យន្តហោះចម្បាំងអង់គ្លេស ស្ទាក់យន្តហោះចម្បាំងរបស់រុស្ស៊ីបំពានដែនអាកាសខ្លួន
យន្តហោះចម្បាំងរបស់ចក្រភពអង់គ្លេសបាន ហោះប្រដេញស្ទាក់ យន្តហោះចម្បាំងពីរគ្រឿងរបស់រុស្ស៊ីដែលបានចូលមកកាន់ដែនអាកាសរបស់ខ្លួនកាលពីថ្ងៃពុធ ធ្វើឲ្យចក្រភពអង់គ្លេសបង្ហាញការមិនសប្បាយចិត្ត។ នេះបើតាមការបញ្ជាក់របស់មន្ត្រីកាលពីថ្ងៃព្រហស្បតិ៍។
វត្តមានរបស់យន្តហោះចម្បាំងរុស្ស៊ី ក្នុងដែនអាកាសរបស់ចក្រភពអង់គ្លេសនេះ គឺស្របពេលដែល រុស្ស៊ី និង ប្រទេសលោកខាងលិចកំពុងមានភាពតានតឹងជាមួយគ្នាជុំវិញវិបត្តិក្នុងប្រទេសអ៊ុយក្រែន។
ក្នុងហេតុការណ៍នោះ មិនមានការប៉ះទង្គិចគ្នាអ្វីនោះទេ ព្រោះក្នុងពេលដែលយន្តហោះចម្បាំងចក្រភពអង់គ្លេសស្ទាក់នោះ យន្តហោះរុស្ស៊ីក៏ត្រឡប់ទៅកាន់តំបន់របស់ខ្លួនវិញ។ ប៉ុន្តែវត្តមានរបស់យន្តហោះរុស្ស៊ី បញ្ជាក់យ៉ាងច្បាស់ថា ប្រទេសនេះ កំពុងបង្អួតអំពីអនុភាពយោធារបស់ខ្លួន ទៅកាន់ពិភពលោក។
សូមបញ្ជាក់ថា នេះមិនមែនជាលើកទីមួយនោះទេ ដែលរុស្ស៊ីហានបំពានដែនអាកាសរបស់ចក្រភពអង់គ្លេស។ កាលពីឆ្នាំ ២០១៤កន្លងទៅ យន្តហោះចម្បាំងរបស់ចក្រភពអង់គ្លេសបានហោះ ប្រដេញស្ទាក់យន្តហោះចម្បាំងរបស់រុស្ស៊ី ចំនួន១០០ ដង៕
ប្រែសម្រួល៖ រស្មី
ប្រភព៖ edition.cnn.comv
