ដំណឹងប្រាំពីរ: rumors

rumors

Showing posts with label rumors. Show all posts

C-Tech គេហទំព័រដែលធ្លាប់បង្ហោះ នូវព័ត៌មានចចាមអារាមមួយចំនួន ស្តីពី Apple ពេលនេះ បាន បង្ហោះនូវរូបភាពថត ២សន្លឹកនៃសំបកក្រោយ ធ្វើពីលោហធាតុ ដែលត្រូវបានគេចាត់ទុកថាវាជា របស់ iPhone 6។

បើយោងតាមរូបភាពខាងលើនេះ ស្មាតហ្វូននឹងពិតជាស្តើង ហើយមានខ្នាតទំហំធំជាងមុន គួរឲ្យ កត់សំគាល់បើប្រៀបជាមួយនឹង iPhone 5S សព្វថ្ងៃនេះ។ បើគួបផ្សំជាមួយនឹងព័ត៌មានចចាម អារាមមុនៗ iPhone ជំនាន់ថ្មីនឹងមានកម្រាស់ប្រហែល 6mm និងមានអេក្រង់ទំហំចាប់ពី 4,7" ដល់ 5"។

គំរូ iPhone 5S របស់ Apple ដែលកំពុងត្រូវបានដាក់លក់នៅលើទីផ្សារបច្ចុប្បន្ននេះ មានកម្រាស់ 7,9mm និងមានអេក្រង់ទំហំ 4"។ ជាក់ស្តែង គេមិនអាចកំណត់បញ្ជាក់បានថា នេះពិតជាផ្នែកមួយ (សំបកក្រោយ) របស់ iPhone 6 (ឬ iPhone 'Air') ទាំងស្រុងនោះទេ។ ដូច្នេះយើងមានតែរង់ចាំ មើលនៅថ្ងៃក្រោយ បន្តទៀត ថាវាយ៉ាងណាប៉ុណ្ណោះ៕

ប្រែសម្រួល៖ សិលា
ប្រភព៖ tinhte

អ្នកសារព័ត៌មាន Ian Sherr, Eva Dou និង Lorraine Luk របស់ The Wall Street Journal បាននិយាយថា ក្រុមហ៊ុន Apple កំពុងតែសាកល្បង ទៅលើ iPhone អេក្រង់ធំ។

យោងតាម សារព័ត៌មាន Business Insider បានបញ្ជាក់ថា នៅពេលនេះ ក្រុមហ៊ុន Apple កំពុងតែសាកល្បង លើការប្រើ iPhone អេក្រង់ធំ ដែលមានទំហំ នៅចន្លោះពី ៤.៨អ៊ីង ដល់៦អ៊ីង ប៉ុន្តែបើតាមការ ចាប់អារម្មណ៍ iPhone អេក្រង់ ៤.៨អ៊ីងមានការ ពេញចិត្តច្រើន។

ប្រភពដដែល បានបន្តទៀតថា iPhone អេក្រង់ធំនេះ មិនត្រូវបានបង្ហាញ នៅក្នុងឆ្នាំនេះឡើយ អាចនឹងបង្ហាញខ្លួន នៅឆ្នាំក្រោយ ហើយសម្រាប់ឆ្នាំនេះ Apple គឺបង្ហាញ iPhone អេក្រង់ដូចធម្មតា។ បច្ចុប្បន្នមានតែក្រុមហ៊ុន Apple ប៉ុណ្ណោះ ដែលនៅរក្សាទំហំអេក្រង់ របស់ស្មាតហ្វូន នៅក្រោម ៤អ៊ីង ចំណែកក្រៅពីនេះ គឺក្រុមហ៊ុនផ្សេង មានដល់ ៤.៥ ឬ៤.៨អ៊ីង។

គួរបញ្ជាក់ផងដែរថា នៅថ្ងៃទី១០ខែកញ្ញា សប្ដាហ៍ក្រោយនេះ ក្រុមហ៊ុន Apple នឹងរៀបចំព្រឹត្តិការណ៍ ពិសេសអស្ចារ្យមួយ ដើម្បីបង្ហាញ iPhone ជំនាន់ថ្មី ហើយព្រឹត្តិការណ៍ ដូចគ្នានេះ នឹងធ្វើនៅក្នុងប្រទេស ៣ផ្សេងទៀតគឺ មាន ចិន ជប៉ុន និងអាល្លឺម៉ង់៕

_________________________
ផ្តល់សិទ្ធិដោយ៖ Lookingtoday.com

កាលពីខែមុនយើងធ្លាប់ទទួលនូវព័ត៌មានថា ក្រុមហ៊ុន Samsung កំពុងត្រៀមខ្លួនដើម្បីបញ្ចេញនូវទូរស័ព្ទបត់ឡើងវិញ ដែលទូរស័ព្ទនោះមានឈ្មោះថា Galaxy Folder និងដំណើរការដោយប្រព័ន្ធប្រតិបត្តិការ Android ។ យ៉ាងណាមិញពេលនេះយើងទើបទទួលបាននូវរូបភាពថ្មីដែលបញ្ជាក់ពីរូបរាងនៃ និងជាគំរូដំបូងរបស់ទូរស័ព្ទ Galaxy Folder ។

ទូរស័ព្ទបត់ ដែលមានឈ្មោះថា Galaxy Folder (SHV-E400K) របស់ក្រុមហ៊ុន Samsung ត្រូវបានគេរាយការណ៍ថា មានអេក្រង់ទាំងមុខ និង ក្រោយ នឹងអាចមានទំហំ 3.7-inch AMOLED diplsay ជាមួយនឹងកម្រិតភាពច្បាស់ 800×480 pixels នេះបើយោងតាមប្រភព របស់ប្រទេសជប៉ុនមួយឈ្មោះ RBMen ។ ក្រៅពីនេះទូរស័ព្ទទំនើប Galaxy Folder នឹងត្រូវបំពាក់ដោយ CPU Snapdragon 400 dual-core chip, RAM 2GB និងមានបញ្ចូលនូវ LTE ផងដែរ ។

