Nicki Minaj ពីរឈុតនេះសម្ញែងដើមទ្រូងធំៗលើគោក
តារាចម្រៀងរ៉េបអាមេរិក Nicki Minaj បានលេចមុខលើទំព័រទស្សនាវដ្ដីម៉ូដ GQ ក្នុងឈុតសំលៀកបំពាក់ដ៏ប្លែក និងសិចស៊ីចំនួនពីរឈុត និងបាននិយាយថានាងនឹងធ្វើឲ្យពិភពលោកភ្ញាក់ផ្អើលម្ដងទៀតតាមរយៈអាល់ប៊ុមថ្មីដែលនឹងចេញលក់ខែក្រោយនេះ។
សម្រាប់ការថតម៉ូដឲ្យទស្សនាវដ្ដី GQ លើកនេះ តារាចម្រៀងវ័យ ៣១ឆ្នាំ Nicki Minaj បានពាក់អាវពណ៌សដែលមានម៉ូដប្លែកនិងបង្ហាញដើមទ្រូងរបស់នាងស្ទើរតែទាំងស្រុង ជាមួយសំពត់ពណ៌ខៀវត្រឹមជង្គង់ និងមានឆ្កែ Poodle ពីរគឺមួយពណ៌ខៀវ និងមួយទៀតពណ៌ផ្កាឈូកអមសងខាង។ មួយឈុតទៀតនាងពាក់អាវដដែល ប៉ុន្តែប្ដូរសំពត់ពណ៌ក្រហមវិញ។ សម្រាប់ការផាត់មុខ និងធ្វើសក់ របស់នាងគឺមើលទៅលក្ខណៈធម្មជាតិស្ទើរតែមួយរយភាគរយ។
ខុសប្លែកពីស្ទីលមុនៗដែលនាងចូលចិត្តពាក់សក់ពណ៌ និងលេងម៉ូដសំលៀកបំពាក់ប្លែកៗNicki Minaj បាននិយាយប្រាប់ទស្សនាវដ្ដី GQ ថាសម្រាប់អាល់ប៊ុមថ្មីនេះ នាងនឹងធ្វើឲ្យពិភពលោកភ្ញាក់ផ្អើលតាមរយៈការលេងស្ទីលបែបធម្មជាតិវិញម្ដង។ Nicki បាននិយាយថា “ខ្ញុំនឹងធ្វើឲ្យពិភពលោកភ្ញាក់ផ្អើលម្ដងទៀតដោយលេងស្ទីលធម្មតាៗជាងមុន។ ខ្ញុំគិតថាធ្វើបែបនេះគឺវាគួរឲ្យភ្ញាក់ផ្អើលជាងការបន្តលេងស្ទីលប្លែកៗដូចរាល់ដង”។
ស្របពេលដែលអាល់ប៊ុមថ្មី “Pinkprint” ត្រៀមចេញលក់នៅថ្ងៃទី២៤ ខែវិច្ឆិកា ខាងមុខនេះ តារាចម្រៀងម្ចាស់បទ “Annaconda” នឹងបង្ហាញវត្តមានពិសេសក្នុងកម្មវិធី MTV European Music Awards នៅថ្ងៃទី៩ ខែវិច្ឆិកា ខាងមុខក្នុងនាមជាពិធីករផង និងអ្នកសម្ដែងផង ៕
