ដំណឹងប្រាំពីរ: មនុស្សជោគជ័យ

មនុស្សជោគជ័យ

Showing posts with label មនុស្សជោគជ័យ. Show all posts

១) «កុំចំណាយពេលវាយកម្ទេចជញ្ជាំងទាំងមូល តែត្រូវទម្លុះវាធ្វើជាទ្វាចូល»។ នាង Coco Chanel អ្នកច្នៃម៉ូដបារាំង
“Don’t spend time beating on a wall, hoping to transform it into a door.”

២) « សុទិដ្ឋិនិយម គឺជាគុណភាពមួយដែលអាចផ្សារភ្ជាប់ទៅនឹងភាពជោគជ័យ និង សុភមង្គលជាងអ្វីផ្សេងទៀត»។ លោក Brian Tracy អ្នកជំនាញប្រឹក្សាអាជីវកម្មអាមេរិក
“Optimism is the one quality more associated with success and happiness than any other.”

៣) «អ្នកត្រូវបើកភ្នែក និង សម្លឹងមើលជានិច្ច ពីព្រោះរាល់អ្វីៗដែលអ្នកឃើញអាចជួយជំរុញអ្នកឲ្យកាន់តែមានទឹកចិត្តឡើង»។ នាង Grace Coddington នាយកគ្រប់គ្រងទស្សនាវដី្ត Vogue
“Always keep your eyes open. Keep watching. Because whatever you see can inspire you.”

៤) «នៅពេលដែលគម្រោងមិនដំណើរការ អ្នកត្រូវផ្លាស់ប្ដូរគម្រោងនោះចេញ តែមិនត្រូវផ្លាស់ប្ដូរគោលដៅរបស់អ្នកនោះឡើយ»។ អ្នកនិពន្ធ មិនស្គាល់ (Author Unknown)
“If the plan doesn’t work, change the plan, but never the goal.”

៥) «ខ្ញុំបានបំផ្លាញសត្រូវរបស់ខ្ញុំ នៅពេលដែលខ្ញុំធ្វើឲ្យពួកគេក្លាយជាមិត្តរបស់ខ្ញុំ»។ លោក Abraham Lincoln ប្រធានាធិបតីទី១៦ របស់អាមេរិក
“I destroy my enemies when I make them my friends.”

៦) «អ្នកមិនអាចជួយមនុស្សគ្រប់គ្នាបាននោះឡើយ អ្នកគ្រាន់តែស្រលាញ់ពួកគេតែប៉ុណ្ណោះ»។ នាង Anaïs Nin អ្នកនិពន្ធដើមកំណើតគុយបា

“You cannot save people, you can just love them.”

៧) «គ្មានឡើយផ្លូវឆ្ពោះទៅរកត្រើយសុភមង្គល តែសុភមង្គលគឺជាផ្លូវមួយដ៏ប្រសើរបំផុត»។
សង្ឃពុទ្ធសាសនា Thich Nhat Hanh ជនជាតិវៀតណាម
“There is no way to happiness. Happiness is the best way.”

៨) «អ្នកនឹងជោគជ័យ ព្រោះមនុស្សភាគច្រើនខ្ជិលច្រអូស»។ លោក Shahir Zag ប្រធានគ្រប់គ្រងផ្នែកច្នៃប្រឌិតរបស់ក្រុមហ៊ុន LinkedIn
“You will succeed because most people are lazy.”

៩) «ទេពកោសល្យ គឺ ១% កើតចេញពីការបំផុសគំនិតឡើង ៩៩% កើតចេញពីញើសឈាម»។ លោក Thomas Edison អ្នកជំនួញអាមេរិក
“Genius is 1% inspiration, 99% perspiration.”

១០) «ប្រសិនបើចង់ឲ្យជីវិតរបស់អ្នករីករាយ អ្នកត្រូវស្ថិតនៅជាមួយគោលដៅអ្នកជានិច្ច មិនមែនជាមួយមនុស្ស ឬ វត្ថុអ្វីមួយនោះឡើយ»។ លោក Albert Einstein អ្នកប្រាជ្ញអាល្លឺម៉ង់
“If you want to live a happy life, tie it to a goal, not to people or objects.”

ប្រែសម្រួល៖ ខេវិន

ប្រភព៖ Lifehack

លោកលីក្វាន់យូប្រភព៖ todayonline.com

លោកលីក្វាន់យូជានាយករដ្ឋមន្ត្រីសិង្ហបុរីពីឆ្នាំ១៩៥៩ ដល់ឆ្នាំ១៩៦១ ហើយបានដឹកនាំប្រទេសដែលមានទំហំផ្ទៃដីតូចនេះ ឲ្យរីកលូតលាស់សេដ្ឋកិច្ច រហូតដល់ប្រទេសនេះមានឈ្មោះបោះសំឡេងក្លាយជាកូននាគអាស៊ី ឬខ្លាអាស៊ី។ សិង្ហបុរីក្នុងអំឡុងពេលដែលលោកលីក្វាន់យូគ្រប់គ្រង មានទំហំសេដ្ឋកិច្ចធំជាងប្រទេសណាៗទាំងអស់នៅក្នុងតំបន់អាស៊ីអាគ្នេយ៍ ឬអាស៊ាន។

ថ្វីត្បិតលោកលែងកាន់តំណែងជានាយករដ្ឋមន្ត្រីសិង្ហបុរី ក៏លោកនៅតែជាបុគ្គលដែលមានទឹកមាត់ប្រៃនៅក្នុងឆាកនយោបាយសិង្ហបុរី រហូតដល់លោកត្រូវបានផ្ដល់ងារជាគរុគណ (mentor) សម្រាប់ផ្ដល់ឱវាទដល់គណៈរដ្ឋមន្ត្រីសិង្ហបុរីថែមទៀតផង។ បច្ចុប្បន្នលោកចូលនិវត្តពីឆាកនយោបាយទាំងស្រុង ប៉ុន្តែដើម្បីទុកជាការសិក្សាស្វែងយល់ ទើប គេហទំព័រ TheBNEWS សូមនាំមកជូនអស់លោកអ្នកនូវជីវប្រវត្តិលោកមកចុះផ្សាយនៅក្នុងទំព័រនេះ។

