តិចថាមិនដឹង!!! Google CHROME អាចហ្គេមបាន លើសពីគិត!!
មិនថា កម្មវិធីកុំព្យូទ័រ ឬកម្មវិធីទូរស័ព្ទនោះទេ គឺសុទ្ធតែត្រូវបានបង្កើតដោយភ្ជាប់មកជាមួយមុខងារជាច្រើន ដែលលោកអ្នកប្រហែលមិនទាន់ស្វែងយល់អស់នៅឡើយ ដូចជាកម្មវិធី Google Chrome ជាដើម។ ខាងក្រោមនេះគឺជា ល្បិចសាមញ្ញ ដែលអ្នកអាចលេងកម្សាន្តនៅលើ Google Chrome បានទាំងនៅលើកុំព្យូទ័រ និងនៅលើស្មាតហ្វូន។
ល្បិចងាយៗដែលអ្នកអាចលេងកម្សាន្តនៅលើ Google Chrome សម្រាប់កុំព្យូទ័របាន
១) នៅពេលអត់មានអ៊ីនធឺណិត អ្នកអាចកម្សាន្តសប្បាយជាមួយហ្គេមដែលភ្ជាប់មកជាមួយកម្មវិធី Google Chrome ស្រាប់គឺហ្គេម T-Rex!
នៅពេលកុំព្យូទ័ររបស់អ្នកដាច់អ៊ីនធឺណិត អ្នកអាចអង្គុយទំនេរចោលដោយសំកុកនៅមុខកុំព្យូទ័រក៏ថាបាន។ ប៉ុន្តែនៅពេលអ្នកដឹងពីល្បិចនេះ អ្នកអាចកម្សាន្តជាមួយហ្គេម T-Rex។ នៅលើទំព័រ (Page) ដែលបង្ហាញថា unable to connect to the internet នៅលើ Google Chrome អ្នកអាចចុចលើ F5 ដើម្បីលេងហ្គេម T-Rex នេះបាន។
២) បង្វិលរូបសញ្ញា (Logo) របស់ Googleដើម្បីបង្វិលរូបសញ្ញានៃកម្មវិធី Google Chrome សូមចូលទៅ Settings → About រួចហើយចុចលើ Google Logo នោះអ្នកនឹងឃើញរូប Logo វិល។
៣) តើអ្នកដឹងទេថា អ្នកអាចទស្សនាវីដេអូនៅលើកម្មវិធី Chrome Camera app បាន?
ដើម្បីទស្សនាវីដេអូនៅលើ Google Chrome អ្នកត្រូវដំឡើងកម្មវិធី Camera App លើ browser ជាមុនសិន។ ក្នុងករណីកុំព្យូទ័ររបស់អ្នក បើមិនមានកម្មវិធីនេះ សូមចុចលើ តំណភ្ជាប់នេះ រួចបើក Caps Lock វាយអក្សរ “CRAZYPONY”។ ពេលនោះ file manager នឹងបង្ហាញផ្ទាំងដែលអាចឲ្យអ្នកជ្រើសរើសយកវីដេអូ។
៤) អាចកែកុនបណ្ដោះអាសន្ននូវ Code របស់គេហទំព័រ (Web Page) ដោយប្រើមុខងារ Inspect Element
ចំពោះអ្នករចនាគេហទំព័រ ឬអ្នកបង្កើតគេហទំព័រ (Web Designer/ Web Developer) ប្រាកដជាយល់ដឹងអំពីមុខងារ Inspect Element។ មុខងារដែលជា tool របស់ Google developer នេះផ្ដល់លក្ខណៈងាយស្រួលក្នុងការកែប្រែទម្រង់ format ផ្សេងៗរបស់វែបសាយជាលក្ខណៈបណ្ដោះអាសន្ន។ ដូច្នេះ អ្នកអាចផ្លាស់ប្ដូរពណ៌ ប្ដូរម៉ូត និងកែទម្រង់ផ្សេងៗ ប្រសិនបើលោកអ្នកមានចំណេះដឹងផ្នែកភាសាសរសេរកូដ (html)។
ល្បិចងាយៗដែលអ្នកអាចលេងកម្សាន្តនៅលើ Google Chrome សម្រាប់ Android
+លេងហ្គេម Lollipop Game
លើប្រព័ន្ធប្រតិបត្តិការ Android 5.0 Lollipop អ្នកអាចលេងហ្គេមកម្សាន្តបាន នៅត្រង់ Settings របស់ស្មាតហ្វូន/ថេប្លេត ហើយចុចចូលផ្នែក About។ ចុចច្រើនដងនៅលើឃ្លា “Android version [with 5.0 underneath]” នោះអ្នកនឹងឃើញមានអ្វីប្លែក។ នៅពេលអ្នកចង់ long press អ្នកអាចលេងហ្គេម Flappy Bird clone ជាមួយ bugdroid និងហ្គេម lollipops ជាច្រើនទៀត។
+ត្រឡប់កម្មវិធី Chrome នៅលើទូរស័ព្ទ Android លេង
នៅលើកម្មវិធី Chrome ដែលមានក្នុងស្មាតហ្វូន Android មកជាមួយស្រាប់ អ្នកអាចបង្វិលផ្ទាំង tab លេងបាន ដោយគ្រាន់តែចុចទាញ tap ឡើងចំនួន ៥ដង។
+ធ្វើឲ្យកម្មវិធី Chrome លើទូរស័ព្ទ Android មានរូបញញឹម (smile)
ដើម្បីធ្វើបែបនេះ អ្នកគ្រាន់តែបើក tab នៅក្នុងកម្មវិធី Chrome ឲ្យបានច្រើនរហូតដល់ចំនួន 100 tabs នោះអ្នកនឹងឃើញរូបដែលបញ្ជាក់អំពីចំនួន tab នឹងប្រែទៅជារូបញញឹម (smile) ដូចរូប៕
ប្រែសម្រួល៖ លី ឈៀន
ប្រភព៖ lifehack
