ផឹកស្រាច្រើនកើនហានិភ័យឆាប់ស្ត្រូក
ការស្រាវជ្រាវរបស់ពួកអ្នកវិទ្យាសាស្ត្រនៅមន្ទីរពេទ្យសកលវិទ្យាល័យ St. Anne
សាធារណៈរដ្ឋឆេក បញ្ជាក់បន្ថែមភស្តុតាងបង្ហាញថា ការទទួលទានស្រាច្រើននៅអាយុ
មជ្ឈឹមវ័យអាចធ្វើឲ្យកើនហានិភ័យស្ត្រូកពេលចាស់ទៅ និងអាចធ្វើឲ្យហានិភ័យស្ត្រូកកើតឡើងឆាប់ជាង ។
តាមការសិក្សាស្រាវជ្រាវ ទើបនឹងប្រកាសលើទស្សនាវដ្តី Stroke, ក្រុមស្រាវជ្រាវវិភាគទិន្នន័យ
សុខភាពរបស់កូនភ្លោះ ១១៦៤៤ គូ ត្រូវបានប្រមែប្រមូលពីឆ្នាំ ១៩៦៧ ដល់ ១៩៧០
ពេលអ្នកទាំងនេះស្ថិតនៅវ័យកណ្តាល និង តាមដានពួកគេក្នុងរយៈពេលជាង ៤០ ឆ្នាំ ក្រោយ ។
ការស្រាវជ្រាវលើកូនភ្លោះសំដៅកំណត់ច្បាស់ជាង អំពីឥទ្ធិពលរបស់កក្តាតំណពូជ និងរបៀបរបបរស់
នៅចំពោះហានិភ័យស្ត្រូក ។ ក្នុងចំណោមនេះ មាន ៣០ % ត្រូវស្ត្រូក ។
លទ្ធផលបង្ហាញថា អ្នកទទួលទានច្រើនមានលទ្ធភាពត្រូវស្ត្រូកខ្ពស់ជាង ៣៤% ប្រៀបនឹងអ្នកទទួលទានតិច ។
ជាងនេះទៀត ហានិភ័យស្ត្រូកនៅអ្នកទទួលទានស្រាច្រើន ក្នុងវ័យ ៥០ ទៅ ៦០ ឆ្នាំ អាចកើតឡើងមធ្យម
ឆាប់ជាង ៥ ឆ្នាំ ប្រៀបនឹងអ្នកទទួលទានតិច ឬ មិនទទួលទាន ៕
