ភ្នំពេញ ៖ ទីភ្នាក់ងារសារ ព័ត៌មានកម្ពុជា (AKP) រាយការណ៍ឱ្យដឹងនៅសុក្រទី១៧ ខែតុលា ឆ្នាំ២០១៤ ថា សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ជួបពិភាក្សាការងារ ជាមួយលោក Prayut Chan-o-cha នាយករដ្ឋមន្រ្តីនៃ ព្រះរាជាណាចក្រថៃ នៅទីក្រុងមីឡង់ នាថ្ងៃទី១៦ ខែតុលា ឆ្នាំ២០១៤ ខណៈសម្តេចអញ្ជើញ ទៅចូលរួមកិច្ចប្រជុំកំពូល អាស៊ី-អឺរ៉ុប លើកទី១០ នៅប្រទេសអ៊ីតាលី ។

ទីភ្នាក់ងារដដែលនេះ មិនបានរាយការណ៍លអ្អិត អំពីលទ្ធផល នៃជំនួបទេ្វភាគីរវាងមេដឹកនាំ ទាំងពីរប្រទេសនោះទេ។ យ៉ាងណាក៏ដោយ ជំនួបនេះ ត្រូវបានធ្វើឡើងតាមការគ្រោងទុក ដើម្បីពង្រឹងទំនាក់ទំនងកិច្ចសហប្រតិបត្តិការវាងប្រទេសទាំងពីរ ឱ្យកាន់តែល្អប្រសើរថែមទៀត បន្ទាប់ពីលោកប្រាយុទ្ធឡើងកាន់ តំណែងនាយករដ្ឋមន្រ្តីថៃ។

ទោះជាបែបនេះក្តីលោកឧត្តមសេនីយ៍ ប្រាយុទ្ធ នឹងមកបំពេញទស្សនកិច្ចនៅប្រទេសកម្ពុជា នាចុងខែតុលានេះ ផងដែរ៕

_______________

ផ្តល់សិទ្ទិដោយៈdap-news