សូមបញ្ជាក់ថា មិនមានព័ត៌មានលំអិតពីទូរស័ព្ទនេះនៅឡើយទេ ។ យ៉ាងណាមិញជាមួយនឹងអេក្រង់ពីរ មុខ ក្រោយ និងថែមជាទូរស័ព្ទបត់ដែលមាន key សម្រាប់ចុចថែមទៀតនោះ តើ Galaxy Folder នឹងអាចក្លាយជាចំណាប់អារម្មណ៍ថ្មីទេ ចំពោះទីផ្សារទូរស័ព្ទទំនើបបច្ចុប្បន្ន ? ៕

កាលពីដើមសប្ដាហ៍នេះមានប្រភពមួយបានអះអាងថាទូរស័ព្ទទំនើបតម្លៃទាបរបស់ក្រុមហ៊ុន Apple ដែលស្ថិតក្នុងខ្សែស្រឡាយ iPhone មានឈ្មោះជាផ្លូវការថា iPhone 5C ដោយឡែកសម្រាប់ថ្ងៃនេះបើយោងតាមប្រភពពីគេហទំព័រចិន IT168 បានឲ្យដឹងថា iPhone 5C អាចនឹងត្រូវបំពាក់ដោយកាមេរ៉ាទំហំ 8 MP ដូចជា iPhone 5 ដែរ ។

គេហទំព័រដដែលនេះក៏បានបង្ហាញពីរូបភាពកាមេរ៉ាមួយដែរដែលមើលទៅស្រដៀងនឹងកាមេរ៉ាដែលត្រូវបានបំពាក់លើ iPhone 5 ហើយប្រភពដដែលថែមទាំងមានជំនឿថា iPhone 5C នឹងត្រូវបំពាក់នូវផ្នែកមួយចំនួនទៀតស្រដៀងនឹង iPhone 5 ប៉ុន្តែអ្វីដែលខុសគ្នាដាច់នោះគឺ iPhone 5C មានតួធ្វើពីធាតុផ្សំដោយកាបោន និងមានច្រើនពណ៌ ។

អ្នកវិភាគមួយចំនួនបានរំពឹងថាក្រុមហ៊ុន Apple នឹងបញ្ចេញទូរស័ព្ទ iPhone 5C នៅក្នុងខែកញ្ញាខាងមុខនេះ ដោយលក់ក្នុងតម្លៃប្រហែល $450 ទៅ $550 បើយោងតាមតម្លៃដែលបង្ហាញនេះ iPhone 5C មិនមែនមានតម្លៃទាបទេគឺគ្រាន់តែធូរថ្លៃជាងរៀមច្បងមុនៗប៉ុណ្ណោះ ។ សូមបញ្ជាក់ថាទាំងនេះគឺជាព័ត៌មានដែលទទួលបានពីប្រភពចចាមអារ៉ាមនៅឡើយទេ ព្រោះថាមកទល់ពេលនេះក្រុមហ៊ុន Apple មិនទាន់បានបញ្ជាក់ពីកាលបរិច្ឆេទចេញ iPhone 5C និង iPhone 5S ដែលប្រិយមិត្តកំពុងតែរង់ចាំនោះ ៕

សូមទស្សនាវីឌីអូខាងក្រោម៖

ប្រភព

បើទោះបីជាទូរស័ព្ទទំនើបចម្បង (Flagship smartphone) ជំនាន់ថ្មីរបស់ក្រុមហ៊ុន LG មិនទាន់ត្រូវបានប្រកាសចេញជាផ្លូវការក៏ដោយ ក៏រូបភាពនិងលក្ខណសម្បត្តិបច្ចេកទេសរបស់វាត្រូវបានបង្ហាញរួចហើយកាលពីជាងមួយសប្ដាហ៍មុននេះ ។ បើយោងតាមប្រភពព័ត៌មានដែលចេញនាពេលកន្លងមកសុទ្ធតែបានគិតថាទូរស័ព្ទទំនើបមួយនេះស្ថិតក្នុងស្រឡាយ LG Optimus ដោយគិតថាវាជាជំនាន់ទីពីររបស់ Optimus G គឺ Optimus G2 ប៉ុន្តែអ្វីដែលខុសប្លែកនោះពេលនេះក្រុមហ៊ុន LG បានបញ្ជាក់ហើយថាទូរស័ព្ទទំនើបមួយនេះមានឈ្មោះថា LG G2 ដូច្នេះវាមិនស្ថិតក្នុងស្រឡាយ LG Optimus នោះទេ ។ ក្រុមហ៊ុន LG ក៏រំពឹងដែរថានឹងលក់ទូរស័ព្ទ LG G2 ឲ្យចំនួន ១០លានគ្រឿង ។ លក្ខណសម្បត្តិបច្ចេកទេសមួយចំនួនរបស់ Optimus G2 រួមមានដូចខាងក្រោម៖

អេក្រង់ទំហំ 5.2-inch
កម្រិតភាពច្បាស់ 1,080p(Full HD)
CPU 2.3GHz ( Snapdragon 800)
RAM 2 GB
កាមេរ៉ាទំហំ 13 MP
ដំណើរការដោយប្រព័ន្ធប្រតិបត្តិការ Android 4.2.2 Jelly Bean

សម្រាប់លក្ខណសម្បត្តិបច្ចេកទេសលម្អិតជាងនេះទៀតរបស់ទូរស័ព្ទទំនើប LG G2 សូមប្រិយមិត្តរង់ចាំតាមដានជាមួយពពក ។ ព័ត៌មានលម្អិតទាក់ទងនឹងលក្ខណសម្បត្តិបច្ចេកទេសទាំងនោះនឹងត្រូវបង្ហាញបន្ទាប់ពីក្រុមហ៊ុនប្រកាសចេញជាផ្លូវការនូវទូរស័ព្ទទំនើប G2 នាថ្ងៃទី០៧ ខែសីហា ខាងមុខនេះ ៕

