ថ្ងៃ​នេះ​ក្រុមហ៊ុន​នាឡិកា Casio របស់​ជប៉ុន​បាន​បង្ហើប​ចេញ​នាឡិកាដៃ​ឆ្លាតវៃ​ប្រភេទ analogue ប្រើ​ទ្រនិច​ឆ្លាត​វៃ​ដំបូង​របស់​ខ្លួន​ដែល​អាច​ភ្ជាប់​ជា​មួយ Smartphone ក្នុង​ការ​គ្រប់គ្រង​ការ​កំណត់​ផ្សេងៗ​នៅ​លើ​នាឡិកា។

គំរូ​នាឡិកាដៃ​ស្អាត​ទាន់​សម័យ​ទាំង​ពីរ​នេះ​មាន​ឈ្មោះ G-Shock ដែល​ពេល​នេះ​ក្រុមហ៊ុន​បាន​អភិវឌ្ឍ​ឈាន​ដល់​ដំណាក់កាល​ជិត​បញ្ចប់​រួចរាល់​ជា​ស្ថាពរ​ហើយ។ G-Shock រំពឹង​នឹង​ចេញ​ផ្លូវការ​ក្នុង​ព្រឹត្តិការណ៍ BaselWorld នៅ​ថ្ងៃ​ស្អែក ហើយ​នឹង​មាន​លក់​នៅ​ថ្ងៃ​ទី៣ ខែ​មេសា​ខាង​មុខ។

នាឡិកាដៃ Casio G-Shock នេះ​ មួយ​ម៉ូដែល មាន​ការ​ឌីហ្សាញ​រូបរាង​យក​ស្ទីល​ស្រដៀង​ម៉ូដែល Casio Edifice EQB-500 តែ G-Shock លើស​ត្រង់​បំពាក់​មុខងារ​ទំនើប​អាច​ភ្ជាប់​ជា​មួយ Smartphone តាម​រយៈ Bluetooth 4.0 ដើម្បី​គ្រប់គ្រង​ផ្សេងៗ​ដូច​ជា ប្រើ​ទូរសព្ទ​បញ្ជា​កំណត់​ម៉ោង​រោទ៍ ឬ​កែ​ម៉ោង​ក៏​បាន។

ឯ​ម៉ូដែល​ថ្មី​មួយ​ទៀត​នឹង​បំពាក់​ទាំង​មុខងារ​បង្ហាញ​ផ្លូវ GPS និង​បច្ចេកវិទ្យា​វិទ្យា Radio Wave ដែល​យក​ស្ទីល​តាម Casio GPW-1000។ ដោយ​សារ​មាន​នូវ satellite connectivity ម៉្លោះហើយ អាច​ឱ្យ​នាឡិកា​ដើរ​ត្រូវ​ម៉ោង​ពិភពលោក និង​កំណត់​ដោយ​ស្វ័យប្រវត្តិ​ត្រង់​ទីតាំង​ដែល​ខ្លួន​ពាក់។

ទោះជា​យ៉ាងណា ក្រុមហ៊ុន Casio មិន​បាន​បញ្ជាក់​ព័ត៌មាន​ពិស្ដារ​ពី​នាឡិកា​ថ្មី​ទាំង​ពីរ​ម៉ូដែល​នេះ​នៅ​ឡើយ​ទេ រួម​ទាំង​កាលបរិច្ឆេទ​ចេញ​លក់ និង​តម្លៃ​ក៏​ដូច​គ្នា។ ទន្ទឹម​នោះ​គេ​រំពឹង​ថា យ៉ាង​ហោច​នឹង​មាន​លក់​ចុង​ឆ្នាំ២០១៤​នេះ៕

សូម​ចុច​អាន៖ នាឡិកា​ថ្លៃ​បំផុត​ទាំង​១០​លើ​លោក

​ប្រែ​សម្រួល៖ ឈុន ហួរ
ប្រភព & រូបភាព៖ engadget