ថ្ងៃខែឆ្នាំកំណើត ៖ ១៦ កញ្ញា ១៩២៣ (អាយុ ៩១ ឆ្នាំ)
ស្រុកកំណើត ៖ ប្រទេសសិង្ហបុរី
កម្រិតវប្បធម៌ ៖ សញ្ញាបត្រផ្នែកច្បាប់ពីសាកលវិទ្យាល័យខេមប្រ៊ីជ (Cambridge University)
វិស័យនយោបាយ ៖ ជាស្ថាបនិកគណបក្សចលនាប្រជាជន (People's Action Party)
ប្រវត្តិការងារ ៖ នាយករដ្ឋមន្ត្រីសិង្ហបុរី ១៩៥៩ – ១៩៩០ (កាន់អំណាច ៣១ ឆ្នាំ)

លោកលីក្វាន់យូកើតក្នុងត្រកូលអ្នកមានជីវភាពធូរធារ (អ្នកវណ្ណៈកណ្ដាល)។ ឪពុកម្ដាយរបស់លោកជាប់សែស្រឡាយចិន និងបានទៅរស់នៅប្រទេសសិង្ហបុរីតាំងពីទសវត្សទី១៩។ តាំងពីក្មេងមកម៉្លេះ លោកលីក្វាន់យូត្រូវឪពុកម្ដាយឲ្យរៀនភាសាអង់គ្លេសជាភាសាទីមួយ លុះពេលលោកចាប់អាជីពនយោបាយ លោករៀនភាសាចិន និងភាសាម៉ាឡេ។ ក្រោយមក លោកបានទៅសិក្សាមុខវិជ្ជាច្បាប់នៅសាកលវិទ្យាល័យខេមប្រ៊ីជ ប្រទេសអង់គ្លេស។ នៅទីនោះលោកជាអ្នកដែលមាននិន្នាការនយោបាយសង្គមនិយម (socialist)។.

នៅពេលដែលកងទ័ពជប៉ុនចូលកាន់កាប់ប្រទេសសិង្ហបុរីក្នុងសង្គ្រាមលោកលើកទីពីរ កាលពីខែកុម្ភៈ ឆ្នាំ១៩៤២ លោកលីក្វាន់យូអាយុ ១៩ ឆ្នាំ។ ព្រឹត្តិការណ៍នេះជះឥទ្ធិពលខ្លាំងបំផុតសម្រាប់ផ្នត់គំនិតរបស់លោក។ កាលណោះ លោកត្រូវបង្ខំចិត្តឈប់រៀនកណ្ដាលទី ហើយត្រូវគេបង្ខំឲ្យរៀនភាសាជប៉ុន និងក្រោយមកទៀត លោកមានការងារជាអ្នកបកប្រែ។ គឺនៅពេលនោះហើយ ដែលលោកដុះគំនិតជាតិនិយម។ លោកយល់ច្បាស់ថាទាំងពួកជប៉ុន និងទាំងពួកអង់គ្លេស (ដែលជាម្ចាស់អាណានិគមលើប្រទេសសិង្ហបុរី ហើយទើបតែត្រូវជប៉ុនវាយឡើយខ្ចាត់ខ្ចាយ) គ្មានសិទ្ធិអំណាចអ្វីត្រូវមកត្រួតត្រាប្រទេសសិង្ហបុរីនោះទេ។ ក្រោយមក លោកលីក្វាន់យូ រកវិធីរំដោះប្រទេស ដើម្បីនាំឯករាជ្យភាព ជូនជាតិមាតុភូមិ។

គំនិតជាតិនិយមរបស់លោកលីក្វាន់យូ ចាប់ផ្ដើមចេញជារូបរាងនៅពេលលោកទៅបន្តការសិក្សានៅប្រទេសអង់គ្លេស។ ក្រោយពេលបញ្ចប់សង្គ្រាមលោកលើកទីពីរ (១៩៤៥) លោកបានទៅរៀននៅប្រទេសអង់គ្លេសនៅសាកលវិទ្យាល័យសេដ្ឋកិច្ច London School of Economics និងបន្ទាប់មកទៀត លោករៀនមុខវិជ្ជាច្បាប់នៅសាកលវិទ្យាល័យខេមប្រ៊ីជ (Cambridge University) ប្រទេសអង់គ្លេស។ លោករៀនបានពិន្ទុខ្ពស់បំផុត និងបំពេញតួនាទីជានិស្សិតឆ្នើមនៅក្នុងសៀវភៅសិក្ខាគារិក (Academic Record)។

...កូរ៉េខាងជើងមានធនធានមនុស្សខ្លាំង អាចផលិតអ្វីក៏បាន តែហេតុដូចម្ដេចក៏ក្រដុនដាបខ្លាំងម៉្លេះ?...

អំពីអាជីពនយោបាយ
លោកលីក្វាន់យូបានវិលត្រឡប់ទៅសិង្ហបុរីវិញនៅឆ្នាំ១៩៥០ និងរៀបការប្រពន្ធនៅឆ្នាំដដែល។ ដំបូង លោកធ្វើការនៅក្នុងក្រុមហ៊ុនផ្នែកផ្ដល់ប្រឹក្សាច្បាប់ ហើយបន្ទាប់មកលោកបើកមុខរបរផ្ទាល់ខ្លួន។ អាស្រ័យដោយសារលោកមានចំណូលចិត្តខាងវិស័យនយោបាយជាងអាជីពដទៃទៀត លោកក៏ផ្ដួចផ្ដើមគំនិតបង្កើតគណបក្សនយោបាយក្រោមការជួយគាំទ្រពីមិត្តភក្ដិចាស់ៗ។

នៅថ្ងៃទី ២១ ខែវិច្ឆិកា ឆ្នាំ១៩៥៤ គណបក្ស «ចលនាប្រជាជន – People's Action Party» ត្រូវបានបង្កើតជាផ្លូវការ ដែលមានលោកលីក្វាន់យូជាអគ្គលេខាបក្ស (secretary-general)។ នៅក្នុងព្រឹត្តិការណ៍បោះឆ្នោតសកលថ្ងៃទី៣០ ខែឧសភា ១៩៥៩ គណបក្សចលនាប្រជាជន ឈ្នះឆ្នោតគ្រប់មណ្ឌលទាំងអស់។ ថ្ងៃទី០៣ ខែមិថុនា ឆ្នាំ១៩៥៩ សិង្ហបុរីមានរដ្ឋាភិបាលថ្មីដែលប្រសូតចេញពីការបោះឆ្នោត។ ពីរថ្ងៃក្រោយមក លោកលីក្វាន់យូ និងមិត្តភក្ដិរបស់លោកបង្កើតគណៈរដ្ឋមន្ត្រី ដោយមានលោកលីក្វាន់យូជានាយករដ្ឋមន្ត្រី។