សូមទស្សនាវីឌីអូខាងក្រោម៖

ទូរស័ព្ទទំនើបដំណើរការដោយ Windows Phone ជំនាន់ក្រោយដែលជាស្រឡាយទូរស័ព្ទ Nokia នឹងត្រូវបំពាក់ដោយអេក្រង់ធំជាងស៊េរី Lumia បច្ចុប្បន្ន ។ ទូរស័ព្ទស៊េរី Lumia របស់ក្រុមហ៊ុន Nokia មិនទាន់ត្រូវបានបំពាក់ដោយអេក្រង់ធំនៅឡើយទេ ហើយអេក្រង់ដែលធំបង្អស់របស់ស៊េរីទូរស័ព្ទនេះ គឺមានទំហំត្រឹមតែ 4.5-inch ប៉ុណ្ណោះ សូម្បីតែទូរស័ព្ទ Lumia 1020 ដែលទើបប្រកាសចេញកាលពីថ្មីៗនេះក៏ត្រូវបានបំពាក់ដោយអេក្រង់ទំហំ 4.5-inch ផងដែរ ។

Lumia 625 ត្រូវបានគេរាយការណ៍ថា ជាទូរស័ព្ទទំនើបរបស់ក្រុមហ៊ុន Nokia ដែលដំណើរការដោយ Windows Phone និងមានបំពាក់ដោយអេក្រង់ទំហំ 4.7-inch ។ បើតាមប្រភព Cnet បានឲ្យដឹងថា ទូរស័ព្ទ Lumia 625 ត្រូវបានឆ្លងផុតពីគណៈកម្មការ FCC រួចហើយកាលពីខែមុន ។ ដោយឡែកគេរំពឹងថា ទូរស័ព្ទនេះនឹងត្រូវប្រកាសចេញនៅក្នុងប្រទេសចិននា ចុងខែនេះហើយ ជាមួយតម្លៃប្រហែល 1,999 yuans ឬ ប្រហែល $325 ។

លក្ខណសម្បត្តិរបស់ Lumia 625 ៖

អេក្រង់ទំហំ 4.7-inch SuperSensitive LCD
កម្រិតភាពច្បាស់ 800×480 pixels
កាមេរ៉ា 5MP
CPU dual-core 1.2GHz Snapdragon S4
RAM 512MB
បំពាក់ 3G, 4G LET

សូមបញ្ជាក់ថា កាលពីខែឧសភា យើងក៏ធ្លាប់ទទួលបាននូវពាក្យចចាមអារ៉ាមពីទូរស័ព្ទ Lumia 625 នេះផងដែរ ដែលកាលនោះទូរស័ព្ទនេះ ត្រូវបានពាក្យចចាមអារ៉ាមនិយាយថា Nokia Max 4.7-inch ជាទូរស័ព្ទ LTE មានតម្លៃទាប ។ យ៉ាងណាមិញជាមួយនឹងអេក្រង់ដែលមានទំហំធំជាងមុន តើក្រុមហ៊ុនពិតជាចេញលក់នៅក្នុងតម្លៃដូចមានបញ្ជាក់ខាងលើ ឬទេ ? ស្របដែលទូរស័ព្ទនេះត្រូវបានគេរាយការណ៍ថា មានបំពាក់កាមេរ៉ាទំហំត្រឹមតែ 5MP និង មាន RAM 512 ៕

Sony Xperia i1 ដែលមានឈ្មោះកូដថា “Honami” ត្រូវបានពាក្យចចាមអារ៉ាមកាលពីពេលមុននិយាយថា នឹងត្រូវប្រកាសចេញនាថ្ងៃទី៤ កក្កដា នៅទីក្រុងបារី ប្រទេសបារាំង ប៉ុន្តែរហូតមកដល់ពេលនេះទូរស័ព្ទនេះមិនទាន់ត្រូវបានប្រកាសចេញនៅឡើយទេ ។ យ៉ាងណាមិញសម្រាប់លក្ខណសម្បត្តិលំអិតរបស់ទូរស័ព្ទទំនើប Sony Xperia i1 ក៏គេទើបតែទទួលបាននូវក្នុងពេលនេះផងដែលតាមរយៈប្រភព ePrice ។

អស់រយៈម្ដងហើយ ម្ដងទៀត ជាពិសេសកាលពីខែមិថុនា និងដើម ខែកក្កដា នេះយើងបានទទួលនូវព័ត៌មានជាច្រើនទាក់ទងទៅនឹងទូរស័ព្ទ Sony Xperia i1 ប៉ុន្តែព័ត៌មានទាំងនោះមិនមានការបញ្ជាក់លំអិតពីលក្ខណសម្បត្តិរបស់ទូរស័ព្ទនេះទេ ។ ដោយឡែកពេលនេះប្រភពគេហទំព័រព័ត៌មាន ePrice របស់ តៃវ៉ាន ទើបតែបានចេញនូវរបាយការណ៍ថ្មីពីលក្ខណសម្បត្តិដែលអាចនឹងត្រូវបំពាក់នៅលើទូរស័ព្ទ Sony Xperia i1 ។

យោងតាម ePrice ទូរស័ព្ទ Sony Xpeira i1 នឹងមានលក្ខណសម្បត្តិ៖

អេក្រង់ 5-inch
កម្រិតភាពច្បាស់ Full HD (1080p)
កាមេរ៉ាថតរូប 20.7MP និង 2MP សម្រាប់ Webcam
CPU 2.2GHz Qualcomm Snapdragon 800
RAM 2GB
បំពាក់ដោយ NFC
អង្គផ្ទុកទិន្នន័យជាប់ម៉ាស៊ីន 16GB មានបន្ថែម microSD card
ថាមពលថ្ម 3000 mAh

សូមបញ្ជាក់ថា Sony Xperia i1 ត្រូវបានគេរាយការណ៍ថា ជាទូរស័ព្ទទំនើបដែលមានជំនាញខាងថតរូបរបស់ក្រុមហ៊ុន Sony ហើយទូរស័ព្ទនេះនឹងត្រូវជាគូប្រកួតជាមួយនឹងទូរស័ព្ទ Nokia Lumia 1020 និង Samsung Galaxy S4 Zoom នាពេលឆាប់ៗខាងមុខ ។ ដោយឡែកក្រៅពីព័ត៌មានខាងលើយើងនូវទទួលបាននូវព័ត៌មានមួយទៀតថា ទូរស័ព្ទទំនើប Sony Xperia i1 នឹងត្រូវប្រកាសចេញនា ខែកញ្ញា នៅក្នុងពិពណ៌ពាណិជ្ជកម្មគ្រឿងអេឡិចត្រូនិក IFA 2013 ក្នុងទីក្រុង បែកឡាំង ប្រទេសអាល្លឺម៉ង់ ៕

