ដំណឹងប្រាំពីរ: Windows

Windows

Showing posts with label Windows. Show all posts

យោងតាមគេហទំព័រ Bloomberg បានចុះផ្សាយថា កាលពីថ្ងៃព្រហស្បតិ៍សប្តាហ៍មុន តុលាការប្រទេសបារាំង បានបញ្ជាឲ្យក្រុមហ៊ុនបច្ចេកវិទ្យាយក្សចំនួនបី គឺ Google , Microsoft និង Yahoo ធ្វើការបិទគេហទំព័រ ចំនួន១៦ ដោយសារតែ ប្រព័ន្ធផ្សព្វផ្សាយឯកជននោះ ធ្វើឲ្យមានការប៉ះពាល់ទៅ ដល់ផលប្រយោជន៍ក្រុមហ៊ុន Paramount និង Sony។

ប្រភពព័ត៌មានខាងលើបាន បន្ថែមថា ក្រុមហ៊ុនផ្តល់សេវាអ៊ីធើណេត នៅក្នុងប្រទេសបារាំង មានដូចជា Orange, Free, Bouygues Telecom, SFR, Numericable និង Darty Telecom ក៏បានទទួលបទបញ្ជាពីតុលាការ ដើម្បីអនុវត្តន៍ ឲ្យមានប្រសិទ្ធិភាពក្នុង ការបិទគេហទំព័រមួយចំនួននោះផងដែរ។ជាមួយនោះផងដែរ Google , Microsoft ,Yahoo ក្រុមហ៊ុនផ្តល់សេវាអ៊ីធើណេត មានរយៈពេល ២សប្តាហ៍ដើម្បី បិទគេហទំព័រទាំង១៦នោះ បន្ទាប់ពីតុលាការរកឃើញ ទោសពីបទរំលោភ លើច្បាប់កម្មសិទ្ធិបញ្ញា។

គួរបញ្ជាក់ផងដែរថា មានលក្ខណៈស្រដៀងគ្នានេះដែរ រដ្ឋាភិបាលប្រទេសអង់គ្លេស បានសម្តែងនូវ ការចាប់អារម្មណ៍ លើក្រុមហ៊ុន Google ចំពោះការបិទគេហទំព័រ ដែលបង្ហោះរូបភាព រំលោភបំពានលើកុមារ៕

ធ្លាប់មានពាក្យចចាមអារ៉ាមជាបន្ដបន្ទាប់មកហើយថាក្រុមហ៊ុន Nokia កំពុងតែមមាញឹកនឹងគម្រោងផលិតកុំព្យូទ័របន្ទះស្ដើងដំណើរការដោយប្រព័ន្ធប្រតិបត្តិការ Windows RT និងមានអេក្រង់ទំហំ 10.1-inch ។ កាលពីខែសីហា កន្លងទៅធ្លាប់មានពាក្យចចាមអារ៉ាមថា «កុំព្យូទ័របន្ទះស្ដើង Nokia នឹងត្រូវបញ្ចេញចុងខែកញ្ញា និង Phablet នៅខែវិច្ឆិកា» ដោយឡែកសម្រាប់ខែកញ្ញា នេះពិតជាមានការលេចចេញនូវកុំព្យូទ័របន្ទះស្ដើងដែលដំណើរការដោយ Windows RT ពិតមែន ប៉ុន្តែមិនទាន់ជាការប្រកាសចេញជាផ្លូវការដោយ Nokia នៅឡើយទេ ។ កុំព្យូទ័របន្ទះស្ដើងនេះមានឈ្មោះកូដថា “Sirius” និងមានអេក្រង់ទំហំ 10.1-inch ហើយខាងក្រោមនេះគឺជាលក្ខណសម្បត្តិបច្ចេកទេសមួយចំនួនរបស់ Nokia Sirius ៖

- CPU Quad-core 2.3GHz (Qualcomm Snapdragon 800)
- អេក្រង់ទំហំ 10.1-inch
- បច្ចេកវិទ្យាអេក្រង់ IPS
- កម្រិតភាពច្បាស់ 1,920 x 1,080 pixels (Full HD)
- កាមេរ៉ាទំហំ 6.7 MP
- មានគម្របដែលអាចបំពេញមុខងារបានច្រើន (Multi-function cover) ដែលភ្ជាប់មកជាមួយថ្មថែមទៀត
- ថាមពលថ្ម ១០ ម៉ោង
- ទម្ងន់ 0.59 kg
- កម្រាស់ 0.31 mm
Nokia-Sirius-Win-RT

