ជើងទាំងគូរបស់ Taylor Swift មានតម្លៃរហូតដល់ ៤០លានដុល្លារ?
អ្នកណាទៅនឹកស្មានដល់ទៅថា ជើងទាំងគូរបស់តារាចម្រៀងដ៏ល្បីល្បាញកម្រិតពិភពលោក Taylor Swift មានតម្លៃរហូតដល់ ៤០លានដុល្លារ? មានព័ត៌មានលេចឮតៗគ្នាថាជើងទាំងសងខាងរបស់តារាចម្រៀងវ័យ២៥ មានតម្លៃរហូតដល់ ៤០លានដុល្លារ ដោយសារតែនាងបានទិញធានារ៉ាប់រងជើងរបស់នាង។
យោងតាមប្រភពមិនបញ្ចេញឈ្មោះជាច្រើនបានឲ្យដឹងថា ប្រសិនបើមានហេតុការណ៍អ្វីកើតឡើងចំពោះជើងរបស់នាង នោះ Taylor Swift មិនអាចឡើងសម្ដែងលើឆាកបាននោះទេ។ ដូច្នេះអាជីព២០០លានដុល្លាររបស់នាងនឹងជួបបញ្ហា ម្ល៉ោះហើយជើងរបស់នាងគួរតែមានតម្លៃ ខ្ទង់លានដុល្លារ”។
ប៉ុន្តែនៅពេល Taylor ដឹងថាជើងរបស់នាងថ្លៃរហូតដល់៤០លានដុល្លារនាងមានការភ្ញាក់ផ្អើលនិងខ្មាស់អៀនចំពោះរឿងនេះផងដែរ។ យ៉ាងណាមិញនោះប្រហែលគ្រាន់តែជាពាក្យចចាមអារ៉ាមប៉ុណ្ណោះព្រោះថ្មីៗនេះនាងទើបតែបានបង្ហោះរូបថតឆ្មារដែលនាងចិញ្ចឹមខ្វាចជើងរបស់នាង ដោយនាងបាននិយាយបែបលេងសើចថា កូនឆ្មារនាងទេដែលជំពាក់នាង៤០លានដុល្លារ។
បច្ចុប្បន្នការងារនាងទំនេរ រហូតដល់ចុងខែមិនាទើបនាងត្រូវទៅចូលរួមក្នុងកម្មវិធីប្រគល់ពានរង្វាន់ iHeartRadio Music Awards នាទីក្រុងឡូអែនជឺឡែស។ បន្ទាប់មកក្នុងខែមិថុនានាងនឹងធ្វើដំណើរទៅជប៉ុនដើម្បីចាប់ផ្ដើមការប្រគំតន្ត្រីទេសចរណ៍ដែលមានឈ្មោះថា 1989 tour នៅ Tokyo Dome រួមជាមួយការចេញលក់អាល់ប៊ុមចម្រៀងប៉ុប ដែលមានឈ្មោះដូចគ្នានេះផងដែរ៕
ប្រភព៖ www.justjared.com
