ដំណឹងប្រាំពីរ: ពត័មានកីឡា

ពត័មានកីឡា

Showing posts with label ពត័មានកីឡា. Show all posts

កាលពីថ្ងៃទី១៣ មិនាកន្លងទៅ អ្នកលេងក្បាច់គុនបុរាណខ្មែរ កីឡាករ ចាន់ រតនា បានផ្ដួលជើងខ្លាំងហ្វីលីពីន Roman Gonzalez ត្រឹមទឹកទីមួយប៉ុណ្ណោះ ក្នុងការប្រកួតប្រដាល់ក្បាច់គុនចម្រុះអន្តរជាតិនៅប្រទេសម៉ាឡេស៊ី ព្រឹត្តិការណ៍ ONE Championship: Age of Champions។ នេះគឺជាលើកទីមួយសម្រាប់កីឡាករកម្ពុជា ដែលអាចយកជ័យជម្នះលើកីឡាករអន្តរជាតិ ក្នុងព្រឹត្តិការណ៍ប្រកួតរបស់ស្ថាប័នប្រដាល់កំពូលលំដាប់ពិភពលោក One Championship។

កីឡាករមុខស្រស់ ចាន់ រតនា មានឱកាសនៅពីលើកីឡាករ Roman និងវាយសន្ធាប់ជាប់រហូតតាំងពីដើមទឹកទីមួយ។ មួយនាទីក្រោយមក កីឡាករ ចាន់ រតនា ភ្លាត់ស្នៀតបន្តិច ធ្វើឲ្យកីឡាករជើងខ្លាំងរបស់ហ្វីលីពីនមានឱកាសនៅពីលើវិញ។ យ៉ាងណាមិញ ក្រោយមកកីឡាករកម្ពុជាបានរើរួចខ្លួន និងមានឱកាសប្រើស្នៀតវាយកែង និងវាយចំមុខកីឡាករហ្វីលីពីនមិនដកដៃ រហូតអាជ្ញាកណ្ដាលបញ្ឈប់នៅចុងទឹកទីមួយតែម្តង។

សូមទស្សនាការប្រកួត៖ 

មុនពេលបញ្ចេញស្នៀតប្រយុទ្ធនៅលើទឹកដីម៉ាឡេស៊ី កីឡាករ ចាន់ រតនា បានត្រៀមខ្លួនយ៉ាងល្អ ដោយហ្វឹកហាត់អស់រយៈពេលពេញមួយខែនៅក្លិប Tiger Muay Thai ខេត្ត Phuket ប្រទេសថៃ ក្រោមការឧបត្ថម្ភទាំងស្រុងដោយ Nagaworld៕
ប្រភព ពី សប្បាយ

អត្ថបទ៖ គង់ វិសាល

កាសែត The Sun បានប្រាស្រ័យជួបជាមួយនារីដែលមានវត្តមានក្នុង “Clip Sex” ជាមួយកីឡាករ M.U ម្នាក់ ។ នៅពេលដឹងថា ទិដ្ឋភាព “ក្តៅសាច់” របស់នាងបានត្រូវគេលួចថតនោះ នាងពិតជាតក់ស្លុតដឹងតែពីយំ និងសោកស្តាយដែលជ្រុលខ្លួនប្រព្រឹត្តបែបនេះ ។

កីឡាករ M.U ទាក់ទិននឹងរឿងអាស្រូវផ្លូវភេទទៀតហើយ

បន្ទាប់ពី “ជម្រុះ” បានក្រុមលំដាប់ទី៤ Cambridge United ហើយឈានចូលជុំទី៥របស់ FA Cup ពួកកីឡាករ M.U បានប្រមូលផ្តុំគ្នានៅក្លឹបរាត្រីមួយ កណ្តាលក្រុង Manchester ដើម្បីអបអរជ័យជំនះ ។

តាម The Sun ទម្លាយចេញខ្លះៗនោះ មានកីឡាករ M.U ម្នាក់ (លាក់ឈ្មោះបណ្តោះអាសន្ន) បានលួងលោមនារីវ័យ ២៥ ឆ្នាំ នៅក្នុងពិធីអបអរនេះ ។ ចុងក្រោយ គេបានព្រលួងនាងឲ្យចូល “សប្បាយ” ក្នុងបន្ទប់ទឹក ។ អ្នកទាំងពីរពុំបានដឹងថា មិត្តរួមក្រុមរបស់គេបានយកទូរស័ព្ទថតទុកនូវទិដ្ឋភាពកើតឡើងក្នុងនោះទេ ។

អ្វីៗបានក្លាយជារឿងធំ គ្រាដែល Clip នេះ ត្រូវបានគេបង្ហោះឡើងលើអនឡាញ ។ បច្ចុប្បន្ន ក្រុមកីឡាករ M.U កំពុងរងនូវការ “សួរចម្លើយ” ពីសំណាក់គ្រូបង្វឹក និងអ្នកគ្រប់គ្រង ។

ដោយឡែក តាម The Sun នោះ នារីក្នុង Clip បានបញ្ជាក់ប្រាប់ថាៈ ពេលស្រវឹង ខ្លួនពិតជា “ងាយ” ចាញ់បញ្ឆោតពាក្យផ្អែមល្អែមរបស់កីឡាកររូបនោះ ហើយក៏ពុំបានដឹងពីរឿងលួចថតទេ ។ ឥឡូវ ហេតុការណ៍បានក្លាយជារឿងធំ នាងបានត្រឹមតែយំ ហើយចង់រត់ទៅឲ្យបានឆ្ងាយ ព្រោះខ្មាសអៀននឹងមិត្តភ័ក្តិ ។ នាងពោលថាៈ ខ្ញុំបានត្រឹមតែយំ ប៉ុន្មានថ្ងៃមកនេះ នឹងពុំចង់និយាយដល់រឿងនេះទេ ។ វាជាខណៈពេលដ៏ឆ្គួតលីលាមួយ ៕

