ស្មាតហ្វូន ៧ម៉ូដែលចេញអុកឡុកឆាកសមាជទូរស័ព្ទ MWC 2015 សាធារណជនសរសើរមិនដាច់ពីមាត់
ទោះបីព្រឹត្តិការណ៍នៃសមាជទូរស័ព្ទពិភពលោកប្រចាំឆ្នាំ២០១៥ នេះទើបបញ្ចប់ទៅ ប៉ុន្តែក៏បានបន្សល់នូវចំណងដៃផលិតផលអេឡិចត្រូនិកជាច្រើន សុទ្ធតែទំនើបៗធ្វើឲ្យផ្ញៀវចូលរួមមិនតិចទេ ដែលសុទ្ធតែលើកសរសើរពេញៗមាត់ ពិសេសគឺស្មាតហ្វូនស៊េរីថ្មីៗតែម្ដង។ ខាងក្រោមនេះគឺជាស្មាតហ្វូនល្អបំផុត ៧ម៉ូដែលដែលបានអង្រួនចិត្តទស្សនិកជននៅក្នុងព្រឹត្តិការណ៍ MWC 2015 ដែលទើបបញ្ចប់ទៅថ្មីៗ៖
១) Galaxy S6 Edge
GS6 Edge គឺជាស្មាតហ្វូនមានរចនាបថរូបរាងថ្មីសន្លាងរបស់ Samsung។ GS S6 Edge មានអេក្រង់កោងបញ្ឆិតចុះក្រោមបន្តិច នៅគែមទាំងសងខាងអេក្រង់។ ស្មាតហ្វូនទំនើបនេះ បានជាប់ឈ្មោះជាម៉ូដែលស្មាតហ្វូនដែលល្អ ប្រកបដោយភាពច្នៃប្រឌិតខ្ពស់ជាងគេនៅក្នុងសមាជទូរស័ព្ទពិភពលោកឆ្នាំ២០១៥នេះ។
GS6 Edge គឺជាស្មាតហ្វូនមានរចនាបថរូបរាងថ្មីសន្លាងរបស់ Samsung។ GS S6 Edge មានអេក្រង់កោងបញ្ឆិតចុះក្រោមបន្តិច នៅគែមទាំងសងខាងអេក្រង់។ ស្មាតហ្វូនទំនើបនេះ បានជាប់ឈ្មោះជាម៉ូដែលស្មាតហ្វូនដែលល្អ ប្រកបដោយភាពច្នៃប្រឌិតខ្ពស់ជាងគេនៅក្នុងសមាជទូរស័ព្ទពិភពលោកឆ្នាំ២០១៥នេះ។
លក្ខណៈពិសេសដែលអ្នកងាយមើលឃើញនៅលើ Galaxy S6 Edge គឺនៅត្រង់ថា អ្នកប្រើអាចមើលម៉ោង (clock) នៅចំហៀងអេក្រង់ ត្រង់អេក្រង់បញ្ឆិតនៃស្មាតហ្វូននេះបាន។
២) Galaxy S6
Galaxy S6 មានការរចនារូបរាងស្រដៀងនឹង Galaxy S6 Edge ដែរ ប៉ុន្តែមិនមានអេក្រង់កោងបញ្ឆិតទេ។ ស្មាតហ្វូននេះ ត្រូវបានបំពាក់អង្គប្រតិបត្តិល្បឿនលឿនប្រភេទ octa-core processor និងមាន RAM ទំហំ 3GB។ ថ្មីៗនេះ គេបានប្រៀបធៀបគុណភាពរូបថតនៅទីងងឹតរវាង Galaxy S6 និង iPhone 6 Plus ជាលទ្ធផលឃើញថា រូបថតដែលផ្ដិតចេញពី Galaxy S6 មានសភាពភ្លឺច្បាស់ជាងរូបថតដែលផ្ដិតដោយ កាមេរ៉ា iPhone 6 Plus។
៣) HTC One M9
One M9 គឺជាស្មាតហ្វូនស៊េរីថ្មីបន្ទាប់ពីម៉ូដែលស្មាតហ្វូនជោគជ័យ One M8 រួចមករបស់ក្រុមហ៊ុន HTC។ ស្មាតហ្វូនរបស់ HTC ត្រកូល One ប៉ុន្មានម៉ូដែលចុងក្រោយគឺសុទ្ធតែទទួលបានការគាំទ្រខ្លាំង តាមរយៈការរចនាស្អាត ទាន់សម័យ។ HTC បានភ្ជាប់មកជាមួយឈីបអង្គប្រតិបត្តិ Snapdragon 810 ដែលជាជំនាន់ចុងក្រោយរបស់ក្រុមហ៊ុន Qualcomm មាន RAM ទំហំ 3GB។ One M9 ភ្ជាប់មកជាមួយកាមេរ៉ាទំហំ 20.7MP។
៤) Blackberry Mystery Slide Phone