ក្រុមហ៊ុន Microsoft បានសំងំផលិត នាឡិកាឆ្លាតវៃ (Smartwatch) ជាងមួយឆ្នាំមកហើយ ប៉ុន្តែត្រូវបានពន្យារ ពេលក្នុងការបង្ហាញ ព្រោះថាត្រូវសាកល្បង លើបច្ចេកវិទ្យាមួយ ចំនួនទៀត ដើម្បីប្រើជាមួយ Surface tablet។

ប្រភពព័ត៌មាន Among Tech បានចុះផ្សាយថា តាមពិតទៅក្រុមហ៊ុន Microsoft បានលួចសំងំផលិត នាឡិកាឆ្លាតវៃ ជាងមួយឆ្នាំមកហើយ ដោយតាមគម្រោងត្រូវ បង្ហាញខ្លួននៅក្នុងឆ្នាំនេះ ប៉ុន្តែដោយសារតែមាន បញ្ហាមួយចំនួននៅ ពេលប្រើវាជាមួយនឹង Surface tablet ទើបត្រូវពន្យារពេល។

សារព័ត៌មាន The Verge បានចុះផ្សាយថា នាឡិកាឆ្លាតវៃរបស់ Microsoft នេះប្រើប្រាស់នូវ ប្រព័ន្ធដំណើរការ Windows 8 ដែលភ្ជាប់មក ជាមួយនូវមេម៉ូរ៉ីទំហំ 6GB មានកម្មវិធី SkyDrive និងអាចប្រើប្រព័ន្ធ LTE បាន៕

Galaxy Mega គឺជាទូរស័ព្ទទំនើបប្រភេទ Phablet របស់ក្រុមហ៊ុន Samsung ដែលបានប្រកាសចេញកាលពីខែមេសា ។ កាលនោះក្រុមហ៊ុនបានបញ្ចេញ Galaxy Mega ចំនួនពីរដែលមានអេក្រង់ទំហំ 5.8-inch និង 6.3-inch កាលនោះដែរគេសង្កេតឃើញថាក្រុមហ៊ុនមានផ្ដល់នូវ Galaxy Mega 5.8 ចំនួនពីរម៉ូដែលគឺ ស៊ីមមួយ (Single-SIM) និង ស៊ីមពីរ (Dual-SIM) ប៉ុន្តែចំពោះ Galaxy Mega 6.3 វិញគឺមានតែមួយម៉ូដែលទេគឹ ស៊ីមមួយ ដោយឡែកពេលនេះមានការលេចចេញនូវរូបភាពរបស់ Galaxy Mega 6.3 Duos (ស៊ីមពីរ) ។

លក្ខណសម្បត្តិបច្ចេកទេសរបស់ទូរស័ព្ទទំនើប Galaxy Mega 6.3 Duos រួមមានដូចខាងក្រោម៖

អេក្រង់ទំហំ 6.3-inch
បច្ចេកវិទ្យាអេក្រង់ LCD
កម្រិតភាពច្បាស់ 720p
CPU Dual-core 1.7GHz (Exynos)
RAM 1 GB
កាមេរ៉ាមុខទំហំ 2 MP និងកាមេរ៉ាក្រោយទំហំ 8 MP
ដំណើរការដោយប្រព័ន្ធប្រតិបត្តិការ Android 4.2.2 Jelly Bean

សូមបញ្ជាក់ថា ក្រៅពីសមត្ថភាពអាចប្រើស៊ីមពីរនោះ លក្ខណសម្បត្តិបច្ចេកទេសផ្សេងៗទៀតរបស់ Galaxy Mega 6.3 Duos គឺដូចគ្នាទៅនឹងម៉ូដែលស៊ីមមួយដែរ ។ មកទល់ពេលនេះគ្មានប្រភពណាអាចទទួលបានការបង្ហើបឲ្យដឹងពីក្រុមហ៊ុន Samsung ថានឹងប្រកាសចេញជាផ្លូវការនូវទូរស័ព្ទទំនើបមួយម៉ូដែលនេះនៅថ្ងៃណានោះទេ ។ ចំពោះព័ត៌មានបន្ថែមដែលទាក់ទងនឹង Galaxy Mega 6.3 Duos សូមប្រិយមិត្តរង់ចាំតាមដានជាមួយពពក ៕

កាលពីពេលថ្មីៗនេះយើងទើបតែទទួលបាននូវលក្ខណសម្បត្តិមួយចំនួនរបស់ទូរស័ព្ទទំនើប BlackBerry A10 ដោយឡែកថ្ងៃនេះគឺ ជាលើកដំបូងហើយដែលយើងទទួលបានរូបភាពរបស់ទូរស័ព្ទថ្មីនេះ ។ បើយោងទៅតាមប្រភព crackberry បានឲ្យដឹងថា រូបភាពនៃទូរស័ព្ទ BlackBerry A10 ដែលគេទទួលបាននៅក្នុងពេលនេះគឺ មានភ្ជាប់ជាមួយនឹងផ្ទៃ screen នៃទូរស័ព្ទដែលបញ្ជាក់ថា កំពុងដំណើរការដោយប្រព័ន្ធប្រតិបត្តិការ BlackBerry 10.2 ។

យ៉ាងណាមិញបើយោងទៅតាមព័ត៌មានកាលពីពេលមុន និងព័ត៌មានដែលយើងទទួលបានទទួលបាននៅក្នុងនេះ ទូរស័ព្ទទំនើប BlackBerry A10 នឹងត្រូវបំពាក់ដោយអេក្រង់ចន្លោះ 5-inch ដែលមានកម្រិតភាពច្បាស់ 1280 x 720 pixels ។

លក្ខណសម្បត្តិរបស់ BlackBerry A10 ៖

អេក្រង់ចន្លោះ 5-inch
កម្រិតភាពច្បាស់ 1280 x 720 pixels
កាមេរ៉ា 8MP
CPU 1.5GHz quad-core Krait processor
RAM 2GB

