រថយន្តពីរគ្រឿងបុកគ្នាលើផ្លូវជាតិលេខ៧ ស្លាប់ម្នាក់ របួស៦នាក់
ក្រចេះ៖ រថយន្តម៉ាកហ្វររ៉ាន់ន័រ ពាក់ស្លាកលេខប្រទេសឡាវ បើកបុកចំពីមុខរថយន្តតាក់ស៊ីសាំងយ៉ុង បណ្តាលឱ្យបុរសអ្នកបើកបរតាក់ស៊ីម្នាក់ បានស្លាប់កៀបជាប់ក្នុងរថយន្ត និងមនុស្សប្រុសស្រី៦នាក់ផ្សេងទៀតបានរងរបួសធ្ងន់ និងស្រាលក្នុងទឹកដី ជិតដល់ព្រំប្រទល់ ខេត្តស្ទឹងត្រែង។
ហេតុការណ៏គ្រោះថ្នាក់ចរាចរណ៍ខាងលើនេះ បានកើតឡើង កាលពីវេលាម៉ោងជាង២រសៀល ថ្ងៃទី១០ ខែធ្នូ នៅលើផ្លូវជាតិលេខ៧ ត្រង់ចំណុចជណ្តើរកាច់ ជិតអូរគ្រៀង ក្នុងឃុំក្បាលដំរី ស្រុកសំបូរ ជិតដល់ព្រំប្រទល់ ខេត្តស្ទឹងត្រែង។
ជនរងគ្រោះដែលស្លាប់កៀបជាប់ក្នុងរថយន្ត ត្រូវគេស្គាល់ថា មានឈ្មោះ ម៉េង ហៀង អាយុ៤១ឆ្នាំ មានទីលំនៅភូមិទន្សាយកោង ស្រុកកោះសូទិន កំពង៉ចាម និងជាអ្នករត់តាក់ស៊ីពីខេត្តក្រចេះ ទៅខេត្តស្ទឹងត្រែង។
អធិការរងទទួលបន្ទុកសណ្តាប់ធ្នាប់ស្រុកសំបូរ លោកអនុសេនីយ៍ឯក នួន សារិន បានឲ្យដឹងថា តាមការពិនិត្យលើគំនូសប្លង់ គឺសន្និដ្ឋានថា មូលហេតុបង្កឲ្យមានគ្រោះថ្នាក់ បណ្តាលមកពីកត្តាផ្លូវ ខណៈដែលផ្លូវជាតិ នៅចំណុចកើតហេតុ ជាផ្លូវកោងខ្លាំង ហើយភាគីខាងរថយន្តហ្វររ៉ាន់ន័រ ពណ៌ខ្មៅ ពាក់ស្លាកលេខប្រទេសឡាវមួយគ្រឿងនេះ បានបើករថយន្តលឿន រេចង្កូតចូលខាងស្តាំរថយន្តតាក់ស៊ីសាំងយ៉ុង បណ្តាលឲ្យបុកចំពីមុខពេញទំហឹងតែម្តង។
លោកអធិការរងរូបនោះ បានបញ្ជាក់ថា រថយន្តហ្វររ៉ាន់ន័រ ពាក់ស្លាកលេខប្រទេសឡាវនេះ មិនទាន់ដឹងអត្តសញ្ញាណច្បាស់នៅឡើយទេ ដោយគ្រាន់តែរថយន្តនេះ មានតែអ្នកបើកបរតែម្នាក់ឯង និងរងរបួសធ្ងន់ដូចគ្នា ហើយត្រូវកម្លាំងសមត្ថកិច្ចនាំទៅសង្គ្រោះភ្លាមៗដែរ៕
ក្រចេះ៖ រថយន្តម៉ាកហ្វររ៉ាន់ន័រ ពាក់ស្លាកលេខប្រទេសឡាវ បើកបុកចំពីមុខរថយន្តតាក់ស៊ីសាំងយ៉ុង បណ្តាលឱ្យបុរសអ្នកបើកបរតាក់ស៊ីម្នាក់ បានស្លាប់កៀបជាប់ក្នុងរថយន្ត និងមនុស្សប្រុសស្រី៦នាក់ផ្សេងទៀតបានរងរបួសធ្ងន់ និងស្រាលក្នុងទឹកដី ជិតដល់ព្រំប្រទល់ ខេត្តស្ទឹងត្រែង។
ហេតុការណ៏គ្រោះថ្នាក់ចរាចរណ៍ខាងលើនេះ បានកើតឡើង កាលពីវេលាម៉ោងជាង២រសៀល ថ្ងៃទី១០ ខែធ្នូ នៅលើផ្លូវជាតិលេខ៧ ត្រង់ចំណុចជណ្តើរកាច់ ជិតអូរគ្រៀង ក្នុងឃុំក្បាលដំរី ស្រុកសំបូរ ជិតដល់ព្រំប្រទល់ ខេត្តស្ទឹងត្រែង។
ជនរងគ្រោះដែលស្លាប់កៀបជាប់ក្នុងរថយន្ត ត្រូវគេស្គាល់ថា មានឈ្មោះ ម៉េង ហៀង អាយុ៤១ឆ្នាំ មានទីលំនៅភូមិទន្សាយកោង ស្រុកកោះសូទិន កំពង៉ចាម និងជាអ្នករត់តាក់ស៊ីពីខេត្តក្រចេះ ទៅខេត្តស្ទឹងត្រែង។
អធិការរងទទួលបន្ទុកសណ្តាប់ធ្នាប់ស្រុកសំបូរ លោកអនុសេនីយ៍ឯក នួន សារិន បានឲ្យដឹងថា តាមការពិនិត្យលើគំនូសប្លង់ គឺសន្និដ្ឋានថា មូលហេតុបង្កឲ្យមានគ្រោះថ្នាក់ បណ្តាលមកពីកត្តាផ្លូវ ខណៈដែលផ្លូវជាតិ នៅចំណុចកើតហេតុ ជាផ្លូវកោងខ្លាំង ហើយភាគីខាងរថយន្តហ្វររ៉ាន់ន័រ ពណ៌ខ្មៅ ពាក់ស្លាកលេខប្រទេសឡាវមួយគ្រឿងនេះ បានបើករថយន្តលឿន រេចង្កូតចូលខាងស្តាំរថយន្តតាក់ស៊ីសាំងយ៉ុង បណ្តាលឲ្យបុកចំពីមុខពេញទំហឹងតែម្តង។
លោកអធិការរងរូបនោះ បានបញ្ជាក់ថា រថយន្តហ្វររ៉ាន់ន័រ ពាក់ស្លាកលេខប្រទេសឡាវនេះ មិនទាន់ដឹងអត្តសញ្ញាណច្បាស់នៅឡើយទេ ដោយគ្រាន់តែរថយន្តនេះ មានតែអ្នកបើកបរតែម្នាក់ឯង និងរងរបួសធ្ងន់ដូចគ្នា ហើយត្រូវកម្លាំងសមត្ថកិច្ចនាំទៅសង្គ្រោះភ្លាមៗដែរ៕
