ដំណឹងប្រាំពីរ

  ទោះ​ជា​យ៉ាង​ណា​អ្វីដែល​​ធ្វើ​ឱ្យ​​អ្នក​ចូល​រួម​មង្គលការ​​​ភ្ញាក់​ ផ្អើល រួម​នឹង​គូស្នេហ៍​របស់​ខ្លួន​ស្ទើរ​ស្រក់​ទឹក​ភ្នែក ​គឺ​លោក​និពន្ធ​បទ​ចម្រៀង​​យក​មក​បក​ស្រាយ​ក្នុង​ពិធី​មង្គលការ​ដើម្បី​ បង្ហាញ​ស្នេហា​ស្មោះស្ម័គ្រ។

លោក លំ សុក្រឹត មិន​អាច​សុំ​ការ​អត្ថាធិប្បាយ​បាន​ទេ​នៅ​ព្រឹក​នេះ ដោយ​ទូរសព្ទ​របស់​លោក Call ចូល​ជា​ច្រើន​លើក​មិន​មាន​អ្នក​ទទួល។ យ៉ាង​ណា​ក៏​ដោយ​ពិធីករ​ក្នុង​កម្មវិធី​មង្គលការ​យប់​មិញ​និយាយ​ថា​គូស្នេហ៍​ តារា​ចម្រៀង​ខាង​លើ​មិន​មាន​អាជីព​​ជា​អ្នក​ចម្រៀង​ដូច​លោក​ឡើយ។

មួយ​វិញ​ទៀត​បទ​ចម្រៀង​មួយ​បទ ​ដែល​លោក លំ សុក្រឹត យក​ទៅ​បក​ស្រាយ​ក្នុង​ពិធី​កាត់​​ផ្លែ​ឈើ​យប់​មិញ​ ​គឺ​លោក​និពន្ធ​ទុក​ជា​យូរ​មក​ហើយ ដើម្បី​យក​មក​ច្រៀង​ក្នុង​ថ្ងៃ​មង្គលការ​របស់​ខ្លួន។

លោក លំ សុក្រឹត ជា​តារា​ចម្រៀង​ល្បី​ឈ្មោះ​ម្នាក់​កាល​នៅ​ផលិតកម្ម Rock ក៏ប៉ុន្តែ​ក្រោយ​ពេល​ផលិតកម្ម​នេះ​ផ្អាក​ការ​ផលិត​ចម្រៀង​មួយ​រយៈ​លោក​មិន​ មាន​ទ្រនំ​សម្រាប់​ជ្រក​ទេ។ ទើប​តែ​ពេល​ថ្មីៗ​​លោក​បាន​ក្លាយ​ជា​តារា​ចម្រៀង​ក្នុង​ផលិតកម្ម Diamond Music ជា​មួយ​លោក ជុំ លីណូ ទើប​ចេញ​ពី​ សាន់ដេ៕

អត្ថបទដើមពី sabay.com

លោក ចិត្រ សុវិជ្ជា ដែលសមាជិកមួយរូប នៃអ្នកបង្កើតផែនទី Google Map នៅក្នុងប្រទេសកម្ពុជា បានស្លាប់ នៅថ្ងៃទី១០ ខែវិច្ឆិកា ឆ្នាំ២០១៤ ព្រឹកមិញនេះ ដោយសារ គ្រោះថ្នាក់ចរាចរណ៏ ខណៈលោក បានធ្វើដំណើរ ទៅកាន់ស្រុកកំណើត នៅក្នុងខេត្ត ស្ទឹងត្រែង។








លោក ចិត្រ សុវិជ្ជា ត្រូវបានគេស្គាល់ថា ជាសមាជិកដ៏សកម្មម្នាក់ នៃអ្នកបង្កើតផែនទី Google Map នៅកម្ពុជា ហើយលោកបានរួមចំនែក ក្នុងការបង្កើតផែនទី នៅក្នុងខេត្តស្ទឹងត្រែង តែម្តង។ ជាមួយគ្នានេះដែរ លោកក៏បានចំណាយ ពេលវេលា ដើម្បីធ្វើការ បណ្តុះបណ្តាល ប្រជាជនជាច្រើន ឲ្យយល់ដឹង ពីការប្រើប្រាស់ Google Map ដើម្បីស្វែងរក ទីតាំងណាមួយ នៅក្នុងប្រទេសកម្ពុជា ទៀតផង។
ជាងនេះទៅទៀត ស្នាដៃរបស់លោក ត្រូវបានគេទទួលស្គាល់ និងកោតសរសើរយ៉ាងខ្លាំង ហើយវាបានជួយដល់ ប្រជាជនខ្មែរជាច្រើន ដែលបាន និងកំពុងតែប្រើប្រាស់ ផែនទី Google Map ដើម្បីស្វែងរកទីតាំង ដ៏ជាក់លាក់ណាមួយ នៅក្នុងប្រទេសកម្ពុជា ក៏ដូចជា នៅទូទាំងពិភពលោក ផងដែរ៕


