នារីវ័យក្មេងម្នាក់ចងកសម្លាប់ខ្លួនក្នុងបន្ទប់ជួល
រាជធានីភ្នំពេញ៖ អ្នករស់នៅជិតខាងប្រទះឃើញ សពនារីវ័យក្មេងម្នាក់បាន ចងក សម្លាប់នឹងចំរឹងដែកបង្អួច ក្នុងបន្ទប់ជួលស្នាក់នៅរបស់នាង បន្ទាប់ពីមានក្លិន ស្អុយចម្លែក ចេញពីបន្ទប់ជួលមួយមួយស្ថិតនៅបន្ទប់ជួលលេខ៣ ផ្លូវលេខ៤៤៦ ភូមិ៥ ក្រុម៣៥ សង្កាត់ទួលទំពូងទី១ ខណ្ឌចំការមន រាជធានីភ្នំពេញ ដែលករណីនេះ បង្កការភ្ញាក់ផ្អើលនៅវេលាម៉ោង១និង៣០នាទីរសៀល ថ្ងៃទី១១ ខែវិច្ឆិកា ឆ្នាំ២០១៤។
ប្រភពបានឱ្យដឹងថា ស្ត្រីរងគ្រោះត្រូវគេស្គាល់ឈ្មោះ លីនណា អាយុ២១ឆ្នាំ មានស្រុកកំណើតនៅភូមិត្រពាំងប្ញស្សី១ ឃុំតាពក ស្រុកអូរាំងឪ ខេត្តត្បូងឃ្មុំ។
ប្រភពបន្តថា មុនពេលកើតហេតុ មានក្មេង២-៣នាក់បានរត់លេងនៅមុខបន្ទប់ របស់នារីរងគ្រោះខាងលើ ខណៈនោះ ក៏មានក្លិនស្អុយចម្លែក ចេញពីបន្ទប់ជះមកក្រៅ ពេលនោះអ្នករស់នៅជិតខាង បានចូលទៅមើល ស្រាប់តែទៅដល់គ្រាន់តែគោះ ទ្វាររបើក ហើយប្រទះឃើញសពនារីរងគ្រោះចងក តែម្តង។
បច្ចុប្បន្ន ក្រោយពីសមត្ថកិច្ចធ្វើកោសល្យវិច័យលើសាកសព គឺនាងបានចងកសម្លាប់ខ្លួនឯង តែមូលហេតុយ៉ាងណានោះ មិនទាន់ច្បាស់លាស់ នៅឡើយទេ៕
ទិដ្ឋភាពនៅកន្លែងកើតហេតុ
ប្រភពពី Free Press Magazine
