Samsung បង្ហោះវីដេអូ Galaxy S6 មុនថ្ងៃសម្ពោធ
កំពូលស្មាតហ្វូន Galaxy S6 របស់ Samsung ដែលត្រៀមសម្ពោធចេញផ្លូវការនៅដើមខែមីនា ខាងមុខ ពេលនេះក្លាយជាជាប្រធានបទក្ដៅគគុកលើកយកមកជជែកគ្នាពីបណ្ដាសាធារណ និងកំពុងរង់ចាំយ៉ាងអន្ទះសា ចង់ដឹង ចង់ឃើញរូបរាង ព្រមទាំងបច្ចេកវិទ្យាថា តើនឹងទំនើបជាង Galaxy S5 យ៉ាងណាទៀត។
នៅខណៈពេលនេះដែរ ក្រុមហ៊ុន Samsung បានបង្ហោះវីដេអូនៅលើ youtube ហាក់ចង់បញ្ជាក់ប្រាប់សាធារណជននូវការមកដល់របស់កំពូលស្មាតហ្វូនត្រកូល Galaxy ជំនាន់ថ្មីដែលជា Galaxy S6 តែម្ដង។
ថ្ងៃប្រកាសចេញកំពូលស្មាតហ្វូន Galaxy ជំនាន់ក្រោយមួយទៀតបន្ទាប់ពី Galaxy S5 កាន់តែខិតជិតមកដល់ហើយ។ យោងតាមរបាយការណ៍សារព័ត៌មានអន្តរជាតិធំៗជាច្រើន បានឱ្យដឹងប្រហាក់ប្រហែលគ្នាថា Galaxy S6 នឹងត្រូវបានក្រុមហ៊ុនអេឡិចត្រូនិកយក្សកូរ៉េខាងត្បូង Samsung បំពាក់បច្ចេកវិទ្យាចុងក្រោយ ព្រមជាមួយលក្ខណៈសម្បត្តិថ្មីៗរឹតតែទំនើបជាងជំនាន់មុនៗ។
សូមបញ្ជាក់ថា ក្រុមហ៊ុន Samsung បានចេញលិខិតអញ្ជើញដល់សាធារណជនឱ្យចូលរួមក្នុងព្រឹត្តិការណ៍ Galaxy Unpacked ដើម្បីសម្ពោធ Galaxy S6 រួចមកហើយ។ ពិធីសម្ពោធនឹងប្រារព្ធធ្វើនៅថ្ងៃទី០១ ខែមីនាខាងមុខ អំឡុងសមាជទូរស័ព្ទពិភពលោក (Mobile World Congress) ដែរ។ ក្រុមហ៊ុនមិនបានបញ្ជាក់អ្វីច្រើននៅលើលិខិតអញ្ជើញនោះទេ ក្រៅពីមានបិទភ្ជាប់ដោយរូបខ្សែកោង ទំនងចង់បង្ហើបអំពីរូបរាងកោងលើ Galaxy S6 អមជាមួយឃ្លាអក្សរ ‘What’s Next’។
ខាងក្រោមនេះគឺជាលក្ខណៈសម្បត្តិដែលជាការសន្និដ្ឋានប៉ុណ្ណោះ៖
-អេក្រង់ 2K ទំហំ ៥អ៊ីញ (2560×1440)px ប្រភេទ Super AMLOED
-តួ Galaxy S6 ផលិតដោយលោហធាតុ
-ការឌីហ្សាញ GS6 មានកម្រាស់ស្ដើងតែ ៦,៩១មិល្លីម៉ែត្រ និងមានបណ្ដោយ ១៤៣,៣មិល្លីម៉ែត្រ ហើយទទឹងប្រវែង ៧០,៨មិល្លីម៉ែត្រ
-រន្ធកាស (Headphone) ត្រូវបានប្ដូរទីតាំង
-សម្បក Galaxy S6 ផលិតឡើងដោយស្រោបជាមួយកញ្ចក់ខ្មៅរលូងចាំងស្អាតស្អាត
-ប៊ូតុងសំឡេងផលិតពីលោហធាតុ
-មាន IR Blaster សម្រាប់គ្រប់គ្រងឧបករណ៍ផ្សេងៗ ជាក់ស្ដែងដូចជាការបញ្ជាទូរទស្សន៍ជាដើម
-កាមេរ៉ាក្រោយអាចមានទំហំ 16MP ឬ 20MP ជាមួយបច្ចេកវិទ្យា Optical Image Stabilization (OIS)
-បំពាក់ Fingerprint Sensor ថ្មី
-អេក្រង់ 2K ទំហំ ៥អ៊ីញ (2560×1440)px ប្រភេទ Super AMLOED
-តួ Galaxy S6 ផលិតដោយលោហធាតុ
-ការឌីហ្សាញ GS6 មានកម្រាស់ស្ដើងតែ ៦,៩១មិល្លីម៉ែត្រ និងមានបណ្ដោយ ១៤៣,៣មិល្លីម៉ែត្រ ហើយទទឹងប្រវែង ៧០,៨មិល្លីម៉ែត្រ
-រន្ធកាស (Headphone) ត្រូវបានប្ដូរទីតាំង
-សម្បក Galaxy S6 ផលិតឡើងដោយស្រោបជាមួយកញ្ចក់ខ្មៅរលូងចាំងស្អាតស្អាត
-ប៊ូតុងសំឡេងផលិតពីលោហធាតុ
-មាន IR Blaster សម្រាប់គ្រប់គ្រងឧបករណ៍ផ្សេងៗ ជាក់ស្ដែងដូចជាការបញ្ជាទូរទស្សន៍ជាដើម
-កាមេរ៉ាក្រោយអាចមានទំហំ 16MP ឬ 20MP ជាមួយបច្ចេកវិទ្យា Optical Image Stabilization (OIS)
-បំពាក់ Fingerprint Sensor ថ្មី
បើតាមពាក្យចចាមអារ៉ាមផ្សេងៗកន្លងមកថា GS6 នឹងបំពាក់អង្គប្រតិបត្តិ Exynos 7420 ឬ 8-core Snapdragon 810 សម្រាប់ដាក់លក់លើទីផ្សារខុសគ្នា។ ស្មាតហ្វូនដ៏ថ្មីសន្លាងនេះ មានកាមេរ៉ាបែងចែកជាពីរទំហំផ្សេងគ្នាគឺ 16MP និង 20MP។ RAM ក៏ចែកចេញជាពីរទំហំផ្សេងគ្នាដែរ គឺ 3GB និង 4GB និងដំណើរការដោយ Android 5.0 Lollipop ដូចគ្នា។ Galaxy S6 ត្រូវគេរំពឹងទៀតថា នឹងមានបច្ចេកវិទ្យាពិសេសអាចការពារមិនឱ្យរងស្នាមឆ្កូតទៀត៕
ដោយ៖ លី ឈៀន
ប្រភព៖ theverge, youtube