លោក ចិត្រ សុវិជ្ជា
ប្រភព ៖ Google Developer Group Phnom Penh
កែសំរួលដោយ
ខ្មែរឡូត

ភ្នំពេញៈ តារាចម្រៀងរូបសង្ហា មានភាពលេចធ្លោ ក្នុងស្រទាប់យុវវ័យ ប្រចាំផលិតកម្មថោន លោក សុគន្ធ ថេរ៉ាយុ នាពេលកន្លងមក លោកមិនសូវបានបង្ហាញភាពសិ្នទ្ធស្នាល ផ្អែមល្ហែមកៀកកើយ ជាមួយមនុស្សស្រីណា នោះឡើយ ទើបតែថ្មីៗនេះ តារាប្រុសរូបនេះ បានសម្ញែងភាពស្អិតល្មួត ជាមួយស្រីស្អាតវ័យក្មេងម្នាក់ ធ្វើឲ្យអ្នកដែលឃើញរូបនោះ ហើយមានការលាន់មាត់ ច្រណែនលោកមិនតិចទេ ។
រូបថតជាច្រើនសន្លឹក ត្រូវបានម្ចាស់បទ “សង្សារថ្មីអូនមុខអ៊ឹកអ៊ាក់” លោក សុគន្ធ ថេរ៉ាយុ បង្ហោះនៅពាសពេញ បណ្តាញទំនាក់ទំនង សង្គម Facebook ផ្ទាល់ខ្លួនរបស់លោក ដោយនៅក្នុងរូបនោះ គេឃើញតារាចម្រៀងរូបនេះ បាន បង្ហាញភាពល្អូកល្អឺនថើបគ្នា ធ្វើឲ្យអ្នកបានឃើញរូបនេះ លាន់មាត់និយាយគ្រប់ៗគ្នាថា " អីយ៉ា ! សង្សាររបស់ សុគន្ធ ថេរ៉ាយុ ស្អាតមិនចាញ់តារាល្បីទេ..! មើលចុះគូស្នេហ៍គេផ្អែមល្ហែម ជាមួយគ្នាខ្លាំងណាស់ " ។
ចង់ដឹងថាស្រីស្អាត រាងស្រឡូនសាច់សក្បោះវ័យក្មេង ដែលបង្ហាញភាពសិ្នទ្ធស្នាល ជាមួយតារាល្បីលោក សុគន្ធ ថេរ៉ាយុ នោះ គឺជាសង្សាររបស់លោកពិត ឬក៏គ្រាន់តែការសម្តែង ក្នុងឈុតខារ៉ាអូខេនោះ តោះទៅមើលជាមួយ LookingTODAY ទាំងអស់គ្នា ៖

