យន្តហោះនៅនូវែលហ្សេឡង់ត្រូវរន្ទះបាញ់! ចំណែកនៅអាមេរិក ពីឡុតជាប់គន្លឹះទ្វារចូលបើកបរមិនកើត (មានវីដេអូ)
យន្តហោះរបស់ក្រុមហ៊ុន Air New Zealand ត្រូវរន្ទះបាញ់ពេលកំពុងហោះលើអាកាស
យន្តហោះដឹកអ្នកដំណើររបស់ក្រុមហ៊ុនអាកាសចរណ៍ Air New Zealand ត្រូវបានរន្ទះបាញ់ពេលហោះហើរពីទីក្រុងវេលីងតុន (Wellington) ប៉ុន្តែបានចុះចតទាំងប្រផុតប្រផើយនៅអាកាសយានដ្ឋាន Dunedin Airport។ នេះបើយោងតាមអ្នកនាំពាក្យរបស់ក្រុមហ៊ុន។
យន្តហោះដឹកអ្នកដំណើររបស់ក្រុមហ៊ុនអាកាសចរណ៍ Air New Zealand ត្រូវបានរន្ទះបាញ់ពេលហោះហើរពីទីក្រុងវេលីងតុន (Wellington) ប៉ុន្តែបានចុះចតទាំងប្រផុតប្រផើយនៅអាកាសយានដ្ឋាន Dunedin Airport។ នេះបើយោងតាមអ្នកនាំពាក្យរបស់ក្រុមហ៊ុន។
ជើងហោះហើរ NZ688 ដែលត្រូវចេញដំណើរពី Dunedin ទៅ Wellington និងជើងហោះហើរមួយទៀត NZ478 ពី Wellington ទៅ Auckland ត្រូវបានលុបចោល ដើម្បីយកពេលពិនិត្យមើលករណីរន្ទះបាញ់យន្តហោះជើងហោះហើរខាងលើ។
សូមបញ្ជាក់ថា នៅប្រទេសនូវែលហ្សេឡង់ (New Zealand) ករណីរន្ទះបាញ់ មិនមានអ្វីចម្លែកពេកទេនៅប្រទេសនូវែលហ្សេឡង់ ហើយយន្តហោះដឹកអ្នកដំណើរគ្រប់ប្រភេទត្រូវត្រៀមលក្ខណៈស្រេចបាច់សម្រាប់ស្ថានភាពរបៀបនេះ។
យន្តហោះរបស់ក្រុមហ៊ុន Air New Zealand (រូបតំណាង) (ប្រភព៖ aerolineas-seguras2.com)
ក្រុមហ៊ុន Delta Airlines ៖ ពីឡុតចូលបន្ទប់ទឹក ហើយទ្វារជាប់គន្លឹះ ចូលបន្ទប់បើកបរលែងកើត
នៅក្នុងព្រឹត្តិការណ៍ដាច់ដោយឡែកមួយទៀតពាក់ព័ន្ធនឹងយន្តហោះដឹកអ្នកដំណើរ គឺយន្តហោះមួយគ្រឿងរបស់ក្រុមហ៊ុនអាកាសចរណ៍ Delta Airlines (សហរដ្ឋអាមេរិក) ដែលដឹកអ្នកដំណើរ ១៦៨ នាក់ក៏ជួបភាពមិនប្រក្រតី។ យន្តហោះបានចុះចតបន្ទាន់។ អាកាសយានិកម្នាក់បានបើកទ្វារ «បន្ទប់អ្នកបើកបរ – cockpit» ដើម្បីចូលបន្ទប់ទឹក ស្រាប់តែទ្វារបន្ទប់បិទសោគ្រិប ធ្វើឲ្យគាត់បើកទ្វារចូលលែងកើត។
នៅក្នុងព្រឹត្តិការណ៍ដាច់ដោយឡែកមួយទៀតពាក់ព័ន្ធនឹងយន្តហោះដឹកអ្នកដំណើរ គឺយន្តហោះមួយគ្រឿងរបស់ក្រុមហ៊ុនអាកាសចរណ៍ Delta Airlines (សហរដ្ឋអាមេរិក) ដែលដឹកអ្នកដំណើរ ១៦៨ នាក់ក៏ជួបភាពមិនប្រក្រតី។ យន្តហោះបានចុះចតបន្ទាន់។ អាកាសយានិកម្នាក់បានបើកទ្វារ «បន្ទប់អ្នកបើកបរ – cockpit» ដើម្បីចូលបន្ទប់ទឹក ស្រាប់តែទ្វារបន្ទប់បិទសោគ្រិប ធ្វើឲ្យគាត់បើកទ្វារចូលលែងកើត។
នៅក្នុងខ្សែវីដេអូ ដែលអ្នកដំណើរថតបាន គេឃើញអាកាសយានិកដែលចូលបន្ទប់ទឹករូបនោះ បានផ្ដល់សេចក្ដីពន្យល់ចំពោះអ្នកដំណើរនៅក្នុងយន្តហោះដែលកំពុងធ្វើដំណើរពីទីក្រុង Minneapolis ទៅទីក្រុង Las Vegas។ លោកប្រាប់ថាលោកបានចាកចេញពីបន្ទប់អ្នកបើកបរ ហើយទ្វារបានរលាស់ដោយឯកឯង គ្មានអ្នកណាបញ្ជាទេ ដូចនេះ យន្តហោះត្រូវចុះចតនាពេលបន្តិចទៀតនេះ។
ដល់ពេលអញ្ចឹង មនុស្សនៅក្នុងយន្តហោះ មិនភ័យពេកទេ ប៉ុន្តែរាងច្រឡំបល់បន្តិចដែរ ប៉ុន្តែអាកាសយានិករង (co-pilot) បានបញ្ជាយន្តហោះចុះចតដោយសុវត្ថិភាព ហើយអ្នកជិះក្នុងយន្តហោះនាំគ្នាទះដៃហ៊ោកញ្ជ្រៀវថា «យើងផុតពីគ្រោះថ្នាក់ហើយ!» ឬ «អស់អីហើយ!»។ អ្នកនាំពាក្យរបស់ក្រុមហ៊ុនបានឲ្យដឹងថា ករណីនេះ ក្រុមហ៊ុននឹងបើកការស៊ើបអង្កេតឲ្យបានម៉ត់ចត់បំផុត៕
ប្រែសម្រួល ៖ អន សំអាង
ប្រភព៖ The Mirror និង stuff.co.nz