គណបក្ស «ចលនាប្រជាជន» របស់លោកលីក្វានយូជាប់ឆ្នោតជាបន្តបន្ទាប់។ លោកលីក្វាន់យូត្រូវបានប្រជាជនបោះឆ្នោតផ្ដល់សេចក្ដីទុកចិត្ត ឲ្យកាន់តំណែងជានាយករដ្ឋមន្ត្រីនៅក្នុងអាណត្តិបន្តបន្ទាប់ទៀតដូចជាឆ្នាំ១៩៦៣ – ១៩៦៥ – ១៩៧២ – ១៩៧៦ – ១៩៨០ – ១៩៨៤។ នៅក្នុងខែវិច្ឆិកា ឆ្នាំ១៩៩០ ពេលកំពុងកាន់តំណែងសុខៗ លោកលីក្វាន់យូ បានប្រកាសលាលែងពីតំណែងជានាយករដ្ឋមន្ត្រីកណ្ដាលទី ប៉ុន្តែនៅរក្សាតួនាទីនៅក្នុងជួរ «គណបក្សចលនាប្រជាជន» រហូតទៅទល់នឹងឆ្នាំ១៩៩២ ទើបលោកលាលែងពីតំណែងនៅក្នុងបក្សទៀត។

រង្វាយតម្លៃ និងសរុបសេចក្ដី
លោកលីក្វាន់យូ បានដឹកនាំប្រទេសសិង្ហបុរីប្រកបដោយប្រសិទ្ធភាពខ្ពស់ក្នុងការនាំប្រទេសជាតិ ឲ្យស្គាល់តែសុខសន្តិភាព សុវត្ថិភាព វិបុលភាព និងសុភមង្គល។ របៀបដឹកនាំរបស់លោក មានចរិតលក្ខណៈ «អាជ្ញានិយម – authoritarianism»។ ក្រោមការដឹកនាំរបស់លោកកាលពីអំឡុងទសវត្សទី៨០ ចំណូលប្រចាំឆ្នាំសម្រាប់ប្រជាពលរដ្ឋសិង្ហបុរីម្នាក់ៗ គឺខ្ពស់លំដាប់ទីពីរបន្ទាប់ពីប្រទេសជប៉ុន(នៅតំបន់អាស៊ីបូព៌ា ៖ ចិន – ជប៉ុន - តៃវ៉ាន់ - កូរ៉េខាងជើង និងត្បូង)។ បច្ចុប្បន្ន សិង្ហបុរីជាមជ្ឈមណ្ឌលហិរញ្ញវត្ថុសំខាន់ជាងគេនៅតំបន់អាស៊ីអាគ្នេយ៍៕

ប្រែសម្រួល ៖ អន សំអាង

ប្រភព ៖ សព្វវចនាធិប្បាយ Wikipedia - សព្វវចនាធិប្បាយ Britannica – គេហទំព័រ http://biography.yourdictionary.com/ - គេហទំព័រ biography.com

តាមការស្រាវជ្រាវថ្មីៗនេះ របស់សាកលវិទ្យាល័យ Edinburgh (ស្កុតឡែន) ការងារទាមទារការរិះគិតស្មុគស្មាញ នឹងជួយខួរក្បាលចាស់យឺតជាង ប្រៀបនឹងពលកម្មដៃជើង ។

ពួកអ្នកស្រាវជ្រាវឲ្យដឹងថា ធ្វើការងារពហុសណ្ឋាន ដូចជាសកម្មភាពសង្គម, វិចិត្រករ ឬ ស្ថាបត្យករ នឹងជួយខួរក្បាលធ្វើសកម្មភាពល្អជាង ពេលចាស់ទៅ ។ ពេលឈានចូលវ័យ ៧០ ឆ្នាំ អ្នកធ្លាប់ធ្វើជាគ្រូបង្រៀន, អ្នកវិភាគ, មេធាវី ឬ គ្រប់គ្រង … នឹងភ្លឺស្វាង, មានការចងចាំ និងសមត្ថភាពត្រឹះរិះល្អជាង ។ ក្រុមស្រាវជ្រាវបកស្រាយថា ខួរក្បាលរបស់អ្នកទាំងនេះ ត្រូវបានហ្វឹកហាត់ជាប្រចាំ ហេតុនេះ វាត្រូវការពារល្អជាងចំពោះមុខការថមថយការយល់ដឹងដោយសារវ័យ ។

“ស្តេច” របស់ផ្នែកសរសៃប្រសាទវិទ្យា -សាស្ត្រាចារ្យ Merzerich ឲ្យដឹងថាៈ “ពេលខួរក្បាលត្រូវបានប្រែទៅជាក្មេង គ្រប់កក្តាផ្សេងៗក្នុងសរីរាង្គក៏ប្រែជាក្មេងតាម តាំងពីស្បែករហូតដល់គ្រឿងក្នុង, ជួយបង្កើតថាមពល និងភាពសោមនស្សរីករាយ” ។

ដើម្បីឈានដល់ការសន្និដ្ឋាននេះ ពួកអ្នកវិទ្យាសាស្ត្របានត្រួតពិនិត្យបញ្ញាឈ្លាសវៃ, ល្បឿនដោះស្រាយខួរក្បាល និងសមត្ថភាពយល់ដឹងនិយាយរួមរបស់មនុស្ស ១០៦៦ នាក់ ។ កក្តាជាច្រើនត្រូវបានពិនិត្យដល់ដូចជាអប់រំ, សុខភាព, រាងកាយ, ការងារ, តំណពូជវិទ្យា… ។ ឧទាហរណ៍ ក្នុងលំហាត់ត្រួតពិនិត្យការចងចាំ មនុស្សម្នាក់ៗនឹងត្រូវបានសំណូមពររម្លឹកឡើងវិញព័ត៌មានគេទទួលយកបានមុននោះ ១រយៈពេល ។ ចំណែកជាមួយលហាត់ត្រួតពិនិត្យការយល់ដឹងរួម, ពួកគេត្រូវធ្វើទម្រង់មួយ ត្រូវបានសំណូមពរ ៕

