ដំណឹងប្រាំពីរ

ជាលើកដំបូង ក្រុមអ្នកវិទ្យាសាស្ដ្រ បានបង្ហាញភ័ស្ដុតាងអំពីសមត្ថភាពនៃការបញ្ជូនរលកសញ្ញា
អ៊ីនធឺរណិតគ្មានខ្សែ ក្នុងរយៈចម្ងាយ ២៣៨.៩០០ mile ប្រវែងប្រហាក់ប្រហែលនឹងចម្ងាយពីផែន
ដី ទៅព្រះចន្ទ។
ការពិសោធ ត្រូវបានបញ្ជាក់បង្ហាញដោយក្រុមអ្នកវិទ្យាសាស្ដ្រមកពីសកលវិទ្យាល័យ Massa
chusetts (MIT) និង NASA។ ដើម្បីបង្កើតបានអ៊ីនធឺរណិត Broadband នៅលើព្រះចន្ទ អ្នកវិទ្យា
សាស្ដ្រ បានប្រើប្រាស់កែវយឹតចំនួន ៤ ដែលដាក់នៅ New Mexico ដើម្បីបញ្ជូនទិន្នន័យឡើង
ទៅលើកាន់ផ្កាយរណប់មួយ ដែលកំពុងហោះជុំវិញព្រះចន្ទ។ បណ្ដាកែវយឹតដែលមានអង្កតផ្ចិត
៦អ៊ិន្ឈ៍ អនុញ្ញាតឱ្យបញ្ជូនព័ត៌មានតាមរយៈឧបករណ៍ laser ។
ដោយសារតែបរិយាកាសរបស់យើង មានលក្ខណៈកាច់កោងនូវរលកសញ្ញាដែលបញ្ជូនទៅកាន់
ព្រះចន្ទ ដូច្នេះ កែវយឹតចំនួន ៤ នេះ នឹងបញ្ជូនរលកសញ្ញាពន្លឺ តាមរយៈខ្សែបរិយាកាសផ្សេងៗ
គ្នា ចំនួន ៤ ក្នុងនោះ ខ្សែបរិយាកាសនិមួយៗនឹងទទួលឥទ្ធិពលអំពីកម្រិតកោងផ្សេងគ្នារបស់
ស្រទាប់បរិយាកាស។ យោងតាមការគន់គូរ អាត្រាត្រឹមត្រូវបំផុតនោះគឺថា នឹងមានយ៉ាងតិច មួយ
រលកសញ្ញា laser អាចនឹងទៅដល់ប្រព័ន្ធទទួលរលកសញ្ញា និងបង្កើតបានជាតំណភ្ជាប់ជាមួយ
ព្រះចន្ទ។
យោងតាមក្រុមអ្នកវិទ្យាសាស្ដ្រ នៅពេលប្រព័ន្ធ WiFi ត្រូវបានបង្កើតនៅលើព្រះចន្ទ អ្នកប្រើប្រាស់
នឹងអាច upload ទិន្នន័យឡើងព្រះចន្ទ ក្នុងល្បឿន 19.44mb/s និង download ក្នុងល្បឿន 622mb/s
គឺលឿនជាង ៤០០០ ដង ធៀបនឹងរលកវិទ្យុ។


ប្រែសម្រួលដោយ ៖ តារា
ប្រភព ៖ RT/Whatmobile

បច្ចេកវិទ្យារបស់អនាគត នឹងធ្វើឱ្យមានការប្ដូរផ្លាស់ទាំងស្រុង នូវវិធីដែលមនុស្សធ្វើអន្ដរកម្ម
ជាមួយនឹងបរិស្ថានខាងក្រៅ។
ក្រុមហ៊ុន Metaio កំពុងអភិវឌ្ឍបច្ចេកវិទ្យាមួយ ថ្មីស្រឡាង មានឈ្មោះថា Thermal Touch
ដែលជាបច្ចេកវិទ្យាតភ្ជាប់កាមេរ៉ា អ៊ិនហ្វ្រែរ (infrared camera) និង សេនសឺរពន្លឺ (light sensor)
ធ្វើឱ្យរាល់វត្ថុដែលអ្នកប៉ះ សុទ្ធតែក្លាយជាអេក្រង់ថាច់ស្គ្រីន។ បច្ចេកវិទ្យានេះ ពិតជាអាចបំពាក់
លើស្មាតហ្វូន និងឧបករណ៍ពាក់ បំណងផ្លាស់ប្ដូរវិធីសាស្ដ្របញ្ជា និងធ្វើអន្ដរកម្ម។
ក្រុមហ៊ុនអភិវឌ្ឍបច្ចេកវិទ្យានេះ ជឿថា កាមេរ៉ា អ៊ិនហ្វ្រែរ នឹងក្លាយជាកត្តាមួយដ៏សំខាន់សម្រាប់
ឧបករណ៍បច្ចេកវិទ្យា នាពេលអនាគត។ ជំនួសឱ្យការបញ្ជាដោយប្រើគ្រាប់ចុច និងអេក្រង់ថាច់
ស្គ្រីន បច្ចេកវិទ្យា Thermal Touch នឹងអាចបញ្ជាតាមរយៈផ្ទៃរាបនៃរបស់របរទាំងឡាយ នៅនៅ
ជុំវិញ ជាមួយនឹងអេក្រង់ថាច់ស្រ្គីនកំដៅស្រមោល។