ក្នុងរយៈពេលថ្មីៗនេះមានព័ត៌មានមួយចំនួនបាននិយាយពីរូបរាងរបស់ទូរស័ព្ទទំនើបជំនាន់ថ្មីរបស់ក្រុមហ៊ុន Apple ដែលមានតម្លៃទាបជាង iPhones ផ្សេងៗដែលធ្លាប់ចេញនាពេលកន្លងមក ។ ទូរស័ព្ទទំនើបមួយនោះគឹ iPhone តម្លៃទាប បើយោងតាមប្រភពចចាមអារ៉ាមដែលបានចេញចាប់តាំងពីចុងឆ្នាំ២០១២ រហួតមកទល់បច្ចុប្បន្ននេះបានឲ្យដឹងថា Apple នឹងផ្ដល់នូវ iPhone តម្លៃទាបជាច្រើនពណ៌សម្រាប់ជ្រើសរើស ដោយប្រភពខ្លះថាអាចនឹងមានដល់ទៅ៦ពណ៌ ។

អ្វីដែលប្រិយមិត្តគួរចាប់អារម្មណ៍នោះគឺកាលពីខែមីនាដើមឆ្នាំនេះប្រភពមួយបានបង្ហាញពីគំរូ iPhones តម្លៃទាបដល់ទៅពីរម៉ូដែលគឺ iPhone តម្លៃទាបដែលមានអេក្រង់ទំហំ 4-inch និងមួយម៉ូដែលទៀតមានទំហំ 4.5-inch ។ សូមបញ្ជាក់ថាគំរូ iPhones ទម្លៃទាបទាំងពីរម៉ូដែលនោះត្រូវបានរចនានិងបង្កើតឡើងដោយ លោក Martin Hajek ដែលជាអ្នកជំនាញខាងរចនាផលិតផលគំរូ ។ សម្រាប់ពេលនេះយើងខ្ញុំសូមបង្ហាញជូនប្រិយមិត្តនូវគំរូ iPhone តម្លៃទាបដែលផលិតដោយ លោក Martin Hajek ដដែល ប៉ុន្តែមានបង្ហាញ Menu screen ជាមួយ iOS 7 និង មានចំនួន ៥ពណ៌ ។

កាលដើមសប្ដាហ៍ទី១នៃខែកក្កដានេះប្រភពពីគេហទំព័រ MacRumors បានបង្ហាញនូវគំរូទូរស័ព្ទ iPhone តម្លៃទាបដែលមើលទៅគួរឲ្យចាប់អារម្មណ៍ ហើយគំរូ iPhone តម្លៃទាបនោះត្រូវបានរចនាឡើងដោយក្រុមហ៊ុន Ciccarese Design ។ បើផ្អែកតាមប្រភពពី Mashable នៅពេលនេះគេឃើញថាគំរូ iPhone តម្លៃទាបដែលរចនានិងបង្កើតឡើងដោយ លោក Martin Hajek ពិតជាមានរូបរាងគួរឲ្យចាប់អារម្មណ៍ខ្លាំងណាស់ ប៉ុន្តែទោះជាយ៉ាងណាទាំងនេះគ្រាន់តែជារូបគំរូតែប៉ុណ្ណោះ ចំពោះរូបរាងពិតរបស់ iPhone តម្លៃទាបយ៉ាងណានោះសូមប្រិយមិត្តរង់ចាំការបង្ហាញដោយផ្ទាល់ពីក្រុមហ៊ុន Apple ៕

រូបគំរូផលិតដោយ Ciccarese Design

រូបភាពគំរូ iPhone តម្លៃរបស់ លោក Martin Hajek

តើប្រិយមិត្តពេញចិត្តនិងចង់ឲ្យ iPhone តម្លៃទាបមានរូបរាងដូចរូបគំរូរបស់ លោក Martin Hajek ឬ ដូចរូបដែលរចនាដោយ Ciccarese Design ? សូមបញ្ចេញមតិក្នុងប្រអប់ខាងក្រោម៖

បន្ទាប់ពីចេញលក់នូវផលិតផលស្រឡាយ Nexus ដូចជា Galaxy Nexus និង Nexus 4 ជាដើម ពេលនេះទូរស័ព្ទចំនួនពីរម៉ូដែលថ្មីដែលមានប្រព័ន្ធប្រតិបត្តិការដូចគ្នាទៅនឹងម៉ូដែល Nexus របស់ក្រុមហ៊ុន Google ត្រូវបានចេញលក់នៅលើទីផ្សារហើយ ដែលទូរស័ព្ទទាំងពីរម៉ូដែលនោះគឺ Galaxy S4 និង HTC One ។

Galaxy S4 Google Play Edition ត្រូវបានបំពាក់ដោយ ៖

អេក្រង់ 5-inch Full HD Super AMOLED display
កាមេរ៉ា 13MP
CPU Qualcomm Snapdragon 600 quadcore 1.9GHz
RAM 2GB
អង្គផ្ទុកទិន្នន័យជាប់ម៉ាស៊ីន 16GB មានបន្ថែម microSD card
LTE, Wifi, Bluetooth 4.0, NFC
GPS/A-GPS
ថាមពលថ្ម 2,600 mAh
ដំណើរការដោយ Android 4.2.2 Jelly Bean

HTC One Google Play Edition ត្រូវបានបំពាក់ដោយ ៖

4.7-inch
កាមេរ៉ា 4 MP UltraPixel
CPU Qualcomm Snapdragon 600 quadcore 1.7GHz
RAM 2GB
អង្គផ្ទុកទិន្នន័យជាប់ម៉ាស៊ីន 32GB គ្មាន microSD card
LTE, Wifi, Bluetooth 4.0, NFC
GPS/A-GPS
ថាមពលថ្ម 2,300mAh
ដំណើរការដោយ Android 4.2.2 Jelly Bean