ព័ត៌មានកីឡា៖ អតីតខ្សែបម្រើរ Man United ឈ្មោះថា Paul Pogba ដែលបានផ្ទេរជើងចេញពីក្លឹបកាលពីឆ្នាំ ២០១២ ទៅឲ្យក្រុម Juventus ដោយឥតគិតថ្លៃនោះ រហូតមកដល់ទល់ពេលនេះ ស្រាប់តែព័ត៌មានហ៊ានចុះផ្សាយថា កីឡាករ ត្រូវបានឈានដល់ការដេញថ្លៃក្នុងតម្លៃដល់ទៅ ៦១.២៥ លានផោន ដែលបំបែកកំណត់ត្រាតម្លៃខ្ពស់ជាង Angel Di Maria ដែល Man United យល់ព្រមចុះហត្ថលេខាត្រឹមតែតំលៃខ្លួន ៥៩ លានផោនប៉ុណ្ណោះ ។

យោងតាមប្រភពព័ត៌មានពីគេហទំព័រអន្ដរជាតិ dailystar បានបង្ហាញថា កីឡាករវ័យ ២១ ឆ្នាំរូបនេះ ធ្លាប់ទទួលការទាក់ទងពីអតីតក្លឹបរបស់ខ្លួនចង់នាំយកត្រលប់ទៅវិញ ដោយអះអាងថា ក្រុមអាចផ្ដល់ចំណូលដល់កីឡាករគឺដល់ទៅ ៧ លានផោនក្នុងមួយឆ្នាំ ដើម្បីត្រលប់ទៅកាន់ Man United វិញ។ ប៉ុន្ដែសម្រាប់តម្លៃខ្លួនក្នុងទីផ្សារផ្ទាល់មិនមានការប្រកាសបើកជំហរនៅឡើយទេ ។ តែរឿងដែលប្លែកនៅពីក្រោយខ្នងនៃការដេញថ្លៃនេះ Chelsea ហានបើកមុខមុនដល់ទៅ ៤០ លានផោន សម្រាប់កិច្ចព្រមព្រៀងចុះហត្ថលេខាសងខាង។

ប្រវត្ដិ Paul Pogba ធ្លាប់លេងឲ្យ Man United ៣ ប្រកួតតែមិនបានរកគ្រាប់ជូនក្រុមសូម្បីតែ ១ គ្រាប់ ដូច្នោះក្រុមក៏សម្រេចចិត្ដផ្ទេរចេញពីក្លឹបដោយមិនគិតថ្លៃឲ្យទៅ ក្លឹប Juventus របស់អ៊ីតាលី កីឡាករក៏អាចចូលលេងបាន ៧៩ ដង ហើយអាចរកគ្រាប់បាល់ឲ្យក្រុមដល់ទៅ ១៧ គ្រាប់ និង លេងឲ្យក្រុមជម្រើសជាតិ បាន ២២ ដង រកគ្រាប់បាល់បាន ៥ គ្រាប់ ។ រហូតមកទល់បច្ចុប្បន្ន កីឡាករមិនបានផ្ទេរជើងទៅក្រុមណាទៀតទេ ចាប់ប្ដូរចេញពី Man United ម្ដងមក។

ដោយ៖ អឿ អ៊ុុយ

ប្រភព៖ dailystar ព័ត៌មានកីឡា៖ អតីតខ្សែបម្រើរ Man United ឈ្មោះថា Paul Pogba ដែលបានផ្ទេរជើងចេញពីក្លឹបកាលពីឆ្នាំ ២០១២ ទៅឲ្យក្រុម Juventus ដោយឥតគិតថ្លៃនោះ រហូតមកដល់ទល់ពេលនេះ ស្រាប់តែព័ត៌មានហ៊ានចុះផ្សាយថា កីឡាករ ត្រូវបានឈានដល់ការដេញថ្លៃក្នុងតម្លៃដល់ទៅ ៦១.២៥ លានផោន ដែលបំបែកកំណត់ត្រាតម្លៃខ្ពស់ជាង Angel Di Maria ដែល Man United យល់ព្រមចុះហត្ថលេខាត្រឹមតែតំលៃខ្លួន ៥៩ លានផោនប៉ុណ្ណោះ ។

ដោយ៖ អឿ អ៊ុុយ

ប្រភព៖ dailystar

ព័ត៌មានកីឡា៖ ថ្នាក់ដឹកនាំក្រុម Chelsea លោក Jose Mourinho ត្រូវបានទទួលរងការចោទប្រកាន់ យ៉ាងធ្ងន់ធ្ងរ ដោយសមាគមន៍កីឡាបាល់ទាត់ ពីបទ ការលើកអំណះអំណាង ថាមានករណីពីក្រោយខ្នង ដែលជម្រុញឲ្យអាជ្ញាកណ្ដាល សម្រេចចិត្ដប្រឆាំងនឹងក្រុមរបស់គាត់។