ម៉ូដែលគំរូសាកល្បង នៃបច្ចេកវិទ្យា Thermal Touch ត្រូវបានបំពាក់ក្នុងកុំព្យូទ័រថេប្លេតមួយគ្រឿង
រួមមាន កាមេរ៉ាអ៊ិនហ្វ្រែរ និងសេនសឺរពន្លែ។ ឧបករណ៍នេះ ចម្លងទុកនូវកំដៅរបស់ម្រាមដៃរបស់
អ្នកបញ្ជា នៅពេលប៉ះទៅលើវត្ថុអ្វីមួយ។ ក្រោយមក ឧបករណ៍នេះ នឹងបញ្ចាំងពន្លឺទៅលើវត្ថុ
ទាំងនោះ ដែលជួយឱ្យអ្នកមើលឃើញនូវបណ្ដារូបភាព។
បច្ចេក​វិទ្យា Thermal Touch នៅក្នុងការជាក់ស្ដែង គឺមានវិសាលភាពធំទូលាយ ឧទាហរណ៍ដូច
នៅពេលអ្នកដើរផ្សារ អ្នកគ្រាន់តែប៉ះទៅលើផលិតផលណាមួយ ភ្លាមនោះ ព័ត៌មានស្ដីអំពី​តម្លៃ
របស់វា នឹងបង្ហាញខ្លួន។ នៅពេលអនាគត អ្នកប្រហែលជាលែងត្រូវការកាន់ទូរស័ព្ទទៅតាមខ្លួន
ទៀតនោះទេ ដោយសារថា ការងារមួយចំនួនធំ ដូចជា អ៊ីមេល វាយអត្ថបទ ឬមួយចូលទៅកាន់
គេហទំព័រ សុទ្ធតែត្រូវបានធ្វើឡើង នៅគ្រប់ទិសទី គ្រប់ពេលវេលា ដោយប្រើ Thermal Touch ។
មុខងារដ៏អស្ចារ្យមួយទៀត របស់ Thermal Touch គឺសមត្ថភាពដឹងបានអំពី ថា តើវាត្រូវបានម្រាម
ដៃពិតមកប៉ះបញ្ជា ឬគ្រាន់តែត្រូវបានដាក់ពីលើវា ដោយយោងទៅលើការផ្លាស់ប្ដូរកំដៅ នៅ
ពេលមានការប៉ហពាល់ទៅលើវត្ថុអ្វីមួយ។
បច្ចេកវិទ្យា Thermal Touch បច្ចុប្បន្ន ស្ថិតនៅក្នុងដំណាក់កាលនៃការសាកល្បង ហើយវានឹងត្រូវ
ការពេលជាច្រើនឆ្នាំទៀត ដើម្បីសម្រេចបានជាស្ថាពរ ដើម្បីដាក់ឱ្យប្រើប្រាស់ទូលំទូលាយ។
ក្រុមហ៊ុន Metaio ឱ្យដឹងថា ពួកគេធ្វើការឧទ្ទេសនាមម៉ូដែលគំរូសាកល្បងនៃបច្ចេកវិទ្យា Thermal
Touch នេះ នៅថ្ងៃទី ២៧ ដល់ ២៩ឧសភា ក្នុងព្រឹត្ដិការណ៍ពិពរណ៍ World Expo នៅ California
សហរដ្ឋអាមេរិក។

គុណសម្បត្តិលេចធ្លោបំផុតរបស់ iStick គឺសមត្ថភាពបន្ថែមអង្គចងចាំដល់បណ្តាឧបករណ៍ iOS។ អ្នកគ្រាន់តែដោត USB នេះចូលក្នុងកុំព្យូទ័រ Copy File ចូលក្នុង iStick ហើយភ្ជាប់ (Connect) iStick ជាមួយ iPhone ជាការស្រេច។ អ្នកក៏អាចធ្វើការ Copy បានយ៉ាងរហ័ស រាល់បណ្តា File ពីម៉ាស៊ីន PC ចូលទៅ iPhone ឬ iPad តាមរយះ iStick បានផងដែរ។ ជាមួយនឹងការធ្វើដូចនេះ អ្នកមិន ចាំបាច់ ធ្វើការដំឡើងកម្មវិធី iTunes មិនចាំបាច់យកតាមនូវខ្សែភ្ជាប់ Lightning ហើយក៏មិនចាំបាច់ ធ្វើការ កូពីចម្លងឯកសារ ដែលប្រើប្រាស់ពេលវេលាច្រើន ដូចមុនទៀត ផងដែរ។
ក្រៅពីនេះ iStick នឹងជួយអ្នក ឲ្យមានភាពងាយស្រួលក្នុងការដកបទពិសោធន៍ ទស្សនារឿងនៅលើ iPhone ដោយផ្អែកលើសមត្ថភាព ផ្គត់ផ្គង់ទាំងអស់ នូវទម្រង់ File វីដេអូ ដែលនិយមប្រើប្រាស់ ដូចជា MP4, MKV, AVI, MOV និង 3GP។ គុណវិបត្តិធំបំផុតរបស់ឧបករណ៍ iStick គឺស្ថិតនៅត្រង់ តំលៃខ្ពស់គួរសម គឺចាប់ពី ១២៩ ដុល្លារ សម្រាប់ម៉ូដែល 8GB រហូតដល់តំលៃ ៤០០ ដុល្លារ សម្រាប់ ម៉ូដែលទំហំ 128GB៕