ទស្សនាវីឌីអូពីភាពប្លែកគ្នារវាងម៉ូដែលធម្មតា និង Google Play Edition ៖

សូមបញ្ជាក់ថា សម្រាប់ម៉ូដែល Google Play Edition ទាំងពីរគឺ Galaxy S4 និង HTC One មិនត្រូវបានផ្លាស់ប្ដូរនូវលក្ខណសម្បត្តិដើមនៃទូរស័ព្ទនេះទេ ពោលគឺគ្រាន់តែធ្វើការបញ្ចូលនូវប្រព័ន្ធប្រតិបត្តិការដែលមានលក្ខណៈស្តង់ដារនៃស្រឡាយទូរស័ព្ទ Nexus ប៉ុណ្ណោះ ។ យ៉ាងណាមិញចំពោះតម្លៃរបស់ HTC One គឺប្រហែល t $599 និង Galaxy S 4 តម្លៃប្រហែល $649 ដែលទាំងនេះគឺជាតម្លៃដែលមាននៅក្នុង Play Store របស់ Google ។

ទស្សនាប្រព័ន្ធដំណើរការរបស់ទូរស័ព្ទ Google Play Edition ទាំងពីរម៉ូដែល ៖

e on facebookShare on gmailShare on twitterShare on google_plusone_sha

យោងតាមសារព័ត៌មាន China Business News បានឲ្យដឹងថា ក្រុមហ៊ុន Foxconn ដែលជាអ្នកផ្គត់ផ្គង់ធំបំផុតឲ្យ Apple បានជ្រើសរើសបុគ្គលិក ជាច្រើននាក់ សម្រាប់ផលិតនូវ iPhone ជំនាន់ថ្មីឲ្យ Apple។ សេចក្ដីរាយការណ៍ថ្មី ចុងក្រោយបានឲ្យដឹងថា ក្រុមហ៊ុន Foxconn បានចាប់ផ្ដើមផលិតនូវ iPhone ជំនាន់ថ្មីរបស់ក្រុមហ៊ុន Apple។

គួរបញ្ជាក់ផងដែរថា ប្រភពដដែលបាន និយាយថា ក្រុមហ៊ុន Foxconn បានចាប់ផ្ដើមផលិត iPhone ជំនាន់ថ្មី ប៉ុន្តែដោយសារតែ មានតម្រូវការខ្ពស់ និងប្រហែលជា Apple ត្រូវបានប្រញាប់ ផងនោះទេ ទើប Foxconn បានសម្រេចចិត្តជ្រើសរើស បុគ្គលិកបន្ថែមប្រហែលជា ២១០.០០០នាក់ដើម្បីផលិត នូវសង្វាក់ផលិតកម្ម មួយនេះ។ ប្រភពព័ត៌មានខាងលើ មិនហ៊ានអះអាងថា iPhone ជំនាន់ថ្មីនោះឈ្មោះ អ្វីឲ្យប្រាកដទេ ប៉ុន្តែបានបញ្ជាក់ថា ក្រុមហ៊ុន Apple នៅតែរក្សា “S” ឲ្យនៅដដែល៕

ក្រុមហ៊ុន Nokia ត្រូវបានគេរាយការណ៍ថា នឹងចេញកុំព្យូទ័របន្ទះស្ដើងដំបូងដែលដំណើរការដោយប្រព័ន្ធប្រតិបត្តិការ Windows RT នៅក្នុងឆ្នាំ២០១៣ ។ ដោយឡែកបន្ទាប់ពីទទួលបាននូវពាក្យចចាមអារ៉ាមជាច្រើនទាក់ទងទៅនឹងលក្ខណសម្បត្តិ និង រូបរាងរបស់កុំព្យូទ័របន្ទះស្ដើងនៃក្រុមហ៊ុននេះ គេនៅមិនទាន់ទទួលបាននូវការអះអាងណាមួយចេញពីក្រុមហ៊ុន Nokia ដើម្បីបញ្ជាក់ថាជាការពិត ឬគ្រាន់តែជាពាក្យប្រឌិតនៅឡើយទេ ។

កាលពីពេលកន្លងទៅបន្ទាប់ពីទទួលបានរូបភាពដែលគ្រាន់តែជាគំរូឲ្យកុំព្យូទ័របន្ទះស្ដើង Nokia Windows RT ឬហៅថា Nokia Lumia tablet គេក៏ទទួលបាននូវព័ត៌មានថា មានការលេចចេញរូបរាងកុំព្យូទ័របន្ទះស្ដើងរបស់ Nokia ក្នុងប្រទេសប៉ាគីស្ថាន ។ ប៉ុន្តែវាគ្រាន់តែជារូបដែលស្ថិតនៅលើផ្ទាំងបញ្ចាំង slide តែប៉ុណ្ណោះ ។

ដោយឡែកចំពោះរូបភាពដែលគេទទួលបាននៅក្នុងពេលនេះគឺ មិនដូចរូបដែលគ្រាន់តែជាគំរូនោះទេ ពោលគឺមានលក្ខណៈជារូបពិតសុទ្ធសាធ និងថែមទាំងមានដាក់ NOKIA នៅផ្នែកខាងខ្នងនៃឧបករណ៍ផងដែរ ។ ចំពោះកុំព្យូទ័របន្ទះស្ដើងដំបូងរបស់ក្រុមហ៊ុន Nokia ត្រូវបានពាក្យចចាមអារ៉ាមនិយាយថា នឹងដំណើរការដោយ Windows RT មានបំពាក់អេក្រង់ទំហំ 10-inch, រន្ធ HDMI, USB, MagSafe charger និងថែមទាំងមានរន្ធសម្រាប់ប្រើ SIM ផងដែរ ។

សូមបញ្ជាក់ថា មិនមានព័ត៌មានលំអិតពីការបញ្ជាក់ឲ្យច្បាស់នូវកុំព្យូទ័របន្ទះស្ដើង Nokia Windows RT នេះនៅឡើយទេ ។ ដោយឡែកតាមរូបភាពដែលទទួលបានគេជឿថា មិនយូរទេក្រុមហ៊ុន Nokia នឹងអាចប្រកាសចេញនូវកុំព្យូទ័របន្ទះស្ដើងជាលើកដំបូងរបស់ខ្លួននាពេលឆាប់ៗខាងមុខ ប៉ុន្តែចំពោះជម្រើសពណ៌ដូចជាស្រឡាយទូរស័ព្ទ Lumia ឬយ៉ាងណានោះគេក៏មិនទាន់បានដឹងដែរ ៕

