លោក ហ៊ុន សែន ចំអកឲ្យមន្ត្រីដែលមិនចេះប្រើបច្ចេកវិទ្យា
ភ្នំពេញៈ លោកនាយករដ្ឋមន្ត្រី ហ៊ុន សែន កាលពីម្សិលមិញបានចំអកទៅមន្ត្រីរដ្ឋាភិបាល កងកម្លាំងប្រដាប់អាវុធ តំណាងរាស្ត្រនៅសភានិងព្រឹទ្ធសភាអំពីភាពអក្ខរកម្មនៃការប្រើ ប្រាស់ទូរស័ព្ទដៃ និងកុំព្យូទ័រសម្រាប់បង្កើតការភ្ជាប់ទំនាក់ទំនងបានលឿន ហើយដែលលោកបានហៅខ្លួនឯងថា ជានាយករដ្ឋមន្ដ្រីអេឡិចត្រូនិក។
លោកនាយករដ្ឋមន្ត្រី ហ៊ុន សែនថ្លែងទៅកាន់និស្សិតបញ្ចប់ការសិក្សាក្នុងអំឡុងពិធីចែកសញ្ញាបត្រនៅកោះពេជ្រ។ ហុង មិនា
លោកនាយករដ្ឋមន្ដ្រីបានជំរុញឲ្យមន្ត្រីរដ្ឋាភិបាលជាន់ខ្ពស់ តំណាងរាស្ត្រ និងមន្ត្រីរាជការគ្រប់លំដាប់ថ្នាក់ អភិបាលខេត្ត និងអភិបាលរងខេត្តរៀនប្រើប្រាស់បច្ចេកវិទ្យាជាន់ខ្ពស់នៃទូរស័ព្ទ ដៃដូចជា SMS, WhatsApp, Viber, Line និងអ៊ីមែល ដែលលោកសំដៅថា ជាសម្ភារសម្រួលឲ្យលឿនការងារនៅក្នុងរដ្ឋាភិបាលអេឡិចត្រូនិក។
លោក ហ៊ុន សែន បានថ្លែងទៅកាន់និស្សិតបញ្ចប់ការសិក្សាក្នុងអំឡុងពិធីចែក សញ្ញាបត្រនៅកោះពេជ្រថា៖ «ខ្ញុំមិននិយាយអំពីនិស្សិតបញ្ចប់ការសិក្សាទេពីព្រោះពួកគេពូកែ បច្ចេកវិទ្យាព័ត៌មាន ប៉ុន្តែខ្ញុំអំពាវនាវទៅមន្ដ្រីរាជការ និងកងកម្លាំងប្រដាប់អាវុធ ជាពិសេសមន្ត្រីរដ្ឋាភិបាលជាន់ខ្ពស់ឲ្យរៀនបច្ចេកវិទ្យាព័ត៌មាន ពីព្រោះយើងបានប្រកាសអំពីរដ្ឋាភិបាលអេឡិចត្រូនិក ប៉ុន្តែខ្វះធនធានមនុស្សឲ្យសមនឹងរដ្ឋាភិបាលអេឡិចត្រូនិក ដែលនេះជាបញ្ហា»។ «ខ្ញុំគិតថា គួរតែចាប់ផ្តើមជាមួយតំណាងរាស្ត្រ សមាជិករដ្ឋាភិបាល រដ្ឋលេខាធិការ អនុរដ្ឋលេខាធិការ អភិបាលខេត្ត និងអភិបាលរងខេត្ត សូមរៀនរបៀបប្រើប្រាស់ SMS, WhatsApp, Viber, Line,អ៊ីមែល និងហ្វេសប៊ុក។
ប្រសិនបើមិនចេះប្រើប្រាស់របស់ទាំងនោះ វាពិបាកធ្វើការងារ ខណៈយើងបានប្រកាសថា ជារដ្ឋាភិបាលអេឡិចត្រូនិក»។ លោកបានថ្លែងថា ប្រព័ន្ធកុំព្យូទ័រត្រូវបានដំឡើងសម្រាប់តំណាងរាស្ត្រនីមួយៗ និងសមាជិកទីស្តីការគណៈរដ្ឋមន្ត្រី ប៉ុន្តែមិនប្រាកដថា ពួកគេទាំងអស់គ្នានោះអាចធ្វើការឬសូម្បីតែចេះបើកកុំព្យូទ័រទេ។
លោកបន្តថា៖ «វាមិនបញ្ហាទេប្រសិនបើអ្នកមិនចេះកុំព្យូទ័រ ប៉ុន្តែអ្នកត្រូវតែចេះប្រើប្រាស់ទូរស័ព្ទដៃដើម្បីឲ្យដំណើរការ ការងារលឿន»។ «ប្រសិនបើអ្នកចេះ អ្នកគ្រាន់តែប្រើ SMS, WhatsApp, Viber មកខ្ញុំខណៈខ្ញុំកំពុងរវល់និយាយទូរស័ព្ទ វាជាការងារលឿន នេះគឺជារដ្ឋាភិបាលអេឡិចត្រូនិក ប៉ុន្តែវាមិនអាចទៅរួចទេ ប្រសិនបើអ្នកមិនចេះបច្ចេកវិទ្យានេះ សូមកុំខ្មាស ទៅរៀនទៅ»។
ទោះយ៉ាងណាលោកបានសរសើរចំពោះនគរបាល កងរាជអាវុធហត្ថ និងកងយោធពលខេមរភូមិន្ទដែលពួកគេអាចប្រើWhatsApp ជាមួយនឹងព័ត៌មាន និងរូបភាពយ៉ាងលឿនអំពីការប្រយុទ្ធគ្នាប្រសិនបើវាកើតឡើងនៅតាម ព្រំដែន។ «សូម្បីតែមន្ត្រីដែលមានសញ្ញាបត្របណ្ឌិតនៅក្នុងរដ្ឋាភិបាលមិនមែន មានន័យថា ពួកគេទាំងអស់គ្នាចេះប្រើទេ ពួកគេខ្សោយជាងកូនក្មេងមើលក្របីទៅទៀត កូនក្មេងទាំងនោះចេះបង្ហោះហ្វេសប៊ុកពីស្រែ ប៉ុន្តែយើងនៅតែអភិរក្សនិយម»។
លោក ហ៊ុន សែន បានឧទាហរណ៍នៃកិច្ចព្រមព្រៀងរវាងគណបក្សសង្គ្រោះជាតិនិងគណបក្ស ប្រជាជនថា លោកបានប្រើWatsApp ជាមធ្យោបាយទំនាក់ទំនងជាមួយក្រុមចរចារបស់លោកសម្រាប់ការអនុម័តឲ្យ មានកិច្ចព្រមព្រៀងនយោបាយ៕ប្រភពៈ ភ្នំពេញប៉ុស្តិ៍
