ពលរដ្ឋរិះគន់ចំណាត់ការ សាលាក្រុង ដាក់ផ្លូវសុធារស ជាផ្លូវឯកទិស
ភ្នំពេញ: បន្ទាប់ពីអាជ្ញាធររាជធានី បញ្ចេញកណ្តាប់ដៃ នូវផែនការថ្មី ដាក់ផ្លូវសុធារស ជាផ្លូវឯកទិស ក្នុងរយៈពេល ប៉ុន្មានថ្ងៃ កន្លងមកនេះ បានបណ្តាលឲ្យចរាចរ កកស្ទះយ៉ាងខ្លាំង ចាប់តាំងពីព្រឹកព្រលឹម រហូតដល់ពេលព្រលប់ នៅលើផ្លូវព្រះនរោត្តម។
យានយន្តគ្រប់ភេទ ដែលបានធ្វើចរាចរ លើផ្លូវព្រះនរោត្តម បាននាំគ្នាបញ្ចៀសទិស ចរាចររបស់ខ្លួន មកធ្វើដំណើរ តាមផ្លូវព្រះមុនីវង្ស និងផ្លូវ២៧១ និងផ្លូវតូចៗ ដែលនៅអមនឹងផ្លូវព្រះនរោត្តម។ ប៉ុន្តែដោយសារតែម្នាក់ៗ បាននាំគេចពីផ្លូវព្រះនរោត្តមនោះ បានបណ្តាលឲ្យផ្លូវព្រះមុនីវង្ស និងផ្លូវ២៧១ និងផ្លូវតូចៗ បានកកស្ទះយ៉ាងខ្លាំងផងដែរ បន្ទាប់ពីយានយន្ត គ្រប់ភេទ ចាប់ផ្តើមធ្វើដំណើរ លែងគោរពច្បាប់ចរាចរ។
យានយន្តគ្រប់ភេទ ដែលបានធ្វើចរាចរ លើផ្លូវព្រះនរោត្តម បាននាំគ្នាបញ្ចៀសទិស ចរាចររបស់ខ្លួន មកធ្វើដំណើរ តាមផ្លូវព្រះមុនីវង្ស និងផ្លូវ២៧១ និងផ្លូវតូចៗ ដែលនៅអមនឹងផ្លូវព្រះនរោត្តម។ ប៉ុន្តែដោយសារតែម្នាក់ៗ បាននាំគេចពីផ្លូវព្រះនរោត្តមនោះ បានបណ្តាលឲ្យផ្លូវព្រះមុនីវង្ស និងផ្លូវ២៧១ និងផ្លូវតូចៗ បានកកស្ទះយ៉ាងខ្លាំងផងដែរ បន្ទាប់ពីយានយន្ត គ្រប់ភេទ ចាប់ផ្តើមធ្វើដំណើរ លែងគោរពច្បាប់ចរាចរ។
នៅពេលព្រឹក មនុស្សបាននាំគ្នាសម្រុកទៅកន្លែងធ្វើការ ពេលថ្ងៃត្រង់ សម្រាកពីការងារ និងពេលល្ងាច អ្នកធ្វើការងារបានវិលចូលទ្រនំវិញ។ ពេលវេលាទាំងបីនេះហើយ ជាប្រធានបទនៃ ការកកស្ទះចរាចរ នៅលើផ្លូវព្រះនរោត្តម ក្នុងរយៈពេល ៣-៤ ថ្ងៃ បន្ទាប់ពីអាជា្ញធរក្រុងភ្នំពេញ បានបញ្ជាឲ្យនគរបាលចរាចរ ដាក់បារ៉ាស់ដែក ដែលមានសញ្ញាលេខ “ដក” យ៉ាងធំ នៅចំហៀងម្ខាងនៃ ផ្លូវសុធារស ជាប់នឹងស្តុបជលផល។
បើទោះបីជាមានចរាចរកកស្ទះ យ៉ាងណាក៏ដោយ ក៏បារ៉ាស់ដែកដែលមានសញ្ញាដកនោះ ក៏មិនត្រូវបាននគរបាលជំនាញលើកចេញពីកណ្តាល ផ្លូវសុធារសដែរ ដើម្បីឲ្យប្រជាពលរដ្ឋ ធ្វើដំណើរជាបណ្តោះអាសន្ន ក្នុងការកាត់បន្ថយ ការកកស្ទះ នៅមហាវិថីព្រះនរោត្តមដែរ។
អ្នកធ្វើដំណើរ បានសម្តែងការខកចិត្ត ចំពោះចំណាត់ការដ៏តឹងរ៉ឹង របស់អាជ្ញាធរ ក្រុងភ្នំពេញ ដែលដាក់ផ្លូវសុធារសជាផ្លូវឯកទិស។ អ្នកដំណើរ បានស្នើសុំឲ្យ អាជ្ញាធរលុបចោលនូវចំណាត់ការនោះ ហើយបែរមកប្រើវិធានការថ្មី ធ្វើការពង្រីកផ្លូវសុធារស ឲ្យធំជាងមុន។ ការកកស្ទះចរាចរនោះ ក៏មានធាតុផ្សំ មួយចំនួនផងដែរ ដូចជា មានយានយន្តខ្លះបានមកឈប់ចត លើផ្លូវផងដែរ ដូច្នេះនគរបាលចរាចរ គួរតែសែងរថយន្តចតឥតសណ្តាប់ធ្នាប់នោះចេញពីផ្លូវ ហើយធ្វើការផាកពិន័យតាមច្បាប់។
អ្នកដំណើរម្នាក់ បានអះអាងថា បើអាជ្ញាធរចិត្តស្លុយមែន គួរណាស់តែ ធ្វើការបើកផ្លូវ ថ្មីមួយខ្សែទៀត ពីចំណុចមុខផ្សារអ៊ីអន ទៅមហាវិថីព្រះនរោត្តម ជាជាងដាក់ផ្លូវសុធារស ជាផ្លូវឯកទិស។
ចរាចរដែលកកស្ទះ នៅផ្លូវព្រះនរោត្តម ដោយសារតែពលរដ្ឋនាំគ្នាសម្រុកទៅផ្សារទំនើបអ៊ីអន ដូច្នេះផ្សារទំនើបនេះគួរតែគិតគូរឡើងវិញ ពីបញ្ហាចរាចរភ្ញៀវរបស់ខ្លួន។
សូមបញ្ជាក់ថា បន្ទាប់ពីធ្វើការសិក្សា ដាក់ចរាចរផ្លូវសុធារស ជាផ្លូវឯកទិស ពីស្ថានទូតរុស្ស៊ី មកស្តុបជលផល ក៏ឃើញថា មានការកកស្ទះកាន់តែខ្លាំងៗឡើង ស្ទើរតែគ្រប់ផ្លូវទាំងអស់ មេនគរបាលចរាចរណ៍ ជើងគោករាជធានី បានស្នើសុំអាជ្ញាធរ ក្រុងភ្នំពេញ ដោយដាក់ផ្លូវសុធារស ជាផ្លូវឯកទិស ពីស្តុបជលផល ទៅស្ថានទូតរុស្ស៊ីវិញ៕ ប្រភពៈ CEN
ពលរដ្ឋរិះគន់ចំណាត់ការ សាលាក្រុង ដាក់ផ្លូវសុធារស ជាផ្លូវឯកទិស(រូបៈកូឡាប)
