​យោងតាម​របាយការណ៍​របស់ Bloomberg បានអោយដឹងថា ក្រុមហ៊ុន Apple បានស្នើរ​សុំ សិទ្ធិ​ផ្លាកសញ្ញា “iWatch” នៅ​ប្រទេស​ជប៉ុន ដែល​បញ្ជាក់ថា ការលេចលឺ​កន្លងមក ទាក់ទង​នឹង​នាឡិកា​ឆ្លាត​វ៉ៃ iWatch គឺជា​រឿង​ពិតប្រាកដ​។

ប្រភព​បាន​បន្តទៀតថា ការស្នើរ​សុំ បាន​កើតឡើង​តាំងពី ថ្ងៃទី 3 ខែមិថុនា មកម្ល៉េះ ហើយ​ទើបតែ​លេច​ធ្លាយ​ព័ត៌មាន​កាលពី​អាទិត្យ​មុន​។​ ​ការស្នើរ​សុំ​សិទ្ធ​ផ្លាកសញ្ញា គឺជា​ការងារ​មួយ​ដែល​ក្រុមហ៊ុន​ធំៗ​ធ្វើឡើង ដើម្បី​ការពារ​ផលិតផល​របស់ខ្លួន​ពី​ការលួចចម្លង និង​យកឈ្មោះ ទៅប្រើ​ផ្តេសផ្តាស់​។​ ​

បើទោះជា Apple មិនទាន់បាន​ប្រកាស​ជា​ផ្លូវការ​នូវ​ផលិតផល “iWatch” តែបើ​តាម​របាយការណ៍​កន្លងមក បាន​អះអាងថា ក្រុមហ៊ុន Apple បាន​បង្កើត​ក្រុមការងារ​ដែលមាន​បុគ្គលិក​ជាង 100​នាក់ ធ្វើការ​ក្នុង​គំរោង “iWatch” នេះ ហើយ​នេះ​នឹង​ក្លាយជា​ផលិតផល​មួយ​ដ៏​ធំ បន្ទាប់ពី iPad និង iPhone ដែល​គេ​ជឿថា អាច​ស្តារឡើងវិញ​នូវ​តំលៃ​ភាគហ៊ុន​របស់ Apple៕ ​