យន្តហោះដឹកអ្នកដំណើរឥណ្ឌូណេស៊ីមួយគ្រឿងទៀតរត់ខុសផ្លូវ
យន្តហោះដឹកអ្នកដំណើរមួយគ្រឿងរបស់ឥណ្ឌូណេស៊ីបានរត់ខុសផ្លូវ នៅលើកោះសម្រាប់កំសាន្តចុងសប្ដាហ៍មួយនៅប្រទេសឥណ្ឌូណេស៊ី។ យន្តហោះនោះផ្ទុកមនុស្សសរុប ៣៣ នាក់ក្នុងនោះមានអ្នកដំណើរ ២៩ នាក់ (កូនង៉ែតម្នាក់) និងបុគ្គលិកក្រុមហ៊ុន ៤ នាក់។ យន្តហោះនោះម៉ាក ATR 72-600 បានចាកចេញពីកោះបាលី (Bali) មកកាន់កោះនោះ ក៏ស្រាប់តែរត់ខុសផ្លូវ។
អ្នកជិះក្នុងយន្តហោះទាំង ៣៣ នាក់មិនមានគ្រោះថ្នាក់អ្វីទេ។ យន្តហោះនេះជាកម្មសិទ្ធិរបស់ក្រុមហ៊ុនគ្រឌ (Garuda) ដែលដាក់ទង់ជាតិឥណ្ឌូណេស៊ី បានរត់ខុសផ្លូវប្រហែល ១០ ម៉ែត្រហើយជ្រុលចង្កូតទៅប៉ះវាលស្មៅដែលនៅក្បែរនោះដែលស្ថិតនៅលើកោះលំពុក (Lombok)។ នេះបើយោងតាមអ្នកនាំពាក្យរបស់ក្រុមហ៊ុន៕
ប្រែសម្រួល ៖ អន សំអាង
ប្រភព៖ AFP និង Channel News Asia
