បើទូរសព្ទ LG មានភ្នែកហើយព្រិចដូចមនុស្សអញ្ចឹងចង់បានអត់?
មានពាក្យចចាមអារ៉ាមថាក្រុមហ៊ុនអេឡិចត្រនិករបស់កូរ៉េ LG នឹងប្រកាសSmartphone ចម្លែកមួយឈ្មោះ AKA នៅក្នុងព្រឹត្តិការណ៍ World IT Show 2014 ពីថ្ងៃទី ២០-២៣ តុលាខាងមុខនេះ។
បើតាមពាក្យចចាមអារ៉ាមថា AKA ជា Smartphone ចម្លែកមួយដែលមានភ្នែក និងចេះព្រិចដូចជាមនុស្សអញ្ចឹងហើយក៏អាចបង្ហាញពីអារម្មណ៍ផ្សេងៗបានទៀតផង។ លើសពីនេះអ្នកក៏អាចធ្វើការផ្លាស់ប្ដូរពណ៌សំបកផ្នែកខាងក្រោយដូចជាពណ៌ស ខ្មៅ ផ្កាឈូក និងពណ៌លឿងបានតាមចំណូលចិត្តផងដែរ។
ចំពោះវត្តមានLG AKA អាចនឹងត្រូវដាក់លក់លើទីផ្សារនៅខែក្រោយ។ ប៉ុន្តែទោះជាយ៉ាងណានៅមិនទាន់មានការបញ្ជាក់ជាផ្លូវការណាមួយពីក្រុមហ៊ុន LG ចំពោះវត្តមាន AKA ដ៏ចម្លែកមួយនេះនៅឡើយទេ។
កន្លងទៅ LG ក៏ធ្លាប់បានចេញទូរសព្ទដែលមានរាងកោងចម្លែកខុសគេមានឈ្មោះLG G Flex រួចមកហើយដែលវត្តមាន Smartphone មួយនេះធ្វើឲ្យអ្នកប្រើប្រាស់ជាច្រើនភ្ញាក់ផ្អើលផងដែរ៕
បើសិនជាមានទូរសព្ទចម្លែកបែបហ្នឹងមែនតើប្រិយមិត្តចង់បានអត់?
ប្រែសម្រួល៖ ប៉ែត ផាន់និត
ប្រភព៖ phonearena
