C-Tech គេហទំព័រដែលធ្លាប់បង្ហោះ នូវព័ត៌មានចចាមអារាមមួយចំនួន ស្តីពី Apple ពេលនេះ បាន បង្ហោះនូវរូបភាពថត ២សន្លឹកនៃសំបកក្រោយ ធ្វើពីលោហធាតុ ដែលត្រូវបានគេចាត់ទុកថាវាជា របស់ iPhone 6។

បើយោងតាមរូបភាពខាងលើនេះ ស្មាតហ្វូននឹងពិតជាស្តើង ហើយមានខ្នាតទំហំធំជាងមុន គួរឲ្យ កត់សំគាល់បើប្រៀបជាមួយនឹង iPhone 5S សព្វថ្ងៃនេះ។ បើគួបផ្សំជាមួយនឹងព័ត៌មានចចាម អារាមមុនៗ iPhone ជំនាន់ថ្មីនឹងមានកម្រាស់ប្រហែល 6mm និងមានអេក្រង់ទំហំចាប់ពី 4,7" ដល់ 5"។
គំរូ iPhone 5S របស់ Apple ដែលកំពុងត្រូវបានដាក់លក់នៅលើទីផ្សារបច្ចុប្បន្ននេះ មានកម្រាស់ 7,9mm និងមានអេក្រង់ទំហំ 4"។ ជាក់ស្តែង គេមិនអាចកំណត់បញ្ជាក់បានថា នេះពិតជាផ្នែកមួយ (សំបកក្រោយ) របស់ iPhone 6 (ឬ iPhone 'Air') ទាំងស្រុងនោះទេ។ ដូច្នេះយើងមានតែរង់ចាំ មើលនៅថ្ងៃក្រោយ បន្តទៀត ថាវាយ៉ាងណាប៉ុណ្ណោះ៕