ZTE បង្កការភ្ញាក់ផ្អើល នៅពេលបញ្ចេញម៉ូដែលទូរស័ព្ទលំដាប់ខ្ពស់ ដោយមានរចនាសម្ព័ន្ធគ្រឿង
ម៉ាស៊ីនទំនើបៗ រួមនឹងកាមេរ៉ាមុខ ប្រភេទ “ខ្លាំង” សម្រាប់អ្នកចូលចិត្តថតរូបខ្លួនឯង។

Nubia X6 ជាប្រភេទ phablet ដែលមានអេក្រង់ Full HD 6,44 inch កម្រិត 344 pixel/ inch (ស្មើ
នឹង Sony Xperia Z Ultra) , ឈីប Snapdragon 801, RAM 3GB និងអង្គចងចាំក្នុងម៉ាស៊ីន 128GB។
 
ក្រៅពីនេះ ចំណុចសំខាន់របស់ Nubia X6 ក៏នៅមាន កាមេរ៉ាសេនសឺរខាងមុខ 13 megapixel និង
ឡែន f/2.2 ។ កាមេរ៉ាក្រោយ ក៏មានទំហំ 13 megapixel ប៉ុន្ដែ ប្រើឡែន f/2.0 អាចទប់ទល់នឹងភាព
ញ័រ និងមានភ្លើង flash ចំនួន ២។

ស្មាតហ្វូន របស់ ZTE នេះ មានកម្រាស់ 7,9 mm ហើយគែមអេក្រង់ ក៏ស្ដើង។ Nubia X6 ប្រើស៊ីម
២ និងត្រូវបានបំពាក់ឧបករណ៍តភ្ជាប់គ្រប់គ្រាន់ ដូចជា 3G, 4G/LTE, Wi-Fi ២បង់, Bluetooth 4.0,
NFC, USB 3.0 ។ល។ ស្មាតហ្វូននេះ មាន mic ដល់ទៅ ៣ ដើម្បីជួយកាត់បន្ថយសម្លេងរំខាន។

 
ចំណុចមួយផ្សេងទៀត ដែលគួរឱ្យចាប់អារម្មណ៍ នោះគឺ ថ្ម 4.250 mAh ។ Nubia X6 មានអង្គចង
ចាំទាបបំផុត គឺ 32 GB និងកំពុងត្រូវបានដាក់ឱ្យបញ្ជាទិញជាមុន នៅចិន ក្នុងតម្លៃ ៤៨៥ដុល្លារ
អាមេរិក។ ចំណែកកំណែក 64 GB មានតម្លៃ ៥៦៥ដុល្លារ និង កំណែ ១២៨ GB តម្លៃ ៦៤០ដុល្លារ។

ប្រែសម្រួលដោយ ៖ តារា
ប្រភព ៖ Phonedog