នៅសមាជ MWC 2015 នេះ ក្រុមហ៊ុនទូរស័ព្ទកាណាដា BlackBerry ក៏មិនឈរនៅស្ងៀម បានបង្អួតស្មាតហ្វូនទំនើបនឹងគេដែរ។ ម៉ូដែលស្មាតហ្វូនដែល BlackBerry ទើបប្រកាសនេះ ត្រូវបានរចនាជាទូរស័ព្ទរុញ ទំនើប។
៥) Microsoft Lumia 640XL
មិនប្រាកដថាទាល់តែស្មាតហ្វូនតម្លៃថ្លៃ ទើបល្អ មានមុខងារអាចបំពេញតម្រូវការអ្នកបាននោះទេ ចំណែកស្មាតហ្វូន Lumia ស៊េរីថ្មីរបស់ Microsoft នេះវិញក៏មិនធម្មតាដែរ។ Lumia 640XL ជាស្មាតហ្វូនមានតម្លៃធូរថ្លៃតែជាង ២០០ដុល្លារប៉ុណ្ណោះ តែបានភ្ជាប់មកជាមួយលក្ខណៈសម្បត្តិល្អៗមិនចាញ់ស្មាតហ្វូនទំនើបៗក្នុងពេលបច្ចុប្បន្ននោះទេ។ Lumia 640XL មានអេក្រង់ ៥,៧អ៊ីញ 720spx ដំណើរការដោយ Windows Phone 8.1 និងមាន RAM 1GB។
៦) Saygus V2
ជាស្មាតហ្វូនមានទំហំអង្គចងចាំ 64GB ហើយមានរន្ធបន្ថែតកាតមេម៉ូរីចំនួន២ ដើម្បីងាយស្រួលបង្កើនទំហំមេម៉ូរូតាមតម្រូវការរបស់អ្នកប្រើ។ ជាក់ស្ដែងក្រុមហ៊ុន Sandisk បានចេញកាត់ microSD នៅក្នុងសមាជ MWC នេះអីចឹង ដែលមានទំហំ 200GB ដូច្នេះមានន័យថា Saygus V2 អាចមានទំហំអង្គចងចាំសរុបរហូតដល់ 464GB នៅលើទូរស័ព្ទតែមួយបាន។
ជាស្មាតហ្វូនមានទំហំអង្គចងចាំ 64GB ហើយមានរន្ធបន្ថែតកាតមេម៉ូរីចំនួន២ ដើម្បីងាយស្រួលបង្កើនទំហំមេម៉ូរូតាមតម្រូវការរបស់អ្នកប្រើ។ ជាក់ស្ដែងក្រុមហ៊ុន Sandisk បានចេញកាត់ microSD នៅក្នុងសមាជ MWC នេះអីចឹង ដែលមានទំហំ 200GB ដូច្នេះមានន័យថា Saygus V2 អាចមានទំហំអង្គចងចាំសរុបរហូតដល់ 464GB នៅលើទូរស័ព្ទតែមួយបាន។
ស្មាតហ្វូននេះ ដំណើរការដោយ Android 4.4.4 ដែលអាចធ្វើបច្ចុប្បន្នភាពដល់ Lollipop បាន។ Saygus V2 មានកាមេរ៉ាទំហំ 21MP បំពាក់ឈីបអង្គប្រតិបត្តិ Qualcomm 801 ល្បឿន 2.5GHz បច្ចេកវិទ្យា NFC និង 4G LTE ព្រមជាមួយបច្ចេកវិទ្យា IR transmitter អាចប្រើធ្វើជាតេឡេបញ្ជាទូរទស្សន៍បាន។
៧) Xperia M4 AQUA
ខណៈដែលស្មាតហ្វូនទំនើបស៊េរីក្រោយគឺ Galaxy S6 ត្រូវបានដកចេញនូវបច្ចេកវិទ្យាមិនចូលទឹក ដែលធ្លាប់មាននៅលើ Galaxy S5 នោះ ចំណែកស្មាតហ្វូន Sony ចេញស៊េរីក្រោយៗគឺនៅតែបន្តផ្ដល់ទំនុកចិត្តដល់អ្នកប្រើ មិនខ្លាចចូលទឹក ឬធូលីដីនោះទេ។ Xperia M4 AQUA នេះមានអេក្រង់ ៥,២អ៊ីញ 720p និងមានលក្ខណៈសម្បត្តិមធ្យមជាមួយតម្លៃសមរម្យអាចទទួលយកបានត្រឹមតែជាង ៣០០ដុល្លារប៉ុណ្ណោះ៕
ប្រែសម្រួល៖ លី ឈៀន
ប្រភព៖ stuff.tv