បើ​យោង​តាម​ប្រភព​ពី​គេហទំព័រ GSMarena បាន​ឲ្យ​ដឹង​ថា​ក្រុមហ៊ុន​ LG នឹង​​ចាប់ផ្ដើម​ចេញ​លក់ជា​បន្តបន្ទាប់​នូវ​ទូរស័ព្ទទំនើប​ G2 Mini ទៅ​លើ​ទីផ្សារ​នានា​ជុំវិញ​ពិភពលោក​នៅ​ខែមេសា​ ខាង​មុខ​នេះ​ ។
ចំពោះ​លក្ខណសម្បត្តិបច្ចេកទេស​​របស់​ LG G2 Mini មាន​ដូច​ខាង​ក្រោម៖

• អេក្រង់ទំហំ​ 4.7-inch
• កម្រិតភាពច្បាស់ 720 qHD
• CPU 1.2GHz (Qualcomm Snapdragon 400)/ 1.7GHz (Nvidia Tegra 4i)
• RAM 1 GB
• អង្គផ្ទុកទិន្នន័យ​ជាប់ម៉ាស៊ីនទំហំ 8 GB (អាច​បន្ថែម​ microSD card 32)
• កាមេរ៉ាមុខទំហំ 1.3 MP និង​កាមេរ៉ាក្រោយទំហំ 8 MP/ 13 MP
• មាន​ម៉ូដែល​ស៊ីមមួយ​ និង​ស៊ីមពីរ
• ដំណើរការ​ដោយ Android 4.4.2 KitKat
• ថាមពលថ្ម 2,440mAh

សូមទស្សនា​វីឌីអូ​ខាង​ក្រោម៖
សូម​បញ្ជាក់​ថា​ចំពោះ​ព័ត៌មាន​ទាក់ទង​នឹង​តម្លៃ​របស់​ LG G2 Mini មិន​ទាន់ត្រូវ​បាន​បង្ហើប​ឲ្យ​ដឹង​នៅ​ឡើយ​ទេ ប៉ុន្តែ​ប្រភព​ដដែល​បាន​បញ្ជាក់​ថា​តម្លៃ​នឹង​ខុសៗ​គ្នា​ទៅ​តាម​ទីផ្សារ​ នានា​ដូច​ជា​ អាស៊ី អឺរ៉ុប និងអាមេរិកឡាទីន ជា​ដើម ។ ដូច្នេះ​សម្រាប់​ប្រិយមិត្ត​នៅកម្ពុជា​សូម​រង់ចាំ​សាកសួរ​តាម​ហាង​ ទូរស័ព្ទនានា​ក្នុង​រាជធានីភ្នំពេញ ៕
LG G2 Mini, G2 និង LG G Pro

ប្រភព

កាល​ពី​ចុង​ខែកុម្ភៈ​មុន​នេះ​ក្រុមហ៊ុន​ Samsung បាន​ប្រកាស​ចេញ​ទូរស័ព្ទទំនើប Galaxy S5 ដោយឡែក ​ប្រភព​ពី SamMobile បាន​​ឲ្យ​ដឹង​ថា​ថ្មីៗ​នេះ​​មាន​ការ​លេចចេញ​​នូវ​លក្ខណសម្បត្តិ​បច្ចេកទេស​ របស់​ Galaxy S5 Zoom ។ លក្ខណសម្បត្តិបច្ចេកទេស​របស់​ Galaxy S5 Zoom ដែល​លេចចេញ​ទាំង​នោះ​មាន​ដូច​ខាងក្រោម៖

• អេក្រង់ 4.8-inch
• បច្ចេកវិទ្យាអេក្រង់ AMOLED
• កម្រិតភាពច្បាស់ 720p
• CPU Quad-core (1.6GHz)
• RAM 2 GB
• កាមេរ៉ាទំហំ 20 MP
• ដំណើរការ​ដោយ​ Android 4.4.2 KitKat

ប្រភព​ដដែល​បាន​បន្ថែម​ទៀត​ថា​ Galaxy S5 Zoom អាច​នឹង​ត្រូវ​បញ្ចេញ​ជា​ផ្លូវការ​នៅ​ក្នុង​ខែឧសភា ដូច្នេះ​សម្រាប់ព័ត៌មាន​បន្ថែម​ទាក់ទងនឹង​ Galaxy S5 Zoom សូម​ប្រិយមិត្ត​រង់ចាំ​តាមដាន​ជា​មួយពពក ។ សូម​បញ្ជាក់​ថាចំពោះ​រូបរាង​របស់​ Galaxy S5 Zoom នៅ​មិន​ទាន់​មាន​ប្រភព​ណា​អាច​បង្ហាញ​នៅ​ឡើយ​ទេ ប៉ុន្តែ​គេ​រំពឹង​ថា​ Galaxy S5 Zoom នឹង​មានរាងស្ដើង​ជាង​ម៉ូដែល​មុន (Galaxy S4 Zoom)៕
រូបភាព​ Galaxy S4 Zoom

ថ្ងៃ​នេះ Toyota បាន​ធ្វើតេស្ត​លើក​ដំបូង​ក្នុង​ការ​បើក​សាកល្បង​រថយន្ត​កង់៣ យ៉ាង​ទំនើប​របស់​ខ្លួន​ក្នុង​ទីក្រុង​តូក្យូ​ដើម្បី​ពិសោធ​មើល​គុណភាព។ i-Road នេះ​ជា​រថយន្ត​ប្រើ​អគ្គិសនី​ដែល​ត្រូវ​បាន​ប្រកាស​រួច​មក​ហើយ​កាល​ពី​ឆ្នាំ ​មុន។

