ប្រើ Google Earth Pro ដោយឥតគិតថ្លៃជាមួយមុខងារពិសេសៗ
Google Earth គឺជាវិធីសាស្ត្រដ៏ងាយស្រួលនិងពេញនិយមមួយសម្រាប់ការស្វែងរកទីតាំងបានយ៉ាងមានប្រសិទ្ធភាព និងត្រឹមត្រូវ ព្រមទាំងផ្ដល់រូបភាពច្បាស់ល្អ។ ជំនាន់ស្តង់ដារ (standard version) ដំបូងនៃកម្មវិធី Google Earth គឺត្រូវបានសាធារណជនសរសើរថា ល្អប៉ុន្តែមុខងារមួយចំនួនត្រូវបានកំណត់មិនអាចប្រើបានទាំងអស់ ដូចជាជំនាន់ Google Earth Pro ដែលបំពាក់មុខងារពេញលេញប្រើប្រាស់បានល្អជាងនោះទេ។ យ៉ាងពេលនេះ អ្នកអាចប្រើ Google Earth Pro បានដោយឥតគិតថ្លៃ ខណៈដែលកម្មវិធីនេះ ដើមឡើយត្រូវក្រុមហ៊ុន Google គិតថ្លៃ ៣៩៩ដុល្លារក្នុងមួយឆ្នាំ។
ក្រុមហ៊ុន Google បានអភិវឌ្ឍកម្មវិធីមើលផែនទីរបស់ខ្លួនកាន់តែប្រកបដោយគុណភាព នាំបទពិសោធន៍ខ្ពស់ដល់អ្នកប្រើ ដូច្នេះហើយទើបទទួលបានការពេញនិយមប្រើយ៉ាងច្រើនពីបណ្ដាប្រជាជនលើពិភពលោក។ ក្រុមហ៊ុនស្វែងរុករកដ៏ធំនេះ កន្លងទៅធ្លាប់បានដាក់ចេញជំនាន់ Google Earth Pro ដោយគិតប្រាក់សម្រាប់ការប្រើប្រាស់លើវិស័យពាណិជ្ជកម្មក្នុងតម្លៃ ៣៩៩ដុល្លារ/ឆ្នាំ។ យ៉ាងណាពេលនេះ ក្រុមហ៊ុននឹងដាក់ឱ្យសាធារណជនប្រើដោយមិនគិតថ្លៃឡើយ។
ជំនាន់ Pro version ត្រូវបានក្រុមហ៊ុនអភិវឌ្ឍបំពាក់បន្ថែមនូវមុខងារមួយចំនួន ខណៈដែលជំនាន់ស្តង់ដារ (standard version) ពុំមានឡើយ។ ជាក់ស្ដែង ដូចជាការព្រីនរូបក្នុងកម្រិត resolution 4800×3200 ខណៈ ដែលជំនាន់ស្តង់ដារអាចព្រីនបានតែ 1000×1000 ប៉ុណ្ណោះ។ មុខងារដទៃទៀតមានដូចជា ការថតវីដេអូ HD movie, ការវាស់សំណង់អគារ 3D និងមុខងារអាចដាក់បញ្ចូលអាសយដ្ឋានរាប់ពាន់កន្លែងទៅ pin លើផែនទីតែម្ដងគឺរួចរាល់។
សូមបញ្ជាក់ថា កម្មវិធី Google Earth អាចដំណើរការបាននៅលើប្រព័ន្ធប្រតិបត្តិការ Windows, OS X និង Linux ហើយត្រូវបាន Google ដាក់ឱ្យប្រើប្រាស់ដំបូងនៅក្នុងឆ្នាំ២០០១ គិតមកទល់ពេលនេះគឺមានរយៈពេល ១៣ឆ្នាំមកហើយ៕
លោកអ្នកអាចទាញយក Google Earth 7.1.2.2041 បានដោយចុចលើតំណភ្ជាប់ Download Now៕
ប្រែសម្រួល៖ លី ឈៀន
ប្រភព៖ techspot
