Microsoft នឹងប្រកាស Smartwatch ថ្មីនៅប៉ុន្មានសប្តាហ៍ទៀត?
Microsoft ទើបតែបានទិញក្រុមហ៊ុនផលិតទូរសព្ទNokia របស់ហ្វាំងឡង់ ឥឡូវនេះឮថាក្រុមហ៊ុននេះគ្រោងនឹងប្រកាសនាឡិកាវៃឆ្លាតនៅប៉ុន្មានសប្ដាហ៍ខាងមុខនេះ។
សារព័ត៌មាន Forbes បានឲ្យដឹងថាMicrosoft នឹងបញ្ចេញSmartwatch ដំបូងរបស់ខ្លួនដែលអាចជាគូប្រជែងនឹងApple Watch របស់Apple និង Galaxy Gear S របស់ Samsung។ Smartwatch ដែលMicrosoft នឹងសម្ញែងនៅពេលខាងមុខមានមុខងារវាស់ចង្វាក់បេះដូង និងអាចដំណើរការជាមួយទូរសព្ទដែលប្រើប្រព័ន្ធប្រតិបត្តិការផ្សេងៗជាច្រើនទៀតដូចជាWindows Phone, iOS និងAndroid។
របាយការណ៍ដដែលបានឲ្យដឹងទៀតថាSmartwatch ដំបូងរបស់Microsoft នោះនឹងមានថាមពលថ្មដែលអាចកាន់បានចំនួន២ថ្ងៃនិងមានអេក្រង់ទំហំ១,៥អ៊ីញ។
កាលពីប៉ុន្មានខែកន្លងទៅសារព័ត៌មានForbes ក៏ធ្លាប់បានចុះផ្សាយដែលថាMicrosoft បានកំពុងតែសម្ងំផលិតSmartwatch ដំបូងរបស់ខ្លួនហើយវានឹងបង្ហាញវត្តមាននៅប៉ុន្មានសប្ដាហ៍ទៀតនេះ។ តែទោះជាយ៉ាងណាមកទល់ពេលនេះមិនមានការបញ្ជាក់ជាផ្លូវការណាមួយពីMicrosoft ចំពោះពាក្យចចាមអារ៉ាមអំពីវត្តមានSmartwatchដ៏អាថ៌កំបាំងនេះឡើយ៕ អានព័ត៌មានបច្ចេកវិទ្យាប្លែកៗសូមចុចត្រង់នេះ