រថយន្ត ​កង់​៣​ដ៏​តូច​ច្រឡឹង​នេះ​មាន​ប្រវែង ២,៤ម៉ែត្រ និង​មាន​កន្លែង​អង្គុយ​សម្រាប់​មនុស្ស​២នាក់ ហើយ​អាច​ចរ​បាន​ល្បឿន​អតិបរមា ៦០គីឡូម៉ែត្រ​/​ម៉ោង។ ក្រុមហ៊ុន​រថយន្ត​ធំ​ជាង​គេ​លើ​លោក​នេះ ក៏​នឹង​បង្កើន​សមត្ថភាព​ល្បឿន​រថយន្ត i-Road នេះ​នៅ​ថ្ងៃ​ក្រោយ​ទៀត​។ ការ​សាកល្បង​គឺ​គិត​ចាប់​ពី​ថ្ងៃ​នេះ​តទៅ​រហូត​ដល់​ខែ​មិថុនា​ខាង​មុខ។ បន្ទាប់​ពី​ធ្វើតេស្ត​ប្រាកដ​ថា​គ្មាន​បញ្ហា​លើ​រថយន្ត​នេះ​ហើយ ទើប​ក្រុមហ៊ុន​ដាក់​លក់​លើ​ទីផ្សារ ដែល​បារាំង​អាច​ជា​ប្រទេស​ដំបូង​បាន​ប្រើ​មុន​គេ។ សូម​ទស្សនា​វីដេអូ​ធ្វើតេស្ត​ខាង​ក្រោម៖
ទាយ​មើល៍ តើ​តម្លៃ​ប្រហែល​ប៉ុន្មាន​ដែរ?
សូម​ចុច​អាន៖ Toyota បញ្ចេញ​រថយន្ត​ ០១៤ ​តម្លៃ​ជាង ២ ម៉ឺន​ដុល្លារ
ប្រែ​សម្រួល៖ ឈុន ហួរ
ប្រភព & រូបភាព៖ slashgear

ម៉ូដែលទូរស័ព្ទចុងក្រោយចំនួន ២ប្រភេទ នៃស្រឡាយ Nokia Lumia ដែលមានឈ្មោះកូដថា
"Martini" និង "Moneypenny" នឹងត្រូវបានប្រកាសបង្ហាញនៅក្នុងសិក្ខាសាលានៃក្រុមអ្នកអភិវឌ្ឍ
របស់ Microsoft នៅ ២សប្ដាហ៍ក្រោយនេះ។

ដំបូងគឺស្មាតហ្វូន Nokia Lumia 630  មានឈ្មោះកូដថា "Moneypenny"។ ទូរស័ព្ទនេះ មានអេក្រង់
៤,៥ inch រីសូលូសឹន WVGA 480x800 pixel រួមនឹងក្ដារចុចថាច់ស្គ្រីន។ ព័ត៌មានជាច្រើន យល់ថា
Lumia 630 នឹងមានកំណែ ២ប្រភេទ គឺកំណែស៊ីម ១ និងស៊ីម ២។ នេះគឺជាកំណែបន្ទាប់​នៃ Lumia
620 ហើយនឹងងត្រូវបានលក់ក្នុងតម្លៃមធ្យម។
ចំណែក Nokia Lumia 930 នឹងមានឈ្មោះកូដថា "Martini" ។ ព័ត៌មានទាក់ទិននឹងផលិតផលនេះ មិនទាន់ត្រូវបានគេបង្ហើបឱ្យដឹងនៅឡើយ ប៉ុន្ដែ ក្រុមអ្នកគាំទ្រ Nokia យល់ថា ស្មាតហ្វូននេះ អាច
ជាកំណែដែលស្រដៀងទៅនឹង Lumia Icon ។ ថ្មីៗនេះ ក៏មានពាក្យចចាមអារ៉ាមក្នុងវិស័យបច្ចេក
វិទ្យាថា Lumia 930 គឺជាកំណែបន្ទាប់របស់ Lumia 920 និង 925 ដែលមានអាក្រង់ ៥ inch បំពាក់
ប្រូសេសឺរ Qualcomm Snapdragon 800 និងកាមេរ៉ា ២០ megapixel ។
ក្រៅពីផ្នែករឹង អ្នកប្រើប្រាស់ក៏សង្ឃឹមថា Microsoft នឹងបំពាក់ Windows Phone 8.1 សម្រាប់
ម៉ាស៊ីននេះ។ ក្រុមអ្នកវិភាគក៏យល់ថា  កំណែថ្មីបំផុតរបស់ Windows Phone នឹងមានការបំពេញ
បន្ថែមចំនួន ២ចំនុចសំខាន់ នោះគឺមុខងារ Cortana (ស្រដៀងនឹង Siri និង Google Now ) ដែល
អនុញ្ញាតឱ្យអ្នកប្រើប្រាស់ ស្វែងរកព័ត៌មានតាមអនឡាញ ឬបញ្ជាទូរស័ព្ទ ដោយសម្លេង រួមនឹង
មុខងារ Action Center ជាមជ្ឈមណ្ឌលទទួល និងប្រតិបត្តិ រាល់ប្រកាសរបស់ Windows Phone។

នៅថ្ងៃទី ២មេសាខាងមុខ គេនឹងបានដឹងច្បាស់អំពីឧបករណ៍ និងផលិតផលថ្មី របស់ Microsoft ។
យើងរង់ចាំមើលថា តើ Windows Phone អាចនឹងបង្កើតបានភាពភ្ញាក់ផ្អើលអ្វីខ្លះ ក្នុងពេលខាងមុខ?

