យោង​តាម​ឯកសា​រ​ដែល​​សារព័ត៌មាន​ Reuters ទទួល​បាន​ ​និង​ចុះ​ផ្សាយ​បន្ត​ដោយ​ Business Insider បាន​​​ឱ្យ​ដឹង​ថា​ ​​ក្រុម​ហ៊ុន​របស់​សហរដ្ឋ​អាមេរិក​​អាច​​​​កាន់កាប់​ដែន​ដី​​ (stake claims) នៅ​ឋាន​ព្រះចន្ទ​​តាម​រយៈ​ដំណើរការ​​នៃ​ការ​សុំ​​អាជ្ញាប័ណ្ណ​​មាន​ស្រាប់​(existing licensing process) សម្រាប់​​​ ដំណើរការ​បង្កើត​​​ក្រុមហ៊ុន​នៅ​ស្ថាន​អវកាស។ 

​​ខ្លឹមសារ​​ក្នុង​​អត្ថបទ​​ដែល​ចេញ​ផ្សាយ​ដោយ​​ប្រភព​ដដែល​​ ​បង្ហាញ​ថា​ រដ្ឋបាល​អាកាសចរណ៍​សហព័ន្ធ​​ (The US Federal Aviation Administration-FAA) ទំនង​ជា​ចង់​បញ្ជាក់​ថា​ ​ខ្លួន​ជា​​​​មជ្ឈន្តិក (arbiter)​ ឬ​​អាជ្ញា​កណ្ដាល​កំណត់​ថា ​អ្នក​​ណា​​​អាច​ធ្វើ​ជា​ធ្វើ​ជា​​​ម្ចាស់​កម្មសិទ្ធិ​អ្វី​ខ្លះ​នៅ​ស្ថាន​​ព្រះចន្ទ​បាន។

​ឯកសារ​នោះ​កំពុង​ដាក់​ចម្ងល់​​​​ និង​​អាច​ពាក់ព័ន្ធ​​ទៅ​នឹង​ចំណុច​មួយ​គឺ​​ការ​​ដាក់​ពាក្យ​ស្នើ​សុំ​​​របស់​ក្រុមហ៊ុន​ថ្មី​មួយ​​ឈ្មោះ​ Bigelow Aerospace ​ដែល​​បាន​អះអាង​កន្លង​មក​ថា​ ខ្លួន​ជា​ក្រុមហ៊ុន​​​​បង្កើត​​ស្ថានីយ​អវកាស​លក្ខណៈ​ឯកជន​ដំបូង​បំផុត​​ក្នុង​លោក​​ដែល​នឹង​ដឹក​អតិថិជន​ទៅ​កាន់​ឋាន​អវកាស​នៅ​ថ្ងៃ​ណា​មួយ។ ​​​​​​
​​​
​តាម​រយៈ​ខ្លឹមសារ​នៃ​អត្ថបទ​ដដែល​ គេ​អាច​​ទាញ​ការ​សន្និដ្ឋាន​បាន​ថា​ ​​គម្រោង​ខាង​លើ​ទំនង​​មាន​គោល​ដៅ​​ស្ថាបនា​​​កន្លែង​ស្នាក់​នៅ​​ដែល​អាច​អណ្ដែត​ (inflatable habitats) ​នៅ​ឋាន​ព្រះចន្ទ។ រដ្ឋបាល​អាកាសចរណ៍​សហព័ន្ធ​ទំនង​ចង់​និយាយ​ទៀត​ថា​ ​​គម្រោង​នេះ​គឺ​មិន​ត្រឹម​តែ​ទទួល​បាន​សិទ្ធិ​ស្រប​ច្បាប់​នោះ​ទេ​ ​ប៉ុន្តែ​ក្រុមហ៊ុន​ថែម​ទាំង​មាន​សិទ្ធិ​ផ្ដាច់​មុខ​​កាន់​កាប់​ដែន​ដី​នោះ​ ដែល​អាច​និយាយ​បាន​ថា​ ​​​នឹម​អនានិគមន៍​​​​​ (colony) គឺ​ចាប់​ផ្ដើម​​ដាក់​ហើយ។

​តើ​គម្រោង​នេះ​ពិត​ជា​ស្រប​ច្បាប់​​មែន​ទេ? ​​សហរដ្ឋ​អាមេរិក​អាច​ធ្វើ​បាន​តាម​អំពើ​ចិត្ត​ឬ​​យ៉ាង​ណា?​សូម​​រង់​ចាំ​តាមដាន​​អត្ថបទ​ភាគ​ II ​ដែល​នឹង​ចុះ​ផ្សាយ​នៅ​ពេល​ខាង​មុខ​នេះ៕

​ដោយ៖ ឬទ្ធិ​