ដំណឹងប្រាំពីរ

ស្មាតហ្វូនដំបូងដែលដំណើរការដោយប្រព័ន្ធប្រតិបត្តិ Android One (ជាប្រព័ន្ធប្រតិបត្តិមួយ ដែល
ត្រូវបានអភិវឌ្ឍឡើង សម្រាប់ទីផ្សារទូរស័ព្ទតម្លៃទាប ដូចជាក្នុងបណ្ដាប្រទេសកំពុងអភិវឌ្ឍជា
ដើម) ទើបត្រូវបានក្រុមហ៊ុន Google ឧទ្ទេសនាម នៅឥណ្ឌា។
ក្រុមហ៊ុន Google បានសហការណ៍ជាមួយក្រុមហ៊ុនផលិតស្មាតហ្វូនចំនួន ៣ របស់ប្រទេសឥណ្ឌា
រួមមាន Micromax, Spice និង Karbonn ដើម្បីបង្កើតស្មាតហ្វូន ដំណើរការដោយប្រព័ន្ធប្រតិបត្តិ
Android One ដែលមានតម្លៃប្រហែល ១០០ ទៅ ១១៥ ដុល្លារអាមេរិក ប៉ុន្ដែ វាប្រើប្រាស់គ្រឿង
ម៉ាស៊ីនលំដាប់ល្អគួរសម ដូចជាអេក្រង់ 4,5 inch, RAM 1GB, កាមេរ៉ា ក្រោយ 5 MP និងកាមេរ៉ា
មុខ 2 MP , ប្រូសេសឺរ quad core 1.3 GHz របស់ MediaTek, ប្រើស៊ីម ២ និងរន្ធ microSD ។
ស្មាតហ្វូន ប្រើ Android One នេះ មានច្រើនភាសា និងមានមុខងារជាច្រើន សម្រាប់ទីផ្សារក្នុង
ស្រុក (ឥណ្ឌា)។ Google ក៏បានបំពាក់កំណែ YouTube ពិសេស អនុញ្ញាតឱ្យទាញយកវីដេអូ
ដើម្បីអាចមើលបានតាមចិត្ត បំណងកាត់បន្ថយប្រាក់ចំណាយទៅលើអ៊ីនធឺរណែត។
ស្មាតហ្វូនដំបូងដែលដំណើរការដោយប្រព័ន្ធ Android One នេះ នឹងត្រូវបានដាក់លក់ ក្នុងតម្លៃ
ប្រហែលទាបជាង ១១៥ ដុល្លារអាមេរិក ប៉ុណ្ណោះ។
ដូចទៅនឹងបណ្ដាស្មាតហ្វូន Nexus លំដាប់ខ្ពស់ ទូរស័ព្ទឆ្លាតវៃ Android One តម្លៃទាប ក៏នឹង តែងតែទទួលបានការគាំទ្រដោយយកចិត្តទុកដាក់បំផុតពី Google ក្នុងការបន្ទាន់សម័យនូវប្រព័ន្ធ
ដំណើរការថ្មី។ ប្រការនេះ នឹងជួយឱ្យបណ្ដាស្មាតហ្វូនតម្លៃទាប អាចប្រើប្រាស់សេវាកម្ម និងមុខ
ងារថ្មីៗរបស់ Google ។
បន្ទាប់ពី ឥណ្ឌា ក្នុងឆ្នាំនេះ Google ក៏នឹងចែកចាយ ស្មាតហ្វូន Android One តម្លៃទាបនេះ ទៅ
កាន់បណ្ដាទីផ្សារកំពុងអភិវឌ្ឍ ដូចជា នៅក្នុងតំបន់ អាស៊ី ដែលក្នុងនោះ មាន ឥណ្ឌូនេស៊ីហ្វីលី
ពីន ប្រទេសប៉ាគីស្ថាន ប្រទេសស្រីលង្កា បង់ក្លាដែស និងប្រទេសនេប៉ាល់ ជាដើម។ល។
Google ក៏បានឱ្យដឹងថា បណ្ដាក្រុមហ៊ុនផលិតស្មាតហ្វូនធំៗ ដូចជាក្រុម​ហ៊ុន HTC, Asus, Acer,
Panasonic, Lenovo រួមនឹងក្រុមហ៊ុនផលិត ឈីប Qualcomm ក៏នឹងចូលរួមក្នុងគម្រោង Android
One របស់ Google ។ ដូច្នេះ គេសង្ឃឹមថា ស្មាតហ្វូនតម្លៃទាប (១០០ ដុល្លារអាមេរិក) នឹងមាន
វត្តមាននៅគ្រប់ទីផ្សារ ក្នុងពិភពលោក ពិសេសគឺបណ្ដាប្រទេសក្រីក្រ ដែលពលរដ្ឋមានប្រាក់
ចំណូលទាប៕