ទម្លាប់ ៤យ៉ាង ធ្វើឲ្យអ្នកគ្មានផលិតភាពខ្ពស់លើការងារ

ទម្លាប់ទាំង ៤យ៉ាង ធ្វើឲ្យអ្នកមិនអាចមានផលិតភាពខ្ពស់លើការងារឡើយ!ប្រភព៖ careerealism.com

ដើម្បីក្លាយជាមនុស្សដែលមានផលិតភាពខ្ពស់ គឺ មិនមែនជារឿងងាយស្រួលប៉ុន្មាននោះទេ ប៉ុន្តែវាជារឿងដែលបុគ្គលិកគ្រប់រូបខិតខំ បើទោះបីជា ប្រឈមនឹងបញ្ហាច្រើនយ៉ាងណាក៏ដោយ។ ថ្វីត្បិតតែ ម្នាក់ៗ ចង់បានផលិតភាពខ្ពស់ក្តី ប៉ុន្តែ ពេលខ្លះទម្លាប់អាក្រក់មួយចំនួន បានធ្វើឲ្យពួកគេ មិនអាចបញ្ចេញសក្ដានុពលរបស់ខ្លួនអស់នោះឡើយ ជាហេតុធ្វើឲ្យផលិតភាពអន់ខ្សោយ។

ខាងក្រោមនេះ គឺជា ទម្លាប់អាក្រក់មួយចំនួនដែលធ្វើឲ្យអ្នកមិនអាចមានផលិតភាពខ្ពស់ ក្នុងការធ្វើការងារផ្សេងៗនោះឡើយ៖

១) នៅជាប់ជាមួយប្រព័ន្ធអ៊ីនធឺណិតរហូត
អ៊ីនធឺណិតពិតជាមានសារៈសំខាន់ខ្លាំងណាស់ សម្រាប់មនុស្សគ្រប់គ្នាក្នុងការស្រាវជ្រាវឯកសារ ឬ ធ្វើការទំនាក់ទំនងផ្សេងៗ។ ប៉ុន្តែពេលខ្លះវាក៏រំខានទៅលើ ការងាររបស់អ្នកផងដែរ ព្រោះ ជាទូទៅដោយសារតែ ម្នាក់ៗប្រើប្រាស់ បណ្ដាញសង្គមច្រើន ដូច្នេះពួកគេតែងឆ្លៀតពេល ផ្ញើរសារ ឬ បង្ហោះរូបភាពផ្សេងៗ ដែលទាំងនេះមិនទាក់ទងនឹងការងារនោះឡើយ។ ប្រការនេះធ្វើឲ្យអ្នកមិនអាចមានពេលវេលាគ្រប់គ្រាន់ និង មិនអាចមានអារម្មណ៍ពេញលេញក្នុងការធ្វើការទេ។

២) ចូលចិត្តពន្យារពេល
ក្នុងមួយថ្ងៃៗមានរឿងរ៉ាវជាច្រើនដែលអ្នកត្រូវធ្វើ ប៉ុន្តែបើមិនព្រមធ្វើវាឲ្យហើយទេ នោះអ្នកនឹងប្រឈមបញ្ហាកាន់តែច្រើនថែមទៀតនៅថ្ងៃក្រោយ។ ពេលខ្លះវាមិនមែនជារឿងលំបាកក្នុងការធ្វើនោះទេ ប៉ុន្តែដោយសារតែមានទម្លាប់ចូលចិត្តពន្យារពេល នាំឲ្យការងារនោះ មិនអាចបញ្ចប់ទាន់ពេលវេលាបាន។

៣) មិនចេះបែងចែកអ្វីសំខាន់ និង មិនសំខាន់
ដូចដែលបានដឹងហើយថា មនុស្សម្នាក់ៗសុទ្ធតែមានការងារជាច្រើន ប៉ុន្តែក្នុងកាលៈទេសៈនេះ បើចេះ បែងចែកអ្វីសំខាន់ និង មិនសំខាន់នោះ អ្នកនឹងអាចធ្វើវាឲ្យបានយ៉ាងល្អមិនខាន។ យ៉ាងណាក៏ដោយ ភាគច្រើនមិនសូវគិតឃើញអំពីចំណុចនេះទេ ជាហេតុនាំឲ្យមានភាពស្មុគស្មាញកើតឡើង ព្រោះមិនដឹងថា ត្រូវធ្វើមួយណាមុន មួយណាក្រោយ។
៤) មិនចេះរៀបចំផែនការ
ការរៀបចំផែនការពិតជាមានសារៈសំខាន់ខ្លាំងណាស់ ក្នុងការធ្វើការងារប្រចាំថ្ងៃ ព្រោះវាជាផែនទី ចង្អុលបង្ហាញផ្លូវថា ត្រូវធ្វើអ្វី និង ដោយរបៀបណានៅថ្ងៃខាងមុខ។ ដូច្នេះហើយបើ មិនចេះរៀបចំផែនការឲ្យបានល្អទេ ប្រាកដណាស់ថា អ្នកមិនអាចបង្កើនផលិតភាពការងារបានល្អនោះឡើយ ព្រោះមិនដឹងថា ត្រូវធ្វើអ្វី៕

ប្រែសម្រួល៖ រស្មី

គន្លឹះងាយៗទាំង ៦ចំណុចនេះ ជួយឲ្យអ្នករកឃើញផ្លូវ ដើម្បីក្លាយជាសេដ្ឋីនៅថ្ងៃអនាគត!ប្រភព៖ money-market-trading.com

មនុស្សម្នាក់ៗ សុទ្ធតែចង់ក្លាយជាសេដ្ឋីដែលមានលុយចាយមិនអស់ ប៉ុន្តែមិនមែនគ្រប់គ្នាសុទ្ធតែអាចសម្រេចបំណងរបស់ខ្លួនបាននោះឡើយ ព្រោះថាក្លាយជាសេដ្ឋីមិនមែនជារឿងងាយស្រួលនោះទេ។ សេដ្ឋីភាគច្រើនបានចាប់ផ្តើមពីចំណុចសូន្យ រហូតមានលុយយ៉ាងច្រើនរាប់មិនអស់ ដោយសារតែការខិតខំប្រឹងប្រែង និង គិតគូរយ៉ាងយកចិត្តទុកដាក់លើអ្វីដែលគួរ និង មិនគួរធ្វើក្នុងសកម្មភាពប្រចាំថ្ងៃ។ ដូច្នេះហើយ អ្នកត្រូវគិតគូរឲ្យច្បាស់លាស់លើសកម្មភាពប្រចាំថ្ងៃ ជាពិសេស ការចំណាយ និង ការខិតខំធ្វើការងារឲ្យបានខ្លាំងក្លា បើមិនដូច្នោះទេ អ្នកមិនងាយនឹងក្លាយជាសេដ្ឋីបានឡើយ។

