អំពើឃាតកម្មដ៏សាហាវ សម្លាប់មនុស្សរុំកន្ទេល យកទៅបោះទម្លាក់ទឹកប្រឡាយ
សៀមរាប:
- See more at: http://www.cen.com.kh/local/%E1%9E%A2%E1%9F%86%E1%9E%96%E1%9E%BE%E2%80%8B%E1%9E%83%E1%9E%B6%E1%9E%8F%E1%9E%80%E1%9E%98%E1%9F%92%E1%9E%98%E2%80%8B%E1%9E%8A%E1%9F%8F%E2%80%8B%E1%9E%9F%E1%9E%B6%E1%9E%A0%E1%9E%B6%E1%9E%9C-%E1%9E%9F%E1%9E%98%E1%9F%92%E1%9E%9B%E1%9E%B6%E1%9E%94%E1%9F%8B%E2%80%8B%E1%9E%98%E1%9E%93%E1%9E%BB%E1%9E%9F%E1%9F%92%E1%9E%9F%E2%80%8B%E1%9E%9A%E1%9E%BB%E1%9F%86%E2%80%8B%E1%9E%80%E1%9E%93%E1%9F%92%E1%9E%91%E1%9F%81%E1%9E%9B-%E1%9E%99%E1%9E%80%E1%9E%91%E1%9F%85%E2%80%8B%E1%9E%94%E1%9F%84%E1%9F%87%E2%80%8B%E1%9E%91%E1%9E%98%E1%9F%92%E1%9E%9B%E1%9E%B6%E1%9E%80%E1%9F%8B%E2%80%8B%E1%9E%91%E1%9E%B9%E1%9E%80%E2%80%8B%E1%9E%94%E1%9F%92%E1%9E%9A%E1%9E%A1%E1%9E%B6%E1%9E%99%E2%80%8B-02266904#sthash.7ftA4xjm.dpuf
អំពើឃាតកម្មដ៏សាហាវមួយ ដែលកម្រជួបប្រទះ គឺយុវជនម្នាក់ត្រូវបានឃាតកសម្លាប់ ហើយរុំកន្ទេលជ័រ និងចងខ្សែយ៉ាងណែន ហើយយកទៅបោះទឹកប្រឡាយយាយម៉ម ក្នុងក្រុមទី១២ ភូមិអារញ្ញ សង្កាត់សៀមរាប ក្រុងសៀមរាប ខេត្តសៀមរាប។ សាកសពត្រូវបានរកឃើញ កាលពីព្រឹកព្រលឹមថ្ងៃទី១៧ ខែតុលា ឆ្នាំ២០១៤។ នេះបើតាមការអះអាងរបស់ សមត្ថកិច្ចមូលដ្ឋាន ក៏ដូចជានគរបាលក្រុងសៀមរាប។
លោកអនុសេនីយ៍ឯក នួន សិក្កចំរើនរិទ្ធ អធិការរងក្រុងសៀមរាប ទទួលបន្ទុកព្រហ្មទណ្ឌ បានឲ្យដឹងថា ជនរងគ្រោះ ដែលគេសម្លាប់ ហើយយកទៅទម្លាក់ទឹកប្រឡាយមានឈ្មោះ វ៉ាន់ វីរៈ ភេទប្រុស មានមុខរបរចងការប្រាក់ឲ្យគេ កើតថ្ងៃទី២ ខែមេសា ឆ្នាំ១៩៩០ និងមានទីលំនៅបច្ចុប្បន្នភូមិទ្រាំង សង្កាត់ស្លក្រាម ក្រុងសៀមរាប ខេត្តសៀមរាប។ សាកសពមានម្តាយបង្កើតឈ្មោះ គុណ សាមឌី អាយុ ៤៣ឆ្នាំ និងមានឪពុកចុងរស់នៅភូមិឃុំជាមួយគ្នា។
