ក្មេងប្រុសម្នាក់នៅមានជីវិតស្ទើរពុំជឿ ខណៈពេលគ្រាប់ឃ្លី៣២៥គ្រាប់បាញ់មកលើផ្ទៃមុខ
បណ្តារូបភាព X-Ray បង្ហាញឲ្យឃើញថា ផ្ទៃមុខរបស់ក្មេងប្រុសចិនអាយុ ៦ ឆ្នាំ “ផ្ទុក” ពេញដោយកំទេចគ្រាប់ ជាហេតុនាំឲ្យគេព្រួយបារម្ភយ៉ាងខ្លាំង ។
គេបានដឹងថា គ្រោះថ្នាក់នេះបានកើតឡើងនៅថ្ងៃទី ៦ កុម្ភៈ កន្លងមក ខណៈពេលដែល Yang Yang អាយុ ៦ ឆ្នាំ កំពុងលេងជាមួយបងប្អូនជីដូនមួយរបស់គេ នៅឯផ្ទះនាខេត្ត ស៊ឺជៀង ប្រទេសចិន ។
X-Ray បង្ហាញផ្ទៃមុខក្មេងម្នាក់នេះជាប់ក្បាលគ្រាប់១កញ្ចុំ
តាមនោះ គឺក្មេងទាំងពីរបានយកកាំភ្លើងមែនទែនមកលង ត្បិតនឹកស្មានថាជារបស់លេងប្អូនរបស់ Yang ក៏អាយុ ៦ ឆ្នាំ បានកាន់វាភ្ជុងមកលើ Yang Yang ហើយកេះកៃ ។
ភ្លាមៗនោះ ឈាមបានហូរស្រោចផ្ទៃមុខ ធ្វើឲ្យ Yang និងប្អូនរបស់គេភ័យខ្លាចយ៉ាងខ្លាំង ព្រោះពុំដឹងថាមានរឿងអ្វីកើតឡើង ។ អ្នកទាំងពីររត់ចូលក្នុងផ្ទះ ប្រាប់ឲ្យមនុស្សចាស់ដឹង ។ ជីដូនរប់ស Yang ប្រាប់ថាៈ វាទាំងពីរយំខ្លាំង ហើយលើមុខ Yang មានធ្លុះ១ប្រហោងធំ ឈាមហូរជោគ ។
គេបាននាំ Yang ទៅសង្គ្រោះនៅមន្ទីរពេទ្យ ។ វេជ្ជបណ្ឌិតបានចាប់យកក្បាលគ្រាប់ ៣២៥ គ្រាប់ ចេញពីមុខរបស់ Yang ។
ដោយបានការសង្គ្រោះទាន់ពេល ទើប Yang អាចនៅមានជីវិត តែផ្ទៃមុខទើបយកគ្រាប់ចេញរបស់វាឃើញគួរឲ្យខ្លាច ៕
ដោយបានការសង្គ្រោះទាន់ពេល ទើប Yang អាចនៅមានជីវិត តែផ្ទៃមុខទើបយកគ្រាប់ចេញរបស់វាឃើញគួរឲ្យខ្លាច ៕