បើយោងតាមប្រភពពី UnwiredView បានបញ្ជាក់ថាលក្ខណសម្បត្តិបច្ចេកទេសរបស់ Nokia Sirius ពិតជាល្អ ប៉ុន្តែចំពោះតម្លៃ $499 វាហាក់ដូចជាខ្ពស់បន្តិចហើយសម្រាប់កុំព្យូទ័របន្ទះស្ដើងដែលដំណើរការដោយ Windows RT ព្រោះថាក្រុមហ៊ុន Microsoft មិនទទួលបានជោគជ័យទេចំពោះ Surface RT តម្លៃ $500 កាលពីឆ្នាំទៅ ។ សូមបញ្ជាក់ថានេះគឺជាការលេចចេញមិនទាន់ផ្លូវការនៅឡើយទេ ដូច្នេះសូមប្រិយមិត្តរង់ចាំតាមដានមើលថាតើ Nokia Sirius (Windows RT) នឹងមានលក្ខណសម្បត្តិបច្ចេកទេសពិសេសអ្វីខ្លះនោះ ៕
ប្រភព Porpok

កាលពីខែមិថុនា ក្រុមហ៊ុន Microsoft ទើបតែបានធ្វើការបញ្ចុះតម្លៃយ៉ាងពិសេសនូវកុំព្យូទ័របន្ទះស្ដើង Surface RT មានអង្គផ្ទុកទិន្នន័យជាប់ម៉ាស៊ីនទំហំ 32GB ដល់ស្ថាប័នអប់រំនៅតាមប្រទេសមួយចំនួន ។ យ៉ាងណាមិញពេលនេះយើងទើបតែទទួលបាននូវព័ត៌មានដ៏ថ្មីថា ចាប់ពីថ្ងៃទី ១៤ កក្កដា គេនឹងអាចសន្សំប្រាក់បានប្រហែល $150 សម្រាប់ការទិញនូវកុំព្យូទ័របន្ទះស្ដើង Surface RT 32GB ថ្មី របស់ក្រុមហ៊ុន Microsoft ។

តម្លៃរបស់ Surface RT ថ្មីត្រូវបានបញ្ចេញដោយប្រភព toStaple ដែលជាប្រភពមានភាពស្និទ្ធស្នាលគ្នាជាមួយនឹងក្រុមហ៊ុន Microsoft ។ បើយោងទៅតាមប្រភព toStaple បានឲ្យដឹងថា កុំព្យូទ័របន្ទះស្ដើង Microsoft Surface RT 32GB ថ្មីនឹងត្រូវធ្លាក់ថ្លៃមកត្រឹម $349 គឺគេអាចទទួលបានការបញ្ចុះតម្លៃរហូតដល់ទៅ $150 បើធៀបទៅនឹងតម្លៃធម្មតា $456 ហើយការបញ្ចុះតម្លៃនេះនឹងធ្វើឡើងចាប់ពីថ្ងៃទី ១៤ កក្កដា ។

សូមបញ្ជាក់ថា កុំព្យូទ័របន្ទះស្ដើង Surface RT ត្រូវបានបំពាក់ដោយអេក្រង់ទំហំ 10.6-inch ClearType HD display ដែលមានកម្រិតភាពច្បាស់ 1366×768 pixels និងបំពាក់ដោយ CPU Quad-core NVIDIA Tegra 3 និងមាន RAM 2GB ។

ហោស្តុន៖ ទីភ្នាក់ងារព័ត៌មានចិនស៊ិនហួ បានចុះផ្សាយ កាលពីពេលថ្មីៗនេះថា Windows 8.1 នឹងលេចចេញរូបរាង នៅក្នុងខែសីហា ខាងមុខនេះ ។
ក្រុមហ៊ុន Microsoft បានរំពឹងយ៉ាងមុតមាំថា នៅក្នុងខែសីហា ឆ្នាំ២០១៣ខាងមុខនេះ Windows 8.1 ត្រូវបានបញ្ចប់ការរចនា នឹងលេចចេញរូបរាង ឡើងមិនខាន ។

លោក Tami Reller អនុប្រធានក្រុមហ៊ុន Microsoft និងជាប្រធានគ្រប់គ្រងការលក់ Windows បានមានប្រសាសន៍ថា ការរៀបចំនឹង Windows 8.1 នឹងបញ្ចប់ហើយលេចចេញរូបរាង នៅក្នុងខែសីហា និងមាន PCs សម្រាប់ចែកចាយលើទីផ្សារ ។ នេះជាការលើកឡើងមួយ ដែលត្រូវបានដាក់បង្ហោះឲ្យដឹងលើ គេហទំព័រ Houston Chronicle បានឲ្យដឹងយ៉ាងដូច្នេះ ។