ប្រែសម្រួលដោយ ៖ តារា
ប្រភព ៖ PhoneArena/Gen

មីៗ​នេះ Samsung បាន​សម្ពោធ​ចេញ​កាមេរ៉ា​ដ៏​ទំនើប​របស់​ខ្លួន​មិន​ត្រឹមតែ​បំពាក់​ បច្ចេកវិទ្យា​ថត​រូប​ច្បាស់​ប៉ុណ្ណោះ​ទេ តែ​ថែមទាំង​បាន​ឌីហ្សាញ​រូបរាង​យ៉ាង​ស្អាត​ទាន់​សម័យ រហូត​ដាក់​រហស្សនាម​ឱ្យ​ថា​ជា កាមេរ៉ា​ស្លីម និង​ស្រាល​បំផុត​លើ​លោក​ឈ្មោះ NX Mini camera។
ទម្ងន់​កាមេរ៉ា​ស៊េរី​ថ្មី​នេះ​ស្រាល​ត្រឹមតែ ១៥៨ក្រាម​ប៉ុណ្ណោះ រី​ឯ​កម្រាស់​ស្ដើង​តែ ២២,៥មីលីម៉ែត្រ។ NX Mini មាន​ទំហំ​កាមេរ៉ា 20.5-megapixel BSI CMOS sensor បំពាក់​ភ្លើង flash រួច​ជា​ស្រេច ហើយ​ភ្ជាប់​ជា​មួយ​អេក្រង់​ប្រភេទ flip-up touch-enable LCD ទំហំ ៣អ៊ីញ ដែល​អាច​កាច​បង្វិល​បាន ១៨០ដឺក្រេ។
លក្ខណៈ ​សម្បត្តិ​ផ្សេងៗ​ទៀត​នៅ​លើ NX mini គឺ​បំពាក់ Wi-Fi និង​មាន​បច្ចេកវិទ្យា​ផ្ទេរ​ទិន្នន័យ NFC អាច​ឱ្យ​អ្នក​ប្រើ​ធ្វើការ share តាម​សេវាកម្ម cloud-based service បាន​យ៉ាង​ងាយស្រួល​មាន​ដូច​ជា Dropbox និង Flickr ជា​ដើម។ កាមេរ៉ា​ស៊េរី​ថ្មី​នេះ ថែមទាំង​បាន​រួម​បញ្ចូល​នូវ consumer-friendly filter និង effect ជា​ច្រើន​ក្នុង​ការ​ថតរូប​បាន​ស្អាត។ ចំពោះ resolution វីដេអូ​វិញ​គឺ​មាន 1080p ថត​ក្នុង​កម្រិត 30fps ហើយ​​ថត​បាន​យូរ​ប៉ុណ្ណា​នោះ​គឺ​​​អាស្រ័យ​តាម​ទំហំ microSD។
NX Mini នឹង​មាន​លក់​ពីរ​ជម្រើស​ផ្សេង​គ្នា មួយ​ប្រភេទ 9mm f/3.5 (24mm-equivalent) lens តម្លៃ ៤៥០ដុល្លារ និង​មួយ​ទៀត​គឺ 9-27 f3.5-5.6 (24-73mm-equivalent) zoom lens និង​មាន external flash តម្លៃ ៥៥០ដុល្លារ​អាមេរិក។ កាមេរ៉ា NX mini ដ៏​ពិសេស​នេះ​នឹង​ចេញ​លក់​ខែ​​ក្រោយ​នៅ​លើ​ទីផ្សារ​អាមេរិក​មុន​គេ​ជា​មួយ​ពណ៌ ស ខ្មៅ ត្នោត បៃតង​ខ្ចី និង​ផ្កាឈូក៕​ប្រែ​សម្រួល៖ ឈុន ហួរ

ជាស្មាតហ្វូនលំដាប់ខ្ពស់ របស់ Oppo ទូរស័ព្ទឆ្លាតវៃ Oppo Find 7 មានកាមេរ៉ា កម្រិត៥០ MP
អាក្រង់ ៥,៥ inch ដែលមានរីសូលូសឹន quad HD (2560 x 1440) ។

នៅក្រុងប៉េកាំង ប្រទេសចិន ក្រុមហ៊ុន Oppo ទើបតែបានបញ្ចេញជាផ្លូវការនូវទូរស័ព្ទឆ្លាតវៃ
Find 7 ដែលជាស្មាតហ្វូន ដំណើរការដោយ Android ៤.៣ និងអាចថតរូប ៥០ MP។ ប៉ុន្ដែ ប្រការ
នេះ មិនមែនមានន័យថា Find 7 ត្រូវបានបំពាក់កាមេរ៉ា៥០MP ប៉ុន្ដែ តាមពិតសេនសឺរ ម៉ាស៊ីនថត
រូបរបស់ Find 7 គឺ IMX214 CMOS របស់ Sony ដែលមានរីសូលូសឹន ១៣ MP ។
ដូច្នេះ សមត្ថភាពថតរូប ៥០MP នៅទីនេះ គឺជាបច្ចេកទេសនៃផ្នែកទន់។ Find 7 ត្រូវបានបំពាក់
ប្រូសេសឺរចាត់ការរូបថតថ្មីបំផុតរបស់ Oppo ដែលមានឈ្មោះថា Pure Image 2.0 ហើយបច្ចេក
វិទ្យានេះគឺជាកត្តាសំខាន់ ជួយបង្កើតរូបថត "Super Zoom" 50 MP ៖ កាមេរ៉ា នឹងថតយករូបភាព
ចំនួន ១០សន្លឹកផ្ទួនៗ ក្រោយមក វាជ្រើសរើសដោយស្វ័យប្រវត្ត ចំនួន ៤សន្លឹកដែលស្អាតបំផុត
ដើម្បីកែប្រែឱ្យទៅជារូបថត ៥០MP។