ខាងក្រោមនេះ គឺជាគន្លឹះមួយចំនួនដែលជួយឲ្យអ្នកក្លាយជា សេដ្ឋីនៅពេលអនាគតខាងមុខ៖

១) ទិញវត្ថុអ្វីដែលចាំបាច់ជាជាងអ្វីដែលអ្នកចង់បាន
ជាទូទៅ មនុស្សភាគច្រើនមិនសូវបែងចែកឲ្យបានច្បាស់ លើអ្វីដែល«ចាំបាច់» និង អ្វីដែល«ចង់បាន» នោះទេ។ ជាការពិតណាស់នៅលើទីផ្សារមានវត្ថុជាច្រើន ដូច្នេះអ្នកត្រូវតែ ច្បាស់ក្នុងចិត្តថា អ្វីដែលចាំបាច់សម្រាប់ការរស់នៅ ព្រោះ មិនអាចមានលុយច្រើនទៅទិញវត្ថុទាំងអស់បានឡើយ។ ការទិញវត្ថុដែលចាំបាច់សម្រាប់ការរស់នៅ គឺផ្តល់ផលប្រយោជន៍យ៉ាងច្រើន ជាពិសេស អ្នកអាចប្រើវាដើម្បីបំពេញសេចក្តីខ្វះខាត និង មិនខ្ជះខ្ជាយលុយកាក់ច្រើន។ ប្រសិនបើអ្នក ចេះបែងចែកចំណុចនេះ ប្រាកដណាស់ថា វាជាជំហានដ៏ល្អមួយ ដើម្បីឈានទៅរកភាពជោគជ័យ ក្នុងជីវិត។

២) ចាយឲ្យបានតិច សន្សំឲ្យច្រើន
ការសន្សំគឺពិតជាមានសារៈសំខាន់ខ្លាំងណាស់ ព្រោះបើទោះបីជា មានចំណូលច្រើនប៉ុណ្ណាក៏ដោយ តែបើចាយច្រើនហួសហេតុពេក ធ្វើឲ្យអ្នកប្រឈមនឹងបញ្ហាមិនខាន។ ដូច្នេះហើយ សូមកុំចាយវាយច្រើន ជាងចំណូលឲ្យសោះ តែត្រូវតែព្យាយាមសន្សំឲ្យបានច្រើន ទើបជាជម្រើសដ៏ឆ្លាតវៃបំផុត។

៣) ត្រូវមានការអត់ធ្មត់ឲ្យខ្ពស់
ត្រូវចាំថា ដើម្បីជោគជ័យលើអ្វីមួយ វាចាំបាច់ខ្លាំងណាស់ដែលត្រូវការភាពអត់ធ្មត់ ព្រោះថា បើអ្នកមិនចេះអត់ធ្មត់ទេ នោះអ្វីៗប្រាកដជា ត្រូវអាសាបង់មិនខាន ត្បិតអីក្នុងជីវិតប្រចាំថ្ងៃមានបញ្ហាជាច្រើន ដែលអ្នកត្រូវដោះស្រាយយ៉ាងឆ្លាតវៃ និង យកចិត្តទុកដាក់បំផុត។ ដូច្នេះ អ្នកត្រូវតែ អត់ធ្មត់ឲ្យខ្លាំង ហើយព្យាយាមធ្វើអ្វីដែលអ្នកគិតថា ត្រឹមត្រូវ និង មានប្រយោជន៍សម្រាប់អនាគត។

៤) ប្រើពេលវេលាឲ្យមានប្រយោជន៍បំផុត
ពេលវេលា គឺសំខាន់ខ្លាំងណាស់ ហើយម្នាក់ៗសុទ្ធតែមាន ២៤ ម៉ោងដូចគ្នាដើម្បីធ្វើកិច្ចការផ្សេងៗក្នុងមួយថ្ងៃ។ ដោយសារតែ ពេលវេលាសំខាន់បែបនេះហើយ អ្នកត្រូវតែប្រើពេលវេលាឲ្យមានប្រយោជន៍បំផុត ដើម្បីធ្វើអ្វីដែលចាំបាច់។ សូមកុំទុកពេលវេលាឲ្យ កន្លងផុតទៅដោយគ្មានន័យឲ្យសោះ ព្រោះថា ពីមួយថ្ងៃទៅមួយថ្ងៃ ពេលវេលាដើរទៅមុខជានិច្ច ដូច្នេះបើអ្នកមិនចេះប្រើវាឲ្យមានប្រយោជន៍នោះ ទេ ប្រាកដណាស់ថា វិប្បដិសារី និង កើតឡើងជាមិនខាន ហើយអ្នកពិតជាគ្មានថ្ងៃអាចក្លាយជា សេដ្ឋីនៅពេលអនាគតបានឡើយ។
៥) ព្យាយាមនៅឲ្យឆ្ងាយពីបំណុល
ថ្វីបើមនុស្សម្នាក់ៗ មិនអាចគេចផុតពីបំណុលបាន ប៉ុន្តែអ្នកត្រូវតែច្បាស់ថា បំណុលកំរិតណាដែលអ្នកអាចទ្រទ្រង់រួច និង បំណុលកម្រិតណាដែលធ្វើឲ្យអន្តរាយ។ ដូច្នេះហើយ មុននឹងសម្រេចចិត្ត ខ្ចីបុលពីនរណាម្នាក់ ឬ ពីធនាគារ អ្នកត្រូវតែប្រាកដថា លុយដែលបានខ្ចីមកទាំងនោះ ជួយអ្វីខ្លះដល់អ្នក ហើយអ្នកមានលទ្ធភាពគ្រប់គ្រាន់ក្នុងការសងវិញឬទេ។ បើសិនអាចយល់ច្បាស់ពីចំណុចនេះ អ្នកប្រាកដជា អាចមានលទ្ធភាពគ្រប់គ្រាន់ក្នុងការដើរទៅរកភាពជោគជ័យមិនខាន។