សូមបញ្ជាក់ថា សម្រាប់គំរូ Windows 8.1 គឺមានលក្ខណៈស្រដៀងគ្នានឹង Windows 8 ដែរ តែខុសត្រង់ការរចនា មានការផ្លាស់ប្តូរ ទីតាំងខ្លះៗឧបករណ៍ ដោយផ្តល់សំឡេងច្បាស់ល្អ ។

មិនតែប៉ុណ្ណោះ សម្រាប់ Windows ជំនាន់ថ្មីនេះនឹងមាន Start button នៅផ្នែកខាងក្រោយ ដែលអាចឲ្យអ្នកប្រើប្រាស់ boot to desktop បាន ។

ក្នុងនោះក៏មានការដាក់បញ្ចូលនូវ Smart Search និងឧបករណ៍ជាច្រើនងាយ ស្រួលប្រើប្រាស់ជាងមុន ៕

HTC 8XT គឺជាទូរស័ព្ទទំនើបដែលដំណើរការដោយប្រព័ន្ធប្រតិបត្តិការ Windows Phone 8 និងជាទូរស័ព្ទទំនើបដែលមានតម្លៃទាបបើធៀបទៅនឹងទូរស័ព្ទទំនើបដែលដំណើរការដោយប្រព័ន្ធប្រតិបត្តិការ Windows Phone 8 ផ្សេងៗទៀត ។ សូមរំលឹកថាទូរស័ព្ទទំនើបមួយម៉ូដែលនេះត្រូវបានក្រុមហ៊ុន HTC ប្រកាសចេញជាផ្លូវការកាលពីខែមិថុនាកន្លងទៅនេះ កាលនោះក្រុមហ៊ុនមិនទាន់បានបង្ហើបឲ្យពីវត្តមាន HTC 8XT នៅលើទីផ្សារនៅថ្ងៃណានោះទេ ។

ដោយឡែកសម្រាប់ពេលនេះប្រភពពីគេហទំព័រ UnwiredView បានឲ្យដឹងថា HTC 8XT នឹងមានវត្តមាននៅក្រុមហ៊ុន Sprint នាថ្ងៃទី១៩ ខាងមុខនេះដោយលក់ក្នុងតម្លៃប្រហែល $100 (ជាតម្លៃជាប់កិច្ចសន្យាប្រើសេវារបស់ក្រុមហ៊ុនចំនួនពីរឆ្នាំ) ។

លក្ខណសម្បត្តិបច្ចេកទេសរបស់ HTC 8XT រួមមានដូចខាងក្រោម៖

អេក្រង់ទំហំ 4.3-inch
កម្រិតភាពច្បាស់ 480 x 800 pixels
CPU Dual-core 1.4GHz (Snapdragon 400)
GPU Adreno 305
RAM 1 GB
អង្គផ្ទុកទិន្នន័យជាប់ម៉ាស៊ីនទំហំ 8 GB (អាចបន្ថែម microSD card 64 GB)
កាមេរ៉ាមុខទំហំ 8 MP និង កាមេរ៉ាក្រោយទំហំ 1.6 MP
មានជម្រើសប្រព័ន្ធសេវា 4G LTE
ថាមពលថ្ម 1,800mAh
ដំណើរការដោយ Windows Phone 8

បញ្ជាក់៖ កាលបរិច្ឆេទចេញលក់និងតម្លៃទូរស័ព្ទទំនើប HTC 8XT ដែលបានបង្ហាញខាងលើគឺសម្រាប់ទីផ្សារសហរដ្ឋ ដោយឡែកព័ត៌មានទាក់ទងនឹងការមកទីផ្សារកម្ពុជានៃទូរស័ព្ទទំនើបមួយម៉ូដែលនេះគ្មានប្រភពណាអាចបញ្ជាក់នៅឡើយទេ ។ សម្រាប់ព័ត៌មានបន្ថែមសូមប្រិយមិត្តរង់ចាំសាកសួរតាមហាងលក់ទូរស័ព្ទនានាក្នុងរាជធានីភ្នំពេញ ៕

ក្រុមហ៊ុន Nokia ត្រូវបានគេរាយការណ៍ថា នឹងចេញកុំព្យូទ័របន្ទះស្ដើងដំបូងដែលដំណើរការដោយប្រព័ន្ធប្រតិបត្តិការ Windows RT នៅក្នុងឆ្នាំ២០១៣ ។ ដោយឡែកបន្ទាប់ពីទទួលបាននូវពាក្យចចាមអារ៉ាមជាច្រើនទាក់ទងទៅនឹងលក្ខណសម្បត្តិ និង រូបរាងរបស់កុំព្យូទ័របន្ទះស្ដើងនៃក្រុមហ៊ុននេះ គេនៅមិនទាន់ទទួលបាននូវការអះអាងណាមួយចេញពីក្រុមហ៊ុន Nokia ដើម្បីបញ្ជាក់ថាជាការពិត ឬគ្រាន់តែជាពាក្យប្រឌិតនៅឡើយទេ ។

