៤ ឃ្លា គួរឲ្យរំភើបមុនពេលលាចាកលោក បន្ទាប់ពីរួមរស់នឹងគ្នា៦០ឆ្នាំ
២ ថ្ងៃ បន្ទាប់ពីលោកយាយ Billie Breland លាចាកលោក ក្រុមគ្រួសារបានរកឃើញបណ្តាំដ៏ខ្លីក្នុងក្រដាស១សន្លឹកតូច ផ្ញើឲ្យស្វាមី James Breland ។
តាមរយៈក្មួយប្រុសរបស់អ្នកទាំងពីរ គឺលោក Sims បច្ចុប្បន្ន កំពុងធ្វើជាអ្នកកាសែតនៅ Mississippi, អាមេរិក បានចែករំលែករឿងគួរឲ្យរំភើបនេះនឹងសារព័ត៌មាន ។
លោក Sims រម្លឹកត្រួសៗថា លោកយាយ Billie របស់គាត់បានដួលបាក់ឆ្អឹងត្រគាក ហើយពុំអាចសះស្បើយវិញបាន ។ អំឡុងពេលនេះ លោកតាតែងនៅក្បែរយាយ ដើម្បីថែទាំ ។ វាជារឿងធម្មតា ក្នុងគ្រួសារ ពិសេសរវាងប្តីប្រពន្ធដែលបានរួមរស់នឹងគ្នាអស់រយៈពេល ៦០ ឆ្នាំ ហើយ ។
លោកតាបាននៅមន្ទីរពេទ្យរហូតដល់ពេលលោកយាយទទួលមរណៈភាព ។
លោកយាយ Billie បានស្លាប់នៅថ្ងៃទី ១៥ មករា កន្លងមក ។ ២ ថ្ងៃ ក្រោយ ក្រុមគ្រួសារបានរកឃើញក្នុងសៀវភៅកំណត់ត្រារបស់យាយនូវក្រដាស១សន្លឹកតូច ផ្ញើទុកឲ្យស្វាមីជាទីស្រឡាញ់ ។ សំបុត្រនោះសរសេរថាៈ លោកកុំយំដោយសារតែគិតថាខ្ញុំបានស្លាប់ទៅហើយ! ត្រូវតែសើចញញឹម ជឿថា ខ្ញុំកំពុងបន្តរស់នៅទីណាមួយដ៏ស្អាត! ហើយក៏ត្រូវជឿជាក់ថា យើងនឹងជួបគ្នាវិញ! ខ្ញុំរង់ចាំលោកនៅទីនោះ ! ។
លោក James និងអ្នកស្រី Billie រៀបការណ៍ឆ្នាំ ១៩៥៤
៦០ ឆ្នាំគត់ ដែលគេរួមរស់ជាមួយគ្នា
សំបុត្រដ៏ខ្លីបង្កប់នូវអត្ថន័យជ្រាលជ្រៅរកអ្វីប្រៀបផ្ទឹមពុំបាន