សមាគមន៍កីឡាបាល់ទាត់ បានធ្វើការចោទប្រកាន់ ថ្នាក់ដឹកនាំ ក្រុម Chelsea ជាមួយនិងការសម្ដែងឥរិយាបទមិនល្អ ដែលបង្ហាញឡើងថា អាជ្ញាកណ្ដាលបានទទួលរងសម្ពាធពីក្រោយខ្នង ប្រឆាំងទៅនិងក្រុមរបស់គាត់ កាលពីប្រកួតជាមួយ Southampton ថ្ងៃទី ២៨ ខែធ្នូ ឆ្នាំ ២០១៤ ក្នុងលទ្ធផលពិន្ទុ ស្មើគ្នា។

ពាក្យសម្ដីគាត់បានលើកឡើង ជាមួយអ្វី ដែលគាត់បានយល់ ហើយប៉ះពាល់ដល់ FA នោះគឺថា ក្រុមរបស់គាត់ គួរតែទទួលបានការប៉េណង់ទី ១ គ្រាប់ប៉ុន្ដែបែជាត្រូវទទួលបានការបង្វែទិសដៅ ហើយ ច្រានចោលពីអាជ្ញាកណ្ដាលទៅវិញ ។ ពាក្យសម្ដីរបស់គាត់ពេលនេាះ គឺត្រូវបានលើកឡើង ក្រោយពីក្រុមទាំង ២ បានបញ្ចប់ការប្រកួតក្នុងពិន្ទុ ១ ស្មើ ហើយទទួលបានរងការប៉ះទង្គិចដល់ FA ។

ស្របគ្នានិងការបង្ហាញឡើងដូច្នោះ សេចក្ដីប្រកាសរបស់ FA បានលើកឡើងថា ការចោទប្រកាន់មួយនេះ ត្រូវបានធ្វើឡើង ដោយឆ្លុះបញ្ជាំងពី ទោសកំហុសនៃការប្រព្រឹត្ដមិនល្អដែលអាចបង្ករឲ្យបាត់បង់សណ្ដាប់ធ្នាប់ដល់ការប្រកួត ជាពិសេស ហេតុការណ៍ទាំងឡាយណាដែលទាក់ទងនឹង អាជ្ញាកណ្ដាល។

ថ្នាក់ដឹកនាំ Chelsea ត្រូវប្រឈមមុខដោះស្រាយជាមួយ បញ្ហានេះ រហូតដល់ ថ្ងៃ ទី ១៣ ខែមករា ឆ្នាំ ២០១៥ ក្រោមការចោទប្រកាន់ មួយនេះ ។ ហើយរឿងរ៉ាវបន្ដទៀតនោះ Mourinho មិនបានចូលរួមសន្និសិទ្ធការសែតសម្រាប់ថ្ងៃសុក្រនេះ មុនពេលក្រុមត្រូវប្រកួតជាមួយ Newcastle ថ្ងៃចុងសប្ដាហ៍។

ដោយ៖ អឿ អ៊ុយ

ប្រភព៖ ប៊ីប៊ីស៊ី

ព័ត៌មានកីឡា៖ ដំណើរឆ្ពោះទៅកាន់ទឹកដីក្រៅផ្ទះ ដូចគ្នារវាង Real Madrid និង Barcelona លទ្ធផលត្រលប់មកផ្ទះវិញ ក៏ទទួលបានដូចគ្នាដែរ ខុសត្រង់ថា Real Madrid បានពិន្ទុកាន់ ១ គ្រាប់ក្នុងដៃ ចំណែកឯ Barcelona គ្មានអ្វីទាំងអស់ ក្រៅពីស្ពាយបង្វិចមកវិញ។

Barcelona ទទួលរងការអាម៉ាសមុខមិនចាញ់អី Real Madrid ឡើយ ខណៈពេលពេលក្រុម បានស្ពាយការបរាជ័យដូចគ្នាត្រលប់មកផ្ទះវិញ ក្រោយពីបានចាញ់ក្រោមថ្វីជើងម្ចាស់ផ្ទះ Real Sociedad ១ ទល់នឹង ០។ ដោយឡែកសមត្ថភាពនៃការលេង និង មុខមាត់របស់ក្រុម សុទ្ធសឹងតែខ្ពង់ខ្ពស់លេចត្រដែតលើជួតារាង តែបែជាមកចាញ់ក្រោមដៃ របស់ក្រុមស្ទើតែនៅបាតតារាងទៅវិញ ។

ថ្វីត្បិតតែ Bacelona នៅការប្រកួតនេះមែន ប៉ុន្ដែ តំណែងក្រុមនៅតែឈក្នុងលំដាប់លេខរៀងដដែល ក្នុងតារាង គឺក្រុម Real Madrid ។ រីឯ Real Sociedad បើទទួលបានជោគជ័យដូច្នោះហើយ ក្រុមក៏អាចរំកិលខ្លួនមកដល់ លេខរៀងទី ១៣ នឹងគេឯងដែរ ។

ដោយ៖ អឿ អ៊ុយ

ប្រភព៖ ប៊ីប៊ីស៊ី

ព័ត៌មានកីឡា៖ ក្រុម Liverpool ទំនងជាកំពុងតែស្ថិតក្នុងដំណាក់កាលរង្គោះរង្គើរខ្លាំងឡើងមែនទែនហើយក្រោយពីមានព័ត៌មានជាច្រើនបានចុះផ្សាយតៗគ្នាថា កីឡាករជើងចាស់លំដាប់ជួរមុខគឺ Steven Gerrard បានត្រៀមខ្លួនរៀបបង្វិចចាកចេញក្នុងពេលឆាប់ៗនេះ ក្រោយពីផុតរដូវកាលកិច្ចកុងត្រា ។

