ប្រជាតុលាការសំរុកចូលក្នុងគុក ចាប់អូសក្បាលជនល្មើសរំលោភនិស្សិតស្រីម្នាក់ យកមកប្រហារជីវិតយ៉ាងសាហាវ
នេះជាស្ថានការណ៍ដ៏គួរឲ្យរន្ធត់មួយ ខណៈដែលពួកបុរសៗពោរពេញដោយកំហឹងឈឺចាប់ជាច្រើននាក់ បានសហការគ្នាសំរុកចូលក្នុងគុក១នៅឥណ្ឌា ដើម្បីអូសក្បាលបុរសម្នាក់ដែលជាប់ចោទបទរំលោភសេពសន្ថវៈ យកមកកាត់ទោសដោយផ្ទាល់ដៃរបស់ពួកគេ រហូតទាល់ស្លាប់យ៉ាងនេះ ។
យោងតាមប្រភពព័ត៌មាន បានឲ្យដឹងថា ពួកប្រុសៗទាំងនោះបាននាំគ្នាទៅកាន់គុក១កន្លែងក្នុងទីក្រុង Dimapur ប្រទេសឥណ្ឌា និងជំនះបានពីការព្យាយាមហាមឃាត់របស់ឆ្មាំគុក ហើយក៏សំរុកចូលទៅអូសក្បាលបុរសម្នាក់នេះ ដែលត្រូវបានតុលាការផ្តទ្ទាទោសពីបទរំលោភសិស្សស្រីម្នាក់ជាច្រើនដង កាលពីខែមុន ទាញចេញពីក្នុងគុក រួចសម្រាតខោអាវ និងវាយសំពង…រហូតស្លាប់នៅពីមុខមហាជនដ៏ច្រើនកុះករតែម្តង ។
សារព័ត៌មានក្នុងស្រុក១របស់ឥណ្ឌារាយការណ៍ថា បុរសនេះបានស្លាប់ បន្ទាប់ពីត្រូវបានចងខ្សែអូសតាមផ្លូវចម្ងាយ ៦ គីឡូម៉ែត្រ ព្រមជាមួយការវាយដុំ និងគប់ដុំថ្ម ពីសំណាក់ប្រជាតុលាការដែលទប់កំហឹងពុំបាន ។
យ៉ាងណាមិញ ហេតុការណ៍ដ៏រន្ធត់នេះ បានកើតឡើងគឺចំពេលដែលកំហឹងមហាជន កំពុងពុះកញ្ជ្រោលទៅលើអត្រាកើនឡើងខ្ពស់ នូវអំពើហិង្សាផ្លូវភេទ ក្នុងប្រទេសនេះ ។
សូមបញ្ជាក់ថា បុរសរូបនេះ ត្រូវបានគេស្គាល់ថាជាអ្នកលក់ដូររថយន្តម្នាក់ មានអាយុ ៣៥ ឆ្នាំ ហើយរូបគេត្រូវបានតុលាការផ្តន្ទាទោសពីបទរំលោភនិស្សិតស្រីម្នាក់ កាលពីថ្ងៃទី ២៤ កុម្ភៈ និងត្រូវបានចាប់ខ្លួនបន្ទាប់ធ្វើសកម្មភាពបាន១ថ្ងៃ ៕