៦) ធ្វើអ្វីដែលអ្នកពេញចិត្ត
មានការងារ និង មុខរបរជាច្រើន ដែលមនុស្សម្នាក់ៗអាចជ្រើសរើសបាន។ ត្រូវប្រាកដថា អ្នកជ្រើសរើសធ្វើអ្វីមួយដែលខ្លួនពេញចិត្ត ព្រោះ ប្រសិនបើអ្នកមិនចូលចិត្តទេ ប្រាកដណាស់ថា គ្មានថ្ងៃអាចធ្វើវាឲ្យចេញជាលទ្ធផលល្អនោះឡើយ ជាពិសេសនៅពេលដែលជួបបញ្ហាលំបាកៗ។ ប៉ុន្តែបើអ្នកធ្វើអ្វីដែលខ្លួនពេញចិត្តវិញ អ្នកនឹងទទួលបានសមិទ្ធផលធំធេង បើទោះបីជាជួបស្ថានភាពលំបាកប៉ុណ្ណាក៏ដោយ ហើយប្រការនេះ មិនយូរមិនឆាប់នឹងជួយឲ្យអ្នកក្លាយជាមនុស្សជោគជ័យ មិនខាន៕

ប្រែសម្រួល៖ រស្មី

ប្រភព៖ Business Insider

ស្ថាបនិកក្រុមហ៊ុនលក់ទំនិញអនឡាញ Alibaba មហាសេដ្ឋី Jack Ma បានវ៉ាដាច់មហាសេដ្ឋីអចលនទ្រព្យហុងកុង Li Ka-shing ក្លាយជាអ្នកមានជាងគេបំផុតនៅអាស៊ី។ នេះបើតាមការចុះផ្សាយរបស់គេហទំព័រ Bloomberg កាលពីពេលថ្មីៗនេះ។

ស្ថាបនិកក្រុមហ៊ុន Alibaba មហាសេដ្ឋី Jack Ma

ទ្រព្យសម្បត្តិរបស់លោក Jack Ma បានកើនឡើងដល់ ២៨,៦ពាន់លានដុល្លារ លើសទ្រព្យលោក La Ka-shing ប្រហែល ៣០០លានដុល្លារ គិតត្រឹមចុងឆ្នាំ ២០១៤នេះ។ ទាក់ទងនឹងការធ្លាក់ចំណាត់ថ្នាក់ មហាសេដ្ឋីវ័យ ៨៦ឆ្នាំ Li Ka-shing បានបញ្ជាក់តាមអ្នកនាំពាក្យនៅហុងកុងថា លោកគ្មានបញ្ហាអីទេ ប៉ុន្តែសប្បាយចិត្តដែលឃើញបុរសវ័យក្មេងមកពីចិន អាចធ្វើជំនួញបានយ៉ាងល្អ។ ចំណែកអ្នកនាំពាក្យរបស់មហាសេដ្ឋី Jack Ma បានបដិសេធមិនធ្វើអត្ថាធិប្បាយទេ។

មហាសេដ្ឋីអចលនទ្រព្យហុងកុង Li Ka-shing

មហាសេដ្ឋីអចលនទ្រព្យហុងកុង Li Ka-shing ដែលមានទ្រព្យសម្បត្តិសរុប ២៨,៣ពាន់លានដុល្លារ បានកាន់កាប់តំណែងអ្នកមានជាងគេនៅអាស៊ីតាំងពីថ្ងៃទី០៥ ខែមេសា ឆ្នាំ២០១២ ប៉ុន្តែពេលនេះតំណែងកំពូលគេនៅអាស៊ីជាង ២ឆ្នាំ ត្រូវបានបញ្ចប់ហើយ។

ប្រែសម្រួល៖ គង់ វិសាល

ប្រភព៖ bloomberg

សម្លេងនិយាយភាសាអង់គ្លេសមិនបានល្អ រូបរាង និងឥរិយាបទដូចទៅនឹងគ្រូបង្រៀន ប៉ុន្ដែ Bellum
Tan គឺជាអ្នកវិនិយោគលំដាប់កំពូលរបស់សឹង្ហបុរី។

លោក Bellum Tan ធ្លាប់បានថ្លែងថា “មនុស្សជាច្រើន មានចម្ងល់ថា ហេតុអ្វីបានជាខ្ញុំនិយាយភាសា
អង់គ្លេស មិនបានល្អដូចទៅនិយាយអ្នកជំនួញ ឬវាគ្មិនជនជាតិសឹង្ហបុរីដទៃទៀត។ ខ្ញុំមិនអាចនឹង
បង្រៀនអ្នករាល់គ្នាអំពីវេយ្យាករណ៍អង់គ្លេស ប៉ុន្ដែ ខ្ញុំប្រាកដថា ខ្ញុំអាចបង្រៀនអ្នករាល់គ្នាអំពីវិធីរក
ប្រាក់”។

ចាប់ពីអាយុ ៩ឆ្នាំ ក្រោយពីម៉ោងសិក្សា Bellum Tan តែងជួយធ្វើការផ្ទះ ពិសេសគឺការបេះផ្លែឈើ
ក្នុងចំការរបស់ខ្លួន និងយកវាទៅដើរលក់គ្រប់កន្លែងក្នុងតំបន់។ មកដល់ឆ្នាំសិក្សាទីពីរនេះមហាវិទ្យា
ល័យ Bellum Tan ត្រូវគេដេញចេញពីសាលា ដោយសារតែលទ្ធផលនៃការសិក្សាមិនបានល្អ ក្នុង
នោះ មូលហេតុចម្បងគឺបណ្ដាលមកពីការធ្វើការដើម្បីរកប្រាក់បន្ថែម។ ប៉ុន្ដែ Bellum Tan មិនអស់
សង្ឃឹម ហើយនៅតែហ៊ានដាក់ពាក្យសុំការងារធ្វើ។ ពេលសម្ភាស Bellum Tan មិនបានសួរអំពីប្រាក់
ខែ ឬអត្ថប្រយោជន៍អំពីក្រុមហ៊ុននោះទេ តែគាត់បែរជាសួរថា “ម្ចាស់ក្រុមហ៊ុននេះ មានប្រាក់ប៉ុន្មាន”
ទៅវិញ។ ពេលនោះ អ្នកសម្ភាស ភ្ញាក់ផ្អើលជាខ្លាំង ហើយសួរត្រឡប់វិញ “ហេតុអីលោកមិនសួរខ្ញុំ
អំពីប្រាក់ខែ?”។