កីឡាករខ្សែបម្រើកណ្ដាល ជើងចាស់របស់ Liverpool ឈ្មោះថា Steven Gerrard គ្រោងនិងចាកចេញពីក្រុមឈជើងនាបច្ចុប្បន្នក្នុងពេលឆាប់ៗនេះហើយ ក្រោយពីបានលេចឮដំណឹងថា កីឡាករស្នើរសំុលើថ្លៃប្រាក់ខែ និង រយៈពេលនៃកិច្ចកុងត្រាថ្មីក្រោយ តែត្រូវទទួលបានការបដិសេធន៍ច្រានចោលពី គណៈគ្រប់គ្រងក្លឹប ។

យោងតាមប្រភពព័ត៌មានគេហទំព័រអន្ដរជាតិ Mirror បានបកស្រាយបន្ដទៀតថា កីឡាករ Steven Gerrard គ្មានបំណងចង់ចាកចេញពីក្លឹបសូម្បីតែបន្ដិចឡើយ ដោយឡែកកីឡាករកាន់តែមានចំណូលចិត្ដនឹងបន្ដរដូវកាលថ្មីទៀត ហើយចង់ចូលនិវត្ដនៅទីនោះផងដែរ។ រហូតមកដល់ពេលនេះ អស់រយៈពេលជិត ៦ ខែទៅហើយ ដែលកីឡាករបានផុតកុងត្រាចាស់ ហើយទន្ទឹងមើលការសម្រេចចិត្ដ ទទួលយកកិច្ចកុងត្រាថ្មីជាមួយលក្ខខ័ណបន្ទាប់បន្សំមួយនេះ ប៉ុន្ដែនៅមិនទាន់បានសម្រេចបានលទ្ធផលនោះទេ ។ កីឡាករបានប្រកាសប្រាប់បណ្ដាក្លឹបផ្សេងៗក្នុងចង្កោមអាជីពដូចគ្នាឲ្យដឹងថា កីឡាករទុកពេល១សប្ដាហ៍ទៀតសម្រាប់ Liverpool សម្រេចចិត្ដ ។ ស្របពេលនៃការចាកចេញនេះ កីឡាករត្រូវបានមើលឃើញពី ក្រុម LA Galaxy ផង ដែលត្រៀមខ្លួននិងទទួលការចាកចេញនេះ។

សូមបញ្ជាក់បន្ថែមថា Steven Gerrard វ័យ ៣៤ ឆ្នាំ ជាកីឡាករជើងចាស់លេងក្នុងមុខតំណែងជាខ្សែបម្រើរកណ្ដាលក្នុង Liverpool ហើយឆាកជីវិតដែលគាត់ចំណាយពេលចូលទឹកដី Anfield តាំងតែពីឆ្នាំ ១៩៨៧ មកម្ល៉េះ ដោយរាប់បញ្ចូលទាំង រយៈពេលដែលគាត់ចូលហ្វឹកហាត់ក្នុងក្រុមក្លឹបយុវជននៅទីនោះ ដូច្នេះ បើគិតរហូតមកដល់ពេលនេះគឺ មិនតិចជាង ២៨ ឆ្នាំនោះទេ។

ដោយ៖ អឿ អ៊ុយ

ប្រភព៖ Mirror

អ្នកចាត់ការក្រុម Liverpool លោក Brendan Rodgers បាននិយាយថារូបលោកមិនទាន់មានគម្រោងលក់ Mario Balotelli នៅខែមករាខាងមុខនេះទេ ពីព្រោះ Liverpool នៅមានប្រកួតច្រើនទៀតដែលមិនអាចបាត់បង់កីឡាករណាម្នាក់បាននៅឡើយ។

2444D17E00000578-2888298-image-a-22_1419679996180

ក្នុងសន្និសីទកាសែតមួយកាលពីយប់មិញនេះលោក Rodgers បាននិយាយពីអនាគតខ្សែប្រយុទ្ធ Balotelli ថា៖ “និយាយដោយស្មោះទៅ ខ្ញុំមិនទាន់មានគំនិតចង់លក់ Balotelli សោះ។ យើងនៅមានប្រកួតច្រើនទៀតណាស់នៅរដូវកាលនេះហើយនៅពេលនេះដែរ អ្វីដែលល្អបំផុតសម្រាប់ខ្ញុំគឺត្រូវទុកកីឡាករទាំងអស់មិនលក់ចេញទៅណាទេ។ ត្បិតតែខ្សែប្រយុទ្ធជម្រើសជាតិអ៊ីតាលីរូបនេះមិនបានបង្ហាញសមត្ថភាពល្អមែនប៉ុន្មានប្រកួតមកនេះប៉ុន្តែគ្រប់ប្រកួតដែលគេចូលលេងគឺមានខ្សែការពារតាមបិទគេ២-៣នាក់ដែរ។ ដូច្នេះនេះក៏ជាឱកាសមួយសម្រាប់កីឡាករដទៃរកគ្រាប់បាល់ដែរ”។
Brendan Rodgers and Mario Balotelli

អតីតខ្សែប្រយុទ្ធក្រុម Manchester City រូបនេះតាំងពីចូលមកលេងជាមួយក្រុម Liverpool មករូបគេតែងមានរឿងអាស្រូវជាប់ជានិច្ច។ ហើយតាំងពីបើករដូវកាលថ្មីនេះមករូបគេទើបតែរកគ្រាប់បាល់បាន២គ្រាប់ទេក្នុងការបង្ហាញខ្លួន១៥ប្រកួតកន្លងមក៕