កាលពីពេលកន្លងទៅបន្ទាប់ពីទទួលបានរូបភាពដែលគ្រាន់តែជាគំរូឲ្យកុំព្យូទ័របន្ទះស្ដើង Nokia Windows RT ឬហៅថា Nokia Lumia tablet គេក៏ទទួលបាននូវព័ត៌មានថា មានការលេចចេញរូបរាងកុំព្យូទ័របន្ទះស្ដើងរបស់ Nokia ក្នុងប្រទេសប៉ាគីស្ថាន ។ ប៉ុន្តែវាគ្រាន់តែជារូបដែលស្ថិតនៅលើផ្ទាំងបញ្ចាំង slide តែប៉ុណ្ណោះ ។

ដោយឡែកចំពោះរូបភាពដែលគេទទួលបាននៅក្នុងពេលនេះគឺ មិនដូចរូបដែលគ្រាន់តែជាគំរូនោះទេ ពោលគឺមានលក្ខណៈជារូបពិតសុទ្ធសាធ និងថែមទាំងមានដាក់ NOKIA នៅផ្នែកខាងខ្នងនៃឧបករណ៍ផងដែរ ។ ចំពោះកុំព្យូទ័របន្ទះស្ដើងដំបូងរបស់ក្រុមហ៊ុន Nokia ត្រូវបានពាក្យចចាមអារ៉ាមនិយាយថា នឹងដំណើរការដោយ Windows RT មានបំពាក់អេក្រង់ទំហំ 10-inch, រន្ធ HDMI, USB, MagSafe charger និងថែមទាំងមានរន្ធសម្រាប់ប្រើ SIM ផងដែរ ។

សូមបញ្ជាក់ថា មិនមានព័ត៌មានលំអិតពីការបញ្ជាក់ឲ្យច្បាស់នូវកុំព្យូទ័របន្ទះស្ដើង Nokia Windows RT នេះនៅឡើយទេ ។ ដោយឡែកតាមរូបភាពដែលទទួលបានគេជឿថា មិនយូរទេក្រុមហ៊ុន Nokia នឹងអាចប្រកាសចេញនូវកុំព្យូទ័របន្ទះស្ដើងជាលើកដំបូងរបស់ខ្លួននាពេលឆាប់ៗខាងមុខ ប៉ុន្តែចំពោះជម្រើសពណ៌ដូចជាស្រឡាយទូរស័ព្ទ Lumia ឬយ៉ាងណានោះគេក៏មិនទាន់បានដឹងដែរ ៕

ក្រុមហ៊ុនHTC បានចេញម៉ូតស្មាតហ្វូនថ្មីគឺ HTC 8XTជាម៉ូដែលថ្មី Windows Phone 8។តើHTC 8XTមានលក្ខណៈសម្បត្តិពិសេសអ្វីខ្លះទៅ? លក្ឋណៈសម្បត្ដិពិសេសរបស់HTC 8XTមានដូចខាងក្រោមៈ

-ទូទៅៈ2G/3G/4G/SIM

-ទំហំរូបរាងៈ132.1 x 66 x 9.9 mm (5.20 x 2.60 x 0.39 in)

-ទំហំអេក្រង់ៈ480 x 800 pixels, 4.3 inches (~217 ppi pixel density)

-ទំហំ Memory:8 GB, 1 GB RAM

-កាមេរ៉ាៈ8 MP, 3264 x 2448 pixels, autofocus, LED flash

-ប្រព័ន្ធប្រតិបត្តិការៈMicrosoft Windows Phone 8

-ប្រភេទថ្មៈLi-Ion 1800 mAh battery ។

ចំពោះតម្លៃរបស់ទូរស័ព្ទដៃHTC 8XTគឺមានតម្លៃប្រហាក់ប្រហែលចន្លោះពី៦០០ទៅ៧០០ដុល្លារសហរដ្ឋអាមេរិក៕