កាលពីសប្ដាហ៍ទី១នៃខែកក្កដានេះធ្លាប់មានប្រភពមួយចំនួនបានហៅឈ្មោះទូរស័ព្ទទំនើបដែលស្ថិតក្នុងខ្សែស្រឡាយ Lumia របស់ក្រុមហ៊ុន Nokia ខុសៗគ្នាយ៉ាងដូច្នេះថា ប្រភពមុនដំបូងគេបានអះអាងថាទូរស័ព្ទទំនើបនោះនឹងមានឈ្មោះថា Nokia Lumia EOS រីឯប្រភពមួយផ្សេងទៀតថាវានឹងមានឈ្មោះជាផ្លូវការថា Nokia Lumia 1020 ដោយឡែកប្រភពចុងក្រោយគេបានអះអាងថា Lumia ជំនាន់ថ្មីនឹងមានឈ្មោះថា Nokia Lumia 909 ទៅវិញ ។ សម្រាប់ពេលនេះរូបភាពថ្មីទៀតរបស់ Lumia 1020 (ពណ៌លឿង) ត្រូវបានបង្ហាញដោយរួមទាំងលក្ខណសម្បត្តិបច្ចេកទេសមួយចំនួនផងដែរ ។ លក្ខណសម្បត្តិបច្ចេកទេសដែលគេជឿថាបានលេចចេញមុនថ្ងៃប្រកាសចេញជាផ្លូវការនោះរួមមានដូចខាងក្រោម៖

RAM 2 GB
អង្គផ្ទុកទិន្នន័យជាប់ម៉ាស៊ីនទំហំ 32 GB (គ្មាន microSD card)
មានបំពាក់ដោយបច្ចេកវិទ្យា NFC
កាមេរ៉ាទំហំ 41 MP
ដំណើរការដោយ Windows Phone 8

សូមរំលឹកផងដែរថា បើយោងតាមប្រភពថ្មីដូចជាសមហេតុផលជាងប្រភពមុនៗព្រោះថាដូច អ្វីដែលប្រិយមិត្តធ្លាប់បានដឹងហើយថាទូរស័ព្ទទំនើបទីមួយរបស់ Nokia ដែលបំពាក់ដោយបច្ចេកវិទ្យាកាមេរ៉ា PureView ទំហំ 41 MP គឺ Nokia 808 ដូច្នេះវាអាចនឹងទៅរួចដែលថាជំនាន់ថ្មីរបស់ Lumia នឹងមានឈ្មោះថា Nokia Lumia 909 ព្រោះបើយោងតាមប្រភពដែលធ្លាប់ចេញនាពេលកន្លងមកនោះថាទូរស័ព្ទទំនើបនោះនឹងបំពាក់ដោយកាមេរ៉ា 41 MP PureView ។

បើទោះបីជាមានប្រភពចចាមអារ៉ាមថាទូរស័ព្ទទំនើបម៉ូដែលចុងក្រោយនៃខ្សែស្រឡាយ Nokia Lumia ដែលត្រៀមនឹងប្រកាសចេញនោះនឹងមានឈ្មោះជាផ្លូវការថា Nokia Lumia 909 យ៉ាងណាក្ដីក៏គេហទំព័រល្បីៗដូចជា @evleaks និង TechCrunch ជាដើមនៅតែបន្តហៅឈ្មោះទូរស័ព្ទទំនើបនោះថា Nokia Lumia 1020 ដដែល ។ ចំពោះព័ត៌មានទាក់ទងនឹងឈ្មោះ និងលក្ខណសម្បត្តិបច្ចេកទេសពិតប្រាកដរបស់ Nokia Lumia ជំនាន់ថ្មី ប្រិយមិត្តនឹងបានជ្រាបបន្ទាប់ពីក្រុមហ៊ុន Nokia បើកសន្និសីទកាសែតនៅថ្ងៃទី១១ ខែកក្កដា នេះ ដូច្នេះសូមប្រិយមិត្តរង់ចាំតាមដានជាមួយដំណឹងប្រាំពីរ ៕

តាមប្រភពពី Phandroid ថ្មីៗនេះបានបង្ហើបឲ្យដឹងថា Samsung បានចុះឈ្មោះយក Brand “GEAR”។ នៅក្នុងឯកសាររបស់ខ្លួន Samsung ក៏បានរំលឹកដល់ការដែលប្រើប្រាស់ឈ្មោះនេះសំរាប់ឧបករណ៍បច្ចេកវិទ្យាមួយ រួមជាមួយនឹងបណ្តា Software មួយចំនួន។ ក្រៅពីនេះ នៅមានចំនុចមួយចំនួនពាក់ព័ន្ធនឹង Smartwatch ដូចជា “bracelet” (ខ្សែដៃ), “wrist watch” (នាឡិកាដៃ), “clocks” (ម៉ោង) និង “watchbands” (ខ្សែនាឡិកា សំរាប់ពាក់ដៃ)។ មិនត្រឹមតែប៉ុណ្ណោះ Samsung ក៏បានរៀបរាប់ឲ្យដឹងថា GEAR នឹងប្រើសំរាប់តែ “នាឡិកាមួយដែលអាចផ្លាស់ប្តូរឯកសារ ជាមួយបណ្តាឧបករណ៍គិតលេខ, ស្មាតហ្វូន, tablet PC, PDA និងកុំព្យូទ័រតាមរយះ Website, Internet…”។

អ្វីដែលនិយាយទាំងអស់ខាងលើនេះ គឺលទ្ធភាពច្រើនគំរូ Smartwatch ដែល Samsung ធ្លាប់បញ្ជាក់ថានឹងមានវត្តមាន នៅលើទីផ្សារ អាចនឹងមានឈ្មោះថា Samsung GEAR។ ក្រៅពី Samsung, Apple ក៏ទើបតែបានចុះឈ្មោះយក Brand “iWatch” នៅជប៉ុន។ Foxconn, Qualcomm, Intel ក៏កំពុងតែពិសោធសាកល្បងបណ្តា Smartwatch របស់ពួកគេរៀងៗខ្លួន។