ប្រែសម្រួល៖ មុន្នី រម្យ
ប្រភព៖bbc

ព័ត៌មានកីឡា៖ ជារឿងមួយចម្លែកបំផុតដែលកម្របានជួបប្រទះកន្លងមក ដោយបានមើលឃើញពីភាពភ្ញាក់ផ្អើលរបស់លោក Jose Mourinho ខណៈពេលក្រុមគាត់ត្រូវប៉ះជាមួយដៃគូថ្មីបានបាត់ឈ្មោះជាយូរមកហើយ ដោយមិនដឹងថា ក្រុមកំពុងពួនសម្ងំយកពិសជាមួយនិងការផ្តួលក្រុមផ្សេងៗ នៅក្បែរខ្លួនរហូតដល់ឡើងមកកាន់តំណែងទី ៤ បន្ទាប់ពី Manchester United ។

ថ្នាក់ដឹកនាំក្រុម Chelsea មានភាពភ្ញាក់ផ្អើលជាខ្លាំង ក្រោយពីលទ្ធផលជំនួបក្រុមសម្រាប់ការប្រកួតយប់នេះត្រូវប៉ះជាមួយ West Ham United ដែលដឹកនាំដោយលោក Sam Allardyce ធ្លាប់ជាមនុស្សម្នាក់ត្រូវបានខ្លួនប្រើពាក្យចំអកឡកឡើយកន្លងមកកាលពីខែ កមរា ដើមរដូវកាល។ ពាក្យសម្ដីសើចចំអកទាំងប៉ុន្មានរបស់ខ្លួន បានធ្វើឲ្យ មានការភ្ញាក់រលឹកក្រោយពីបានមើលឃើញផ្ទាល់ ពីភាពជាក់ស្ដែងបានបង្ហាញ លើតារាងលំដាប់ពិន្ទុ និង ការប្រឈមមុខពេលនេះ ។ មិនត្រឹមតែមានការភ្ញាក់ផ្អើលប៉ុណ្ណោះទេ Jose Mourinho ថែមទាំងទំនងមានការភ័យខ្លាចទៀតផង ក្រោយពីបានយល់អំពីស្ថានភាពពិតប្រកដរបស់ West Ham ក្រោមការដឹកនាំរបស់ Sam Allardyce ពីព្រោះគាត់គិតថា ប្រសិនបើ ការលេងក្នុងក្រុមមានលក្ខណៈខ្សោយ ទំនងអីក្រុមនិងមិនមានថ្ងៃអាចមកឈរនៅទីនេះបានឡើយ។

ដំណើរឆ្ពោះមកកាន់ទឹកដី Chelsea ម្ដងនេះ West Ham មានពិន្ទុ ៣១ គ្រាប់ក្នុងដៃរួចហើយ ក្រោយពីទើបតែបានប្រកួតចំនួន ១៧ ដង ហើយស្ថិតនៅលំដាប់ថ្នាក់ទី ៤ នៃជួរតារាង Premier League ។

ដោយ៖ អឿ អ៊ុយ

ប្រភព៖ Mirror

ព័ត៌មានកីឡា៖ អស់រយៈពេលជាយូមកហើយដែល Manchester United បានចំណាយពេលវេលាតាមដានសង្កេតមើលសកម្មភាព ខ្សែប្រយុទ្ធស្លាបឆ្វេងដ៏ឆ្នើមរបស់ Real Madrid រហូតដល់មានបំណងចង់ផ្ទេរចេញនារដូវកាលថ្មីខាងមុខនេះ ប៉ុន្ដែជាអកុសលក្រោយពីបានឮដំណឹងតបមកវិញភ្លាម ក្រុមបែមានការស្ទាក់ស្ទើនិងបន្ដឆន្ទះរបស់ខ្លួន។

ថ្នាក់ដឹកនាំ Manchester United តែងតែគេងស្រមើលស្រម៉ៃនឹកគិតទៅដល់ រដូវកាលថ្មីមកដល់ ងាយស្រួលនឹងក្រុមត្រៀមកញ្ចប់ថវិការផ្ទេរ កីឡាករដ៏ឆ្នើមរបស់ Real Madrid ដែលមានឈ្មោះថា Gareth Bale ប៉ុន្ដែក្ដីរំពឹងគ្រប់យ៉ាងស្ទើរតែប្រែប្រួលទាំងស្រុង ក្រោយពេលចម្លើយត្រូវបានតបចេញមកវិញពីថ្នាក់ដឹកនាំភាគីម្ខាង។ក្រោយពីទទួលបានដំណឹងដូច្នោះ លោក Louis van Gaal បានធ្វើការបដិសេធនឹងតម្លៃទីផ្សាររបស់ Gareth Bale ដើម្បីផ្អាកមហិច្ឆិតារបស់ក្រុមចំពោះកីឡាកររូបនេះ ។

តម្លៃខ្លួនកីឡាករដែល Real Madrid បានប្រកាសប្រាប់ Man United គឺដល់ទៅ ១៥០ លានយូរ៉ូ ត្រូវនឹង ១២០ លានផោន ក្នុងទីផ្សាររដូវកាលថ្មីនេះ។

