ឃាត់ខ្លួនតាល្មោភកាមចាប់រំលោភចៅស្រីចុងសតិមិនគ្រប់
កំពត៖ បុរសវ័យ៦១ឆ្នាំម្នាក់ ត្រូវសមត្ថកិច្ចចាប់ខ្លួន តាមពាក្យបណ្តឹងស្ត្រីជាប្រពន្ធ បន្ទាប់ពីបុរសរូបនោះ បានចាប់រំលោភលើចៅស្រីចុងអាយុ១៥ឆ្នាំម្នាក់ ដែលមានសតិមិនគ្រប់ជាច្រើនលើកច្រើនសារ។ការចាប់ខ្លួនជនល្មោភកាមនេះ ធ្វើឡើងកាលពីថ្ងៃទី០២ ខែធ្នូ ឆ្នាណ២០១៤ ស្ថិតនៅភូមិជ័យសេនា ឃុំតាកែន ស្រុកឈូក ខេត្តកំពត។
សមត្ថកិច្ចបានឱ្យដឹងថា តាចុងល្មោភកាមខាងលើនោះ ឈ្មោះ ឡេង ម៉ឺង អាយុ៦១ឆ្នាំ ចំណែកប្រពន្ធឈ្មោះ កែម យឿង អាយុ៦៥ឆ្នាំ។ រីឯក្មេងស្រីរងគ្រោះអាយុ១៥ឆ្នាំ (សតិមិនគ្រប់) ទាំង៣នាក់មានទីលំនៅក្នុងភូមិកើតហេតុខាងលើ។
បើតាមពាក្យបណ្តឹងរបស់ស្ត្រីចំណាស់ជាប្រពន្ធបានឱ្យដឹងថា សកម្មភាពរបស់ប្តីគាត់ដែលចាប់រំលោភចៅនោះ កើតឡើងតាំងពីរដូវបុណ្យភ្ជុំបិណ្ឌមកម្ល៉េះ។ តែរូបគាត់ពុំបានចាំថ្ងៃទេ ទើបតែចុងក្រោយនេះ ជាលើកទី៦ហើយដែលគាត់ជាប្រពន្ធទាន់នូវសកម្មភាពរំលោភនេះ ទើបទ្រាំមិនបាន និងការគំរាមកំហែងរបស់ប្តីកំហូចនេះទៀត ទើបគាត់សម្រេចចិត្តមកប្តឹងសមត្ថកិច្ចចាប់ខ្លួនតែម្តង។
ក្រោយពីសមត្ថកិច្ចសាកសួរ ជនសង្ស័យបានសារភាពថា ខ្លួនពិតជាបានចាប់រំលោភចំនួន៦លើកពិតប្រាកដមែន ដោយចាប់រំលោភនៅលើផ្ទះ និងរំលោភនៅចម្ការចេកផង។
សមត្ថកិច្ចចាប់ខ្លួនជនសង្ស័យ
ប្រភពពី Free Press Magazine