លោកអនុសេនីយ៍ឯក នួន សិក្កចំរើនរិទ្ធ បន្តថា សាកសពត្រូវបានប្រទះឃើញតាំងពីព្រឹកព្រលឹមថ្ងៃទី១៧ ខែ តុលា បន្ទាប់ពីសាកសពបានអណ្តែតទឹក ហើយមានក្លិនស្អុយនៅកន្លែងកើតហេតុ។ ក្រោយពីប្រទះឃើញប្រជាពលរដ្ឋ បានរាយការណ៍មកសមត្ថកិច្ចឲ្យចុះទៅពិនិត្យ។
លោកអធិការរងក្រុងសៀមរាប បានបញ្ជាក់ថា ជនរងគ្រោះបានបាត់ខ្លួន តាំងពីម៉ោង១៦ ល្ងាចថ្ងៃទី១៤ ខែតុលា ឆ្នាំ២០១៤ មកម្ល៉េះ ដោយមិនដឹងមូលហេតុ។ ប៉ុន្តែរហូតដល់ថ្ងៃទី១៧ ខែតុលា មានរយៈពេល ៣ថ្ងៃ ទើបប្រទះឃើញសាកសព។
តាមការពិនិត្យនៅកន្លែងកើតហេតុ សមត្ថកិច្ចបានបញ្ជាក់ថា សាកសពត្រូវបានគេសម្លាប់រួចហើយនៅកន្លែងផ្សេង ទើបឧក្រិដ្ឋជនរុំសាកសពនឹងកន្ទេលនីឡុង ចងខ្សែពទ្ធ័ជុំវិញ ហើយក៏មានការយកដែកថ្ពក់ខោអាវពន្លា ហើយយកដុំថ្មចងជាប់នឹងជើងសាកសព ទើបយកទៅទម្លាក់ចោលនៅកន្លែងកើតហេតុ។
តាមការសន្និដ្ឋាន ឃាតកមិនមែនជាមនុស្សម្នាក់ទេ គឺអាចមានពី២នាក់ឡើងទៅ ហើយការយកសាកសពទៅទម្លាក់ចោលនៅនឹងកន្លែងកើតហេតុ ក៏អាចប្រើតាមមធ្យោបាយរថយន្តច្រើនជាងដឹកតាមម៉ូតូ។
សមត្ថកិច្ចពិនិត្យឃើញទៀតថា សាកសពមានបែកក្បាលពីក្រោយ ដែលអាចសន្និដ្ឋានបានថា ជាកន្លែងវាយ ធ្វើបាបជនរងគ្រោះ រហូតដល់ស្លាប់។ ដោយឡែកនៅដើមទ្រូងជនរងគ្រោះ គេសង្ស័យមានប្រហោងគ្រាប់ចំនួន ២ កន្លែង ដែលជនធ្វើឃាត បានបាញ់សម្លាប់ ប៉ុន្តែប្រហោងនោះ មិនបានធ្លុះទៅក្រោយទេ ដែលប្រភពផ្សេងអះអាងថា មិនមែនជាស្នាមគ្រាប់ទេ គឺស្នាមនោះ ជាស្នាមឈើ ដែលប្រជាពលរដ្ឋយកទៅរុកសាកសព ពេលឃើញដំបូង។
ដោយឡែកលោកវរសេនីយ៍ទោ ដួង សុខា ប្រធានការិយាល័យនគរបាលព្រហ្មទណ្ឌកំរិតធ្ងន់ ខេត្តសៀមរាប បានបញ្ជាក់ឲ្យដឹងដែរថា ជនរងគ្រោះពិតជាអំពើឃាតកម្មពិតប្រាកដមែន ហើយរហូតមកដល់ពេលនេះ មិនទាន់បានកំរិតមុខសញ្ញាជនសង្ស័យបាននៅឡើយទេ គឺសមត្ថកិច្ចកំពុងតែស្រាវជ្រាវឲ្យដល់ឬសគល់។
ពត៌មានដែលមិនមែនជាសមត្ថកិច្ច បានសន្និដ្ឋានថា ជនរងគ្រោះមានមុខរបរចងការប្រាក់ ហើយសង្ស័យទៅលើម្ចាស់ការប្រាក់ណាមួយ ដែលជំពាក់ជនរងគ្រោះច្រើន ក៏សម្លាប់បំបិទមុខយ៉ាងដូច្នេះ ជាជាងរឿងគំនុំផ្សេងពីនោះ។ ប៉ុន្តែការសន្និដ្ឋានបែបនេះ គឺជារឿងផ្នែកខាងក្រៅ សមត្ថកិច្ចស្រាវជ្រាវរកភស្តុតាងពិតប្រាកដឃើញ ទើបអាចបញ្ជាក់ថា ជារឿងអ្វីពិតប្រាកដ៕H/N