បើទោះបីជា Gareth Bale ពិតជាសំខាន់ និង ចាំបាច់ខ្លាំងណាស់សម្រាប់ក្រុមក៏ ដោយ ក៏ លោក Louis van Gaal ត្រូវផ្អាកការសម្រេចចិត្ដ និង ត្រៀមពេលវេលាជួបប្រជុំគ្នាជាមួយគណៈគ្រប់គ្រងផ្នែកហិរិញ្ញវត្ថុ និង មន្ដី្រនាយកប្រតិបត្ដិប្រចាំក្លឹបជាមុនសិន ។ ប៉ុន្ដែស្របពេលមួយរយៈមុន មានពាក្យចរចាមរាមលេចឮថា Man United បានត្រៀមកញ្ចប់ថវិការដល់ទៅ ១២០ លានផោន សម្រាប់ផ្ទេរ Gareth Bale នៅរដូវកាលថ្មី តែរហូតមកដល់ពេលឥលូវ គ្រប់យ៉ាងបង្ហាញការពិតថា Man United មិនបានហ៊ាននឹងតម្លៃទីផ្សារបស់ Real Madrid ហើយក៏មិនបាន ត្រៀមលុុយសម្រាប់ដ៏ច្រើនសន្ទឹកសន្ធាប់ដូច្នោះដែរ ។

ដោយ៖ អឿ អ៊ុយ

ប្រភព៖ Mirror

អ្នកចាត់ការក្រុម Chelsea លោក Jose Mourinho បាននិយាយថាលោកមិនអាចនាំខ្សែប្រយុទ្ធ Lionel Messi មក Stamford Bridge បានទេព្រោះក្លិបមិនអាចចាយលុយធំបាន ដោយសារមានការកំណត់ពីស្ថាប័នឃ្លាំមើលការចាយលុយទិញកីឡាករ FFP (Financial Fair Play )។

243EF65400000578-2885544-image-a-57_1419369882882

កាសែត BT Sport បានសួរសំនួរមួយចំនួនទៅកាន់លោក Mourinho កាលពីយប់មិញ ថាតើលោកអាចមានឱកាសទិញបានកីឡាករលំដាប់កំពូលៗដូច Messi អីបានដែរឬអត់? បុរសវ័យ៥១ឆ្នាំរូបនេះបានឆ្លើយថា៖ “ទេ ខ្ញុំគ្មានឱកាសនោះទេ ព្រោះពេលនេះយើងមាន financial fair play ដែលជាអង្គភាពមួយកំណត់ការចាយវាយរបស់យើង។ ពេលខ្លះយើងមានលុយមែន ប៉ុន្តែមិនចេះតែអាចចាយតាមចិត្តនោះទេ។ កីឡាករល្បីៗតែងមានតម្លៃខ្លួនថ្លៃហើយក្លិបណាក៏ចង់បានដែរ ប៉ុន្តែខណៈនេះ Chelsea មិនទាន់អាចយកកីឡាករនោះបាននៅឡើយទេ”។

243ABBCA00000578-2885544-Mourinho_walks_his_team_out_against_Stoke_before_securing_a_vict-a-9_1419382234158

លើសពីនេះទៅទៀត បុរសសញ្ជាតិព័រទុយហ្គាល់ខាងលើបានបន្ថែមទៀតថាក្រុមរបស់លោកអាចមានឱកាសច្រើនក្នុងការនាំ Messi មកលេងជាមួយប្រសិនបើចង់បាន និងហ៊ានដាក់តម្លៃខ្ពស់ព្រោះ Fabregas ជាមិត្តជិតស្និទ្ធនឹងគេ។ ពួកគេអាចនិយាយគ្នាបាន។
0DF2CAAB00000578-0-image-m-33_1419268849381

0DF2CAAB00000578-0-image-m-33_1419268849381

គួរំលឹកថាកាលពីប៉ុន្មានសប្ដាហ៍មុន អតីតអ្នកចាត់ការ Real Madrid រូបនេះបាននិយាយហើយថាក្រុមតោខៀវមិនទិញកីឡាករចូលទេនៅខែមករាខាងមុខនេះ។ ប៉ុន្តែអ្វីៗតែងតែប្រែប្រួលជានិច្ចនៅក្នុងវិស័យបាល់ទាត់នេះ អីចឹងចាំមើលដល់ពេលនោះទៅមើលថាលោក Mourinho ទិញអ្នកណាថែម ឬមិនទិញដូចដែលបាននិយាយពីមុន៕

ប្រែសម្រួល៖ មុន្នី រម្យ
ប្រភព៖24sevennews

ព័ត៌មានកីឡា៖ ខ្សែប្រយុទ្ធក្រៅក្របខណ្ឌ Manchester United កីឡាករ Radamel Falcao និងត្រូវផុតរយៈពេលឈជើងនៅក្រុមទៀតហើយ ក្រោយពីរដូវកាលថ្មីត្រូវចូលមកដល់។ ប៉ុន្ដែស្ថិតក្រោមការពេញចិត្ដស្រលាញ់នៃថ្នាក់ដឹកនាំ កីឡាករមិនចង់មានការចាកចេញវិញឡើយ។

កីឡាករ Radamel Falcao វ័យ ២៨ ឆ្នាំសម្ដែងឡើងក្នុងមុខតំណែង ជាខ្សែប្រយុទ្ធ មិនមានការសប្បាយចិត្ដនិងដំណើរចាកចេញពី Man United ឡើយ ដោយគោលបំណងចង់បន្ដ អាយុកាលថ្មីនៅទីនោះបន្ដទៀត។ ប្រវត្ដិ Radamel Falcao គឺកីឡាករត្រូវបាន Man United ផ្ទេរចេញពី Monaco ក្នុងលក្ខខ័ណខ្ចីជើងត្រឹមតែ ២ រដូវកាលតែប៉ុណ្ណោះដែលចាប់តាំងពី ឆ្នាំ ២០១៣ ហើយចូលរដូវកាលថ្មីឆ្នាំ ២០១៥ កីឡាករត្រូវផុតកិច្ចសន្យា។