ចំណែក Dell និង Acer ក៏បានបង្ហើបឲ្យដឹងថា ពួកគេក៏ចាប់ អារម្មណ៍ជាមួយបណ្តាឧបករណ៍ដែលអាចពាក់ដៃបាន ហើយសន្យាថានឹងមានផលិតផលប្រភេទនេះ នៅលើទីផ្សារក្នុងពេលអនាគតផងដែរ៕

Optimus G 2 ជាខ្សែស្រឡាយចុងក្រោយនៃ Optimus ជាទូរស័ព្ទទំនើបរបស់ក្រុមហ៊ុន LG ដែលទទួលបានការពេញនិយមខ្លាំងពីសំណាក់អ្នកប្រើប្រាស់ ។ កាលពីខែមិថុនាកន្លងទៅធ្លាប់មានព័ត៌មានមួយចំនួនបាននិយាយទាក់ទងនឹងផលិតរបស់ក្រុមហ៊ុន LG មួយម៉ូដែលនេះ ដូចជាប្រភពពីគេហទំព័រ UnwiredView បានឲ្យដឹងថាក្រុមហ៊ុន LG បានបញ្ជាក់យ៉ាងច្បាស់ហើយថានឹងបំពាក់ CPU Snapdragon 800 ដែលជាបច្ចេកវិទ្យា CPU ចុងក្រោយរបស់ក្រុមហ៊ុន Qualcomm ទៅលើទូរស័ព្ទទំនើប Optimus G2 ។

កាលពីនោះគ្មានប្រភពណាអាចបញ្ជាក់ថាក្រុមហ៊ុន LG នឹងធ្វើការប្រកាសចេញជាផ្លូវការនូវទូរស័ព្ទ Optimus G2 នៅកាលបរិច្ឆេទជាក់លាក់ណាមូយនៅឡើយទេ ប៉ុន្តែដោយឡែកសម្រាប់ពេលនេះប្រភពពីគេហទំព័រ Gsmarena បានឲ្យដឹងថាពួកគេបានទទួលលិខិតអញ្ជើញពីក្រុមហ៊ុន LG សម្រាប់ចូលរួមក្នុងព្រឹត្តិការណ៍ពិសេសមួយដែលនឹងប្រព្រឹត្តទៅនៅថ្ងៃទី០៧ខែសីហាក្នុងទីក្រុងញូវយ៉ក ។ បើយោងតាមប្រភពចចាមអារ៉ាមដែលធ្លាប់ចេញពីមុនបានបង្ហាញឲ្យដឹងពី លក្ខណសម្បត្តិបច្ចេកទេសខ្លះៗរបស់ Optimus G2 ដែលមានដូចជា៖ អេក្រង់ទំហំ 5-inch កម្រិតភាពច្បាស់ 1,080p Full HD កាមេរ៉ាទំហំ 13 MP, RAM 2GB និង CPU Snapdragon 800 (បញ្ជាក់ដោយក្រុមហ៊ុន) ។

ចំពោះព័ត៌មានលម្អិតដែលទាក់ទងនឹងលក្ខណសម្បត្តិបច្ចេកទេសរបស់ទូរស័ព្ទទំនើប Optimus G2 ប្រិយមិត្តនឹងបានជ្រាបបន្ទាប់ពីក្រុមហ៊ុន LG ធ្វើការប្រកាសចេញជាផ្លូវការនៅថ្ងៃទី០៧ សីហា ប៉ុន្តែបើគិតតាមពេលវេលានៅកម្ពុជាយើងគឹឈានដល់ទី០៨ ខែសីហា ។ សូមបញ្ជាក់ថាមកទល់ពេលនេះគ្មានប្រភពណាអាចបង្ហាញពីរូបភាពរបស់ទូរស័ព្ទទំនើប Optimus G2 នៅឡើយទេ ៕

យើងខ្ញុំសូមបង្ហាញជូននូវរូបភាព Optimus G Pro

ដំណឹងប្រាំពីរ

លេចចេញរូបភាពដំបូងគេ ស្តីពីសំបកក្រោយរបស់ iPhone 6, ស្តើងជាងមុន ធំជាងមុន

Apple កំពុងសាកល្បង iPhone អេក្រង់ធំ

លេចចេញ ទូរស័ព្ទបត់ (Galaxy Folder) មានអេក្រង់ពីរ

iPhone 5C អាចនឹងត្រូវបំពាក់ ដោយកាមេរ៉ា ទំហំ 8 MP

ក្រុមហ៊ុន LG នឹងលក់ទូរស័ព្ទទំនើប G2 ឲ្យបានចំនួន ១០លានគ្រឿង

Nokia Lumia 625 នឹងបំពាក់ដោយអេក្រង់ 4.7-inch

លេចចេញ លក្ខណសម្បត្តិ របស់ Sony Xperia i1 កាមេរ៉ា 20MP

Microsoft ក៏មាន Smartwatch ដែរ

លេចចេញ ទូរស័ព្ទទំនើប Galaxy Mega 6.3 Duos (ស៊ីមពីរ)

ទទួលបានរូប របស់ BlackBerry A10 ជាលើកដំបូង

iPhone តម្លៃទាបអាចនឹង មានរូបរាងដូចនេះ!!

Galaxy S4 និង HTC One ម៉ូដែល Google Play Edition ចាប់ផ្ដើមចេញលក់

Iphone ជំនាន់ថ្មីមិនខុសពី Iphone 5 ឡើយ!!

Foxconn បន្ថែមបុគ្គលិក ប្រហែលជា ២១០.០០០នាក់ ដើម្បីចាប់ផ្ដើមផលិត iPhone ជំនាន់ថ្មី

ទទួលបានរូបភាព កុំព្យូទ័របន្ទះស្ដើង Nokia Windows RT

លក្ខណសម្បត្តិ បច្ចេកទេសរបស់ Nokia Lumia 1020 ត្រូវបានបង្ហាញ កាន់តែច្បាស់

Samsung ចុះឈ្មោះ Brand GEAR អាចនឹងប្រើសំរាប់ Smartwatch របស់ខ្លួនក្នុងពេលឆាប់ៗ

ក្រុមហ៊ុន LG នឹងប្រកាសចេញ ទូរស័ព្ទ Optimus G2 នៅថ្ងៃទី០៧ ខែសីហា

About

Follow Us

Popular Posts

Subscribe

Labels

Pinterest

Labels