ភ្នំពេញ៖ មានមនុស្សមួយចំនួន មិនបានយល់ដឹង ពី ការប្រើប្រាស់ បណ្ដាញទំនាក់ទំនងសង្គម ច្បាស់លាស់ ថា តើវាមាន ឥទ្ធិពលបែបណា នៅពេលដែល អ្នក បានប្រើប្រាស់វា តាមអំពើចិត្ដ ដោយមិនបានគិត ពីរឿងដែលកើតឡើង នៅថ្ងៃមុខនោះទេ ដែលវាអាចទាញអ្នក ទៅប្រឈមមុខ នឹងការ ដាក់ទោស ទៅតាមផ្លូវច្បាប់, ការអាប់អោន កិត្តិយស, ការបាត់បង់ជីវិត និងគ្រោះថ្នាក់ផ្សេងៗ ជាយថាហេតុ។
ជាឧទាហរណ៍ ដែល បុរសខ្មែរ២នាក់ ជាអ្នករស់នៅក្នុង ភូមិ-ឃុំ កំពង់ពពិល ស្រុកពារាំង ខេត្ដព្រៃវែង បានបង្ហោះរូបភាព ដែលខ្លួន បានវាយ និងចងធ្វើបាប ក្មេងប្រុស លួចបេះដូង ចូលទៅក្នុង ហ្វេសប៊ុក។ ក្រោយពី រូបភាព បានបង្ហោះ និងមាន ការធ្វើចែកចាយ ច្រើន ជាចុងក្រោយ បុរសទាំងពីរនាក់ បងប្អូននេះ ត្រូវបាន សមត្ថកិច្ច ធ្វើការ ឃាត់ខ្លូន និងបញ្ជូនសំនុំរឿង ទៅកាន់ តុលាការ។



អ្វីដែល គួរឲ្យចាប់អារម្មណ៍ មួយទៀតនោះ គឺចម្រៀងជើងថ្មី វ័យក្មេងសាច់ស ទ្រលុកទ្រលន់ ឃិត សំម៉ាលីស ទើបចូលប្រឡូក ក្នុងអាជីពអ្នកសិល្បៈ ហើយទីផ្សារចម្រៀង ពុំទាន់ទូលំទូលាយខ្លាំង ដូចតារារាមច្បង ក៏ពិតមែន ប៉ុន្តែថ្មីៗនេះ នាងបានធ្វើឲ្យ ទស្សនិកជន ស្រទាប់យុវវ័យ ដោយបង្ហោះ រូបថត១ សន្លឹក ជារូបសិចស៊ី ខ្លាំងបំផុត បន្ទាប់ពីឃើញធ្វើ ឲ្យប្រុសៗ សម្លឹងមិនដាក់ ភ្នែកស្ទើរគ្រប់គ្នា។ ចំពោះរូបនេះ ដែរ នាងក៏ទទួលការ រិះគន់ យ៉ាងចាស់ដៃផងដែរ ពីទស្សនិកជន ខ្មែរ។




ព័ត៌មានផ្សេងៗ ទាក់ទងនឹង ហ្វេសប៊ុក
ងាកមកមើល រឿងក្រៅប្រទេសវិញ បុរសជនជាតិ អាមេរិកម្នាក់ មានឈ្មោះថា Richard Catalano អាយុ២៦ឆ្នាំ ត្រូវបានចោរ ចាញ់សម្លាប់ កាលពីយប់ ថ្ងៃអាទិត្យ ទី១៧ ខែសីហា កន្លងទៅនេះ បន្ទាប់ពីបុរសរូបនេះ បានថតរូបលុយ ជាច្រើន និងបង្ហោះអួតគេ នៅលើបណ្តាញសង្គម ហ្វេសប៊ុក។ ជាមួយគ្នានេះដែរ ម្តាយបុរសនេះ ក៏ត្រូវចោរ បាញ់ឲ្យរងរបួសធ្ងន់ ផងដែរ។



សម្រាប់រឿងចុងក្រោយ ដែលទើបតែកើតឡើង កាលពីពេលថ្មីៗនេះ គឺបុរសជា ឪពុកម្នាក់ ដែលបានវាយតំ កូនប្រុសអាយុ ៣ឆ្នាំ និងបង្ហោះ រូបភាពចូលទៅក្នុង បណ្ដាញទំនាក់ ទំនងសង្គម ចិនគឺ Weibo ក៏ត្រូវបាន ប៉ូលីស តាមប្រមាញ់ ចាប់ខ្លួនផងដែរ។ តាមប្រភពព័ត៌មាន បានឲ្យដឹងថា លោក Zhong Lo អាយុ ៣៦ឆ្នាំ ជាអ្នករស់នៅក្នុង ទីក្រុង Shantou ខេត្ដ Guandong បានប្រើ ហឹង្សាទៅលើ កូន ក្នុងគោលបំណង ដើម្បីទាមទារចង់ ឲ្យប្រពន្ធរបស់ខ្លួន វិល ត្រលប់មក រកខ្លួនវិញ។




នេះជារូបភាព របស់ក្មេងប្រុស
កែសម្រួលដោយ ម៉ា
ខ្មែរឡូត