ប្រភពព័ត៌មានបានបន្ដទៀតថា Radamel Falcao ពិតជាមិនចង់ចេញពី Man United ឡើយ បើទោះបីជាគាត់សព្វថៃ្ង មិនសប្បាយចិត្ដនិងការអង្គុយនៅមួយកន្លែងមើលកីឡាករដ៏ទៃត្រូវចូលលេងច្រើន ហើយគាត់ត្រឹមតែជាកីឡាករបម្រុង ។ ប៉ុន្ដែ Falcao ក៏បានចូលលេងជាលើកចុងក្រោយជាមួយក្រុម នៅថ្ងៃទី ៥ ខែ តុលា ដោយកីឡាករអាចរកពិន្ទុ ១ គ្រាប់ធ្វើឲ្យក្រុម ទទួលបានជោគជ័យលើ Everton ។

ថ្លែងពីអារម្មណ៍ពិតរបស់កីឡាករប្រាប់អ្នកព័ត៌មានថា ជាការពិតណាស់ តាមអារម្មណ៍របស់គាត់ គឺមិនសូវជាសប្បាយចិត្ដនិងការ មើលឃើញនូវឲ្យកាសនៃការលេងតិចឡើយ ប៉ុន្ដែបើទោះជាយ៉ាងនោះក្ដី ក៏គាត់នៅតែសប្បាយចិត្ដនឹងឆាកជីវិតនៅទីននេះណាស់ ដោយមិនចង់ចាកចេញពីនោះទេ។ រាល់កីឡាករទាំងអស់តែងតែចង់មានឱកាសបង្ហាញពីស្នាដៃ ដោយមិនចង់ត្រឹមអង្គុយនៅមួយកន្លែងហើយមើលគេប្រកួត។ តែទោះបីជាយ៉ាងណាក៏ដោយ ពេលខ្លះរូបគាត់ក៏ត្រូវបានផ្ដល់ឱកាសបានចូលលេង ខ្លះដែរ មិនខ្វល់ថាពេលតិច ឬច្រើននោះទេ សំខាន់ត្រូវតែធ្វើឲ្យបានល្អបំផុត។

Man United ទំនងមិនដាច់ចិត្ដដោះលែង Falcao ទេ បើទោះបីជាក្រុមមានខ្សែការពារច្រើនក៏ដោយ ហើយម្យ៉ាងវិញទៀត សម្រាប់ការរក្សាបាននូវវត្ដមាន Falcao ក្រុមនៅមានអតិថិភាពជាងក្រុមដ៏ទៃទៀតដោយក្រុមគ្រាន់តែចំណាយត្រឹមតែ ៤៣ លានផោន តែប៉ុណ្ណោះ ។

តើ Manchester United ពិតជាចង់រក្សា Falcao សម្រាប់រដូវកាលថ្មីដែរ ឬ ក៏យ៉ាងណា?

ដោយ៖ អឿ អ៊ុយ

ប្រភព៖ Mirror

ព័ត៌មានកីឡា៖ ដំណើរនៃការប្រកួតរវាងក្រុមនីមួយៗក្នុងរដូវកាល Chempions league រមែងតែមិនអាចគេចផុតបានឡើយ តួយ៉ាង ខណៈពេលនេះ Manchester City ប៉ះជាមួយនឹង Barcelona ជាព្រឹត្ដិការណ៍ដែលបង្ហាញពីភាពភ្ញាក់ផ្អើលមួយនៃការប្រឈមមុខដាក់គ្នារវាងមិត្ដិភាពសំឡាញ់ក្នុងអាជីពជាអ្នកកីឡាករបាល់ទាល់តាំងតែពីវ័យកុមារមកម្ល៉េះ។

Manchester City នឹងប្រឈមមុខជាមួយ Barcelona នៅវគ្គផ្ដាច់ព្រ័ត្រទី ១៦ ចុងក្រោយរបស់ពួកគេ ក្នុងរដូវកាល Champions League ហើយក៏ជារដូវកាលទី ២ ដែលក្រុមទាំង ២ មានឱកាសបានជួបគ្នា។ វត្ដមានក្រុមទាំង ២ ត្រូវប្រឈមមុខដាក់គ្នាដូច្នេះ Lionel Messi ពិតជាសប្បាយចិត្ដជាខ្លាំង ដោយគាត់បានជួបនិងសំឡាញ់របស់គាត់ Sergio Aguero ដែលជាខ្សែប្រយុទ្ធដ៏ឆ្នើមបំផុតរបស់ Man City ហើយក៏ជាមិត្ដសំឡាញ់ ម្នាក់ដែលតែងតែព្យាយាមអូសទាញខ្លួនឲ្យចូលទៅកាន់ ទឹកដីក្លឹប Premier Leagueដែរ ។

បង្ហាញពីប្រភពដដែលបានបន្ដទៀតថា គាត់ពិតជាស្រលាញ់ទេពកោសល្យ មិត្ដភក្ដិរបស់គាត់ម្នាក់នេះណាស់ ហើយក៏តែងតែទទន្ទឹងរង់ចាំនូវឱកាសមួយដែលក្រុមទាំងពីរ បានជួបគ្នា ដោយការប្រកួតនោះវាជាព្រឹត្ដិការណ៍មួយដ៏អស្ចារ្យបំផុត ដែលគាត់ត្រូវតែលេងឲ្យមិត្ដរបស់គាត់បានមើល ហើយរង់ចាំតែមើលទៅ ថាការប្រកួតនោះនឹងទៅជាយ៉ាងណា ហើយជំនួបគ្នារវាងក្រុមទាំង ២ និងប្រព្រឹត្ដិទៅនៅថ្ងៃទី ២៤ ខែកុម្ភះ ឆ្នាំ ២០១៥ ។

