កុងតឺន័របើកបុកឡានទួរីស កៀបស្លាប់ព្រូក្នុងកាប៊ីន ចំណែកតៃកុងរងរបួសធ្ងន់
យន្ដបានស្លាប់ ដោយគាបជាប់ នៅក្នុងកាប៊ីន ដោយសាររថយន្ដ កុងតឺន័រ ពាក់ស្លាកលេខ ភ្នំពេញ 3C-1421 របស់ក្រុមហ៊ុន ឯកជនមួយ បើកបុកយ៉ាងពេញទំហឹងកាលពីវេលា ម៉ោង ១២និង៣០ នាទីរសៀលថ្ងៃទី១១ ខែវិច្ឆិកា ឆ្នាំ២០១៤ ស្ថិតនៅលើកំណាត់ផ្លូវជាតិលេខ ៤ ក្នុងភូមិព្រៃបឹង សង្កាត់កន្ទោក ខណ្ឌពោធិ៍សែនជ័យ ។
សមត្ថកិច្ចបានឲ្យដឹងថា មុនពេលកើតហេតុ រថយន្ដតួរីស បានឈប់តាមចិញ្ចើមផ្លូវ រួចហើយអ្នកបើករថយន្ដ បានបន្ដដំណើរទៅមុខ ដោយបត់ពីត្បូងទៅជើង ស្រាប់តែរថយន្ដកុងតឺន័រ ធ្វើដំណើរ ក្នុងទិសដៅពីលិចទៅកើត បុកពេញមួយទំហឹង បណ្ដាលឱ្យគាបជាប់ អ្នកបើករថយន្ដ រងរបួសធ្ងន់ ក្នុងកាប៊ីន ដោយឡែកព្រូរថយន្ដវិញ បានស្លាប់នៅក្នុងកាប៊ីនតែម្តង ។
ក្រោយពេលកើតហេតុ អ្នកបើករថយន្ដកុងតឺន័រ បានបើកទ្វាររត់គេចខ្លួន បាត់ស្រមោល ដោយឡែកសពជនរងគ្រោះ និងព្រូរថយន្ដ ត្រូវបានសមត្ថកិច្ច និងក្រុមជួយសង្គ្រោះ អង្គភាព៧១១ នៃកងពលតូចលេខ៧០ នាំគ្នាគាស់ទ្វារយកចេញមកក្រៅ ហើយដឹកបញ្ជូនភ្លាមៗ ទៅកាន់មន្ទីរពេទ្យ ហើយសមត្ថកិច្ច កំពុងទាក់ទង ទៅក្រុមគ្រួសារ មកទទួលយកទៅធ្វើបុណ្យ តាមប្រពៃណី ៕
ប្រភពពី វត្តភ្នំ