ប្រែសម្រួលដោយ ៖ តារា
ប្រភព ៖ phonearena

ឆ្លើយតបទៅនឹងក្រុមហ៊ុន Oppo របស់ចិន , Sony របស់ជប៉ុន និង Nokia របស់ អាមេរិក ក្រុមហ៊ុន
HTC មកពី តៃវ៉ាន់ ក៏នឹងបញ្ចេញស្មាតហ្វូន “កំពូល Selfie” (កាមេរ៉ាមុខ មាន MP ខ្ពស់) សម្រាប់
អតិថិជនដែលចូលចិត្តថតរូបខ្លួនឯង។
ទំព័រ @upleaks ទើបតែបានបង្ហើបព័ត៌មានលំអិតបន្ទាប់ ស្ដីអំពីម៉ូដែលស្មាតហ្វូន ដែលប្រើប្រាស់
កាមេរ៉ាមុខ មាន MP ខ្ពស់ មានឈ្មោះកូដថា “Eye”។ យោងតាមព័ត៌មានបែកធ្លាយ HTC Eye
នឹងប្រើប្រាស់អេក្រង់ 5.2 inch ដែលមានរីសូលូសឹន Full HD និងមានកម្រិត ដង់ស៊ី តេភីកសែល
423 ppi ។ ចំណែកព័ត៌មានគ្រឿងម៉ាស៊ីនក្រៅពីនេះ ប្រភពបានឱ្យដឹងថា នឹងមានថាមពលខ្លាំង
ក្លា រួមមានឈីបប្រូសេសឺរ Snapdragon 801 4-core Krait 400 និង GPU (graphics processing
units) Adreno 330 ។
មកដល់ពេលនេះ ព័ត៌មាន និងរូបភាព ទាក់ទិននឹង “Eye” របស់ HTC មិនទាន់ត្រូវបានគេបញ្ចេញ
ឱ្យដឹងច្រើននៅឡើយ គេគ្រាន់តែដឹងថា រចនាបទរូបរាងរបស់ “Eye” អាចនឹងស្រដៀងទៅនឹង
flagship HTC One (M8) ប៉ុន្ដែ មិនដឹងថា ស្មាតហ្វូនអនាគតរបស់ HTC នេះ នឹងដំណើរការដោយ
ប្រព័ន្ធប្រតិបត្តិ Windows Phone ឬមួយ Android ថ្មីបំផុត (Android L) ឬយ៉ាងណានោះទេ។
យ៉ាងនេះក្ដី ក្រុមអ្នកវិភាគយល់ថា ដោយយោងទៅលើការបង្ហាញខ្លួនរបស់ HTC Butterfly 2
ដែលប្រើប្រាស់កាមេរ៉ាក្រោយ 13MP និងកាមេរ៉ាមុខ 5MP ដូច្នេះ គេជឿថា HTC Eye ក៏អាចនឹង
ត្រូវបានបំពាក់ កាមេរ៉ាស្រដៀង ឬខ្លាំងជាង HTC Butterfly 2៕