រូបថតជាឧទាហរណ៍របស់ Find 7 មានកម្រិតរីសូលូសឹន 8.160 x 6.120 pixel ជាមួយនឹងទំហំ
១០MB។ នៅពេល crop វានៅតែរក្សាបាននូវភាពល្អិតបានល្អរបស់រូបថត ប្រសើរជាងកាមេរ៉ា
របស់បណ្ដាស្មាតហ្វូនលំដាប់ខ្ពស់ផ្សេងៗ ដូចជាកាមេរ៉ា ២០MP របស់ Xperia Z1ជាដើម។

សេនសឺរ IMX214 របស់កាមេរ៉ា មានទំហំ ១/៣,០៦ inch ល្អជាងសេនសឺរនៅលើ Oppo Find 5 ។ មុខងារដែលគួរឱ្យចាប់អារម្មណ៍ដទៃទៀត របស់កាមេរ៉ា នៅលើ Find 7 គឺថតវីដេអូ 4K 30 fps
វីដេអូ slow motion ល្បឿន ១០០ fps ។ ក្រៅពីនេះ កាមេរ៉ាមុខរបស់ម៉ាស៊ីននេះ ក៏មានរីសូលូសឹន
៥MP ។



ប្រែសម្រួលដោយ ៖ តារា
ប្រភព ៖ Engadget/Gen

កាល​ពី​សប្ដាហ៍​មុន រូបរាង​ចុង​ក្រោយ​របស់ iPhone 6 ត្រូវ​បាន​បង្ហាញ​ដោយ​គេហទំព័រ​ធំ TechRadar ហើយ​សប្ដាហ៍​នេះ​វិញ អ្នក​ជំនាញ​វិភាគ​មិន​ងាយ​ខុស​ជនជាតិ​អូស្ត្រាលី​​ម្នាក់​បាន​អះអាង​ពី​លក្ខណៈ​សម្បត្តិ​របស់ iPhone 6 វិញ​ម្ដង។

លោក Sonny Dickson ដែល​ជា​ blogger អូស្ត្រាលី និង​បាន​ព្យាករណ៍​ពី​លក្ខណៈ​សម្បត្តិ​របស់ iPhone 5s និង iPad Air ហើយ​ត្រូវ​ស្ទើរ​តែ​ទាំង​អស់​នោះ ពេល​នេះ​លោក​បាន​អះអាង​ពី​លក្ខណៈ​សម្បត្តិ​ថ្មី​របស់ iPhone 6 ទៀត​ហើយ។

យោង​តាម​ការ​អះអាង​របស់​លោក iPhone 6 នឹង​មាន​កម្រាស់ ៥,៥៩ មីលីម៉ែត្រ បើ​ធៀប​នឹង iPhone 5s ដែល​មាន​កម្រាស់​ដល់​ទៅ ៧,៦ មីលីម៉ែត្រ។ មាន​ន័យ​ថា iPhone 6 ស្ដើង​ជាង iPhone 5s ជិត ២៦%។ iPhone 6 ក៏​នឹង​បំពាក់​អេក្រង់​បែប Ultra-Retina ដែល​មើល​ទៅ​គឺ​ថ្លា​ច្បាស់​ត្រជាក់​ភ្នែក​ជាង iPhone 5s ទៅ​ទៀត។ បើ​ពិនិត្យ​មើល​ល្បឿន​ម៉ាស៊ីន​វិញ គឺ​ដើរ​ដោយ​ chip A8 ល្បឿន 2.6GHz លឿន​ជាង iPhone 5s ដល់​ទៅ​២​ដង​ដែល​ដើរ​ដោយ chip A7 ល្បឿន 1.3GHz។

អាន​អត្ថបទ៖ ក្ដៅ​ៗ​ចុង​ក្រោយ​ពី​រូបរាង iPhone 6 (វីដេអូ)

ក្រៅ​ពី​នេះ iPhone 6 នឹង​បំពាក់​ដោយ sensor អុបទិក​ជា​ច្រើន​ដើម្បី​វាស់​ស្ទង់​អត្រា​ចង្វាក់​បេះដូង សម្ពាធ​ឈាម និង​កម្រិត​អុកស៊ីហ្សែន​នៅ​ក្នុង​កម្មវិធី Healthbook app ដែល​នឹង​បង្ហាញ​ខ្លួន​ក្នុង​ប្រព័ន្ធ​ប្រតិបត្តិការ​ថ្មី iOS 8។ បច្ចេកវិទ្យា​ថ្មី​នេះ ក៏​នឹង​ត្រូវ​បំពាក់​លើ Sumsang Galaxy S5 ផង​ដែរ។

ចាំ​តាម​ទាំងអស់​មើល​មើល៍ ថា​តើ​រូបរាង និង​លក្ខណៈ​សម្បត្តិ iPhone 6 អស្ចារ្យ​ដូច​គេ​ល្បី​ដែរ​អត់!

