តារា​សម្ដែង​ហូលីវូដ​​ Brad Pitt កំពុង​ស្ថិត​ដំណាក់​កាល​ចរចារ​ដើម្បី​សម្ដែង​ជា​តួ​អង្គ​ Richard Leake បុរស​ម្នាក់​ដែល​ប្រឆាំង​ចំពោះ​ការ​ប្រមាញ់​សត្វ​ដំរី​នៅ​ក្នុង​ភាពយន្ត​បែប​កម្សត់​​មាន​ចំណង​ជើង​ថា​​ “Africa” ហើយ​រឿង​នេះ​ដែរ ​គឺ​ជា​ភាពយន្ត​ដែល​ដឹកនាំ​សម្ដែង​ដោយ​​លោក​គឺ​​ Angelina Jolie បន្ទាប់​ពី​រឿង​ “By The Sea” ដែល​អ្នក​ទាំងពីរ​សម្ដែង​ជាមួយ​គ្នា​​ទើប​តែ​ថត​បញ្ចប់​ថ្មី​ៗ​នេះ​។

​ Brad Pitt និង Angelina ​​កំពុង​តែ​ត្រៀម​ថត​ភាពយន្ត​ថ្មី​មួយ​ទៀត​ហើយ​ដែល​លើក​នេះ​ Angelina Jolie នៅតែ​ជ្រើសរើស​យក​ស្វាមី​ Brad Pitt មក​ចូលរួម​សម្ដែង​ក្នុង​ភាពយន្ត​ថ្មី​របស់​នាង​ដូច​ជា​រឿង​ “Africa” ដោយ​​កាល​ពី​ថ្ងៃ​ទី​២៨​ មករា ​ឆ្នាំ​២០១៥​ គេហទំព័រ​ The Wrap បាន​បើក​បង្ហើប​​ឱ្យ​​ដឹង​ថា​តារា​សម្ដែង​វ័យ​៥១​ឆ្នាំ​កំពុង​​ស្ថិត​ដំណាក់​​កាល​ចរចារ​ដើម្បី​ចូលរួម​សម្ដែង​ភាពយន្ត​ថ្មី​ដែល​ជា​ស្នាដៃ​ដឹកនាំ​សម្ដែង​ភរិយា​ Angelina ​Jolie ដូច​ដើម ចំណែក​​​​​អត្ថបទ​សេណារីយ៉ូ​ភាពយន្ត​សរសេរ​​ដោយ​ Eric  Roth ដែល​ធ្លាប់​បង្ហាញ​ស្នាដៃ​ក្នុង​រឿង​ជា​ច្រើន​ដូច​ជា​​ The Curious Case of Benjamin Button ជា​ដើម​។

​តួ​អង្គ Richard Leake ​ដែលលោក​ឪពុក​កូន​៦​នាក់​នេះ​សម្ដែង​ គឺ​ជា​មនុស្ស​ម្នាក់​ដែល​មាន​ពិត​នៅ​​ក្នុង​ប្រវត្តិសាស្ត្រ​​ ហើយ​សម្រាប់​ភាពយន្ត​ថ្មី​ចុង​ក្រោយ​បំផុត​នេះ​ដែរ​គឺ​ជា​រឿង​ដែល​ផលិត​ឡើង​ចេញ​ពី​រឿង​ពិត​ដែល​កើត​ក្នុង​អំឡុងទសវត្សទី​៨០​ ដោយ​បុរស​ម្នាក់​ដែល​មាន​ឈ្មោះ​ថា​ Richard បាន​ចេញ​មុខ​ប្រឆាំង​ការ​ប្រមាញ់​សម្លាប់​ដំរី​នៅ​ក្នុង​ប្រទេស​គកនយ៉ា​ អភិរក្ស​​​សត្វ​យក្ស​មួយ​នេះ​​កុំ​​ឱ្យ​​ដាច់​ពូជ​ផុត​ពី​ពិភពលោក​។

ភាពយន្ត​ “Africa” គឺ​ជា​ស្នាដៃ​​ដឹកនាំ​រឿង​ទី​ប្រាំ​ហើយ​សម្រាប់​តារា​សម្ដែង​ពាន​រង្វាន់​អូស្ការ​របស់​ Angelina Jolie បន្ទាប់​ពី​ភាពយន្ត​ឯកសារ​​រឿង​ A Palace in Time (២០០៧) រហូត​ដល់​រឿង​ In the Land of Blood and Honey (២០១១) រឿង​ Unbroken (២០១៤) និង​រឿង​ By the Sea (២០១៦)៕

ប្រែ​សម្រួល​៖ សុខា នីកា