មេយោធាអង់គ្លេស ព្រមានពីសង្គ្រាមត្រជាក់ជាមួយរុស្ស៊ី ចុះបើមានសង្គ្រាមក្ដៅវិញ អ្នកណាខ្លាំងជាងអ្នកណា?
មន្ត្រីជាន់ខ្ពស់របស់អង់គ្លេសបានព្រមានថា ចក្រភពអង់គ្លេសបានធ្វើសង្គ្រាមត្រជាក់ជាថ្មីជាមួយប្រទេសរុស្ស៊ី ដោយសារតែលោកពូទីនបានព្រមានដល់ប្រទេសណាក៏ដោយដែលព្យាយាមដាក់សម្ពាធមកលើប្រទេសរបស់លោក។
លោក Vladimir Putin ថែមទាំងបានអះអាងក្ដែងៗថា គ្មានប្រទេសណាអាចមានលទ្ធភាព នាំមុខកម្លាំងយោធារបស់រុស្ស៊ីនោះឡើយព្រោះថាលោកនឹងបន្តធ្វើទំនើបភាវូប្បនីយកម្មលើសព្វាវុធរបស់ខ្លួនមានទាំងមីស៊ីលផង។ ការថ្លែងរបស់លោកពូទីននៅពេលនេះ បង្កឱ្យមានក្ដីបារម្ភអំពីសមត្ថភាពរបស់ប្រទេសអង់គ្លេសក្នុងការដោះស្រាយជម្លោះណាមួយដែលអាចកើតឡើងជាមួយរុស្ស៊ី។
ការឈ្លានពានពីសំណាស់រុស្ស៊ីលើដែនអធិបតេយ្យភាពអង់គ្លេសនាពេលកន្លងមក (ប្រភព៖ dailymail)
មេបញ្ជាការជាន់ខ្ពស់ផុតលេខរបស់ចក្រភពអង់គ្លេសប្រចាំនៅអង្គការណាតូបានថ្លែងថា នេះជាសម័យនៃការប្រកួតប្រជែងជាមួយនឹងរុស្ស៊ី ខណៈអតីតមេបញ្ជាការកងទ័ពជើងអាកាសអង់គ្លេសថ្លែងថា អង់គ្លេសបានធ្វើសង្គ្រាមត្រជាក់ជាមួយរុស្ស៊ីហើយ។
សូមបញ្ជាក់ថា កាលពីថ្ងៃពុធ យន្តហោះចម្បាំងរបស់ចក្រភពអង់គ្លេសបាន ហោះប្រដេញស្ទាក់ យន្តហោះចម្បាំងពីរគ្រឿងរបស់រុស្ស៊ីដែលបានចូលមកកាន់ដែនអាកាសរបស់ខ្លួន។ នេះមិនមែនជាលើកទីមួយនោះទេ។ បើគិតចាប់តាំងពីដើមឆ្នាំ២០១៤មក យន្តហោះចម្បាំង កប៉ាល់ និងនាវាមុជទឹករបស់រុស្ស៊ីបានបំពានដែនដី ដែនទឹក និងដែនអាកាសអង់គ្លេសសរុបប្រមាណ ១៧ដងរួចមកហើយ។
ទិន្នន័យត្រួសៗនៃកម្លាំងយោធារវាងប្រទេសទាំងពីរ (ប្រភព៖ dailymail)
លោកឧត្ដមសេនីយ៍ Adrian Bradshaw មេបញ្ជាការរងកងកម្លាំងសម្ព័ន្ធមិត្តអង្គការណាតូប្រចាំនៅទ្វីបអឺរ៉ុបបានថ្លែងថា ការតានតឹងជាមួយរុស្ស៊ីនឹងបង្កទៅជាជម្លោះនៅថ្ងៃណាមួយ ហើយរុស្ស៊ីអាចឈ្លានពាន និងដណ្ដើមយកដែនដីរបស់អង្គការណាតូ ហើយអាចផ្លាស់ប្ដូរព្រំដែនរបស់ទ្វីបអឺរ៉ុបថែមទៀតផង។
លោកបន្តថា រុស្ស៊ីអាចប្រើតាកទិចចាស់ពីសម័យសូវៀតបណ្ដាលឱ្យមានសង្គ្រាមផ្ទុះឡើង។ ចុះបើមានសង្គ្រាមផ្ទុះឡើងមែន តែប្រទេសណាមួយមានប្រៀបជាង? សូមសមត្ថភាពកម្លាំងយោធារបស់ប្រទេសទាំងពីរ៖