ប្រែសម្រួលដោយ ៖ តារា
ប្រភព ៖ gsmarena/htcsource

N3 ត្រូវបានគេឲ្យដឹងថា គឺជាម៉ូដែលបន្ទាប់របស់គំរូ Phablet Android អេក្រង់ 6 inch Full HD Oppo N1 ដែលនឹងត្រូវបង្ហាញណែនាំខ្លួននៅក្នុងព្រឹត្តិការណ៍ ដែលប្រារព្ធធ្វើឡើងនៅប្រទេសចិន នៅចុង ខែតុលា ខាងមុខនេះ។
ប្រែសម្រួល៖ សិលា
ប្រភព៖ GSMArena, tinhte, vexpress

បន្ទាប់ពីម៉ូដែល LG G3 Stylus ក្រុមហ៊ុន LG បានបន្តឧទ្ទេសនាមស្មាតហ្វូន “សិស្សប្អូន” របស់
LG G Vista នៅអាស៊ី ដែលមានឈ្មោះថា LG Gx2 ហើយវាក៏ជាម៉ូដែល ហ្វាប្លេត ជំនាន់ទីពីរ
នៃស្រឡាយ LG Gx ដែលត្រូវបានបញ្ចេញលក់ កាលពីចុងឆ្នាំទៅ។
LG Gx2 មានគោលដៅទៅរកអតិថិជន អ្នកប្រើប្រាស់ ហ្វាប្លេត ដែលមិនយកចិត្តទុកដាក់
សំខាន់ទៅលើគ្រឿងម៉ាស៊ីនហើយប្រការនេះ នឹងនាំឱ្យផលិតនេះ មានតម្លៃថោកជាងមុន។
LG Gx2 បំពាក់ អេក្រង់ 5.7 inch IPS LCD រីសូលូសឹន 720p, ឈីប 4-core 1.2GHz រួមនឹង
RAM 1.5GB ។ ម៉ាស៊ីននេះនឹងដំណើរការដោយ Android KitKat ជាមួយនឹងអ៊ីនធឺរហ្វេសថ្មីរបស់
LG , មានមុខងារ Knock Code និងសម្បកការពារឆ្លាតវៃ LG Quick Circle ជំនាន់ថ្មី។ ទន្ទឹមនឹង
នេះ Gx2 ក៏បំពាក់ប្រព័ន្ធ LTE-A និង ថ្មីដែលមានថាមពល 3.200mAh ។
កាមេរ៉ារបស់ Gx2 មាន រីសូលូសឹន 8MP ដោយមានបំពាក់មុខងារចាប់រូបភាពដោយ ឡាស៊ែរ
ដូចទៅនឹងស្មាតហ្វូន G 3 ចំនុចនេះ ក៏ជួយឱ្យវា ចាប់យករូបភាពបានច្បាស់ល្អ សូម្បីតែស្ថិតក្នុង
ស្ថានភាពខ្វះពន្លឺ។ ចំណែកកាមេរ៉ាមុខរបស់ Gx2 មានកម្រិត 1.3MP ។
ស្មាតហ្វូនថ្មីនេះ មានទំហំ 152.1 x 79.2 x 9.1ម.ម មានទម្ងន់ ១៦៥ក្រាម។ Gx2 នឹងពីរពណ៌
សម្រាប់ជ្រើសរើស គឺពណ៌ខ្មៅ និងពណ៌.ស។ តាមគម្រោង  Gx2 នឹងត្រូវបានដាក់លក់ចាប់ពី
ថ្ងៃទី ១៨កញ្ញាខាងមុខ ប៉ុន្ដែ តម្លៃរបស់វា មិនទាន់ត្រូវបានបង្ហើបឱ្យដឹងនៅឡើយ៕