ក្នុងឱកាសតាំងពិព័រណ៏ផលិតផលនៅទីក្រុងឡុងដ៏កាលពីម្សិលមិញ ក្រុមហ៊ុនស៊ាំស្ស៊ុង (Samsung) បានធ្វើការបង្ហាញជាផ្លូវការមួយ នូវថេប្លិត២ម៉ូដែល ដែលមានឈ្មោះថា អេធីអាយវី ឃ្យូ (ATIV Q) និងអេធីអាយវី ថេប៣ (ATIV Tab 3)។ ឧបករណ៏ទាំង២ស៊េរីនេះ ដំណើរការដោយវីនដូ៨ (Windows 8 ) ខណៈដែលស៊េរី អេធីអាយវី ឃ្យូ អាចដំណើរបានទាំងអេនដ្រយ (Android) ផង និងវីនដូ៨ផង។

ស៊េរី «អេធីអាយវី ឃ្យូ» មានលក្ខណៈសម្បត្តិដូចជា៖

• អេក្រង់ទំហំ៖ ១៣.៣អ៊ីញ
• ទំហំបង្ហាញ (resolution)៖ ៣២០០ X ១៨០០ ភិចស្ស៊ែល
• ម៉ាស៊ីនប្រភេទ៖ អ៊ីនថែល ខអាយ៥ (Intel Core i5)
• ក្រាហ្វិកទំហំ៖ ៤៤០០
• អង់ចងចាំ (RAM)៖ ៤ជីហ្គាបៃ
• អាចផ្ទុកបាន៖ ១២៨ជីហ្គាបៃ
• ប្រព័ន្ធដំណើរការ៖ វីនដូ៨ និងអាចដំណើរដោយប្រព័ន្ធអេនដ្រយជេលី ប៊ីន ៤.២.២ (Android 4.2.2 Jelly Bean) បានផងដែរ
• ទម្ងន់៖ ១.២៩គីឡូក្រាម
• វិមាត្រ៖ ៣២៧.០ X ២១៧.៨ X ១៣.៩មីលីម៉ែត្រ

រីឯស៊េរី «អេធីអាយវី ថេន៣» មានលក្ខណៈសម្បត្តិដូចជា៖
• អេក្រង់ទំហំ៖ ១០.១អ៊ីញ
• បង្ហាញបានទំហំ៖ ១៣៦៦ X ៧៦៨ ភិចស្ស៊ែល
• ប្រព័ន្ធដំណើរការ៖ វីនដូ៨
• ម៉ាស៊ីនប្រភេទ៖ Intel ATOM Z2760 CPU
• អង់ចងចាំ (RAM)៖ ២ជីហ្គាបៃ
• អាចផ្ទុកបាន៖ ៦៤ជីហ្គាបៃ
• ទម្ងន់៖ ៥៥០ក្រាម
• កម្រាស់៖ ៨.២មីលីម៉ែត្រ (ស្តើងជាងគេបង្អស់ក្នុងចំណោមប្រភេទថេប្លិត)

ផលិតផលទាំង២នេះ មានលក្ខណៈសម្បត្តិខុសគ្នាច្រើនដែរ ប៉ុន្តែទោះជាយ៉ាងណា វានឹងក្លាយជាជម្រើស២ផ្សេងគ្នា សម្រាប់អតិថិជនធ្វើការជ្រើសរើស។ រឿងដែលគួរឲ្យស្តាយនោះក្រុមហ៊ុន ពុំទាន់បង្ហាញពីតម្លៃ ឬកាលបរិច្ឆេត ដែលត្រូវចេញលក់នៅឡើយទេ៕

Nokia Lumia 1020 ដែលពីមុនត្រូវបានគេស្គាល់ថាជា Nokia EOS នោះធ្លាប់បានលេចចេញនូវផ្នែកខ្លះៗជាច្រើនដងមកហើយ ដោយឡែកសម្រាប់ថ្ងៃនេះវិញគេហទំព័រ @evleaks ដែលល្បីខាងបញ្ចេញនូវរូបភាពឧបករណ៍ចល័តជាពិសេសទូរស័ព្ទទំនើបតែម្ដងមុនថ្ងៃប្រកាសចេញជាផ្លូវការដោយក្រុមហ៊ុនផលិតនោះបានបង្ហាញរួចហើយនូវរូបភាព Nokia Lumia1020 ។

