ខេត្ត​ព្រះ​សីហ​នុ​ ​៖ ស្ត្រី​ម្នាក់​បាន​ស្លាប់​នៅ​នឹង​កន្លែង​កើត​យ៉ាង​អាណោច​អាធ័ម​ ​និង​បុរស​៣នាក់​ទៀត​រង​របួស​ធ្ងន់​ ​ក្នុង​ហេតុ​ការណ៍​គ្រោះ​ថ្នាក់​ចរាចរណ៍​ ​បង្ក​ឡើង​ដោយ​រថ​យន្ត​ម៉ាក​ ​CRV​ ​ក្នុង​ល្បឿន​ជ្រុល​បុក​រះ​រថ​យន្ត​និង​ម៉ូ​តូ​៤គ្រឿង​ជា​បន្ត​បន្ទាប់​ ​កាល​ពី​វេលា​ម៉ោង​៣និង​២០នាទី​រសៀល​ ​ថ្ងៃ​ទី​២១ ខែ​តុលា​ ​ឆ្នាំ​២០១៤ នៅ​ចំណុច​ផ្សាយ​ពាណិជ្ជ​កម្ម​ស្ថិត​ក្នុង​ក្រុម​២ ភូមិ​២ សង្កាត់​២ ក្រុង​ព្រះ​សីហ​នុ​ ​។

លោក​វរ​សេនីយ៍​ទោ​ ​អ៊ី​ ​សុ​ខា​ ​ស្នង​ការ​រង​ទទួល​បន្ទុក​ស​ណ្តា​ប់​ធ្នាប់​ ​នៃ​ស្នង​ការដ្ឋាន​នគរបាល​ខេត្ត​ព្រះ​សីហ​នុ​ ​បាន​បញ្ជាក់​ថា​ ​ករណី​គ្រោះ​ថ្នាក់​ចរាចរណ៍​នេះ​ ​បង្ក​ឡើង​ដោយ​វរ​ថ​យន្ត​ ​ម៉ាក​CRV​ ​ពណ៌​ខ្លាញ់​ក្តា​ម​ ​ពាក់​ស្លាក​លេខ​ភ្នំពេញ​ ​2W-2523 បើក​បរ​ដោយ​បុរស​ចំណាស់​អាយុ​៨៤ឆ្នាំ​ ​ជា​អ​ណិ​ក​ជន​ខ្មែរ​រស់​នៅ​ប្រទេស​បារាំង​ ​ឈ្មោះ​ ​ហេង​ ​កាវ​ ​មាន​ទី​លំនៅ​ភូមិ​៣ សង្កាត់​លេខ​៣ ក្រុង​ព្រះ​សីហ​នុ​ ​ប​ណ្តា​ល​ឲ្យ​ស្ត្រី​ម្នាក់​ស្លាប់​នៅ​នឹង​កន្លែង​ ​រង​របួស​៤នាក់​ក្នុង​នោះ​ធ្ងន់​៣ ស្រាល​១នាក់​ ​និង​រថ​យន្ត​ចំនួន​៣គ្រឿង​ ​រួម​នឹង​ម៉ូ​តូ​ចំនួន​៤គ្រឿង​ ​រង​ការ​ខូច​ខាត​ ​។

ជុំ​វិញ​ហេតុ​ការណ៍​គ្រោះ​ថ្នាក់​ដ៏​រ​ន្ឋ​ត់​នេះ​ ​សាក្សី​នៅ​ក្បែរ​កន្លែង​កើត​ហេតុ​បាន​និយាយ​ទាំង​តក់ស្លុត​ថា​ ​នៅ​វេលា​កើត​ហេតុ​ ​ខ​ណៈ​ដែល​ប្រជា​ពលរដ្ឋ​បាន​កំពុង​ធ្វើ​ដំណើរ​នៅ​តាម​ផ្លូវ​សេ​តេ​នោះ​ ​គេ​បាន​ឃើញ​រថ​យន្ត​ម៉ាក​ ​CRV​ ​មួយ​គ្រឿង​បើក​បរ​ដោយ​បុរស​វ័​យ​ចំណាស់​ក្នុង​ទិស​ដៅ​ពី​លិច​ទៅ​កើត​(ពី​ចំណោទ​សេ​តេ​ឆ្ពោះ​ទៅ​មក​ផ្សារ​ពាណិជ្ជ​កម្ម​) ប៉ុន្តែ​មក​ដល់​ចំណុច​ផ្លូវ​កោង​មុខ​មន្ទីរ​សម្ភព​សេ​តេ​ ​រថ​យន្ត​បង្ក​រេ​ចង្កូត​មក​ស្តាំ​ដៃ​ ​បុក​រះ​ម៉ូ​តូ​ស្ត្រី​រង​គ្រោះ​ពេញ​ទំហឹង​ ​ខ្ទាត​ជា​ច្រើន​ម៉ែត្រ​ស្លាប់​ភ្លា​មៗ​ ​រួច​បាន​បន្ត​ទៅ​បុក​ម៉ូ​តូ​ចំនួន​៣គ្រឿង​ ​បន្ទាប់​មក​បាន​ជ្រុល​ទៅ​ចូល​ក្នុង​កន្លែង​លាង​ឡាន​ ​បុក​រថ​យន្ត​ចំនួន​២គ្រឿង​កំពុង​លាង​ ​រួម​ជាមួយ​កម្ម​ករ​៣នាក់​ដែល​កំពុង​ជូត​រថ​យន្ត​រង​គ្រោះ​ ​ប​ណ្តា​ល​ឲ្យ​រង​របួស​ធ្ងន់​ទាំង​អស់​ ​។

ក្រោយ​កើត​ហេតុ​រថ​យន្ត​ ​និង​ម៉ូ​តូ​ ​ត្រូវ​បាន​សមត្ថ​កិច្ច​ស្ទួ​ច​យក​ទៅ​រក្សា​ទុក​នៅ​ការិយាល័យ​ចរាចរណ៍​ផ្លូវ​គោក​ខេត្ត​ ​ឯ​ជន​រង​គ្រោះ​កំពុង​ត្រូវ​បាន​ស​ង្គ្រោះ​នៅ​គ្លី​និ​ច​ឯក​ជន​២កន្លែង​ផ្សេង​គ្នា​៕

__________________

ប្រភពពីនគរវត្ត