ភ្នំពេញ៖ តារាសម្តែង និង ពិធីការិនីល្បីឈ្មោះ ក្នុងពិភពសិល្បៈកញ្ញា ទឹម រដ្ឋា កាលពីថ្មីៗកន្លងនេះ ត្រូវបានមហាជនដឹងថា នាងបានវេចបង្វេច ចាកចេញពីស្រុកខ្មែរ ឆ្ពោះទៅសម្តែង និងដើរម៉ូដនៅប្រទេសទីពីរ គឺទឹកដីប្រទេស អូស្រា្តលី រួមជាតារាប្រុស-ស្រី របស់ខ្មែរ ជាច្រើនដួង ដែលមានលោក ញ៉ែម សំអូន និង អ្នកនាង យ៉ាន លីនដា ជាភរិយា ជាអ្នកដឹកនាំ ក្រុមបង្ហាញម៉ូដទាំងនេះ ។
ប៉ុន្តែក្រោយពេលទៅដល់ និងស្នាក់នៅសម្តែង ក្នុងប្រទេសអូស្រាលី មិនទាន់ដល់ថ្ងៃត្រឡប់មកវិញផង ស្រាប់ តែលេចធ្លាយដំណឹង ពីការរង្គោះរង្គើរ ចំណងមិត្តភាព រវាងប្រធានក្រុម គឺលោក ញ៉ែម សំអូន ជាមួយនឹងសមាជិករួមការងារគឺ កញ្ញា ទឹម រដ្ឋា ព្រោះតែរឿងមិនផ្តល់តម្លៃឲ្យគ្នា ទៅវិញទៅមក និងការបែងចែក ពេលវេលាមិនច្បាស់លាស់ ក្នុងពេលបំពេញការងារ រហូតធ្វើឲ្យ រដ្ឋា អន់ចិត្តទ្រាំមិនបាន ក៏សម្រេចចិត្តឡើងយន្តហោះមក ស្រុកខ្មែរវិញតែម្នាក់ឯងមុនពេលកំណត់។
ផ្អែកតាមប្រភពព័ត៌ កៀកកិតពីរង្វង់អ្នកសិល្បៈ បានលើកឡើងថា ក្នុងអំឡុងពេលកំពុងស្នាក់នៅសម្តែងក្នុងទឹកដីអូស្ត្រាលី តារាសម្តែងរូបស្រស់ កញ្ញា ទឹម រដ្ឋា បានផ្ទុះជម្លោះពាក្យសម្តី នឹងគ្នាយ៉ាងក្តៅគគុក ជាមួយនឹងប្តីប្រពន្ធលោក យ៉ែ ម សំអូន និងយ៉ាន លីនដា ដែលជាមេក្រុមដឹកនាំ តារាស្រី-ប្រុស របស់ខ្មែរ ចេញទៅសម្តែង និងដើរម៉ូដ នៅទីនោះ ទើបបានជា រដ្ឋា ជិះយន្តហោះមកស្រុកខ្មែរ តែម្នាក់ឯងមុនគេ បង្កប់ដោយកំហឹងក្ដីឆេះងំពេញទ្រូង។
ជួបជាមួយ គេហទំព័រ LookingTODAY តាមទូរស័ព្ទ នៅរសៀលថ្ងៃទី២៣ ខែឧសភា ឆ្នាំ២០១៤ នេះ កញ្ញា ទឹម រដ្ឋា បានឆ្លើយបដិសេធ និង ច្រានចោល ជុំវិញដំណឹងលេចឮនេះថា "បញ្ហានេះខ្ញុំដូចជា អត់យល់សោះ ព្រោះអីខ្ញុំ និង បងញ៉ែម សំអូន មិនដែលមានរឿងឈ្លោះ ប្រកែកគ្នាទេ។ ខ្ញុំនឹងគាត់ នៅតែរាប់អានគ្នា ជាធម្មតា មិនដែលមានរឿងនេះកើតឡើងផងហ្នឹង..!"។
កញ្ញា ទឹម រដ្ឋា បាននិយាយបន្តថា "ខ្ញុំសូមឲ្យសារព័ត៌មាន LookingTODAY ជួយបកស្រាយឲ្យផង កុំឲ្យបញ្ហាយល់ច្រឡំនេះ មានតទៅទៀត ព្រោះថា បើនៅតែមានបញ្ហា យល់ទ្រឡំនេះ ខ្ញុំមានអារម្មណ៍ មិនសប្បាយចិត្តទាល់តែសោះ។ ខ្ញុំសូមបញ្ជាក់ថា កាលដែលខ្ញុំមកស្រុកខ្មែរមុនគេ គឺដោយសារដល់ពេលកំណត់ ត្រូវវិលត្រឡប់មកវិញ..គ្មានជម្លោះជាមួយអ្នកណាឡើយ..!។
តារាសម្តែងស្រី មានប្រជាប្រិយភាព កញ្ញា ទឹម រដ្ឋា បន្តទៀតថា "ខ្ញុំមិនដែលមានជម្លោះ អ្វីកើតឡើង ជាមួយនឹងបង ញ៉ែម សំអូន និងប្រពន្ធគាត់នោះឡើយ។ ម្យ៉ាងទៀត កាលដែលខ្ញុំត្រឡប់ មកមុនគេនោះ ព្រោះខ្ញុំចុះកុងត្រា(កិច្ចសន្យា) តែរយៈពេលពីរសប្តាហ៍ ប៉ុណ្ណោះ ។ ចំណែកពួកគាត់កុងត្រា រយៈពេល ៤ សប្តាហ៍។ ដូច្នេះខ្ញុំត្រូវតែ ត្រឡប់មកខ្មែរមុនគេ តាមការកំណត់អ៊ីចឹងហើយ រឿងដែលគេនិយាយថា ខ្ញុំផ្ទុះជម្លោះនោះ វាមិនមែនជា ការពិតទេ..!"៕