ប្រែសម្រួលដោយ ៖ តារា
ប្រភព ៖ gsmarena

Spice Fire One Mi-FX 1 ដំណើរការដោយប្រព័ន្ធ Firefox OS មានតម្លៃប្រហែលជា ៣៨ដុល្លារ
អាមេរិក នឹងត្រូវបានដាក់លក់ ចាប់ពីថ្ងៃទី ២៩សីហាខាងមុខ។
Spice គឺជាក្រុមហ៊ុនដៃគូផ្នែករឹងមួយ របស់ប្រព័ន្ធប្រតិបត្តិចល័ត Mozilla Firefox ថ្មីៗនេះ បាន
ឧទ្ទេសនាមជាផ្លូវការនូវស្មាតហ្វូន Spice Fire One Mi-FX 1 ដែលជាទូរស័ព្ទឆ្លាតវៃ មានតម្លៃ
ទាបបំផុតក្នុងពិភពលោក នាបច្ចុប្បន្ន។
ឥណ្ឌា គឺជាទីផ្សារស្មាតហ្វូន ដែលមានការលូតលាស់លឿនជាងគេបង្អស់ក្នុងលោក ពិសេស
គឺស្មាតហ្វូនដែលមានតម្លៃទាប ដូច្នេះ គេមិនមានការភ្ញាក់ផ្អើលប៉ុន្មាន ពេលដែលបណ្ដាស្មាត
ហ្វូនតម្លៃថោកជាច្រើន បានជ្រើសរើស ឥណ្ឌា ជាទីផ្សារដំបូង ចំណែក One Mi-FX1 ក៏ដូចគ្នា
ហើយវានឹងត្រូវបានលក់ក្នុងតម្លៃ ២.២៩៩ Rupee ប្រហែលនឹង ៣៨ដុល្លារអាមេរិក។
ដោយសារតែមានតម្លៃទាបបែបនេះ គេជឿថា ចំនុចលេចធ្លោរបស់វា គឺមានតែ ប្រព័ន្ធប្រតិបត្តិ
Firefox ថ្មីថ្មោង និងអាចប្រើបានស៊ីម ២។ Fire One Mi-FX 1 ក៏មានកាមេរ៉ាចំនួន ២ គឺ 2MP
សម្រាប់កាមេរ៉ាក្រោយ និង 1,3MP សម្រាប់កាមេរ៉ាមុខ។ ស្មាតហ្វូននេះ ក៏បំពាក់ Wifi, Bluetooth
ចំណែកតំណភ្ជាប់ 3G ត្រូវបានជំនួសដោយ 2G/EDGE ។
ប្រូសេសឺររបស់ម៉ាស៊ីននេះ មានកម្រិត 1GHz (មិនស្គាល់ឈ្មោះ) អេក្រង់ 3,5 inch រីសូលូសឹន
HVGA 480x320 ។ One Mi-FX1 ក៏ត្រូវបានបំពាក់ជាស្រេច នូវបណ្ដាញសង្គម Facebook និង
Twitter ហើយអ្នកក៏អាចបញ្ជាក់ទិញផលិតផលនេះ តាមរយៈទំព័រ Snapdeal.com ។
ទោះយ៉ាងនេះក្ដី One Mi-FX1 ប្រហែលជាមិនអាចគ្រប់គ្រងតំណែងស្មាតហ្វូនដែលមានតម្លៃ
ទាបបំផុតក្នុងលោក បានយូរនោះទេ។ ដៃគូជំនួញមួយផ្សេងទៀតរបស់ Mozilla នៅ ឥណ្ឌា គឺ
Intex នៅពេលដ៏ខ្លីខាងមុខ នឹងឧទ្ទេសនាមនូវ​ស្មាតហ្វូនចំនួន ២កំណែ ដែលដំណើរការដោយ
ប្រព័ន្ធ Firefox OS ហើយវានឹងត្រូវបានដាក់លក់ក្នុងតម្លៃ ៣៣ដុល្លារ និង ២៥ដុល្លារអាមេរិក គឺ
ប្រហាក់​ប្រហែលនឹងតម្លៃរបស់ទូរស័ព្ទបែបបុរាណ (feature phones) Nokia 130 ៕

