អាមេរិកចាប់ផ្ដើមដាក់ពង្រាយប្រព័ន្ធរ៉ាដាការពារកាំជ្រួច នៅតំបន់អាស៊ីប៉ាស៊ីហ្វិចដែលធ្វើឲ្យចិនបង្ហាញកំហឹង
សហរដ្ឋអាមេរិកចាប់ផ្ដើមដាក់ពង្រាយប្រព័ន្ធរ៉ាដាការពារកាំជ្រួច នៅតំបន់អាស៊ីប៉ាស៊ីហ្វិច ជាពិសេសនៅសមុទ្រជប៉ុន ដែលមានជម្លោះជាមួយចិនលើប្រជុំកោះសេនកាគូ ហើយទង្វើនេះ រដ្ឋាភិបាលចិនសម្ដែងកំហឹងប្រឆាំងអាមេរិក។
ទង្វើរបស់អាមេរិក បានធ្វើឡើងជាការឆ្លើយតបជាបន្ទាន់របស់ប្រទេសជប៉ុន ដែលជាសម្ព័ន្ធមិត្តទាមទារឲ្យអាមេរិក ជួយការពារដែនអធិបតេយ្យរបស់ជប៉ុន ប្រឆាំងការឈ្លានពាន ណាមួយពីប្រទេសចិន ករណីជម្លោះប្រជុំកោះសេនការ ជាភាសាជប៉ុន និងចិនហៅថា ដាយយូ នៅសមុទ្រចិនភាគខាងកើត។
ប្រព័ន្ធរ៉ាដាការពារកាំជ្រួច X-Band របស់អាមេរិក ដែលត្រូវបានដាក់ពង្រាយនៅតំបន់អាស៊ីប៉ាស៊ីហ្វិច (រូបថតពី៖ en.wikipedia.org)
ក្រសួងការបទេសចិនបានហៅសកម្មភាពនេះ ថាជាចេតនាមួយរបស់អាមេរិកចង់ពង្រីកឥទ្ធិពលកងទ័ពរបស់ខ្លួន និងជាទង្វើបង្កភាពតានតឹង។
បើទោះជាបែបនេះក្ដីក្រសួងការបរទេសជប៉ុន ប្រកាសថាប្រព័ន្ធរ៉ាដា X-Band ដែលត្រូវដាក់ពង្រាយ គឺនៅមូលដ្ឋានរបស់កងទ័ពអាមេរិក និងផ្នែកខ្លះនៃព្រំដែនភាគខាងលិច ប្រទេស ហើយត្រូវឲ្យចប់នៅចុងឆ្នាំ២០១៤នេះ។
ប៉ុន្តែអ្នកសង្កេតការនិយាយថា ទង្វើនេះគឺជាការឆ្លើយតបសំខាន់ និងជាបន្ទាន់ ករណីមានការវាយប្រហារណាមួយពីប្រទេសជិតខាង ជាពិសេសគឺប្រទេសកូរ៉េខាងជើង ដែលតែតែងបាញ់សាកល្បងកាំជ្រួចបង្ហោះទៅលើសមុទ្រជប៉ុន៕ ប្រភព ៖ VOD
