេងជាតិ God Save The Queen និង God Defend New Zealand។

១៦) នូវែលហ្សេឡង់គឺជាប្រទេសតែមួយគត់នៅលើពិភពលោកដែលមានស្ត្រីកាន់តំណែងធំៗស្មើនឹងបុរស។ កាលពីឆ្នាំ ២០០៦ ម្ចាស់ក្សត្រី ថ្នាក់អភិបាលក្រុង នាយករដ្ឋមន្ត្រី ប្រធានសភា និងប្រធានតុលាការនូវែលហ្សេឡង់គឺជាស្ត្រី។

១៧) ប្រទេសនូវែលហ្សេឡង់មិនមានស្ថានីយផលិតថាមពលនុយក្លេអ៊ែរនោះឡើយទោះបីជាខ្លួនជាប្រទេសជឿនលឿនជាងគេបំផុតមួយនៅលើពិភពលោកក៏ដោយ។

១៨) រូបិយប័ណ្ណផ្លូវការប្រទេសនូវែលហ្សេឡង់គឺលុយដុល្លារនូវែលហ្សេឡង់។

១៩) ប្រជាជននូវែលហ្សេឡង់៣/៤បានរស់នៅក្នុងប្រទេសអូស្ត្រាលី។ ២០) ប្រជាជននូវែលហ្សេឡង់ម្នាក់បានផលិតប៊័រ ៦៥គីឡូក្រាម ក្នុងមួយឆ្នាំៗ។

២១) រដ្ឋាភិបាលនូវែលហ្សេឡង់ហាមឃាត់ការផ្សព្វផ្សាយពាណិជ្ជកម្មទាំងអស់ដែលធ្វើឡើងនៅចំពិធីធីបុណ្យជាតិ ANZAC Day ពិធីបុណ្យណូអែល (Christmas Day) ពិធីបុណ្យ Easter Sunday, និង ពិធីបុណ្យ Good Friday៕

ប្រែសម្រួល៖ ខេវិន

ប្រភព៖ buzzfeed

មហាសេដ្ឋីវៀតណាមលោក Pham Nhat Vuongប្រភព៖ baodansinh

បើនិយាយពីអ្នកដែលមានទ្រព្យសម្បត្តិច្រើនជាងគេនៅតំបន់អាស៊ាន មិត្តអ្នកអានប្រាកដជាដឹងថា មានតែគ្រួសាររាជវង្សស្ដេចថៃព្រះបាទ Bhumibol Adulyadej ទេមានទ្រព្យសម្បត្តិច្រើនជាងគេ។ តាមការវាយតម្លៃ ព្រះអង្គមានទ្រព្យសម្បត្តិសរុបប្រហែល ៣០ពាន់លានដុល្លារសហរដ្ឋអាមេរិក។

ដោយឡែក បើនិយាយពីមហាសេដ្ឋីដែលមានទ្រព្យសម្បត្តិច្រើនជាងគេវិញ គឺបានទៅលើមហាសេដ្ឋីជនជាតិហ្វីលីពីន។ នោះគឺលោក Henry Sy និងគ្រួសារដែលត្រូវបាន Forbes វាយតម្លៃថា មានទ្រព្យសម្បត្តិសរុបប្រមាណ ១៤,២ពាន់លានដុល្លារ ជាប់ចំណាត់ថ្នាក់លេខរៀងទី ៧៣។

ខាងក្រោមនេះជាចំណាត់ថ្នាក់មហាសេដ្ឋីប្រចាំប្រទេសចំនួន ៨នៅតំបន់អាស៊ាន៖

១) ហ្វីលីពីន៖ លោក Henry Sy មានទ្រព្យសម្បត្តិសរុប ១៤,២ពាន់លានដុល្លារ-លេខរៀងទី៧៣ លើលោក-រកស៊ីពហុវិស័យ។