ប្រែសម្រួលដោយ ៖ តារា
ប្រភព ៖ fonearena/youtube/tech

កាល​ពី​ប៉ុន្មាន​ថ្ងៃ​មុន​ domneng7 បាន​បង្ហាញ​ពី​រូបរាង​មិន​ច្បាស់​ការ​របស់​ Samsung Galaxy Mega 2 ដល់​អ្នក​ទាំង​អស់​គ្នា។ ឥឡូវ​នេះ​​ Smartphone ​ស៊េរី​នេះ​បាន​ចាប់​ផ្ដើម​ដាក់​លក់​ជា​ផ្លូវ​ការ​​នៅ​ប្រទេស​ម៉ាឡេស៊ី​ហើយ​ ដោយ​បាន​បង្ហាញ​ទាំង​ ​តម្លៃ​និង​ជម្រើស​ពណ៌​​សម្រាប់​ការ​ពេញ​ចិត្ត​របស់​អតិថិជន។

សង្ឃឹមថា ស្មាតហ្វូន ដែលមានតម្លៃទាប អេក្រង់ 5-inch របស់ Panasonic នឹងមកដល់ទីផ្សារ
កម្ពុជា ក្នុងពេលឆាប់ៗខាងមុខ។
ថ្មីៗនេះ ក្រុមហ៊ុន Panasonic បានបញ្ចេញស្មាតហ្វូនតម្លៃទាប Eluga A នៅក្នុងទីផ្សារឥណ្ឌា
ដោយដាក់លក់ក្នុងតម្លៃ ១១៥ដុល្លារ/គ្រឿង។ ស្មាតហ្វូន Eluga A នេះ បំពាក់អេក្រង់ IPS 5 inch
ដែលមានរីសូលូសឹន 480x854 pixel រួមនឹង ឈីប Qualcomm Snapdragon 200 4-core Cortex
A7 1,2 GHz, GPU Adreno 302 និង RAM 1 GB។
ស្មាតហ្វូន Eluga A នេះ មានអង្គចងចាំក្នុង 4 GB អាចបន្ថែមតាមរយៈរន្ធ microSD ។ ចំណែក
កាមេរ៉ាក្រោយរបស់វា មានកម្រិត 8 megapixel និងកាមេរ៉ាមុខ 1,3 megapixel មានភ្លើង flash
LED ។
ទូរស័ព្ទឆ្លាតវៃតម្លៃទាបនេះ ក៏ប្រើប្រាស់ស៊ីម ២ រួមនឹងថ្មដែលមានថាមពល 2.000 mAh ។
ប៉ុន្ដែ Eluga A ដំណើរការដោយប្រព័ន្ធប្រតិបត្តិ Android 4.3 ជំនួស Android 4.4 ។ ស្មាតហ្វូន
Eluga A មាន​កម្រាស់​ ៩,២មម , មាន​ 3G HSPA+, WiFi 802.11 b/g/n, Bluetooth 3.0, GPS
និង​វិទ្យា​។ល។ Panasonic Eluga A មាន​ ២​ពណ៌​សម្រាប់​ជ្រើស​រើស គឺពណ៌​ខ្មៅ និង​ពណ៌​.ស។
បច្ចុប្បន្ន គេនៅមិនទាន់បានដឹងប្រាកដថា តើ Panasonic នឹងមានគម្រោងចែកចាយស្មាតហ្វូន
នេះ ទៅកាន់ទីផ្សារដទៃ ក្រៅពីឥណ្ឌា ដែរឬយ៉ាងណានោះទេ។