Bellum Tan តបវិញថា “ព្រោះថា ៥ឆ្នាំក្រោយ ខ្ញុំចង់មានទ្រព្យដូចថៅកែរបស់លោក”។ ជាលទ្ធផល
កម្លោះនេះ ទទួលបានការយល់ព្រម ឱ្យចូលធ្វើការ។

ពេលបំពេញការងារជាអ្នកត្រួតពិនិត្យ លោក Bellum Tan តែងតែមានទំនាក់ទំនងល្អជាមួយអតិថិ
ជន។ គាត់យល់ថា មិនមែនមនុស្សចំនួនប៉ុន្មាននាក់ ដែលអ្នកស្គាល់នោះទេ តែមនុស្សប៉ុន្មាននាក់
ដែលស្គាល់អ្នក ទើបជាការសំខាន់។ លោក Bellum Tan តែងព្យាយាមដោះស្រាយបញ្ហាទាំងអស់
ជៀសវាងរំខានដល់ថៅកែរបស់ខ្លួន។ ព្រោះថា ពេលនោះ លោក Bellum Tan មានគម្រោងថា នឹង
ក្លាយជាម្ចាស់ក្រុមហ៊ុនមួយ នៅ ៥ឆ្នាំខាងមុខ ដូច្នេះ គាត់យកចិត្តទុកដាក់ខ្ពស់ទៅលើអតិថិជន
ហើយអតិថិជន ក៏មើលមកលោក ដូចជាថៅកែម្នាក់។

ទន្ទឹមនឹងការបង្កើតទំនាក់ទំនងល្អជាមួយអតិថិជន លោក Bellum Tan ថែមទាំងស្ម័គចិត្តបំពេញ
រាល់ការងារក្នុងក្រុមហ៊ុន ចាប់ពីលក់ទំនិញ រចនា រហូតដល់រក្សាការពារ។ល។ មិនយូរប៉ុន្មាន
លោក បានក្លាយជាមនុស្សពូកែបំផុត ដែលអាចធ្វើការងារទាំងអស់របស់ក្រុមហ៊ុន។ លោក Bellum
Tan ថ្លែងថា “ថ្វីបើខ្ញុំរៀនមិនបានពូកែនៅសាលា តែគម្រោងរបស់ខ្ញុំ គឺធ្វើការដើម្បីទទួលចំណេះ
អំពីក្រុមហ៊ុន។ ព្រោះថា ពេលធ្វើការឱ្យគេ រាល់ប្រាក់ចំណាយ គឺជាបន្ទុករបស់ថៅកែ ប៉ុន្ដែ នៅ
ពេលដំណើរការក្រុមហ៊ុនផ្ទាល់ខ្លួន យើងដាច់ខាត មិនត្រូវឱ្យមានកំហុស ដោយសារយើងនឹងត្រូវ
ចំណាយប្រាក់ទៅលើបញ្ហាទាំងនោះ”។

ជាមួយនឹងទឹកប្រាក់ ១០០០ដុល្លារអាមេរិក រួមនឹងទំនាក់ទំនងដែលមានស្រាប់ លោក Bellum Tan
បានបើកក្រុមហ៊ុនមួយ ជំនាញខាងសាងសង់ប្រព័ន្ធនានាឱ្យបណ្ដាសំណង់អណ្ដូងប្រេង។ ឆ្នាំ
១៩៩២ លោក Bellum Tan មានឱកាសចូលរួមសិក្ខាសាលារបស់ Robert Kiyosaki ។ នៅទីនោះ
សំនួរដែល លោក Bellum Tan លើកឡើង បានប្ដូរផ្លាស់ជីវិតរបស់លោក ៖ “កិច្ចការពិតរបស់អ្នក
ជំនួញម្នាក់ គឺជាអ្វី?” ព្រោះថា លោក Bellum Tan យល់ឃើញថា ការធ្វើការងារដោយការព្យាយាម
គឺមិនទាន់គ្រប់គ្រាន់។ កន្លងមកនោះ លោក ធ្វើការ ១៨ម៉ោង ក្នុងមួយថ្ងៃ ហើយលោកក៏ត្រូវដោះ
ស្រាយគ្រប់បញ្ហារបស់ក្រុមហ៊ុន ដូច្នេះ លោកហាក់ដូចជាអ្នកជំនួយការរបស់បុគ្គលិក។

ចុងក្រោយ លោក Bellum Tan ក៏រកឃើញអាថ៌កំបាំងដើម្បីដំណើរការក្រុមហ៊ុន ដោយប្រើប្រព័ន្ធ ដែលអាចមានពេលវេលាច្រើនសម្រាប់ពង្រីកក្រុមហ៊ុន។ ក្រៅពីនេះ លោក ក៏ថែមទាំងស្វែងយល់
ដើម្បីបង្កើនសមត្ថភាពរបស់ខ្លួន ក្នុងការវិនិយោគ តាមរយៈការគ្រប់គ្រងក្រុមហ៊ុន វិនិយោគទៅ
លើអចលនទ្រព្យ។ល។ ពិសេសជាងនេះ ការចាប់ដៃរកស៊ីជាមួយវាគ្មិន Robert Kiyosaki ដែលជា
គ្រូរបស់ខ្លួន បានជួយឱ្យលោក ទទួលបានរាប់លានដុល្លារអាមេរិក ដូចជាការវិនិយោគទុនទៅលើ
បណ្ដាក្រុមហ៊ុនថ្មី ការវិនិយោគទៅលើក្រុមហ៊ុនស្វែងរកប្រភពធនធានធម្មជាតិ ក្នុងនោះ មានករណីរកឃើញអណ្ដូងរ៉ែមាសធំបំផុតនៅប្រទេសចិន ។ល។

