បន្ទាយមានជ័យ ៖ បុរសវ័យកណ្តាលម្នាក់ មានទំលាប់ឲ្យ តែស្រវឹងស្រា រករឿងប្រពន្ធ ហើយវាយ ប្រពន្ធ រួចរត់គេចចេញពីផ្ទះ លើកចុងក្រោយ បន្ទាប់ពីស្រវឹងស្រា រួចវាយប្រពន្ធ រួចគេចបាត់១យប់ បាត់ម្តង១យប់ រហូតដល់វេលាម៉ោង១២ ថ្ងៃត្រង់មិនឃើញ ប្តីមកហូបបាយ ប្រពន្ធតាមរកក៏ បានប្រទះ ឃើញចងកស្លាប់ នៅលើដើមសង្កែក្បែរផ្ទះ ។
ហេតុការណ៍ បុរសគិតខ្លីចងកសម្លាប់ខ្លួន ចោលប្រពន្ធនិងកូន៣នាក់នេះ ត្រូវបានប្រពន្ធ ប្រទះឃើញ នៅវេលាម៉ោង១២និង០០នាទី ថ្ងៃទី២៦ ខែតុលា ឆ្នាំ២០១៤ នៅលើដើមសង្កែ ខាងជើងឈៀង ខាងកើតចម្ងាយ ពីផ្ទះប្រមាណ១០០ម៉ែត្រ ស្ថិតក្នុងភូមិពោធិ៍រៀង ឃុំអូរប្រាសាទ ស្រុកមង្គលបូរី ខេត្តបន្ទាយមានជ័យ ។
លោកយ៉ត សុផល អធិការស្រុកមង្គលបូរី បានប្រាប់ថា ជនរងគ្រោះមានឈ្មោះ សឿម សៀត ភេទប្រុស អាយុ៣៤ឆ្នាំ រស់នៅភូមិពោធិរៀង ឃុំអូរប្រាសាទ ស្រុកមង្គលបូរី បន្ទាយមានជ័យ ។
លោកអធិការបន្តឲ្យដឹងទៀតថា នៅវេលាម៉ោង១៥និង៣០នាទី ថ្ងៃទី២៥ ខែតុលា ២០១៤ ជនរងគ្រោះ បានផឹកស្រាស្រវឹង និងមានទំនាស់ជាមួយប្រពន្ធឈ្មោះ អ៊ិត ខាត់ ណា អាយុ២៧ឆ្នាំ ហើយបានរត់គេច ចេញពីផ្ទះបាត់អស់រយះពេលជាង១ថ្ងៃ ទើបប្រពន្ធប្រទះឃើញចងក និងដើមសង្កែក្បែរ ស្លាប់បាត់ ទៅ ហើយៗ ក៏បានរាយការណ៍ មកកាន់សមត្ថកិច្ចមូលដ្ឋានតែម្តង ។
ក្រោយពីមានសេចក្តី រាយការណ៍នេះ កម្លាំងនគរបាលមូលដ្ឋាន ចុះទៅកាន់កន្លែង កើតហេតុ ដើម្បីធ្វើការ ត្រួតពិនិត្យ និងធ្វើកោសល្យវិច្ច័យលើសាកសព ជនរងគ្រោះដោយការ ត្រួតពិនិត្យមិនឃើញ មានស្លាក ស្នាមអ្វីគួរឲ្យសង្ស័យថា ជាអំពើរឃាតកម្មឡើយហើយសមត្ថកិច្ច បញ្ជាក់ថា ជនរងគ្រោះខាងលើ ពិត ជាបានចងកសម្លាប់ខ្លួនឯង ប្រាកដមែនមូលហេតុតូចចិត្ត និងរឿងវិបត្រគ្រួសារ ទោះជាយ៉ាណា សមត្ថកិច្ច ក៏បានប្រគល់សាកសពជនរងគ្រោះទៅឲ្យ សាច់ញតិធ្វើបណ្យ តាមប្រពៃណីយ៍ផងដែ ៕

__________________
ផ្តល់សិទ្ទិដោយ៖dap-news