២) ថៃ៖ លោក Dhanin Chearavanont និងគ្រួសារ មានទ្រព្យសម្បត្តិសរុប១៣,៦ពាន់លានដុល្លារ-លេខ៨១លើលោក-រកស៊ីផ្នែកអាហារ។

៣) ម៉ាឡេស៊ី៖ លោក Robert Kuok មានទ្រព្យសម្បត្តិសរុប ១១,៣ពាន់លានដុល្លារ-លេខ១១០លើលោក-រកស៊ីពហុវិស័យ)។

៤) សិង្ហបុរី៖ បងប្អូនប្រុស លោក Robert និង Philip Ng មានទ្រព្យសម្បត្តិសរុប៩,៦ពាន់លានដុល្លារ-លេខ១៣១លើលោក-រកស៊ីវិស័យអចលនទ្រព្យ)។

៥) ឥណ្ឌូណេស៊ី៖ លោក R. Bundi Hartono មានទ្រព្យសម្បត្តិសរុប ៩ពាន់លានដុល្លារ-លេខ១៤២លើលោក-រកស៊ីផ្នែកធនាគារ និងថ្នាំជក់)។

៦) វៀតណាម៖ លោក Pham Nhat Vuong មានទ្រព្យសម្បត្តិសរុប ១,៧ពាន់លានដុល្លារ-លេខ១១១៨លើលោក-រកស៊ីវិស័យអចលនទ្រព្យ)។

សូមបញ្ជាក់ថា ប្រទេសបួនផ្សេងទៀតនៅតំបន់អាស៊ានរួមមាន កម្ពុជា ឡាវ មីយ៉ាន់ម៉ា និងប្រ៊ុយណេ គ្មានឈ្មោះមហាសេដ្ឋីជាប់នៅក្នុងបញ្ជី Forbes នោះទេ។ ក៏ប៉ុន្តែធ្លាប់មានរបាយការណ៍អំពីទ្រព្យសម្បត្តិរបស់គ្រួសាររាជវង្ស និងស្ដេចប្រ៊ុយណេ ព្រះអង្គ Hassanal Bolkiah ដែលឈរនៅលេខពីរមានទ្រព្យសម្បត្តិច្រើនជាងគេបន្ទាប់ពីស្ដេចថៃ (ប្រហែល ២០ពាន់លានដុល្លារ)៕

ប្រភព៖ forbes & wikipedia

ដំណឹងប្រាំពីរ

មើលរូបភាពស្ពានចំនួន ១២ របស់កម្ពុជាដែលជាប់ចំណាត់ថ្នាក់វែងជាងគេបំផុត!

ចម ប្រសិទ្ធិ៖ Roll-Royces មិនតិចជាង ២០គ្រឿងកំពុងប្រើប្រាស់នៅកម្ពុជា

ប្រទេសចំនួន ១០ ដែលរលាយបាត់រូបពីផែនទីពិភពលោកក្នុងមួយសតវត្សចុងក្រោយ

សិចអាចធ្វើឲ្យខួរក្បាលដំណើរការបានល្អ

លោកអូបាម៉ាធ្លាប់មានសង្សារពីរនាក់ដែរ អ្នកទាំងពីរជាអ្នកណា?

ពិបាករកទីតាំងសម្រាប់ការណាត់ជួបនៅគ្រាដំបូងមែនទេ? ទីតាំងចំនួន ១០ នេះអាចស័ក្ដិសមបំផុតសម្រាប់លោកអ្នក

Apple ចាប់ផ្ដើមក្រឡុកទីផ្សារស្មាតហ្វូន

២១ ចំណុចដែលអ្នកគួរស្វែងយល់ពីប្រទេសនូវែលហ្សេឡង់

មហាសេដ្ឋីមានទ្រព្យសម្បត្តិច្រើនជាងគេបំផុតប្រចាំ ៧ប្រទេសនៅតំបន់អាស៊ាន

About

Follow Us

Popular Posts

Subscribe

Labels

Pinterest

Labels

​​​

About

Follow Us

Popular Posts

Subscribe

Labels

Pinterest

Labels