កម្មកររោងចក្រជូហួយជាច្រើននាក់របួសនិងត្រូវឃាត់ខ្លួនដោយប៉ះទង្គិចជាមួយអាជ្ញាធរ
កម្មកររោងចក្រស្បែកជើងជូហួយ (JUHIU) ជាច្រើននាក់របួស និងមួយចំនួនត្រូវឃាត់ខ្លួន ក្នុងពេលដែលក្រុមកម្មករជាច្រើនរយនាក់ បានប៉ះទង្គិចគ្នាជាមួយកងកម្លាំងអាជ្ញាធរនៅព្រឹកថ្ងៃទី២៥ ខែតុលា។
កម្មករអះអាងថា មូលហេតុដែលនាំឱ្យមានអំពើហិង្សានោះ គឺដោយសារតែសមត្ថកិច្ចបានវាយកម្មករ និងបំផ្លាញសម្ភារៈដែលពួកគាត់បម្រុងដើម្បីតវ៉ាទាមទាររកដំណោះស្រាយបញ្ហារបស់ពួកគាត់ រួមមានមេក្រូ ជាដើម។ លើសពីនេះ ខាងរោងចក្រក៏បានជួលមនុស្សប្លែកមុខឱ្យមកវាយពួកគាត់ទៀត។
ចំណែកសមត្ថកិច្ចវិញបញ្ជាក់ថា ការធ្វើកូដកម្មរបស់កម្មករដែលដល់ការប្រើប្រាស់អំពើហិង្សា និងបំផ្លាញទ្រព្យសម្បត្តិក្នុងរោងចក្រ ជាទង្វើខុសច្បាប់។
សូមរង់ចាំស្ដាប់ព័ត៌មានពិស្ដារក្នុងកម្មវិធីផ្សាយយប់នេះ…
ប្រភពពី វិទ្យុអាស៊ីសេរី