ប្រភពពីគេហទំព័រ WMPoerUser បានបញ្ជាក់ថាទូរស័ព្ទទំនើបនោះមានរូបរាងស្រដៀងនឹង Lumia 920 និងមានតួធ្វើពីធាតុផ្សំដោយកាបោនកាបូណាត ជាមួយនឹងអេក្រង់ទំហំ 4.5-inch កម្រិតភាពច្បាស់ 720p ដំណើរការដោយប្រព័ន្ធប្រតិបត្តិការ Windows Phone 8 ។ ទូរស័ព្ទថ្មីនោះនឹងត្រូវបំពាក់ដោយបច្ចេកវិទ្យាកាមេរ៉ាថ្មីគឺ Nokia Pro Camera ដើម្បីបំពេញបន្ថែមឲ្យកាមេរ៉ា 41 MP PureView រួមជាមូយគម្របការពារកែវឆ្លុះទៀតផង ហើយកែវឆ្លុះនោះនឹងបើកដោយស្វ័យប្រវត្តិនៅពេលដែលកម្មវិធី កាមេរ៉ាត្រូវបានបើកឲ្យដំណើរការ និងថែមទាំងអាចបញ្ចូលថាមពលថ្មដោយមិនបាច់ប្រើឌុយ (wireless charging) ។

ចំពោះព័ត៌មានទាក់ទងនឹងលក្ខណសម្បត្តិបច្ចេកទេសពិតប្រាកដរបស់ Nokia Lumia 1020 ប្រិយមិត្តនឹងបានជ្រាបបន្ទាប់ពីក្រុមហ៊ុន Nokia បើកសន្និសីទកាសែតនៅថ្ងៃទី១១ ខែកក្កដា នេះ ដូច្នេះសូមប្រិយមិត្តរង់ចាំតាមដានជាមួយដំណឹងប្រាំពីរ ៕

រូបភាព Nokia Lumia 1020 (Nokia EOS) ដែលធ្លាប់លេចចេញ៖

ពេលនេះឈ្មោះពិតរបស់ទូរស័ព្ទទំនើបដែលបំពាក់ដោយកាមេរ៉ាទំហំ 41 MP PureView នេះគឺ Nokia Lumia 1020 ប៉ុន្តែចំពោះលក្ខណសម្បត្តិបច្ចេកទេសលម្អិតរបស់ទូរស័ព្ទមួយនេះមិនទាន់បានបង្ហើបឲ្យដឹងនៅឡើយទេ ។ ប្រភពពីគេហទំព័រ WMPoerUser បានបញ្ជាក់ថាទូរស័ព្ទទំនើបនោះមានរូបរាងស្រដៀងនឹង Lumia 920 និងមានតួធ្វើពីធាតុផ្សំដោយកាបោនកាបូណាត ជាមួយនឹងអេក្រង់ទំហំ 4.5-inch កម្រិតភាពច្បាស់ 720p ដំណើរការដោយប្រព័ន្ធប្រតិបត្តិការ Windows Phone 8 ។ ទូរស័ព្ទថ្មីនោះនឹងត្រូវបំពាក់ដោយបច្ចេកវិទ្យាកាមេរ៉ាថ្មីគឺ Nokia Pro Camera ដើម្បីបំពេញបន្ថែមឲ្យកាមេរ៉ា 41 MP PureView រួមជាមូយគម្របការពារកែវឆ្លុះទៀតផង ហើយកែវឆ្លុះនោះនឹងបើកដោយស្វ័យប្រវត្តិនៅពេលដែលកម្មវិធី កាមេរ៉ាត្រូវបានបើកឲ្យដំណើរការ និងថែមទាំងអាចបញ្ចូលថាមពលថ្មដោយមិនបាច់ប្រើឌុយ (wireless charging) ។

ចំពោះព័ត៌មានទាក់ទងនឹងលក្ខណសម្បត្តិបច្ចេកទេសពិតប្រាកដរបស់ Nokia Lumia 1020 ប្រិយមិត្តនឹងបានជ្រាបបន្ទាប់ពីក្រុមហ៊ុន Nokia បើកសន្និសីទកាសែតនៅថ្ងៃទី១១ ខែកក្កដា ខាងមុខនេះ ដូច្នេះសូមប្រិយមិត្តរង់ចាំតាមដានជាមួយពពក ៕

រូបភាពនិងផ្នែកខ្លះៗនៃ Lumia EOS (41 PureView)

តើប្រិយមិត្តយល់ដូចម្ដេចដែរចំពោះរូបរាងទូរស័ព្ទ Nokia Lumia EOS ? សូមបញ្ចេញមតិក្នុងប្រអប់ខាងក្រោម៖

នៅពេលនេះកិច្ចព្រមព្រៀង ប្រើប្រាស់ប្រព័ន្ធ ដំណើរការ Windows Phone នៅលើទូរស័ព្ទដៃ
របស់ Nokia ជិតដល់ពេល កំណត់ហើយ តើក្រុមហ៊ុន Nokia នឹងចាប់យក ប្រព័ន្ធដំណើរការ
ផ្សេង សម្រាប់ស្មាតហ្វូន របស់ខ្លូនដែរឬទេ?

