តារាសម្ដែង តារាចម្រៀងល្បីៗតៃវ៉ាន់ចូលរួមរំលែកទុក្ខឧប្បត្តិហេតុធ្លាក់យន្តហោះនៅតៃប៉ិ
រឿងតក់ស្លុតរន្ធត់ចិត្តមួយបានកើតឡើងនៅពេលយន្តហោះជើងហោះហើរក្នុងស្រុក TransAsia របស់តៃវ៉ាន់បានធ្លាក់ចូលទន្លេ បណ្ដាលអោយមនុស្ស៤៨នាក់ស្លាប់និង១០នាក់របួស ហើយដើម្បីចែករំលែកទុក្ខក្រុមគ្រួសារជនរងគ្រោះ តារាសម្ដែង តារាចម្រៀងល្បីៗតៃវ៉ាន់បានចេញមកផ្ញើរសាររំលែកទុក្ខ និងបង្ហាញពីក្ដីឈឺចាប់ចំពោះហេតុការណ៍អកុសលកើតឡើងនៅក្នុងប្រទេសជាតិរបស់ខ្លួន។
តាមរយៈបណ្តាញសង្គម តារាចម្រៀងក្មេងជាងគេក្នុងក្រុម SHE នាង Hebe បានថ្លែងថា “សូមអោយវិញ្ញាណជនរងគ្រោះ TransAsia ទាំងអស់ទៅកាន់សុគតិភព សូមអោយគ្រួសារជនរងគ្រោះស្បើយពីទុក្ខសោកឆាប់ៗ សូមអោយបានទទួលការអាណិតអាសូរកាន់តែច្រើន”។
ក្រៅពីនេះអតីតតារាចម្រៀងក្រុម Fahrenheit លោក Aaron Yan ក៏បានបង្ហាញពីអារម្មណ៍ឈឺចាប់និងខឹងសម្បារដែរថា ”ហេតុអីអាកាសធាតុបែបនេះអនុញ្ញាតអោយ ART 72 ចុះចត?” ដោយភ្ជាប់ជាមួយព័ត៌មានឧប្បត្តិហេតុគ្រោះថ្នាក់ហើយទទួលបានការអាណិតពីអ្នកគាំទ្រយ៉ាងច្រើន។
ហេតុការណ៍ធ្លាក់យន្តហោះដ៏អាក្រក់ចុងក្រោយនៅតៃប៉ិកោះតៃវ៉ាន់ដែលកំពុងក្លាយជាព័ត៌មានល្បីល្បាញទូទាំងពិភពលោកនេះ ក៏មានតារាសម្ដែងតារាចម្រៀងតៃវ៉ាន់ល្បីជាច្រើនរូបទៀតដូចជា Lee Wei , Shu Qi , Ruby Lin ជាដើមបានបង្ហាញពីការឈឺចាប់សោកស្ដាយតាមរយៈបណ្ដាញសង្គមផ្ទាល់ខ្លួនរបស់ពួកគេដូចគ្នា។
ក្រៅពីតារាៗហើយប្រជាជនតៃវ៉ាន់ទាំងអស់ក៏បានចូលរួមចំណែកជួយជនរងគ្រោះដែរព្រោះមានកំប្លោកឈាមប្រភេទ O និង AB ចំនួន១០០កំប្លោកត្រូវបានបញ្ជូនទៅតំបន់ Penghu តំបន់យន្តហោះធ្លាក់ក្រែងមានហេតុការណ៍បន្ទាន់ណាមួយត្រូវការឈាមប្រើប្រាស់ដោយមិនចាំមានការប្រកាសស្នើរសុំពីខាងមន្ទីរពេទ្យ៕
ប្រែសម្រួល ៖សុខា នីកា
ប្រភព៖ www.bubblews.com