Read

ភ្នំពេញៈ អស់រយៈពេលជិតកន្លះឆ្នាំ ហើយដែលមានព័ត៌មាន លេចឮល្ហិចល្ហៀងថា ចំណងស្នេហារបស់តារា សម្តែង ប៊ីរីយ៉ា ជាមួយបុរសគូស្នេហ៍ ដែលគេស្គាល់ថា ជាអ្នកសិល្បៈរួមអាជីពនោះ បានដើរដល់ផ្លូវប្រះឆា មិនចុះ សម្រុងគ្នា ដោយសារតែវត្តមាន អ្នកទី៣ចូលជ្រៀតជ្រែកស្នេហ៍ ប៉ុន្តជានិច្ចកាលពួកគេ ទាំងពីរនាក់ តែងតែខំប្រឹង លាក់បាំង ពីការរង្គោះរង្គើស្នេហ៍នេះ មិនបើកចំហរឲ្យ មហាជនបានដឹងទេ ។ ទើបតែពេលនេះម្ចាស់សាម៉ីខ្លួន នាង ប៊ីរីយ៉ា បានសម្រេចទម្លាយអាថ៌កំបាំងស្នេហ៍ របស់នាង ជាសាធារណៈ ហើយក៏បានបង្អួតមុខគូស្នេហ៍ថ្មី ក្នុងថ្ងៃ ខួបកំណើតគម្រប់២៣ឆ្នាំ ធ្វើឲ្យទស្សនិកជនមានការហួសចិត្តជាខ្លាំង។
នាពេលកន្លងមកតារាសម្តែង រាងតូចច្រឡឹងច្រមុះស្រួច ទម្រង់មុខកូនកាត់អឺរ៉ុប កញ្ញា ប៊ីរីយ៉ា ធ្លាប់បានសម្ញែងភាព ផ្អែមល្ហែម សិ្នទ្ធស្នាល ជាមួយសង្សារ ដែលមានមុខមាត់សង្ហា មាឌធំ ។ នាងប្រកាសក្តែងៗថា បុរសម្នាក់នេះ គឺជា ប្រុសកំពូលស្នេហ៍ តែម្នាក់គត់ ដែលនាងមានបំណងចង់ចូលរោងការ ជាមួយ ហើយមិនថាមានរឿងអ្វីទេ នាងនៅ តែចាប់ដៃសង្សារ ដើរទៅមុខជានិច្ចដាច់ខាត មិនបែកគ្នានោះទេ ។ ប៉ុន្តែនៅទីបំផុតពាក្យសម្បថស្នេហ៍ ដ៏ផ្អែមល្ហែម មួយនេះ ត្រូវបានកាត់ផ្តាច់ចោល ដោយគ្មានការស្តាយស្រណោះ ក្រោយពីមានបុរសទី៣ ចូលពុះហែកបំបែក ស្នេហា ឲ្យរលាយគ្មានសល់ប្រៀប ដូចជាអំបិលត្រូវទឹក ។
ដូចពាក្យចាស់លោកពោលថា “ក្រដាសមិនអាចខ្ចប់ភ្លើងជិតនោះទេ” មុននឹងក្រោយរឿងនឹង ត្រូវលាតត្រដាងការ ពិតជាក់ជាមិនខាន កាលពីពេលថ្មីៗនេះតារាបង្ហាញម៉ូដ កញ្ញា ប៊ីរីយ៉ា បានសម្រេចចិត្ត បង្ហាញមុខគូស្នេហ៍ថ្មី ជាសាធារណៈ ណែនាំឲ្យមិត្តភក្តិ និងមហាជនបានស្គាល់ ហើយថាមិនត្រូវគូស្នេហ៍មួយគូនេះ អាចនឹងឈាន ដល់ការចូលរោងការ តាមប្រពៃណី ក្នុងពេលឆាប់ៗនេះផងក៏មិនដឹង ៕