ដោយ៖ អឿ អ៊ុយ
ប្រភព៖ Mirror

ព័ត៌មានកីឡា៖ ជំនួបប្រកួតដ៏ជក់ចិត្ដ រវាងក្រុមម្ចាស់ផ្ទះ Roma ប៉ះជាមួយ Manchester City នៅក្នុងរដូវកាល Champions League ធ្វើឲ្យមានការស្រែកហ៊ោកញ្ជ្រាវយ៉ាងទ្រហឹង ពីភាគីគាំទ្រ Man City ដោយផ្ដាច់ដង្ហើមម្ចាស់ផ្ទះ ត្រឹមពិន្ទុ ២ ទល់នឹង ០។

យោងតាមការបកស្រាយរបស់គេហទំព័រអន្ដរជាតិ ប៊ីប៊ីស៊ី លើកឡើងថា លទ្ធផលជោគជ័យរបស់ Man City ម្ដងនេះមិនបានធ្វើឲ្យខ្លួន កាន់តែរុញតំណែងរបស់ខ្លួនឡើងមកកាន់តែខ្ពស់ជាងគេនោះទេ ផ្ទុយទៅវិញគឺត្រឹមតែនៅបន្ទាប់ពី Bayern Munich ។ ដោយហេតុ ស្របពេលនោះ Bayern Munich បានស៊ី CSKA ៣ គ្រាប់ ហើយ Man City ស៊ី Roma បានតែ ២ ប៉ុណ្ណោះគឺនៅតែចាញ់ពិន្ទុ Bayern Munich ៦ គ្រាប់ ដដែល ដូច្នេះ Man City នៅតែស្ថិតក្នុងលំដាប់លេខបន្ទាប់។ វាក៏ជារឿងមួយគួរឲ្យសោកស្ដាយ ប្រសិនបើសម្លឹងងាកក្រោយបន្ដិច ដោយការប្រកួតកន្លងមក ចំពោះ Bayern Munich ត្រូវ Man City ធ្លាប់ កាច់បំបាក់ម្ដងហើយ ត្រឹមពិន្ទុ ៣ ទល់នឹង ២ ហើយក្រុមក៏គួតែអាចឈរលើជួរលំដាប់ខ្ពស់ជាង ១ លេខ ។

បើទោះជាយ៉ាងនោះក៏ដោយក្ដី ក្រុម Man City នៅតែសប្បាយចិត្ដជាខ្លាំង ហើយថ្លែងពីសេចក្ដីត្រេកអរ ចំពោះ Pablo Zabaleta និង Samir Nasri ដែលបានជួយឲ្យក្រុម មានឱកាសសម្លឹងមើលឃើញ វគ្គផ្ដាច់ព្រ័ត្រ ហើយកាន់តែមានទំនុកចិត្ដថែមទៀត។

ដោយ៖ អឿ អ៊ុយ
ប្រភព៖ ប៊ីប៊ីស៊ី

ដំណឹងប្រាំពីរ

ការប្រកួតរបស់ចាន់ រតនា និង ជើងខ្លាំងហ្វីលីពីន Roman Gonzalez ត្រឹមទឹកទីមួយ ពិតជាជក់៧០!!

នារី “Clip Sex” រញ្ជួយក្រុមបិសាច M.U និយាយអ្វី ?

Man United ស្ទើរក្អួតឈាម ខណៈលក់កីឡាករឲ្យគេក្នុងតម្លៃ ០ ផោន តែចង់បានវិញបែរជាតម្លៃដល់ទៅ ៦១ លានផោន

ថ្នាក់ដឹកនាំ Chelsea ទទួលរងការចោទប្រកាន់ពី FA ក្រោយពីរពិសមាត់ប៉ះពាល់ដល់ អាជ្ញាកណ្ដាល

អស្ចារ្យខ្លាំងណាស់ ក្រុមខ្លាំង Barcelona ប៉ះនឹងក្រុមខ្សោយ Real Sociedad អត់មានគ្រាប់រាប់អាលីង video

រង្គោះរង្គើកាន់តែខ្លាំង Liverpool ទំនងនឹងបាត់បង់កីឡាករជើងចាស់របស់ខ្លួន ក្នុងសប្ដាហ៍នេះ

Rodgers ថាមិនទាន់ចង់លក់ Balotelli នៅខែមករាខាងមុខទេ

Jose Mourinho អេះអុញស្ទើតែនិយាយអ្វីមិនចេញ ក្រោយពីបានជួបលោក Sam Allardyce

Real Madrid លក់កីឡាករថ្លៃអស់ស្ទះ ធ្វើឲ្យ Man United សុំពេលគិតមួយរយៈសិន

Mourinho ថាអត់ទិញ Messi ទេ ព្រោះមិនអាចចាយលុយធំបាន

ខ្សែប្រយុទ្ធក្រៅក្របខណ្ឌ Man United កីឡាករ Radamel Falcao ទទួចមិនចង់ចាកចេញពីក្រុមទេនៅរដូវកាលថ្មីនេះ

Messi មានការសប្បាយជាខ្លាំង ក្រោយពីដឹងថាខ្លួនមានឱកាសបានជួបនិងមិត្ដសំឡាញ់ម្ដងទៀត

ហួសចិត្ដ Man City បំបាក់ Roma ២ទល់ ០ ហើយ បែជាត្រូវស្ថិតនៅក្រោម លំដាប់លេខរៀងអន់ជាង Bayern Munich ដដែល

About

Follow Us

Popular Posts

Subscribe

Labels

Pinterest

Labels