កាល​ពី​ម្សិល​មិញ​ក្រុមហ៊ុន​​កុំព្យូទ័រ​ចិន​ Lenovo បាន​បើក​កកាយ​វត្តមាន​ Tablet កូនកាត់​(Tablet+Desktop+Laptop) ពីរ​ម៉ូដែល​​របស់​ខ្លួន​ឲ្យ​សាធារណជន​បាន​ឃើញ។

Tablet កូន​កាត់​ទាំង​ពីរ​ម៉ូដែល​នោះ​មាន​ឈ្មោះ Lenovo Horizon 2e និង Horizon 2S​ ដែល​ទាំង​ពីរ​គ្រឿង​នេះ​មាន​អេក្រង់​ធំ (២១,៥អ៊ីញ​ និង​១៩,៥អ៊ីញ​)។ Tablet (3in1)ទាំង​ពីរ​ត្រូវ​បាន​ផលិត​ឡើង​ដែល​អាច​ឲ្យ​អ្នក​ប្រើ​ប្រាស់​ប្រើ​វា​ជា​ Tablet, Desktop និង​ជា Laptop ក៏​បាន។ លើស​ពី​នេះ​Lenovo ក៏​បាន​ផលិត​ឧបករណ៍​មួយ​មាន​ឈ្មោះ​ថា​ e-dice (កូន​ឡុកឡាក់​អេឡិចត្រូនិក) ដើម្បី​ផ្ដល់​ភាព​ងាយ​ស្រួល​ដល់​អ្នក​ប្រើប្រាស់​ក្នុង​ការ​លេង​ហ្គេម​នៅ​ពេល ​Tablet ទាំង​ពីរ​ត្រូវ​បាន​ដាក់​ផ្ដេក។

​​លក្ខណៈ​ពិសេស​របស់​ Lenovo 2e៖

អេក្រង់​ទំហំ ២១,៥អ៊ីញ,​ មាន​កម្រាស់​ ២៧ម.ម និង​ទម្ងន់ ៤គីឡូក្រាម
Processor បំពាក់​ដោយ Intel Haswell និង​​Graphics ប្រភេទ NVIDIA GT 820A
Memory ទំហំ 1TB, RAM 8GB
មាន​រន្ធ​ដោត​ USB 3.0 ចំនួន​ពីរ​
មាន​ប្រព័ន្ធ​​Bluetooth, Wireless និង​ NFC។ ម៉ូដែល​មួយ​នេះ​មាន​តម្លៃ ៧៤៩ដុល្លារ​អាច​រក​ទិញ​បាន​នៅ​ក្នុង​ខែ​នេះ។

វីដេអូ៖

លក្ខណៈ​ពិសេស​របស់​ Lenovo 2 S៖

អេក្រង់​ទំហំ ១៩,៥អ៊ីញ,​ មាន​កម្រាស់​ ០,៥៩ម.ម និង​ទម្ងន់ ២គីឡូក្រាម
Processorបំពាក់​ដោយIntel Haswell
Memory ទំហំ 500GB, RAM 8GB
មាន​រន្ធ​ដោត​ USB 3.0 ចំនួន​ពីរ​
មាន​ប្រព័ន្ធ​​Bluetooth, Wireless និង​ NFC។​ ម៉ូដែល​មួយ​នេះ​មាន​ទំហំ​តូច​ជាងLenovo 2e តែ​មាន​តម្លៃ​ថ្លៃ​ជាង​គឺ៩៤៩ដុល្លារ​ដែល​អាច​រក​ទិញ​បាន​​នៅ​ខែ​ក្រោយ​។

វីដេអូ៖

ម៉េច​ដែរ​មាន​ប្រិយមិត្ត​ណា​ចង់​បាន​Tablet (3in1) នេះ​មក​ប្រើ​អត់?

ប្រែ​សម្រួល៖ ប៉ែត​ ផាន់និត
ប្រភព៖ liliputing