ភ្នំពេញ៖ តារាចម្រៀងវ័យក្មេង របស់ផលិតកម្ម ថោន កញ្ញា អេននី ហ្សាម ខណៈដែលអាជីពសិល្បៈ កំពុងតែមានសន្ទុះហក់ឡើង ទៅមុខគួរកត់សម្គាល់ នៅក្នុងអំឡុងមួយឆ្នាំចុងក្រោយនេះ ស្រាប់ជួបប្រទះបញ្ហារឿងរ៉ាវ ស្នេហាជីវិតឯកជន បន្តបន្ទាប់ជាមួយបុរសកូន អ្នកមានអំណាច និងមានទ្រព្យស្តុកស្តម្ភក្នុងស្រុក។ ប៉ុន្តែព័ត៌មានទាំងនេះ ត្រូវបានច្រានចោលភ្លាមៗ ពីសំណាក់តារាស្រី អេននីហ្សាម ថា ជារឿងមិនពិត ។
ជារឿយៗបើទោះបីជា មានការចេញមុខបកស្រាយ និង ច្រានចោលពីសំណាក់ កញ្ញា អេននី ហ្សាម ជុំវិញ ការចោទប្រកាន់ រឿងលួចមានទំនាក់ទំនងស្នេហា ក្រៅឆាកយ៉ាងនេះ ក៏ពិតមែនតែមិនយូរប៉ុន្មាន នៅតែ បន្ត លេចឮដំណឹងថ្មី ជាបន្តបន្ទាប់ថា នាងបានលួចសាងស្នេហ៍ស្ងាត់ៗ ជាមួយអ្នកនេះ ជាមួយអ្នកនោះ មានទាំងបុរសក្នុងស្រុក និងក្រៅស្រុកមិនចេះចប់មិនចេះហើយសោះ។
ដោយហេតុតែរឿងទាំងនោះ ចេះតែកើតឡើងមកលើនាងដដែល ទើបពេលខ្លះមិនបានធ្វើឱ្យកញ្ញា អេននី ហ្សាម អើពើឈឺក្បាលវិលមុខ នឹងរឿងអស់ទាំងនេះទៀតឡើយ។ ប៉ុន្តែទើបតែថ្មីៗនេះ ធ្លាយដំណឹង ដ៏ រសើបមកថា អេននី ហ្សាម កំពុងមានស្នេហាភេទដូចគ្នា ស្របពេលគេធ្លាប់ ឧស្សាហ៍ឃើញនាង ដើរហើរ ជាមួយនារីម្នាក់ ជាញឹកញាប់ព្រមទាំង បង្ហាញកាយវិការស្អិតល្មួត ខុសពីធម្មតាទៀតផង។
ការបែកធ្លាយ រឿងទំនាក់ទំនងស្នេហា ខុសធម្មជាតិរបស់ កញ្ញា អេននី ហ្សាម នេះបានលេចឡើង ក្រោយ ពីគេឧស្សាហ៍ឃើញ នាងបង្ហាញភាពសិ្នទ្ធស្នាល ជាមួយស្រី្តវ័យប្រហែលនាងម្នាក់ ហើយពេលខ្លះ គេ ក៏សង្កេត ឃើញអ្នកពីរ ហាក់មានភាពចុះសម្រុង ផ្អែមល្ហែមជាមួយគ្នាប្រៀបដូចគូស្នេហ៍ រវាងប្រុស -ស្រី កំលោះក្រមុំ។
ផ្អែកតាមប្រភព និយាយរអេចរអូច ពីមាត់មួយទៅមាត់មួយ បានឲ្យដឹងថា រឿងដែលគេមានការសង្ស័យ ថា អេននី ហ្សាម មានទំនាក់ទំនង ស្នេហាក្រៅឆាក ជាមួយមនុស្សស្រីភេទ ដូចគ្នានោះ ព្រោះនាងតែងបង្ហាញវត្តមានលក្ខណៈជាគូពីរនាក់ ជាមួយនឹងស្រី្ត វ័យប្រហែលគ្នាញឹកញាប់។ ម្យ៉ាងទៀតនៅពេល មានបុរសតាម សុំស្នេហ៍ នាងតែងតែប្រកែក ដោយយកលេសថា មិនទាន់ចង់គិតពីរឿងនេះ ។
ប្រភពបានបន្តថា តារាចម្រៀង អេននី ហ្សាម នាពេលកន្លងមក កម្រឃើញបង្ហាញភាពសិ្នទ្ធស្នាល ជាមួយបុរសណាម្នាក់ រហូតធ្វើឲ្យទស្សនិកជនមួយចំនួន លើកឡើងថា មូលហេតុ ដែលធ្វើឲ្យនាងមិន មានទំនាក់ទំនង ស្នេហាជាមួយបុរស គឺដោយសារតែនាងមានម្ចាស់ចិត្តរួចទៅហើយ គ្រាន់តែនាងមិនហ៊ាន បើកចំហ ព្រោះស្នេហា នោះខុសធម្មជាតិ។
ជុំវិញព័ត៌មានលេចឮខាងលើនេះ នៅរសៀលថ្ងៃទី៣០ ខែមេសា ឆ្នាំ២០១៤នេះ គេហទំព័រ LookingTODAY មិនអាចសុំការបំភ្លឺពី កញ្ញា អេននី ហ្សាម បាននៅឡើយទេ ព្រោះលេខទូរស័ព្ទរបស់នាង នៅពេលខលចូល តែគ្មានអ្នកទទួល។ LookingTODAY ស្វាមគមន៍ ចំពោះការចេញមុខបំភ្លឺ ពីសំណាក់ កញ្ញា អេននី ហ្សាម នៅពេលក្រោយ ដោយក្ដីរីករាយ៕