ប្រែ​សម្រួល៖ សុផាត
ប្រភព៖ iphonehacks

Oppo Find 7

លក្ខណៈ សម្បត្តិ​ផ្សេងៗ​របស់ Oppo Find 7 រួម​មាន៖

- អេក្រង់ ៥,៥អ៊ីញ បែងចែក​ជា​ពីរ​ប្រភេទ​គឺ QHD និង 1080p ជា​មួយ​បច្ចេកវិទ្យា Super Screen 2.0 និង​បច្ចេកវិទ្យា​ការពារ​អេក្រង់​ជំនាន់​ចុងក្រោយ​គឺ Gorilla Glass 3 អាច​ប្រើ touch យ៉ាង​មាន​ប្រសិទ្ធភាព​ទោះបី​មាន​សំណើម​ដៃ​ក៏​ដោយ
- បំពាក់ CPU chip ជំនាន់​ចុង​ក្រោយ​របស់ Qualcomm Snapdragon 801 ល្បឿន​ខុស​គ្នា​គឺ 2.5GHz សម្រាប់ QHD និង 2.3GHz សម្រាប់​អេក្រង់ 1080p ប្រភេទ quad-core ដូច​គ្នា។
- RAM ទំហំ 3GB សម្រាប់​ម៉ូដែល QHD និង 2GB សម្រាប់​ម៉ូដែល 1080p
- Memory ម៉ាស៊ីន​ទំហំ 32GB សម្រាប់​ម៉ូដែល QHD និង 16GB សម្រាប់​ម៉ូដែល​អេក្រង់ 1080p ហើយ​អាច​ថែម​កាត microSD ដូច​គ្នា។
- ទំហំ​កាមេរ៉ា​ក្រោយ​ពុំ​ដូច​ជា​ចចាមអារ៉ាម​ដែល​ថា 50MP ឡើយ​ពោល​មាន​ត្រឹម​តែ 13MP ​បច្ចេកវិទ្យា​របស់ Sony IMX214 CMOS ជា​មួយ F/2.0 lens និង​ភ្លើង LED flash ដែល​គាំទ្រ​ការ​ថត​វីដេអូ​កម្រិត 4K resolutionនិង​វីដេអូ slow-motion បាន 720p ដែល​មាន 120fps។ ក្នុង​នោះ​ក៏​មាន​មុខងារ Super Zoom ផ្ដល់​គុណសម្បត្តិ​ក្នុង​ការ​ពង្រីក​រូប​បាន​យ៉ាង​ងាយស្រួល​ច្បាស់​ល្អ​ទៀត​ផង។ រី​ឯ​កាមេរ៉ា​មុខ​ទំហំ 5MP។
- ថាមពល​ថ្ម​នៅ​លើ QHD មាន 3000mAh ខណៈ​ម៉ូដែល 1080p មាន​តូច​ជាង​ត្រឹម 2800mAh បំពាក់​បច្ចេកវិទ្យា​ថ្មី​សាក​ថ្ម​រហ័ស VOOC ដែល​បញ្ចូល​តែ​កន្លះ​ម៉ោង​ឡើង​ដល់ ៧៥% នៃ​ថ្ម។
- ទាំង​ពីរ​ម៉ូដែល​គឺ​មាន​ប្រព័ន្ធ​បណ្ដាញ LTE network ដូច​គ្នា
- វិមាត្រ (ប x ទទ x កម្រាស់) = (152 x75 x 9.2)mm
- បំពាក់ speaker គុណភាព​ឮ​ច្បាស់​សំឡេង​បុក​បាស MaxxAudio speaker ដែល​ក្រុមហ៊ុន​ដោយ​កម្មវិធី MaxxEq ដើម្បី​ផ្លាស់ប្ដូរ​ទម្រង់​តាម​ចំណូលចិត្ត​អ្នក​ប្រើ។
- ទម្ងន់​របស់ Find 7 អេក្រង់ FullHD មាន ១៧០ក្រាម ខណៈ​ម៉ូដែល​ដែល​មាន resolution ខ្ពស់​ជាង​មួយ​ទៀត​មាន​ទម្ងន់ ១៧៣ក្រាម

ក្រុមហ៊ុន​ទូរសព្ទ​ឈាន​មុន Oppo នៅ​ចិន​បាន​បញ្ជាក់​តម្លៃ Smartphone ចុង​ក្រោយ​របស់​ខ្លួន​គឺ ៥៦៥ដុល្លារ​អាមេរិក ខណៈ​ម៉ូដែល fullHD តម្លៃ​ធូរ​ជាង​គឺ ៤៨៥ដុល្លារ​ប៉ុណ្ណោះ៕

ម៉េច​ដែរ​ទាំង​តម្លៃ និង​លក្ខណៈ សម្បត្តិ​របស់​ Smartphone របស់​ចិន​ខាង​លើ តើ​ប្រិយមិត្ត​យល់​យ៉ាង​ណា?

​ប្រែ​សម្រួល៖ ឈុន ហួរ
ប្រភព & រូបភាព៖ gsmarena

ការបញ្ចេញ iPhone 5c គឺជាកំហុសដ៏ធំរបស់ Apple ៖ បរិមាណទូរស័ព្ទ iPhone 5c ដែលត្រូវ
បានលក់ចេញ គឺជាភ័ស្ដុតាង បញ្ជាក់យ៉ាងច្បាស់អំពីប្រការនេះ។

ថ្មីៗនេះ ព័ត៌មានដែលត្រូវបាន Apple Insider ដកស្រង់ពីប្រភព Caschys Blog ឱ្យដឹងថា iPhone
5C កំណែ ៨GB នឹងត្រូវបានបញ្ចេញលក់ដោយក្រុមហ៊ុនអ៊ីនធឺរណិត O2 របស់អាល្លឺម៉ង់ នៅក្នុង
ថ្ងៃនេះ (១៨មិនា)។ មុននេះដែរ ទូរស័ព្ទឆ្លាតវៃ iPhone 5C ត្រូវបាន Apple លក់បញ្ចុះតម្លៃ នៅ
ក្នុងទីផ្សារពិភពលោក ក្រោយពីវាក្លាយជាស្មាតហ្វូនដែលបរាជ័យបំផុត របស់ក្រុមហ៊ុននេះ។