ក្រុមហ៊ុនផលិត ទូរស័ព្ទដៃហ្វាំងឡង់ Nokia បានស្ងប់ស្ងាត់ អស់មួយរយៈ ប៉ុន្តែចាប់តាំងពីក្រុម
ហ៊ុន Microsoft បច្ចេញប្រព័ន្ធដំណើរកា Windows Phone មក ឃើញថា ទីផ្សារស្មាតហ្វូនរបស់
Nokia បានចាប់ផ្ដើម ងើបឡើងជាលំដាប់ រហូតដល់ពេលនេះ ក្រុមហ៊ុន Nokia ជោគជ័យយ៉ាង
ខ្លាំង ជាមួយនឹងត្រកូល Lumia។

ប៉ុន្តែលោក Helsingin Sanomat អ្នកសារព័ត៌មានដ៏ល្បី មួយរបស់ហ្វាំងឡង់ បាននិយាយថា ក្រុម
ហ៊ុន Nokia អាចនឹងបែក ចិត្តងាកចេញពី Microsoft ដោយទៅសហការ ជាមួយនឹងក្រុមហ៊ុនផ្សេង
នៅពេលដែល កិច្ចព្រមព្រៀង ៥ឆ្នាំជាមួយ Microsoft ផុតកំណត់ ព្រោះថានៅសល់តែ ២ឆ្នាំទៀត
កិច្ចព្រមព្រៀងនឹង ត្រូវធ្វើឡើងម្ដងទៀត។

អ្នកសារព័ត៌មាន បានបន្តទៀតថា ក្រុមហ៊ុន Nokia អាចនឹងជ្រើសរើស Android ជាប្រព័ន្ធដំណើរ
ការថ្មី ប៉ុន្តែមិនបានបោះបង់ Windows Phone នោះទេ។ មូលហេតុដែលធ្វើឲ្យ Nokia អាចនឹងងាក
ចិត្ត ដោយសារតែ ក្នុងមួយត្រីមាស ក្រុមហ៊ុន Nokia ត្រូវចំណាយ ២៥០លានដុល្លារអាមេរិក ឲ្យទៅ
Microsoft ក្នុងការប្រើប្រាស់អាជ្ញាប័ណ្ណ Windows Phone ហើយបើតាមគេដឹង អាជ្ញាប័ណ្ណ Window
Phone មានតម្លៃថ្លៃទៀតផង ដែលជាហេតុធ្វើឲ្យ ក្រុមហ៊ុនមួយចំនួន មិនហ៊ានប្រើ៕ដោយ៖ ដើមអំពិល

HTC One គឺជាទូរស័ព្ទទំនើបដ៏ឆ្នើមរបស់ក្រុមហ៊ុន HTC ដែលបានប្រកាសចេញកាលពីដើមឆ្នាំ២០១៣ នេះ ហើយវាត្រូវបានដំណើរការដោយប្រព័ន្ធប្រតិបត្តិការ Android Jelly Bean របស់ក្រុមហ៊ុន Google ។ HTC ចេញទូរស័ព្ទទំនើបមួយម៉ូដែលនេះមកពិតជាធ្វើឲ្យសាធារណជនមានចំណាប់ខ្លាំងណាស់ព្រោះថាវាមានរូបរាងគួរឲ្យទាក់ទាញនិងមានលក្ខណសម្បត្តិបច្ចេកទេសល្អៗ ។

ដោយឡែកសម្រាប់ពេលនេះមានសេចក្ដីរាយការណ៍ថ្មីមួយទៀតថាក្រុមហ៊ុន HTC អាចនឹងបញ្ចេញនូវទូរស័ព្ទទំនើប HTC One ម៉ូដែលថ្មីដែលដំណើរការដោយប្រព័ន្ធប្រតិបត្តិការ Windows Phone 8 របស់ក្រុមហ៊ុន Microsoft ។ សូមរំលឹកបន្តិចថាកាលពីចុងឆ្នាំ២០១២ កន្លងទៅក្រុមហ៊ុន HTC បានប្រកាសចេញទូរស័ព្ទទំនើបដែលដំណើរការដោយ Windows Phone 8 ចំនួនពីរម៉ូដែលរួចទៅហើយគឺ Windows Phone 8X និង Windows Phone 8S ។ ព្រភពពី Neowin.net បានឲ្យដឹងថាទូរស័ព្ទទំនើបរបស់ក្រុមហ៊ុន HTC ដែលដំណើរការដោយ Windows Phone 8 នោះនឹងមិនមានរូបរាងដូច HTC One ទាំងស្រុងនោះទេគឺគ្រាន់តែស្រដៀងតែប៉ុណ្ណោះ ។ ប្រភពដដែលបានបង្ហាញពីរូបភាព HTC One (Windows Phone 8 OS) ដែលមានទំហំអេក្រង់ចន្លោះពី 4-inch ទៅ 5-inch ។ ទូរស័ព្ទនោះនឹងមានតួធ្វើពីលោកហធាតុ មានបំពាក់ដោយ UltraPixel Camera ដំណើរការដោយ Windows Phone 8 GDR3 និងមាន Beats Audio ។