លោក Bellum Tan ថ្លែងថា ៖ “ដោយគ្រាន់តែវិនិយោគ និងធ្វើតាមវិធីដែលអ្នកមានបានធ្វើ អ្នកនឹង
រកឃើញផ្លូវកាត់ ដើម្បីទៅដល់ចំនុចជោគជ័យ។ ចាប់តាំងពីឆ្នាំ ១៩៩៣ ដល់ ១៩៩៥ ខ្ញុំបានទិញ
អចលនទ្រព្យចំនួន ៨កន្លែង និងមជ្ឈមណ្ឌលពាណិជ្ជកម្មចំនួន ២។ ឆ្នាំ ១៩៩៦ លោកគ្រូ Robert
បានប្រាប់ថា អចលនទ្រព្យ កំពុងស្ថិតក្នុងស្ថានភាពជាប៉ោងប៉ោង ដែលជិតនឹងផ្ទុះបែក។ ជាក់ស្ដែង
ពេលនោះ ទីផ្សារអចលនទ្រព្យ មានសញ្ញាអាក្រក់ ដូច្នេះ ឆ្នាំ ១៩៩៧ ខ្ញុំក៏លក់ចេញមួយចំនួនធំ។
ក្រោយមក លោក Robert បានផ្ដល់យោបល់ថា គួរតែវិនិយោគទៅលើមាស។ ខ្ញុំបានទិញមាស
ដែលមានតម្លៃ ២៧០ដុល្លារអាមេរិក ក្នុងមួយអោន ហើយដល់ឆ្នាំ ២០០២ មាសបានឡើងថ្លៃដល់
ជាង ៥០០ដុល្លារ ទើបខ្ញុំបានចំណេញច្រើន”។

អ្នកវិនិយោគភាគច្រើន មិនវិនិយោគទៅលើអ្វីដែលនាំមកនូវចំណេញក្រោម ៣០% ក្នុងមួយឆ្នាំ
ចំណែកលោក Bellum វិញ គាត់មិនវិនិយោគទៅលើអ្វីដែលនាំមកចំណេញក្រោយ ១០០% ក្នុង
មួយឆ្នាំ ដោយគាត់វិនិយោគទៅលើអ្វីដែលមានចំណេញ ១០% ក្នុងមួយខែ។ លោក Bellum ចែក
រំលែកថា មានកិច្ចការចំនួន ២ ដែលត្រូវធ្វើ រាល់ពេលទទួលបានចំណេញប្រចាំខែ នោះគឺ ដក
១០% សម្រាប់ថ្លៃឈ្នួលរបស់ខ្លួន ហើយ ១០% ទៀត សម្រាប់ធ្វើបុណ្យ។

មហាសេដ្ឋី Robert Kiyosaki គឺជាវាគ្មិន ជាគ្រូម្នាក់របស់ លោក Bellum ហើយក៏ជាម្ចាស់សៀវភៅ
"ឱពុកអ្នកមាន និងឱពុកអ្នកក្រ"

លោក Bellum បន្តថា “កាលពីឆ្នាំទៅ ពេលខ្សែភាពយន្ដ Iron Man ជិតនឹងចាប់បញ្ចាំង ខ្ញុំបានសួរ
បុគ្គលិករបស់ខ្ញុំថា តើអ្នកនឹងធ្វើអ្វីខ្លះ នៅចំពោះមុខព្រឹត្តិការណ៍នោះ។ អ្នកខ្លះឆ្លើយថា វាប្រាកដ
ជាល្អមើល ពួកគេនឹងទិញសំបុត្រចូលទស្សនា។ ចំណែកអ្នកដែលមានឈាមជាអ្នកជំនួញ ឆ្លើយ
ថា ពួកគេនឹងថតយករឿងនោះ ហើយចម្លងដាក់ថាស សម្រាប់លក់។ ចំណែកខ្ញុំ ដែលជាអ្នកជំនួញ
ម្នាក់ ដូច្នេះ ខ្ញុំចាប់ផ្ដើមស្វែងរកក្រុមហ៊ុន Walt Disney ដែលផលិតខ្សែភាពយន្ដនោះ។ មុនពេល
ខ្សែភាពយន្ដចាប់ផ្ដើមបញ្ចាំង ខ្ញុំបានទិញភាគហ៊ុនរបស់ផលិតកម្មនោះ ហើយក្រោយពីបានបញ្ចាំង
ភាគហ៊ុនរបស់ផលិតកម្ម បានឡើងដល់ ៧ដុល្លារក្នុង ១ហ៊ុន”៕

ប្រែសម្រួលដោយ ៖ តារា
ប្រភព ៖ richdadasia

ដំណឹងប្រាំពីរ

សម្រង់សម្ដីដ៏មានអត្ថន័យទាំង ១០ ជួយលើកទឹកចិត្តអ្នកបង្កើតក្តីសង្ឃឹមឲ្យខ្លួនឯងសម្រាប់ឆ្នាំ២០១៥

ដឹងថាអ្នកណាធ្វើអោយសិង្ហបុរីរីកចំរើនដល់សព្វថ្ងៃទេ?

ការងារខួរក្បាលជួយឲ្យមនុស្សចាស់ភ្លឺស្វាងជាង

ទម្លាប់ ៤យ៉ាង ធ្វើឲ្យអ្នកគ្មានផលិតភាពខ្ពស់លើការងារ

ទម្លាប់ ៤យ៉ាង ធ្វើឲ្យអ្នកគ្មានផលិតភាពខ្ពស់លើការងារ

គន្លឹះងាយៗ ៦ចំណុចនេះ ជួយឲ្យអ្នករកឃើញផ្លូវដើម្បីក្លាយជាសេដ្ឋីនៅថ្ងៃអនាគត!

ស្ថាបនិក Alibaba វ៉ាដាច់លី កាស៊ីង ក្លាយជាអ្នកមានជាងគេនៅអាស៊ី

និស្សិតដែលត្រូវបណ្ដេញពីសាលា ក្លាយជាសេដ្ឋី ដោយសារធ្វើតាមអ្នកមាន

About

Follow Us

Popular Posts

Subscribe

Labels

Pinterest

Labels

ទម្លាប់ ៤យ៉ាង​ ធ្វើ​ឲ្យ​អ្នក​​គ្មាន​​ផលិត​ភាព​ខ្ពស់​លើ​ការងារ​​

About

Follow Us

Popular Posts

Subscribe

Labels

Pinterest

Labels

ទម្លាប់ ៤យ៉ាង ធ្វើឲ្យអ្នកគ្មានផលិតភាពខ្ពស់លើការងារ