ប្រែសម្រួលដោយ ៖ តារា
ប្រភព ៖ Fonearena/GsmArena

តាមគម្រោង Galaxy Alpha នឹងមានវត្តមានក្នុងទីផ្សារ ចាប់ពីខែកញ្ញា ឆ្នាំ ២០១៤ មានច្រើន
ពណ៌ និងរូបរាងស្ដើង សម្បកលោហធាតុ តម្លៃ ជិត ៧០០ ដុល្លារអាមេរិក។
ក្រោយការរង់ចាំជាច្រើនខែថ្ងៃ ចុងក្រោយ  Samsung   ក៏បានឧទ្ទេសនាមស្មាតហ្វូន Galaxy
Alpha ជាផ្លូវការ។  នេះគឺជាទូរស័ព្ទសំខាន់ នាពេលបច្ចុប្បន្ន   ទាក់ទិននឹងរចនាបទរូបរាងនៃ
ផលិតផលរបស់ Samsung ដោយមានគែមជុំវិញធ្វើអំពីលោហធាតុដ៏ស្រស់ស្អាត រួមនឹងជ្រុង
ទាំង ៤ ដែលមានលក្ខណៈប៉ោងលេចធ្លោ។
ភ្ជាប់ជាមួយនឹងគែម គឺផ្នែកសម្បកខាងខ្នង “រន្ធចុចៗ” យកលំនាំតាម Galaxy Tab S/Galaxy
S5 ។ ប្រភពព័ត៌មាន ឱ្យដឹងថា ស្មាតហ្វូនថ្មីរបស់ Samsung នេះ មានកម្រាស់ត្រឹមតែ ៦,៧មម
ប៉ុណ្ណោះ។
តាមគម្រោង Galaxy Alpha នឹងមានវត្តមានក្នុងទីផ្សារ ចាប់ពីខែកញ្ញា ឆ្នាំ ២០១៤ ជាមួយនឹង
៤ពណ៌សម្រាប់ជ្រើសរើស គឺ ពណ៌ខ្មៅ ពណ៌.ស ពណ៌ទឹកសមុទ្រ និងពណ៌មាស។ Samsung
Galaxy Alpha នឹងមានតម្លៃប្រហែល ៦៨៩ ដុល្លារ ក្នុងមួយគ្រឿង។

ប្រែសម្រួលដោយ ៖ តារា
ប្រភព ៖ phonearena

ស្មាតហ្វូន Lenovo Vibe Z2 Pro ត្រូវបានបំពាក់អេក្រង់ថាច់ស្គ្រីន ឡើងដល់ទៅ 6 inch និងមាន
រីសូលូសឹន លំដាប់ QHD ស្ដង់ដា 2K (2560x1440 pixel)។ ទូរ​ស័ព្ទ Lenovo Vibe Z2 Pro អាច
ជា phablet កំពូលរបស់ក្រុមហ៊ុន Lenovo ក្នុងឆ្នាំ ២០១៤។
Phablet Lenovo Vibe Z2 Pro នេះ បំពាក់ ឈីប Qualcomm Snapdragon 801 ជាមួយនឹង CPU
2.5GHz quad-core Krait 400 ។ Phablet នេះ មាន RAM 3 GB, កាមេរ៉ាក្រោយ 16 MP ប្រើ
ប្រាស់ប្រព័ន្ធសេនសឺរ BSI ដោយមានមុខងារ OIS អនុញ្ញាតឱ្យថតសកម្មភាព ក្នុងកម្រិតរីសូលូ
សឹន 4K ។
ថាមពលថ្ម របស់ Lenovo Vibe Z2 Pro មានកម្រិត 4.000 mAh និងមានបំពាក់មុខងារបញ្ចូល
ថាមពលលឿន។ Vibe Z2 Pro ប្រើបានស៊ីម ២ និងតំណភ្ជាប់ 4G LTE ។ ចំនុចពិសេសរបស់
ស្មាតហ្វូននេះ គឺ គែមជុំវិញ និងសម្បកខាងខ្នង ត្រូវបានរចនាឡើងដោយប្រើលោហធាតុ។
Lenovo Vibe Z2 Pro ដែលមានកម្រាស់ត្រឹមតែ 7,7 mm នេះ នឹងត្រូវបានដាក់លក់ជាផ្លូវការ ក្នុង
ខែកញ្ញា គឺប្រហាក់ប្រហែលនឹងការបង្ហាញខ្លួនរបស់ iPhone ជំនាន់ថ្មីរបស់ Apple ។ បច្ចុប្បន្ន
Lenovo Vibe Z2 Pro មាន ៣ពណ៌សម្រាប់ជ្រើសរើស គឺពណ៌ទឹក​មាស ខ្មៅ និងពណ៌​ប្រាក់​ប្រផេះ។
រីឯតម្លៃរបស់ស្មាតហ្វូននេះ មិនទាន់ត្រូវបានគេបង្ហើបឱ្យដឹងនៅឡើយ។

ប្រែសម្រួលដោយ ៖ តារា
ប្រភព ៖ gsmarena