សូមបញ្ជាក់ គេរំពឹងថាក្រុមហ៊ុន HTC នឹងចេញលក់ HTC One ជំនាន់ថ្មីជានឹង Windows Phone 8 នៅមុនបំណាច់ឆ្នាំ២០១៣ នេះ ។ ការអះអាងខាងលើគឺផ្អែកើប្រភពពី Neowin តែប៉ុណ្ណោះព្រោះថាក្រុមហ៊ុន HTC មិនទាន់បញ្ជាក់ជាផ្លូវការនៅឡើយទេថានឹងបញ្ចេញ HTC One ដែលតំណើរការដោយ Windows Phone 8 ឬអត់នោះ ដូច្នេះសម្រាប់ព័ត៌មានបន្ថែមទាក់ទងនឹង HTC One ដំណើរការដោយ Windows Phone 8 សូមប្រិយមិត្តរង់ចាំតាមដានជាមួយដំណឹង៧ ៕

កាលពីសប្ដាហ៍មុនមានការលេចចេញជាបន្ដបន្ទាប់នូវរូបភាពទូរស័ព្ទទំនើប Nokia Lumia EOS ដែលល្បីថាមានកាមេរ៉ាទំហំរហូតដល់ទៅ 41 MP និងបំពាក់ដោយបច្ចេកវិទ្យា PureView ។ ដោយឡែកសម្រាប់ពេលនេះមានសេចក្ដីរាយការណ៍ថាក្រុមហ៊ុន Nokia នឹងបើកសន្និសីទកាសែតប្រកាសចេញ Lumia EOS នៅថ្ងៃទី១១ ខែកក្កដា ខាងមុខនេះ ដែលនឹងធ្វើឡើងនៅទីក្រុងញូវយ៉ក ។

រូបភាពនិងផ្នែកខ្លះៗនៃ Lumia EOS (41 PureView)

ដំណឹងប្រាំពីរ

តុលាការបារាំង បញ្ជាឲ្យ Google , Microsoft និង Yahoo បិទគេហទំព័រមួយចំនួន

លេចចេញកុំព្យូទ័របន្ទះ ស្ដើង Nokia Sirius (10.1-inch) តម្លៃប្រហែល $499

Nokia Lumia 520 ជួយបង្កើន ទីផ្សារអាមេរិច

Microsoft Surface RT 32GB ធ្លាក់តម្លៃមកត្រឹមតែ $349 (នៅ US)

នាយកប្រតិបត្តិ៖ Windows 8.1 នឹងលេចរូបរាងឡើង នៅក្នុងខែសីហាខាងមុខនេះ

ទូរស័ព្ទទំនើប HTC 8XT នឹងត្រូវចេញលក់នៅថ្ងៃទី១៩

ទទួលបានរូបភាព កុំព្យូទ័របន្ទះស្ដើង Nokia Windows RT

ក្តារចុច របស់ក្រុមហ៊ុន ណូគៀ ២ម៉ូដែល ត្រូវបាន បែកធ្លាយ!!!

លឺថា LG ហក់ចូលទីផ្សារ Windows Phone

ស្មាតហ្វូន HTC 8XT ជាម៉ូដែលស្មាតហ្វូន ថ្មីដែលប្រើ Windows Phone 8

ស៊ាំស្ស៊ុងបង្ហាញ ក្ដាបញ្ជា (Tablet) ២ប្រភេទដើរ ជាមួយវីនដូ៨

@evleaks បង្ហាញរូបភាពទូរស័ព្ទ Nokia Lumia 1020

Nokia EOS នឹងមានឈ្មោះ ជាផ្លូវការថា Lumia 1020

Nokia អាចនឹងបែកចិត្តពី Windows Phone នៅឆ្នាំ ២០១៦

ក្រុមហ៊ុន HTC អាចនឹងបញ្ចេញ HTC One ដំណើរការដោយ Windows Phone 8

Nokia នឹងប្រកាសចេញទូរស័ព្ទ Lumia EOS (41 MP PureView) នៅថ្ងៃទី១១ កក្ក

About

Follow Us

Popular Posts

Subscribe

Labels

Pinterest

Labels