មកដល់ពេលនេះ Apple ហាក់ដូចមិនទាន់សម្រេចចិត្តបោះបង់ iPhone 5c និងនៅតែចិញ្ចឹមក្ដី
សង្ឃឹម ដោយការបញ្ចេញកំណែថ្មីរបស់វា ដែលមានតម្លៃទាបជាង iPhone 5c បច្ចុប្បន្ន នោះគឺ
iPhone 5c កំណែ ៨GB ។

ប្រភពព័ត៌មាន ឱ្យដឹងថា កំណែ ៨GB របស់ iPhone 5c នឹងមិនខុសគ្នាច្រើនប៉ុន្មាន ធៀបនឹងកំណែ
១៦GB និង ៣២GB ប៉ុន្ដែ iPhone 5c កំណែ ៨GB មានតម្លៃទាបជាងគេ។ បច្ចុប្បន្ន គេមិនទាន់ដឹង
ថា iPhone 5c កំណែ ៨GB នឹងត្រូវដាក់លក់នៅក្នុងទីផ្សារណាមួយ ជាបន្ទាប់ទៀតនៅឡើយ។

ប្រែសម្រួលដោយ ៖ តារា
ប្រភព ៖ Gen/Apple Insider

ពេល​ខ្លះ​បញ្ហា​ដែល​លំបាក​បំផុត​​ក៏​អាច​មាន​ដំណោះស្រាយ​ដ៏​សាមញ្ញ​បំផុត ​ផង​ដែរ ហើយ​ឆ្នាំងសាក iPhone ​គឺ​ជា​បញ្ហា​មួយ​ក្នុង​ចំណោម​បញ្ហា​ទាំង​នោះ ។ គ្រប់ទូរស័ព្ទ​ទាំង​អស់គឺ​ត្រូវ​ការ​ឆ្នាំង (charger) ដើម្បី​បញ្ចូល​ថាមពលថ្ម ប៉ុន្តែ​ពេល​ខ្លះ​ឆ្នាំងសាក​មិន​ដំណើរការ​បាន​ស្រួល​នោះ​ទេ ហើយ​ពេល​ខ្លះ​ វា​ឈប់សាកថ្ម​តែ​ម្ដង ។ មូល​ហេតុ​មួយ​ដែល​ធ្វើ​ឲ្យ​ឆ្នាំសាក iPhone ដំណើរការ​មិន​បាន​ល្អ​នោះ​គឺ​ដោយសាតែ​មាន​កំទេចធូលីជា​ច្រើន​បាន​​កក​នៅ​ ក្នុង​រន្ធ​ឆ្នាំងសាក​នោះ​ ហើយ​ប្រសិន​បើ​ប្រិយមិត្ត​ជួប​ប្រទះនឹង​បញ្ហា​ឆ្នាំសាក​ទូរស័ព្ទ iPhone នោះ​ ប្រភព​ពី​ Maypalo បាន​ណែនាំ​នូវ​ដំណោះស្រាយ​ដ៏​សាមញ្ញ​ដូច​ខាងក្រោម៖
«វិធី​ដែល​ងាយ​បំផុត​នោះ​គឺ​ គ្រាន់តែ​យក​ឈើចាក់ធ្មេញ​មួយ​មក​ហើយ​ឆ្កឹះកំទេច​ទាំង​នោះ​ចេញ​ជា​ការស្រេច» ។ តើ​ប្រិយមិត្ត​យល់​ថា​នេះ​​ពិ​ត​ជា​វិធី​ដែល​ងាយ​មែន​ទេ ? ដូច្នេះ​សម្រាប់​ម្ចាស់​ iPhone ទាំង​ឡាយ​ សូម​ពិនិត្យ​រន្ធឆ្នាំងសាក​ (lightning charger input) ក្រែង​មាន​កំទេចកំទីធូលី និង​សូម​ធ្វើ​ការ​សាកល្បង​ជួសជុល​ដោយ​ខ្លួន​អ្នក ៕

ប្រភព

ក្រុមហ៊ុន​ Apple ទើប​តែ​បាន​បញ្ចេញ​ជា​ផ្លូវការ​នូវ​ iOS 7.1 ប៉ុន្តែ​ក្រុម jailbreakers បាន​ចេញ​បម្រាម​ទៅ​ម្ចាស់​ឧបករណ៍ iOS ដែល​និយម jailbreak ថា​ កុំទាន់​ update ទៅ​កំណែ​​ថ្មី​មួយ​នេះ ព្រោះ​ថា​ Evasi0n7 មិន​អាច​ប្រើ​ដើម្បី​ jailbreak ប្រព័ន្ធប្រតិបត្តិការ iOS 7.1 បាន​នោះ​ទេ ។ ប្រភព​ពី Maypalo បាន​បន្ថែម​ទៀត​ដែរ​ថា​ក្រុម Evad3rS នឹង​មិន​បញ្ចេញ​ iOS 7.1 Evasion Untethered នោះ​ទេ ដូច្នេះ​សម្រាប់​ម្ចាស់ iOS device ដែល​និយម​ jailbreak សូម​កុំទាន់​ update ទៅ​កំណែ​មួយ​នេះ ៕