ភ្នំពេញ៖ បច្ចុប្បន្ន គេសង្កេតឃើញថា មានតារាល្បីឈ្មោះ ជាច្រើនដួង បានបញ្ចប់ អាជីពសិល្បៈ ទៅសាងគ្រួសារ និងបង្កើតអាជីពផ្ទាល់ខ្លួន ជាបន្តបន្ទាប់ ទាំងតារាជើងចាស់ និង តារាចំណូលថ្មី ដោយពួកគេរស់នៅ ប្រកបដោយ សុភមង្គល។ ដោយឡែកសម្រាប់ ពិធីការិនី និងជាតារាសម្តែងសិចស៊ី សម្បូរសាច់ដើមទ្រូង កញ្ញា គង់ វង្សយ៉ាទី ថ្មីៗនេះ បែរជាប្រកាសថា ខ្លួនទំនេរគ្មានម្ចាស់ចិត្ត និងប្រកាសក្តែងៗចង់បានគូស្នេហា នៅលើបណ្តាញទំនាក់ទំនង សង្គម Facebook ផ្ទាល់ខ្លួន។
កញ្ញា គង់ វង្សយ៉ាទី ត្រូវបានគេចាត់ទុកថា ជាតារាស្រីមួយរូប ដែលកំពុងឆក់បានប្រជាប្រិយភាព ខណៈរឿងស្នេហា ហាក់មិនសមប្រកបទាល់តែសោះ ព្រោះជានិច្ចកាល តែងមានព័ត៌មានលេចឮ ពីការលួចលាក់មានទំនាក់ទំនង ស្នេហាជាមួយបុរសអ្នកមានទ្រព្យស្តុក ប៉ុន្តែផ្ទុយទៅវិញរឿង ស្នេហាទាំងនោះ គ្រាន់តែជាស្នេហាប្រៀបបាន ដូចសត្វអំពិលអំពែក តែប៉ុណ្ណោះ។
យ៉ាងណាក្តី ថ្មីៗនេះនៅលើបណ្តាញទំនាក់ទំនង សង្គមហ្វេសប៊ុក របស់កញ្ញា គង់ វង្សយ៉ាទី គេបានឃើ ញតារារូបនេះ បានសម្រេចចិត្តបង្ហោះ សារជាភាសាខ្មែរខ្លី មានចេតនាប្រកាសចង់បាន គូស្នេហាថា "ចង់ ទៅណាមកណា មានគូនឹងគេ….! ប្រហែលមិនទាន់ដល់គូ.."។
តាមរយៈសារខ្ចី បញ្ចេញលើហ្វេសប៊ុកនេះ ហាក់ស្តែងឲ្យឃើញថា តារាសម្ដែងដើមទ្រូងមូលក្បំ កញ្ញា គង់ វង្សយ៉ាទី បច្ចុប្បន្នបេះដូង កំពុងតែរងាជួបភាពឯកា ទើបបង្ហាញពីអារម្មណ៍ប្រកាសចង់មាន គូស្នេហា និងប្រាថ្នាចង់ជួបបុរសល្អម្នាក់ ដើម្បីបំបាត់ភាពអផ្សុក ។ ម្យ៉ាងទៀត បើមើលពីសារខាងលើនេះ អាចបញ្ជាក់ថា តារាសម្តែងនាង គង់ វង្សយ៉ាទី មានតេចនាបង្ហាញ ពីអារម្មណ៍ពិតចង់បានបុរសល្អម្នាក់ ធ្វើជាប្តីទៅអនាគត៕